མཚོ་སྔོན་པོ་བོད་ཡིག་ཟིན་བྲིས། བོད ཟིན མཚོ་སྔོན་པོ ཟིན་རྩོམ། | པར་རིས། | མཁན་པོ། | ཁྱུ་མཆོག | ཟིན་ཚོམས།
ཐོ་འགོད། | ནང་འཇུག ཉར་ཚགས་བྱེད་པ།
分享按钮
ཚེ་རིང་འཚོ།

ཟིན་བདག་བརྡ་ཁྱབ།

ང་རང་བོད་པའི་བུ་མོ་ཞིག་ཡིན་པའི་ངོས་ནས་

ཕ་སྐད་དག་མོ་ཞིག་ཤོད་ཐུབ་པ་བྱ་རྒྱུ་ནི་སྙན་

ངག་འབྲི་བ་ལས་ཀྱང་རྩ་ཆེ་བར་བསྒོམས་ཡོད།

ZZXXCRC@163.COM

ཟིན་ཐོ་གསར་བ།
པར་དེབ།
དཔྱད་བརྗོད་གསར་བ།
ལན་སློག་གསར་བ།
ངའི་གྲོགས་པོ།
ཟིན་བྲིས་ཆ་འཕྲིན།
ཀ་ཕྲེང་ཨ་ཙ་མ།
2013-11-12 10:30:40

ཀ་ཕྲེང་ཨ་ཙ་མ།

 

ཀ་ཁའི་དབྱངས་རྟ་ངག་ནས་གྱེར་དུས་བྱིས་པའི་རྩེད་རས་ཡུད་ཙམ་བརླགས།།

ཁ་ཁོག་མེད་པར་སེམས་ཤིག་ཤེས་དུས་རྨང་གཞིའི་རྩ་བ་གཡོ་ཞིང་འགུལ།།

ག་ལེར་རང་སེམས་ནང་ལ་ཁུག་དུས་ན་ཚོད་རྒས་ནས་བློ་རིག་ཉམས།།

ང་དང་ཁྱོད་ཀྱིས་གོ་ས་རྩོད་དུས་དང་མའི་མི་གཞི་བོར་ནས་སོང་།

 

ཅ་ནེ་འཚོལ་བའི་དུས་ལ་རན་སྐབས་དཔང་ཡིག་རྫིག་པོ་ལག་ཏུ་ཐོགས།།

ཆ་ལེ་ཆོ་ལེ་ཡིག་ངོ་ཟིན་དུས་ཕྱུགས་རྫིར་སྡུར་ནས་མཁས་བར་རློམ།།

ཇ་ཤིང་ལོ་མའི་བཟང་ངན་གླེང་བཞིན་སྐབས་ཀྱི་བདེ་བས་ཡིད་སེམས་མགུ།

ཉ་ཉོག་ལས་ཀས་མི་ཚེ་གཏོང་དུས་ཕྱི་འགྱོད་རི་མོས་སྙིང་ཁ་དཀྲོགས།།

 

ཏཱ་རེ་གཟུངས་ཀྱི་ཁ་བཏོན་བསག་པའི་ཨ་མའི་བསམ་བློ་རྙིང་རབ་བཤད།།

ད་ལྟའི་དུས་འདིར་བསམ་བློ་གསར་བའི་མེ་ལྕེ་འཆེད་སྟངས་མཚར་རབ་བཤད།།

ཐ་མར་ཚིག་གི་གཞི་རྐང་མི་ཟིན་གདམ་ཀའི་རི་མོ་འབྲི་དཀའ་བའི།།

ན་ཆུང་བློ་གསལ་གཞོན་ནུ་རེ་འགའི་དྲན་པའི་མེ་ལོང་གསལ་བར་ཤོག།

 

པ་པའི་གདམ་ངག་གསེར་གྱི་མདངས་ལ་དཔྱོད་པའི་རྣམ་རིག་འཛོམ་པ་དང་།།

ཕ་མེས་མཛད་ཆེན་སྲོལ་རྒྱུན་རིག་གནས་མཁོ་མེད་རྒྱང་དུ་འདོར་མི་བྱ།།

བ་གམ་ཅན་གྱི་ཁང་བརྩེགས་བརྗིད་པོས་སྐབས་ཀྱི་བདེ་བ་སྟེར་ནུས་ཀྱང་།།

མ་ལོའི་བྱམས་བརྩེ་འོ་མའི་མདངས་ཀྱི་གཟི་དཔལ་ཉམས་མེད་རྒྱས་བར་མཛོད།།

 

ཙ་གེ་ཙག་གེ་བྱ་བའི་ཁྲོད་ནས་རྒྱང་ལ་བལྟ་བའི་འདུན་པ་གཡུག།།

ཚ་ཚ་འུར་འུར་ནང་དམེ་རྣོན་པོས་ཕུ་ནུའི་བདེ་སྡུག་ཆུ་ལ་བསྐུར།།

ཛ་དྲག་ཆེ་བའི་རང་རློམ་རྒོད་པས་བྱས་ཉེས་ལས་ལ་བསམ་གཞིག་བོར།།

ཝ་མོའི་ཨག་སྐད་རྣ་ལ་གཟན་ཁར་ནང་གི་རྨ་ཁ་སོས་ཐབས་དབེན།།

 

