མཚོ་སྔོན་པོ་བོད་ཡིག་ཟིན་བྲིས། བོད ཟིན མཚོ་སྔོན་པོ ཟིན་རྩོམ། | པར་རིས། | མཁན་པོ། | ཁྱུ་མཆོག | ཟིན་ཚོམས།
ཐོ་འགོད། | ནང་འཇུག ཉར་ཚགས་བྱེད་པ།

amdotibet

ཟིན་རྩོམ་འོས་སྦྱོར།

tibetmonk  2019-4-19 11:18:26

wKgMEFmtFYWAdiISAAQTevyAp9I912.jpg

རྩོམ་པ་པོ། ནོར་བུ་ཚེ་རིང་།

[ནང་དོན་གནད་བསྡུས།] རྩོམ་ཡིག་འདི་ལས་གཡུང་དྲུང་གི་མཚོན་དོན་དང་བཅས་པའི་གནས་ཚུལ་དང་། ལྷག་པར་དུ་བོད་ཡུལ་དང་སྒོས་སུ་བོན་གྱི་ཡིག་ཆའི་ནང་མཚོན་རྟགས་དེའི་བརྡ་དོན་ཇི་འདྲ་ཡིན་ཚུལ་ངོ་སྤྲོད་དང་སྦྲགས་གཡུང་སུ་གི་རི་མོ་དེ་ནི་ཐོག་མར་མཚོ་བོད་མཐོ་སྒང་དུ་བྱུང་སྟེ་རིམ་བཞིན་ཕྱི་ལ་མཆེད་པའི་སྡོམ་ཚིག་བཀོད་ཡོད།
[བརྡ་ཆད་གཙོ་བོ།] གཡུང་དྲུང། བྲག་རྐོས་རི་མོ། མཚོ་བོད་མཐོ་སྒང་།
[ཀྲུང་གོའི་དཔེ་དེབ་དབྱེ་རྟགས།] G03[ཡིག་ཚང་མཚོན་བྱང་།] A[རྩོམ་གྱི་གོ་རིམ་ཨང་སྒྲིག]1002-946X(2014)01 -046-10 

གཅིག གཡུང་དྲུང་དང་དེའི་མཚོན་དོན་སྤྱིར་བཤད་པ།

          ཚང་མས་མཁྱེན་གསལ་ལྟར་གཡུང་དྲུང་གི་རི་མོ་ནི་རང་རེ་ཁ་བའི་ལྗོངས་ཁོ་ནར་མཐོང་བའི་དཔེ་རིས་ཤིག་མ་ཡིན་པར་གནའ་བོའི་ཤེས་རིག་གི་རྒྱལ་ཁབ་ཆུ་གཉིས་འགྲམ་རྒྱུད་དང་གནའ་བོའི་རྒྱ་གར། གནའ་བོའི་ཀེ་རི་སེ་དང་ཨེ་ཅིབ་སོགས་སུའང་དེ་མཚུངས་ཀྱི་རི་མོ་ཡོད་པར་བཤད་དེ། དཔེར་ན། གླིང་ཆེན་ཡོ་རོབ་དང་ཨེ་ཤ་ཡའི་སྐམ་སར་གནས་པའི་རིག་གནས་མི་འདྲ་བ་སྟེ། རྒྱ་གར་གྱི་ཨརྱ་རིག་གནས་དང་པར་སིག་གི་རིག་གནས། ཧི་ཐེའི་རིག་གནས། སི་ར་ཧྥིའི་རིག་གནས། ཁེར་ཐེའི་རིག་གནས། གེ་རི་སེའི་རིག་གནས། ཀྲུང་གོའི་མཱ་ཅཱ་ཡའོ་རིག་གནས་སོགས་ལས་བྱུང་ཞིང་། གནའ་དཔྱད་རིག་པའི་ཕྱོགས་ནས་བལྟས་ན། ཆེས་སྔ་བའི་གཡུང་དྲུང་གི་རི་མོ་ནི་རྡོ་ཆས་གསར་མའི་དུས་རབས་སུ་བྱུང་བར་མངོན། ཡོངས་གྲགས་སུ་གནའ་དཔྱད་རིག་པ་བྱས་དབྱི་རན་གྱི་ཨ་ཆི་སི་ཐན་ཞིང་ཆེན་ནས་སྔོག་འདོན་བྱས་པའི་རྫ་ཆས་ཆག་དུམ་སྟེང་དུ་གཡུང་དྲུང་གི་རི་མོ་ཡོད་པ་དང་། ཨུ་རུ་སིའི་ཝུའུ་ལར་རི་བོའི་ལྷོ་ཁུལ་གྱི་ཞིན་ཏཱ་ཞོ་ཐ་ནས་རྙེད་པའི་ལི་ཆས་སྤྱོད་པའི་དུས་རབས་ཀྱི་རྫ་ཆས་སྟེང་དུའང་གཡུང་དྲུང་གི་རི་མོ་དེ་འདྲ་བ་བཀོད་ཡོད་པར་བརྗོད་ལ། དེའི་རྗེས་སུ་ཉི་ཧོང་དང་ཧྥུན་ལན། འཇར་མན་སོགས་སུ་བྱུང་བའི་གཡུང་དྲུང་གི་རི་མོ་དག་ནི་ཕྱི་ནས་མཆེད་པའི་རྗེས་བྱུང་གི་རྟགས་སུ་འདོད། སྤྱིར་མི་རིགས་དང་རིག་གནས་མི་འདྲ་བ་ལས་གཡུང་དྲུང་གི་མཚོན་དོན་ཡང་མི་གཅིག་པར་སོ་སོར་བཤད་རྒྱུ་ཡོད་ཀྱང་ས་ཁུལ་མང་ཆེ་ཤོས་ཀྱི་གཡུང་དྲུང་གི་རི་མོ་དེས་ཉི་མ་དང་མེ་མཚོན་པར་བཤད།   
