མཚོ་སྔོན་པོ་བོད་ཡིག་ཟིན་བྲིས། བོད ཟིན མཚོ་སྔོན་པོ ཟིན་རྩོམ། | པར་རིས། | མཁན་པོ། | ཁྱུ་མཆོག | ཟིན་ཚོམས།
ཐོ་འགོད། | ནང་འཇུག ཉར་ཚགས་བྱེད་པ།
分享按钮
ཚེ་རིང་འཚོ།

ཟིན་བདག་བརྡ་ཁྱབ།

ང་རང་བོད་པའི་བུ་མོ་ཞིག་ཡིན་པའི་ངོས་ནས་

ཕ་སྐད་དག་མོ་ཞིག་ཤོད་ཐུབ་པ་བྱ་རྒྱུ་ནི་སྙན་

ངག་འབྲི་བ་ལས་ཀྱང་རྩ་ཆེ་བར་བསྒོམས་ཡོད།

ZZXXCRC@163.COM

ཟིན་ཐོ་གསར་བ།
པར་དེབ།
དཔྱད་བརྗོད་གསར་བ།
ལན་སློག་གསར་བ།
ངའི་གྲོགས་པོ།
ཟིན་བྲིས་ཆ་འཕྲིན།
སྤྲིན་གསེབ་ཀྱི་རླངས་བ།
2013-12-9 9:55:23

སྤྲིན་གསེབ་ཀྱི་རླངས་བ།

 

སྤྲིན་པ་ལྷོ་བཞུད་ཞིག་གི་ཤུལ་ལམ་བར་ན།།

སྨུག་རྒྱུའི་རླུང་ཁར་འཐོར་བའི་ཐ་སྙད་གསོན་པོ།།

ཚོར་བའི་རྩེ་ལ་བཏེགས་པའི་སྨྲ་བརྗོད་དྭངས་མ།།

སེམས་ཀྱི་ཨ་ལོང་གཏོར་བའི་རལ་གྲི་ཡིན་འདུག།

 

ནམ་ཟླའི་དྲོད་འཁྱག་བར་གྱི་དགའ་སྐྱོ་འདྲེས་མ།།

དམིགས་དོན་རི་མོ་གྲུབ་པའི་རྐྱེན་དུ་གྱུར་ཀྱང་།།

ཕྱི་ནང་གསལ་ལེར་མངོན་པའི་མེ་ལོང་དྭངས་མ།།

རྟོགས་སད་མེ་རུ་སྤར་བའི་འབོད་བརྡ་ཡིན་འདུག།

 

སྤྲིན་དང་སྨུག་པ་འདྲེས་བའི་བཞི་མདོ་དེ་རུ།།

དྲོད་འཇམ་ཉི་འོད་རེ་ཞིག་ཡིབས་སུ་བཅུག་རུང་།།

མི་རྟག་སྨུག་སྤྲིན་རྒོད་པོའི་རས་ཡུག་ནག་པོ།།

བསིལ་རླུང་འཇམ་པོའི་ཁྲོད་ནས་ངང་གིས་ཞུམ་འགྲོ།།

 

མཚམས་སྤྲིན་དམར་སེར་འོག་གི་སྨུག་རྒྱུ་ལང་ལོང་།། སྟོང་བའི་དབྱིངས་སུ་འཁྱམ་པའི་ངང་ཚུལ་འདི་གོ།

མགོན་མེད་བརྩེ་བ་བོར་བའི་དྭ་ཕྲུག་ཞིག་གི།

རེ་བའི་གསེང་ལ་འཁྱུད་པའི་བར་ཆད་ཡིན་འདྲ།།

 

སྤྲིན་པའི་གསེབ་ནས་བྱུང་བའི་མདོག་མེད་རླངས་གཟུགས།། གཟུགས་འཛིན་དབང་བོས་གསོས་པའི་ཚོར་འདུ་གསོན་པོ།། རེ་ཞིག་ལྷན་དུ་འདྲེས་པའི་དབྱངས་རྟ་འདི་ཉིད།།

ལས་དབང་དམར་པོ་ཞིག་གི་མཚོན་རིས་བྱ་ཆོག།

          ༢༠༡༣ལོའི་ཟླ་༡༢པའི་ཚེས༩ཉིན།

yangla | རྩོམ་ཡོངས་ཀློག་པ།(876) | ལན་སློག(4)
ནང་འཇུག་བྱས་རྗེས་ ཁྱེད་ཉིད་ཀྱི་ཆ་འཕྲིན་འདིར་འཆར་ངེས།
RE:སྤྲིན་གསེབ་ཀྱི་རླངས་བ།
2014-1-6 17:25:00
ཉིད་ཀྱི་བྲིས་རྩོམ་ལེགས་པོ་བྱུང་འདུག་པས་མུ་མཐུད་དུ་བྲི་བར་སྨོན།
anilabai | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སྤྲིན་གསེབ་ཀྱི་རླངས་བ།
2013-12-11 12:57:07
ཡག་བྱུང་།
zangc | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སྤྲིན་གསེབ་ཀྱི་རླངས་བ།
2013-12-9 20:44:38
བུད་མེད་ཀྱི་སེམས་ཁམས་དག་མཚོན་པའི་རྩོམ་ཡིག་འབྲི་ཕྱོགས་ལ་འབད་པར་འཚལ།
hxcrnj345 | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སྤྲིན་གསེབ་ཀྱི་རླངས་བ།
2013-12-9 19:55:11
luozangzhihua | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
粗体 斜体 下划线 插入引用 插入表情
 
Powered by Oblog.