མཚོ་སྔོན་པོ་བོད་ཡིག་ཟིན་བྲིས། བོད ཟིན མཚོ་སྔོན་པོ ཟིན་རྩོམ། | པར་རིས། | མཁན་པོ། | ཁྱུ་མཆོག | ཟིན་ཚོམས།
ཐོ་འགོད། | ནང་འཇུག ཉར་ཚགས་བྱེད་པ།
分享按钮
ཚེ་རིང་འཚོ།

ཟིན་བདག་བརྡ་ཁྱབ།

ང་རང་བོད་པའི་བུ་མོ་ཞིག་ཡིན་པའི་ངོས་ནས་

ཕ་སྐད་དག་མོ་ཞིག་ཤོད་ཐུབ་པ་བྱ་རྒྱུ་ནི་སྙན་

ངག་འབྲི་བ་ལས་ཀྱང་རྩ་ཆེ་བར་བསྒོམས་ཡོད།

ZZXXCRC@163.COM

ཟིན་ཐོ་གསར་བ།
པར་དེབ།
དཔྱད་བརྗོད་གསར་བ།
ལན་སློག་གསར་བ།
ངའི་གྲོགས་པོ།
ཟིན་བྲིས་ཆ་འཕྲིན།
བརྒྱུད་རིམ་ཞིག་གི་སེམས་འགྱུ།
2013-10-8 7:45:11

བརྒྱུད་རིམ་ཞིག་གི་སེམས་འགྱུ།


སྦྲ་ནག་གྲུ་བཞིའི་ལང་ཚོའི་གཟི་འོད་སྲིད་པའི་སྒང་ན་གཉོམ་དུང་དུང་།།

ཨ་ཡིག་སུམ་ཅུའི་ཚེ་སྲོག་གསོན་པོ་དུས་ཀྱི་ཀློང་ན་འདར་སུག་སུག།

གནས་ལུགས་རྡོག་པོའི་ཁུར་བོ་ལྕི་མོ་སྲིད་ཇུས་འོག་ན་མེ་སྟག་ཙམ།།

བདེན་དོན་བུ་ལོས་མེ་ལོང་ངོགས་སུ་བྲིས་པའི་རི་མོ་འདམ་གྱིས་སྦགས།།


ལུས་ཀྱི་རྣམ་ཤེས་གཞན་དབང་གྱུར་བའི་སྐྱོ་བའི་ཤུགས་གླུ་འདར་ར་ར།།

ལྷུ་ཚུགས་རེ་རེ་ཆུ་ཡིས་བཏུབ་དུས་ན་ཟུག་གཟན་པོས་ཨག་སྐད་འདོན།།

གློ་སྒྱུའི་བར་ནས་དབུགས་ཙམ་འབྱིན་དུས་སེམས་རྩའི་བུ་ག་འགག་ལ་ཉེ།།

དོན་ལྔ་སྣོད་དྲུག་འགལ་ཟླའི་བར་ནས་གདོས་བཅས་ཕུང་བོ་ཅི་ལྟར་གསོ།།


ལོ་རྒྱུས་ཤིག་གི་བརྒྱུད་རིམ་ཁྲོད་ནས་དགའ་སྐྱོའི་ཟིན་ཐོ་རླུང་དང་འགྲོགས།།

རྨས་ཐེངས་མང་པའི་ལུས་སེམས་གཉིས་ཀ་སྨྱུ་གུ་སྐྱེན་མོའི་རྩེ་ལ་འདེགས།།

རླུང་ཁའི་མར་མེ་རླུང་ལ་མི་བསྐུར་སྤར་མོའི་བར་ནས་སྐྱོབ་བཞིན་དུ།།

སྨྲེ་ངག་སྐྱུར་མོའི་རོ་དང་འགྲོགས་ནས་རེ་བའི་རུ་མས་ཞོ་བསྙལ་ན།།


རྩྭ་ཐང་ཡངས་བོའི་གདན་སྟེང་འདི་རུ་མ་ལོའི་སྤྱན་ཟུང་འོད་ལམ་ལམ།།

ཡར་ཀླུང་གཙང་བོའི་བཞུར་རྒྱུན་ཁྲོད་ན་རུས་ཞེན་བརྩེ་བ་དྭངས་གསལ་གསལ།།

ས་ཆེན་ཨ་མའི་བྲང་གཞུང་འདི་ན་བུ་མོའི་དུངས་བ་དམར་ལྷོག་ལྷོག

གངས་འདེབས་སྐྱ་བོའི་སེར་གའི་བར་ན་གཞོན་ནུའི་རེ་སྨོན་འོད་འཁྱུག་འཁྱུག།


རེ་བའི་ཀློང་ན་འོད་དུ་འཚེར་བའི་ཡབ་ཆེན་སྲིད་པའི་སྒང་ལ་ཕྱིན།།

བྱམས་བརྩེ་བར་གྱི་གསུངས་དབྱངས་སྙན་མོ་བརྡ་འཕྲིན་གཞོན་ནུས་གར་ལ་རྩེན།།

རེ་ཞིག་རྒུད་པའི་ལང་ཚོ་ཟད་པོར་གཉོམ་པའི་ཐུ་ཚོད་མ་གཏོང་དང་།།

བརྒྱུད་རིམ་ཞིག་གི་མགོ་རྔ་འདི་ཡང་སུ་དང་གང་ལ་འབྱུང་ལས་ཡིན།།

༢༠༡༣ལོའི་ཟླ་༧་པའི་ཚེས༢༥ཉིན།

yangla | རྩོམ་ཡོངས་ཀློག་པ།(882) | ལན་སློག(3)
RE:བརྒྱུད་རིམ་ཞིག་གི་སེམས་འགྱུ།
2013-10-8 13:06:43
luobian | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:བརྒྱུད་རིམ་ཞིག་གི་སེམས་འགྱུ།
2013-10-8 11:58:33
hi-zongzhi | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:བརྒྱུད་རིམ་ཞིག་གི་སེམས་འགྱུ།
2013-10-8 10:40:00
བདག་ལ་མཚོན་ན་ཁྱེད་ཀྱི་ཟིན་བྲི་འདི་ཧ་ཅང་ཡག་པོར་སྣང་སོང་་་་་བརྗོད་བྱ་རྗོད་བྱེད་་་ཚིག་སྦྱོར་གང་ཡིན་ཡང་ཡག་སོང་།    
rexi | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
粗体 斜体 下划线 插入引用 插入表情
 
Powered by Oblog.