           ལེགས་སྦྱར་སྐད་དུ་“
”ལ་srivatsaཟེར་ཞིང་། བཀྲ་ཤིས་ཀུན་འཇོམས་ཀྱི་དོན་ཡིན་པར་བཤད། ཧིན་རྡུའི་ཆོས་ནང་དུ་ཀུན་བྱེད་ཀྱི་ལྷ་ཚངས་པས་གཡུང་དྲུང་གཡོན་སྐོར་དང་གཡས་སྐོར་( PravrittiདངNivritti)གཉིས་སྤྱད་དེ་གཡོན་སྐོར་གྱིས་འཇིག་རྟེན་འདི་ཕྱི་ལ་འགྱུར་བ་དང་གཡས་སྐོར་གྱིས་ནང་དུ་འགྱུར་བ་མཚོན། གཞན་ཕྱོགས་བཞིར་བདེ་བར་ཐོན་པའམ་ཉི་མ་མཚོན་པར་ཡང་བཤད་དེ། ཧིན་རྡུའི་ཆོས་ནང་དུ་སོ་ལེ་ཡེ་གེ་ཉི་ས་ཞེས་པའི་ཉི་ལྷ་དེ་རྟག་དུ་གཡུང་དྲུང་གི་མེ་ཏོག་སྟེང་དུ་བཞུགས་སུ་གསོལ་ཡོད་པར་གྲགས།
           ལོ་རབས་ཉི་ཤུ་སུམ་ཅུའི་ནང་ཞི་ཐེ་ལིས་དངོས་སུ་གཞི་མདོག་དམར་པོའི་སྟེང་དུ་ཟླུམ་གོར་དཀར་པོ་ཞིག་གི་དཀྱིལ་དུ་ཁ་དོག་ནག་པོ་ཡིན་པའི་གཡུང་དྲུང་གི་རི་མོ་འདི་འདྲ་“
”ཞིག་འཇར་མན་གྱི་ཏང་དར་དུ་ཇུས་འགོད་བྱས་ཤིང། དེ་ལ་ཁོས་བརྩམས་པའི་《ངའི་ཧུར་བརྩོན་》ཞེས་པའི་དཔེ་ཆའི་ནང་དུ་“མདོག་དམར་པོས་ང་ཚོའི་ལས་འགུལ་འདིའི་སྤྱི་ཚོགས་དོན་སྙིང་མཚོན་པ་དང་། ཁ་དོག་དཀར་པོས་མི་རིགས་རིང་ལུགས་ཀྱི་བསམ་བློ་མཚོན་པ་དང་། ‘’གིས་ཨརྱ་པ་(雅利安人)རྣམ་པར་རྒྱལ་བར་བརྩོན་པའི་འཐབ་རྩོད་ཀྱི་འགན་འཁྲི་མཚོན་པ་ཡིན་”ཞེས་འགྲེལ་བཤད་བྱས་ཡོད། ཞི་ཐེ་ལིས་རང་གི་ཏང་དར་དུ་གཡུང་དྲུང་ཞིག་བཀོད་པའི་རྒྱུ་རྐྱེན་ལ་འཛམ་གླིང་ན་བཤད་ཚུལ་མང་དུ་ཡོད་ཅིང་། མི་ཕལ་མོ་ཆེས་ཞི་ཐེ་ལིས་རྒྱ་གར་རིག་གནས་ཁྲོད་ཀྱི་གཡུང་དྲུང་གི་རི་མོ་དེ་བེད་སྤྱད་པར་འདོད་ཀྱང་ཁོ་བོས་བསམས་ན་གོང་དུ་དྲངས་པའི་ཞི་ཐེ་ལི་རང་གི་འགྲེལ་བཤད་དེ་ལས་ཁ་གསལ་བ་ཞིག་མ་མཆིས་པར་སྙམ། འགྲེལ་བཤད་དེའི་དོན་སྙིང་ནི་“”རྟགས་དེས་ཨརྱ་མི་རིགས་མཚོན་པ་དེ་རེད། ཁོས་རི་ཨར་མན་མི་རིགས་དེ་ནི་བླ་ན་མེད་པ་ཞིག་ཏུ་བསམ་ཞིང་དེའི་མཚོན་རྟགས་སུ་“”འདི་སྤྱོད་དགོས་དོན་ཡང་རྟོགས་དཀའ་བ་ཞིག་མ་ཡིན་ཏེ། ང་ཚོས་ཁོའི་བྱ་སྤྱོད་རྣམས་གཞིར་བཟུང་ནས་བལྟས་ན། ཞི་ཐེ་ལིས་ཕྱོགས་གཅིག་ནས་འཇར་མན་ན་ཡོད་པའི་ཡུག་ཐེ་པའི་མི་ས་ཡ་དྲུག་ཡས་མས་ཤིག་དམར་གསོད་བྱས་ཏེ་“ཐ་ཤལ”གྱི་མི་རིགས་འདི་རྩ་མེད་ཏུ་གཏོང་རྩིས་དང་། ཡང་ཕྱོགས་གཅིག་ནས་རི་ཨར་མན་མི་རིགས་ནི་ཨརྱའི་རྒྱུད་པ་ངོ་མ་ཡིན་ཞིང་འཛམ་གླིང་ན་ཆེས་ཕུལ་དུ་བྱུང་བའི་མི་རིགས་ཤིག་ཡིན་པར་བསམས་ཏེ་འདིའི་རྒྱུད་པ་ཁྲག་གཙང་རུས་གཙང་ཞིག་ཡོང་ཐབས་ལ་འབད་ཅིང་ཨརྱའི་མི་རྒྱུད་རྒྱ་ཆེར་སྤེལ་འདོད་པས་ཡིན། འདིའི་སྐོར་ཞིབ་ཏུ་བཤད་ན་མང་འགྲོ་བྱས་མདོར་དྲིལ་ན་ཞི་ཐེ་ལིས་དེ་ལྟར་འདོད་པའི་ཁུངས་ནི་གནའ་རབས་ཀེ་རི་སེའི་མཚན་ཉིད་རིག་པ་བ་པའོ་ལཱ་ཐོས་སྤྱི་ལོའི་སྔོན་གྱི་ལོ་350ལོར་བརྩམས་པའི་《བཀའ་མོལ་ཟིན་བྲིས་》ཞེས་པ་ལས། གནའ་བསྐལ་པར་ཡཱ་ཐེ་ལན་ཏའེ་སི་ཞེས་པའི་སྐམ་ས་ཆེན་པོར་འཚོ་བའི་མི་རྣམས་ཆགས་འཇིག་ཆེན་པོ་ཞིག་བྱུང་བའི་རྗེས་སུ་མཚོ་བོད་མཐོ་སྒང་དུ་བྲོས་བྱོལ་དུ་ཐོན་ཏེ་གཞིས་ཆགས་ཤིང་། དེ་རྣམས་ལྷ་ནས་མཆེད་པའི་མི་རྒྱུད་ཕུལ་དུ་བྱུང་ཞིང་བློ་རིག་ལྡན་པ་ཞིག་ཡིན་པས་དེའི་རྗེས་རབས་པས་གླིང་ཆེན་ཨེ་ཤ་ཡའི་དབུས་དཀྱིལ་དུ་འོད་སྟོང་འཕྲོ་བའི་ཤེས་རིག་བསྐྲུན་མྱོང་བ་དང་། ཨརྱ་མི་རིགས་དང་རྒྱ་གར་བ་ཡང་དེའི་རྒྱུད་པ་ཡིན་པར་བཤད་པ་དེ་ཡིན། དེས་ན་ཞི་ཐེ་ལིས་སྤྱི་ལོ་1938ལོ་དང་1943ལོ་སྟེ་སྔ་གཞུག་ཐེངས་གཉིས་ལ་རང་གི་ལག་རོགས་ཞི་མུ་ལེར་མིའི་རིགས་རིག་པའི་ཆེད་མཁས་པ་སོགས་ཚན་རིག་རྟོག་དཔྱོད་རུ་ཁག་རྒྱ་ཆེན་པོ་ཞིག་རྩ་འཛུགས་བྱེད་དུ་བཅུག་ནས་བོད་ཡུལ་དུ་རི་ཨར་མན་མི་རིགས་ཀྱི་མེས་པོ་འཚོལ་ཞིབ་ཏུ་མངགས་པར་བལྟས་ན། ཞི་ཐེ་ལིས་གཡུང་དྲུང་གི་རྟགས་དེ་རང་གི་མི་རིགས་མཚོན་བྱེད་དུ་བེད་སྤྱད་པ་ཡང་རང་རེ་བོད་ཡུལ་དུ་གནའ་བསྐལ་པ་ནས་དར་ཁྱབ་ཆེ་བའི་གཡུང་དྲུང་གི་རི་མོ་ནི་རྟག་བརྟན་མི་འགྱུར་བ་དང་བཀྲ་ཤིས་པའི་རྟགས་མཚན་དུ་འདོད་པ་དེ་དང་མཐའ་གཅིག་ཏུ་འབྲེལ་བ་མེད་ཅེས་བརྗོད་དཀའ་བ་རེད།
           ཐུབ་བསྟན་ཕུན་ཚོགས་ལགས་ཀྱི་རྩོམ་ཞིག་ཏུ་ཡང་“རྒྱ་གར་གྱི་མི་རིགས་ཐམས་ཅད་ཀྱི་ནང་དུ་མཆོག་ཏུ་བརྩི་བའི་ཨརྱ་(འཕགས་པ་)མི་རིགས་ཟེར་བ་དེ་བྱང་ཕྱོགས་གངས་དཀར་ཏི་སེའི་ཉེ་ཕྱོགས་ཞིག་ནས་ཚུར་མཆེད་དེ་ཁག་གཅིག་རྒྱ་གར་དུ་གནས་བཅའ་བ་ལ་ཨརྱ་མི་རིགས་ཞེས་པ་དེ་ཆགས་པ་དང་། ཁག་གཅིག་ཨོ་རོ་སོགས་བརྒྱུད་ནས་ཡོ་རོབ་ཕྱོགས་སུ་མཆེད་ཡོད་པར་ཁོ་ཚོ་ཐུན་མོང་གི་རྟགས་སུ་གཡུང་དྲུང་བེད་སྤྱོད་བྱེད་སྲོལ་ཡོད་པར་བཤད། རྒྱ་གར་མཁས་པ་ཆེན་པོ་རྣམས་ཀྱིས་དཡཱནནྡས་ཨརྱ་མི་རིགས་ནི་བོད་ནས་བྱུང་ཡོད་འདུག་ཅེས་《བདེན་དོན་གསལ་བ་》ལས་གསུངས་”
ཞེས་བྱུང་བའི་《བདེན་དོན་གསལ་བ་》ཞེས་པའི་དཔེ་ཆ་དེ་བདག་གིས་མ་མཐོང་ཡང་བཤད་རྒྱུན་འདིའི་ཁུངས་ནི་ཕལ་ཆེར་པའོ་ལཱ་ཐོའི་གསུང་དེར་ཐུག་ཡོད་པར་སྙམ།

གཉིས། བྱེ་བྲག་བོད་ཡུལ་གྱི་གཡུང་དྲུང་བཤད་པ།