ཞྭ་བཞིན་བཀུར་འོས་དཔོན་ཞིག་དཀོན་པའི་སྙིགས་མའི་དུས་ཀྱི་འདུ་ར་ནས།།

ཟ་ཟའི་ལས་ལ་ཤིན་ཏུ་མཁས་ཤིང་ཕུག་གི་སྒམ་ཆུང་སྟོང་བར་སྣང་།།

འ་འུར་ཁྲོད་ནས་བདེ་བར་རློམ་ནས་ཤོ་རྒྱག་བློ་ཡིས་ཡོད་ཚད་བོར།།

ཡ་རབས་གཤིས་ལུགས་དམན་སར་བཞག་ནས་རང་སྣང་མཐོ་བ་ཨ་ཙ་མ།།

 

ར་མ་ལུག་གི་སྐད་ཆའི་གྲོགས་སུ་ཡ་མ་ཟུང་གི་ཆ་ལུགས་བཀུར།།

ལ་མོར་བརྒལ་བའི་སྙིང་སྟོབས་དབེན་ཞིང་མཁས་བའི་ཐབས་ལ་བློ་མི་གཏོད།།

ཤ་ཚའི་ལས་དོན་སྒྲུབ་པའི་མི་བུར་ཕྲག་དོག་མདའ་མོས་བསྣུན་པར་རྩོམ།།

ས་སྒང་ཨ་མའི་ཕང་བ་འདི་ནས་གོག་མ་ལངས་ཀྱིས་མི་ཚེ་ཕུད།།

 

ཧ་ཅང་སྙན་མོས་གཞན་སེམས་འགུག་རུང་སྙན་མོས་བསླུ་བ་གང་མང་ཡོད།།

ཧ་ཅང་བཙོག་པས་ཁྲོ་བ་བསླང་རུང་བཙོག་པའི་ཁྲོད་ན་བསླབ་བྱ་ཡོད།།

ཨ་ལུང་སྒོར་མོའི་ཚངས་ཐིག་བར་ནས་དྲང་མོའི་གཏམ་ལ་འཁྱུད་པ་འདི།།

ཨ་མའི་ངག་བཞིན་བརྩིས་མཐོང་མེད་རུང་ཐེངས་གཅིག་བཀླགས་པའི་རེ་བ་ཡོད།།

               ༢༠༡༣ལོའི་ཟླ༡༡པའི་ཚེས༧ཉིན།

                     

yangla | རྩོམ་ཡོངས་ཀློག་པ།(1911) | ལན་སློག(18)
འབྲེལ་ཡོད་ནང་དོན་ 19 ཡོད།<<<12>>>
RE:ཀ་ཕྲེང་ཨ་ཙ་མ།
2015-5-14 21:54:21
xbzrslqc135 | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:ཀ་ཕྲེང་ཨ་ཙ་མ།
2014-2-4 14:45:12
དངོས་གནས་ཡག་གི
yesang | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:ཀ་ཕྲེང་ཨ་ཙ་མ།
2013-12-3 0:28:11
ལགས་སོ།།  ངོ་མ་ཡག་ཀི   ནམ་རྒྱུན་ལྟས་ཡོད།
mobo2010 | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:ཀ་ཕྲེང་ཨ་ཙ་མ།
2013-12-2 19:39:10
ཤིན་ཏུ་ཕན་སོང་།ཐུགས་རྗེ་ཆེ།
qhrlb | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:ཀ་ཕྲེང་ཨ་ཙ་མ།
2013-11-28 19:53:07
ཀ་བཤད་དེ་གཉིས་ཡག་ཅིང་དོན་སྙིང་ལྡན།
namu | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:ཀ་ཕྲེང་ཨ་ཙ་མ།
2013-11-21 22:37:01
tseringlhamo | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:ཀ་ཕྲེང་ཨ་ཙ་མ།
2013-11-21 10:21:26
ཐེངས་གཅིག་ཀློག་ཟིན།  ཅོ་མིང་བས།
cuoyuanhaier | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:ཀ་ཕྲེང་ཨ་ཙ་མ།
2013-11-19 11:50:23
བཀླགས་ཡོད།  ངོ་མ་དོན་སྙིང་ཡོད་ཀི
rqdj888 | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:ཀ་ཕྲེང་ཨ་ཙ་མ།
2013-11-14 19:43:32
བཀླགས་ཡོད།
luosangxiazhi | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:ཀ་ཕྲེང་ཨ་ཙ་མ།
2013-11-14 17:35:34
ངར་མ་རེད།   དགའ་བསུ་ཡོད།
detajia138 | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
粗体 斜体 下划线 插入引用 插入表情
 
Powered by Oblog.