           གཡུང་དྲུང་གི་རི་མོ་ནི་རང་རེ་བོད་པ་ཞིག་ལ་མཚོན་ན་མི་རྒན་དར་གཞོན་གསུམ་སུ་ལའང་ཆ་རྒྱུས་ཡོད་པ་ཞིག་རེད། དེའི་རྒྱུ་མཚན་ཡང་གཡུང་དྲུང་ནི་རང་རེའི་འཚོ་བ་དང་དམ་དུ་འབྲེལ་ཡོད་པས་རེད། བོད་ཁ་བ་ཅན་གྱི་ཡུལ་གྲུ་མདོ་དབུས་ཁམས་གསུམ་གང་དུའང་གཡུང་དྲུང་གི་དཔེ་རིས་མི་མཐོང་བའི་གནས་ཤིག་མེད་དེ། དཔེར་ན། དམངས་ཀྱི་ཁང་པ་དང་རྩིག་པ། དགོན་པའི་སྐུ་གསུང་ཐུགས་རྟེན་སྟེང་། དེ་བཞིན་འཚོ་བའི་ནང་བུ་དང་བུ་མོའི་གཉེན་སྟོན་དང་བླ་སྤྲུལ་དག་ཁྲི་ལ་ཕེབས་པ་དང་ཕེབས་བསུ་བྱེད་པ་སོགས་གང་གི་སྐབས་སུའང་གཡུང་དྲུང་ནི་བཀྲ་ཤིས་ཀྱི་མཚོན་རྟགས་ཤིག་ཏུ་བརྩིས་ཏེ་བེད་སྤྱོད་བྱས་དང་བྱེད་བཞིན་ཡོད་པ་ཡང་བོད་མིའི་གོམས་སྲོལ་ཞིག་ཏུ་གྱུར་ཡོད་པ་ལྟ་བུ་རེད། འོ་ན་རང་རེ་བོད་ཡུལ་འདིར་གཡུང་དྲུང་གི་རི་མོ་འདི་དུས་ནམ་ཞིག་ནས་དར་བ་ཡིན་ཟེར་ན། ང་ཚོས་གོང་ནས་ཞུས་པ་ལྟར་གཡུང་དྲུང་གི་དཔེ་རིས་ནི་མི་རིགས་གཞན་པར་གཙོ་བོ་གནའ་བོའི་རྫ་ཆས་སྟེང་དུ་བྱུང་ནས་དེའི་ལོ་ཚིགས་ལ་དཔྱད་དཔོག་བྱས་པ་ཞིག་ཡིན་ལ། རང་རེ་བོད་ཁམས་སུ་གཡུང་དྲུང་བཀོད་པའི་གནའ་བོའི་རྫ་ཆས་སོགས་དངོས་རིགས་ཤིག་དེ་སྔ་རྙེད་ཡོད་པ་མ་མཐོང་ནའང་། མཚོ་བོད་མཐོ་སྒང་གི་ས་གནས་སོ་སོ་ན་བྲག་བརྐོས་ཀྱི་གཡུང་དྲུང་འབོར་ཆེན་ཞིག་མཐོང་བ་འདི་ལྟ་བུ་ནི་མི་རིགས་དང་རྒྱལ་ཁབ་གཞན་གང་ནའང་མཐོང་དཀའ་བ་ཞིག་རེད།
           བོད་ཁམས་ཀྱི་གནས་སོ་སོར་ཡོད་པའི་བྲག་བརྐོས་ཀྱི་རི་མོ་གཡུང་དྲུང་གི་རྟགས་འདི་འདྲ་བོད་ནུབ་དང་བོད་བྱང་། བོད་ལྷོ། བོད་ཤར་སོགས་ཀྱི་ས་ཁུལ་དུ་ཁྱབ་འདུག་པ་དང་། བརྟག་དཔྱད་བྱས་པ་ལྟར་ན། མཚོ་སྔོན་ས་ཁུལ་གྱི་བྲག་བརྐོས་རི་མོའི་ཁྲོད་གཡུང་དྲུང་གི་རྟགས་འདི་ལྟོས་བཅས་སུ་ཉུང་བ་དང་། བོད་བྱང་ས་ཁུལ་གྱི་བྲག་བརྐོས་རི་མོའི་ཁྲོད་ལྟོས་བཅས་ཀྱིས་མང་བ། བོད་ནུབ་ས་ཁུལ་གྱི་བྲག་བརྐོས་རི་མོའི་ཁྲོད་དེ་ལས་ཅུང་ཉུང་བ། བོད་ཤར་དང་བོད་ལྷོའི་ས་ཁུལ་དུ་བྲག་བརྐོས་རི་མོའི་གནས་ཉུང་ནའང་གཡུང་དྲུང་གི་རྟགས་ནི་ཡོད་པ་ཡིན། དཔེར་ན། བོད་བྱང་ས་ཁུལ་གྱི་བྲག་ཕུག་ཁྲོད་ནས་མིག་སྔར་བརྐོས་མ་དང་བྲིས་མའི་གནས་མ་མཐར་ཡང་14རྙེད་ཡོད་པ་དེ་དག་ནང་གཡུང་དྲུང་གི་རྟགས་40ལ་ཉེ་བ་ཞིག་ཡོད་པས། མཚོ་བོད་མཐོ་སྒང་གི་ས་ཁུལ་གཞན་དག་ལས་མང་བ་ཡོད་པ་རྟོགས་ཐུབ་པ་ལྟ་བུ་ཡིན།
           བྲག་བརྐོས་གཡུང་དྲུང་དེ་དག་ལ་དེ་སྔ་དཔྱད་པ་བྱས་པ་ལྟར་ན། ཆེས་སྔ་བའི་རིགས་ལ་ལོ་སྟོང་ཕྲག་གསུམ་ཙམ་གྱི་ལོ་རྒྱུས་ལྡན་པར་འདོད་ཀྱང་དེ་ལ་ད་དུང་དོགས་པ་མཆིས་ཏེ། གང་ཡིན་ཟེར་ན། སྤྱིར་རྫ་ཆས་སོགས་གནའ་རྫས་གང་ཞིག་ལ་ཚན་རིག་གིས་བརྟག་དཔྱད་བྱེད་སླ་ཡང་རྡོ་བརྐོས་རི་མོའི་སྐོར་ལ་དཔྱོད་སྐབས་བརྐོ་ཡུལ་རྡོ་དེར་ཚན་རིག་གིས་བརྟགས་ནས་ལོ་ཚིགས་འཇོག་སླ་ཡང་དེའི་བརྐོ་བ་རི་མོར་གཅིག་ནས་ལག་རྩལ་དང་གཉིས་ནས་རྐོ་ཐབས་སོགས་ལ་བརྟེན་ནས་དཔྱད་དགོས་པ་ལས་གཞན་ཐབས་མེད་པས་ན། དེ་ལ་ནོར་འཛོལ་གྱི་ཆ་ལྡན་ངེས་པ་ནི་བཤད་མི་དགོས་པ་རེད། གང་ལྟར་ཡང་དུས་ཚོད་དེའི་སྔ་གཞུག་ནི་ཏག་ཏག་མཚོ་བོད་མཐོ་སྒང་འདིར་བོན་པོའི་ཆོས་ལུགས་དར་ཤུགས་ཆེ་བའི་དུས་སྐབས་ཡིན། འོ་ན་བྲག་ལ་བརྐོས་པའི་གཡུང་དྲུང་གི་རྟགས་ཐམས་ཅད་བོན་དང་མ་འབྲེལ་བ་མེད་ཟེར་ན། དེའང་མ་ཡིན་ཏེ། དུས་ཀྱི་སྟེང་ནས་བལྟས་ན། སྔ་བ་ལོ་སྟོང་ཕྲག་གསུམ་ཡས་མས་དང་འཕྱི་བ་དེང་གི་དུས་སུའང་བྲག་ལ་གཡུང་དྲུང་འདུས་པའི་རི་མོ་དང་ཡིག་འབྲུ་སོགས་སྣ་ཆོགས་རྐོ་བ་མཐོང་ཆོས་སུ་གྱུར་ཡོད་པ་ལྟ་བུ་རེད།   སྤྱིར་ད་ལྟ་མི་ཕལ་མོ་ཆེས་གཡུང་དྲུང་གི་རི་མོ་དེའི་ཁ་གཡས་འཁོར་དང་གཡོན་འཁོར་ཙམ་ལ་བལྟས་ཏེ་བན་བོན་ཆོས་ལུགས་གཉིས་ཀྱི་ཤན་འབྱེད་མོད། “ཡིན་ནའང་བོད་ལྗོངས་བྲག་བརྐོས་རི་མོ་ལ་བལྟས་ན། འདི་ལྟར་ཤན་འབྱེད་པ་ནི་དུས་ཧ་ཅང་འཕྱིས་པའི་དོན་ཞིག་ཡིན་ངེས་ཏེ། ཕལ་ཆེར་སངས་རྒྱས་ཆོས་ལུགས་མཐོ་སྒང་དུ་དར་བ་ནས་བོན་དང་དབྱེ་བ་འབྱེད་ཕྱིར་བྱུང་བ་ཞིག་ཡིན། དོན་དངོས་སུ་མཐོ་སྒང་གི་དུས་སྔ་མོའི་རང་སའི་ཆོས་ལུགས་ནང་དུ་གཡུང་དྲུང་གི་རི་མོ་གཡས་འཁོར་ཅན་ཡོད་ལ། གཡོན་འཁོར་ཅན་ཡང་ཡོད་པ་ཐམས་ཅད་མཐོ་སྒང་གི་བོན་ཆོས་སུ་གཏོགས་”པ་ཡིན།
དཔེར་ན། “མཚོ་སྔོན་གྱི་བྲག་བརྐོས་རི་མོ་ནས་བྱུང་བའི་གཡུང་དྲུང་གི་རྟགས་ཐམས་ཅད་གཡོན་འཁོར་ཏེ་མི་རྣམས་ཀྱིས་རྒྱུན་པར་བན་ཕྱོགས་སུ་ངོས་འཛིན་པའི་རྟགས་‘’འདི་ཡིན་མོད། ཡིན་ནའང་བྲག་བརྐོས་རི་མོ་ཡོད་པའི་གནས་འདིར་བན་ཆོས་རིག་གནས་ཀྱི་ཤུལ་བཞག་མ་རྙེད་སྟབས། གཡུང་དྲུང་གཡོན་འཁོར་གྱི་རྟགས“”འདི་སྐབས་དེར་བན་ཆོས་དང་འབྲེལ་བ་གང་ཡང་མེད་པ་མངོན་གསལ་རེད་”ཅེས་ཞིབ་འཇུག་པ་ཀྲང་ཡཱ་ཧྲ་(张亚莎)ཡིས་བོད་ཁུལ་གྱི་བྲག་བརྐོས་རི་མོ་ལ་བརྟག་དཔྱད་གནང་རྗེས་དེ་ལྟར་གསུངས་ཤིང་། དེ་བཞིན་དུ་རྒྱའི་གནའ་དཔྱད་རིག་པ་སྨྲ་བ་ཀྲང་ཅན་ལིང་(张建林)གིས་ཀྱང་ལོ་རབས་བརྒྱད་ཅུའི་ནང་བོད་ཀྱི་བྲག་བརྐོས་རི་མོ་སྟེ་གཡུང་དྲུང་“”དང་“”ལ་བརྟགས་རྗེས་སུ་གཡུང་དྲུང་གཡས་འཁོར་“” བྱུང་བའི་ལོ་ཚིགས་ནི་གཡོན་འཁོར་“” ལས་སྔ་བར་འདོད།   
           གཡུང་དྲུང་གི་རྟགས་ཀྱི་མཚོན་དོན་ཡང་སྙིང་གང་ཡིན་པའི་ཐད་ལ་ཨ་རིའི་རྩོམ་པ་པོ་O . \/ . ཝེ་ལེས་བརྩམས་པའི་
《ཤེས་རིག་གི་ཕྱོགས་སུ་བསྐྱོད་པ་》ཞེས་པའི་དཔེ་ཚོགས《མཚན་མའི་མཆོད་བཀུར་》ཞེས་པའི་ནང་དུ། བོད་མིས་སྤྱོད་པའི་གཡུང་དྲུང་གི་རི་མོ་དེས་བོད་ཁུལ་དུ་དར་བའི་ཤུག་གཅིག་ཁྱོ་མང་གི་ལམ་ལུགས་དེ་མཚོན་པར་འདོད་དེ། “ནོ་ཐེ་སི་ཆོས་པའི་མཚོན་རྟགས་དང་འདྲ་བར་དེས་ཀྱང་མཚན་མ་ཟུང་འཇུག་གི་ཚབ་མཚོན་ཏེ་ཤུག་གཅིག་ཁྱོ་མང་གི་ལམ་ལུགས་ཀྱི་ཁྱད་ཆོས་མཚོན་པ་རེད། གནའ་བོའི་ཧྥེ་ཉི་ཇི་མི་དང་ཤར་ཕྱོགས་ཀྱི་མི་གཞན་དག་གིས་ཀྱང་དེ་སྤྱོད་བཞིན་ཡོད་ཅིང་། དེའི་མིང་ལ་‘ལྷ་ཆེན་བཞིས་བཏེགས་པའི་རྒྱ་གྲམ་’ཟེར། དེས་ཨེ་ཤེ་ཡའི་དམིགས་བསལ་གྱི་ཁྱད་ཆོས་ཏེ། བོད་ན་དར་ཁྱབ་ཆེ་བའི་......བུད་མེད་གཅིག་ལ་ཁྱོ་ག་མང་བའི་ལུགས་དེ་གཞིར་བཟུང་བ་རེད། དེའི་རི་མོའི་རྣམ་པ་ནི་ཕོ་མཚན་བཞིས་མོ་མཚན་གཅིག་གི་མཐའ་ནས་བསྐོར་བ་ཞིག་རེད་”ཅེས་ཟེར། འོན་ཀྱང་དེ་ལ་གནས་ལུགས་རྒྱུ་མཚན་ཡོད་པ་མ་མཐོང་། བོད་ཀྱི་ས་གནས་གང་མང་ཞིག་ན་ཤུག་གཅིག་ཁྱོ་མང་གི་ལམ་ལུགས་ཡོད་པ་བདེན་ཡང་གཡུང་དྲུང་གི་རྟགས་ཀྱིས་ལམ་ལུགས་འདི་འདྲ་མཚོན་ཚུལ་ཡི་གེ་ན་ཕར་ཞོག་རྣ་བས་ཀྱང་ཐོས་མ་མྱོང་། གཡུང་དྲུང་གི་རྟགས་འདི་བོད་ཙམ་མ་ཟད་རྒྱལ་ཁབ་དང་མི་རིགས་གཞན་པའི་རིག་གནས་ཁྲོད་དུའང་མཐོང་རྒྱུ་ཡོད་ལ། དེ་རེ་རེ་ལའང་རང་རང་གི་འདོད་མོས་ལྟར་མཚོན་དོན་རེ་ཡོད་པས། ཁོང་གིས་དེ་ལྟར་སྨྲ་བ་ནི་རྒྱལ་ཁབ་དང་མི་རིགས་གཞན་པའི་བརྗོད་སྲོལ་དེ་བོད་ལ་བཙན་འགྲིག་བྱས་པའི་གཏམ་དུ་འཁུམས་སོ། གཞན་ཡང་ཚེ་རིང་ཐར་མཆོག་གིས་བོན་གྱི་ཡིག་ཚང་ནང་དུ་འགྲོ་བ་མི་ནི་འོད་གསལ་ལྷ་ལས་མཆེད་པའི་བཤད་ཚུལ་བྱུང་བ་དེ་དང་གཡུང་དྲུང་གཉིས་ནི་“ནུབ་ཕྱོགས་པར་སིག་སོགས་ཀྱི་ཉི་ལྷའི་དད་པ་དེ་བོད་དུ་མཆེད་པ་ཡིན་པར་སྙམ་”ཞེས་གསུངས་ཀྱང་། ཁོ་བོ་ནི་དེ་ལ་མོས་མཐུན་བྱེད་དཀའ་སྟེ། བློ་དམན་ངས་དཔྱད་པ་ལྟར་ན། དེ་ལས་ལྡོག་སྟེ་པར་སིག་ལ་བོན་གྱིས་ཤན་ཐེབས་པའི་དཔང་རྟགས་བཙན་པོ་ཡོད། དེའི་སྐོར་ངས་གཞན་ནས་གླེང་ཡོད།
ཨ་མེ་རི་ཁའི་གནམ་དཔྱད་རིག་པ་སྨྲ་བ་དང་གནམ་གཟུགས་རྫས་འགྱུར་རིག་པ་སྨྲ་བ་ཁར་སཱ་ཀིན་( Carl    Sa-gan.1934-1996)གྱིས་
《དུ་སྐར་》ཞེས་པའི་དཔེ་ཆའི་ནང་དུ་གཡུང་དྲུང་ནི་དུ་སྐར་ལས་དབུགས་གཟུགས་འཕྱུར་ཏེ་རླུང་ཁམས་ཆེན་པོ་འཁོར་བའི་རྣམ་པ་ཞིག་ཡིན་ཟེར། བརྗོད་ཚུལ་དེ་ནི་བོན་གྱི་ཡིག་ཆ་ལས་འཇིག་རྟེན་ཁམས་ཐོག་མར་ཆགས་དུས་འབྱུང་བའི་ནུས་པར་བརྟེན་ནས་རླུང་གི་དཀྱིལ་འཁོར་ཏེ་རྒྱ་གྲམ་ཞིག་གྲུབ་པའི་བཤད་ཚུལ་དང་མཐུན་པར་སྣང་། ཡང་ཤེས་ལྡན་པ་ལ་ལས་འོལ་མོ་ལུང་རིང་གི་རི་གཡུང་དྲུང་དགུ་བརྩེགས་ཀྱི་དབྱིབས་ནི་རི་མོ་“”འདི་འདྲ་ཡིན་པར་བཤད་པའི་བོན་གྱི་བཤད་རྒྱུན་གཞིར་བཟུང་ནས་“”་ནི་དབྱིབས་གཟུགས་དངོས་དཔེ་ཞིག་སྟེ། གནའ་བོའི་བོད་ཀྱི་ཆེས་སྔ་བའི་ས་ཁམས་ཀྱི་མཚོན་རྟགས་ཡི་གེ་ཞིག་ཡིན་པར་འདོད། དེ་ཡང་གདོད་མའི་མི་རྣམས་ཀྱིས་རང་ཉིད་སྡོད་པའི་གནས་དེའི་ས་ཁམས་ཆགས་དབྱིབས་ཐོག་མར་ངོས་འཛིན་སྐབས་དེའི་ཁོ་ར་ཁོར་ཡུག་གི་རི་དང་ཆུ་བོ་སོགས་ཐམས་ཅད་རང་བཞིན་དུ་གྲུབ་པ་ཞིག་མ་ཡིན་པར་དེ་ནི་ངེས་པར་དུ་གསང་བ་ལྐོག་གྱུར་གྱི་སྟོབས་ཤུགས་ཤིག་ལས་གྲུབ་པར་འདོད་དེ། དེ་ཉིད་མི་གཤིས་ཅན་དང་གཟུགས་ཅན་ཞིག་ཏུ་བྱས་པས། དེ་ལས་འཕེལ་ཏེ་མཐར་ཆོས་ཐམས་ཅད་ཐེག་པའི་སྐྱེ་དངོས་ཀྱི་འགུལ་རྣམ་མཚོན་པའི་རྟགས་ཆེན་པོ་“”འདི་འདྲ་བ་ཞིག་ཏུ་བསམས་པ་རེད། དོན་སྙིང་འདིའི་སྟེང་ནས་བཤད་ན་“”ནི་དངོས་པོའི་མཚོན་བྱེད་ཅིག་ཡིན་པ་མ་ཟད། བོན་གྱི་ལྟ་བ་མཛེས་དཔྱོད་ཅན་དུ་གྱུར་པའི་འདུ་ཤེས་ཀྱི་མཚོན་རྟགས་ཤིག་ཀྱང་ཡིན་པར་འདོད།

གསུམ། དཔྱད་སྡོམ།

       གཡུང་དྲུང་གི་རྟགས་འདིའི་བྱུང་རིམ་སྟེང་ནས་བལྟས་ན། དང་ཐོག་བོན་དང་འབྲེལ་བ་ཆེ་སྟབས། ང་ཚོས་དེའི་རིག་གནས་ཁྲོད་དུ་གཡུང་དྲུང་ལ་གོ་བ་ཇི་ལྟར་བླངས་ཡོད་པ་ནས་བཤད་ན། ཚང་མས་མཁྱེན་གསལ་ལྟར་ལོ་ངོ་སྟོང་ཕྲག་གསུམ་ཡར་སྔོན་གྱི་ལོ་རྒྱུས་ཐོག་མཚོ་བོད་མཐོ་སྒང་འདིའི་སའི་དཀྱིལ་འཁོར་ལ་མངའ་དབང་སྒྱུར་མཁན་ནི་ཞང་ཞུང་གི་ཚོ་པ་ཡིན་སྟབས། གཡུང་དྲུང་གི་རྟགས་འདི་ཡང་དེའི་རིགས་གནས་ཀྱི་ཁོངས་སུ་གཏོགས།  ལོ་རྒྱུས་ཡིག་ཚང་དག་ལ་བལྟས་ན། གཡུང་དྲུང་ཞེས་པ་དེ་ལ་ཞང་ཞུང་སྐད་དུ་“དྲུང་མུ་གྱེར”ཞེས་བརྗོད་ཅིང་། 《མདོ་གཟེར་མིག་》ལས། “གཡུང་ཞེས་བྱ་བ་དོན་ལས་མི་ཡེངས་པ། །དྲུང་ཞེས་བྱ་བ་རྟགས་ལས་མི་འགྱུར་བ། །བོན་ཞེས་བྱ་བ་དབྱིངས་ཉིད་བདལ་བའི་ཀློང། །”ཞེས་འབྱུང་ཞིང་། གཞན་བོན་གྱི་དཔེ་ཆ་དག་ལས་ལོངས་སྐུ་གཤེན་ལྷ་འོད་དཀར་གྱི་ཡོན་ཏན་བརྗོད་སྐབས་ངོ་བོའི་མཚན་ཉིད་མི་འགྱུར་བ་གཡུང་དྲུང་གི་བོན་བཅུ་ཡོད་པར་བཤད་དེ། 《གབ་པ་》ལས། “སྣང་སྲིད་མི་འགྱུར་བའི་གཡུང་དྲུང་ཐོབ་པ། བོན་མི་འགྱུར་བའི་གཡུང་དྲུང་ཐོབ་པ། སེམས་མི་འགྱུར་བའི་གཡུང་དྲུང་ཐོབ་པ། ལྷ་མི་འགྱུར་བའི་གཡུང་དྲུང་ཐོབ་པ། གནས་མི་འགྱུར་བའི་གཡུང་དྲུང་ཐོབ་པ། ཁ་དོག་མི་འགྱུར་བའི་གཡུང་དྲུང་ཐོབ་པ། ཡེ་ཤེས་མི་འགྱུར་བའི་གཡུང་དྲུང་ཐོབ་པ།  ཏིང་འཛིན་མི་འགྱུར་བའི་གཡུང་དྲུང་ཐོབ་པ། དགོངས་པ་མི་འགྱུར་བའི་གཡུང་དྲུང་ཐོབ་པ། འབྲས་བུ་མི་འགྱུར་བའི་གཡུང་དྲུང་ཐོབ་པ་”ཞེས་དེ་དག་གི་འགྲེལ་པ་ཟབ་ཅིང་རྒྱས་པ་ཞིག་བརྗོད་ཡོད་ལ། “གཡུང་དྲུང”ཞེས་པའི་ཚིག་འདིས་“མི་འགྱུར་བ་”སྟེ་རྟག་བརྟན་གྱི་དོན་ཁོ་ན་མཚོན་ཚུལ་བསྟན་ཡོད། སྤྱིར་ཞང་ཞུང་སྐད་དུ“དྲུང་མུ་གྱེར་”རམ་བོད་སྐད་དུ“གཡུང་དྲུང་”ཞེས་པའི་ཐ་སྙད་འདི་དང་རི་མོ“”འདི་གཉིས་དུས་ནམ་ཞིག་ནས་གཞི་གཅིག་ཏུ་གྱུར་པ་ལ་དཔྱད་རྒྱུ་ཡོད་པ་ལྟར་སྣང་ཡང་ཞིབ་ཏུ་བརྟགས་ཚེ་རི་མོ་“” འདི་ནམ་ཞིག་གསར་གཏོད་བྱས་པ་ནས་“གཡུང་དྲུང་”ཞེས་པའི་ཐ་སྙད་འདི་ཡང་དུས་དེ་ནས་བྱུང་ཡོད་པ་ནི་དཔེར་ན། གཏུབ་བྱེད་ཀྱི་“སྟ་རེ་” གསར་གཏོད་བྱས་པ་ནས་“སྟ་རེ་”ཞེས་པའི་མིང་བྱུང་བ་ལྟར། དེ་ནི་དངོས་པོ་སྔོན་དང་ཐ་སྙད་རྗེས་ནས་བྱུང་བའི་ཆོས་ཉིད་དང་མཐུན་པ་ཡིན། གང་ལྟར་ཡང་“གཡུང་དྲུང་”བྱུང་བ་ནས་དེ་ལ་རྟག་བརྟན་མི་འགྱུར་བའི་དོན་སྦྱར་བ་དང་ཆབས་ཅིག་དེ་ལ་བཀྲ་ཤིས་པའི་དོན་ཞིག་ཡོད་པར་མངོན་ཏེ། 《མདོ་འདུས་》ལས། “མུ་རྒྱུད་ཆགས་པའི་དང་པོ་ལ། །ཏིང་ནམ་མུར་ཟངས་སྟེང་དུ་ནི། །གསེར་གྱི་པདྨ་འདབ་མ་སྟོང་། །གཡུ་ཡི་གཡུང་དྲུང་བཀྲ་བ་རྡོལ། །དེ་ལ་གནས་གཙང་ལྷ་རྣམས་ཀྱིས། །བསྐལ་བ་འདི་ནི་བཟང་པོའོ། །འགྲོ་བ་འདྲེན་པའི་དོན་གྱི་ཕྱིར། །བདེ་བར་གཤེགས་པ་སྟོང་རྩ་བརྒྱད། །འབྱོན་པའི་སྔ་ལྟས་ཆེན་པོའོ། །དགེའོ་དགེའོ་རབ་ཏུ་དགེ  ། ཨེ་མ་ངོ་མཚར་ཆེ་ཞེས་བརྗོད། །”ཞེས་མེ་ཏོག་པརྨོ་དང་གཡུང་དྲུང་སོགས་ནི་སངས་རྒྱས་འབྱོན་པའི་སྔ་ལྟས་ཀྱི་བཀྲ་ཤིས་རྟགས་མཚན་ཞིག་ཏུ་བཤད་པའི་ཕྱིར།
           རྒྱུ་མཚན་དེ་དག་གིས་བོན་གྱི་གཙོ་ལྷ་འགའ་རེའི་ཕྱག་ཏུའང་གཡུང་དྲུང་ཡོད་པའི་ཕྱག་མཚན་ཅི་རིགས་བསྣམས་ཡོད་པ་མཐོང་ཆོས་སུ་སྣང་ཞིང་། འདིས་ཀྱང་བརྡ་དོན་ཁྱད་པར་བ་མཚོན་པ་ཡིན་ཏེ། དཔེར་ན་བོན་གྱི་ལྷ་རིགས་ཐམས་ཅད་ཀྱི་ཐོག་མ་ལྟ་བུར་བཤད་པའི་སྲིད་པ་སངས་པོ་འབུམ་ཁྲིའི་གཟུགས་བརྙན་གསུང་སྐབས་སུའང། “ཨོྃ་སྟོང་གསུམ་འཇིག་རྟེན་མཐའ་ཡས་ན། །ནམ་མཁའ་ཇི་བཞིན་ཐུགས་རྗེས་ཁྱབ། །སྟོན་པའི་འོད་ཟེར་ཡིག་འབྲུ་གསལ། །མདངས་ལྡན་པད་མ་དམར་པོ་ལ། །ཡིག་འབྲུ་ཧ་ཡི་རང་བཞིན་ལ། །ཐབས་ཀྱི་མཆོག་ལས་བྱུང་བ་ཡི། །སྲིད་པ་སངས་པོ་འབུམ་ཁྲི་ལ། །སྐུ་མདོག་མི་འགྱུར་དངུལ་གྱི་སྙིང་པོ་འདྲ། །དངུལ་ལ་རྔུལ་གྱི་འོད་འབར་རྒྱན་གྱིས་སྤྲས། །འཇའ་ཚོན་སྤེལ་ལེགས་ཇི་བཞིན་དུ། །རྒྱན་དང་ཆ་ལུགས་གཞལ་ཡས་མཛེས། །ཕྱག་མཚན་གཡས་ན་རིན་ཆེན་རྒྱལ་མཚན་འཛིན། །ཐུགས་རྗེ་ནུབ་པ་མེད་པའི་རྟགས། །ཕྱག་གཡོན་གཡུང་དྲུང་འཁོར་ལོ་བསྣམས། །འགྱུར་མེད་འཁོར་ལོ་བསྐོར་བའི་རྟགས། །དབུ་རྒྱན་རྣ་རྒྱན་མགུལ་ཆུ་སེ་མོ་དོ། །ཕྱག་གདུབ་ཞབས་གདུབ་རིན་ཆེན་ཆུན་པོས་སྤྲས། །སྐུ་ལ་མཚན་དང་དཔེ་བྱད་རབ་ཏུ་རྫོགས། །”
ཞེས་དང་། དེ་བཞིན་དུ། “སྟོན་པ་གཤེན་རབ་མི་བོ་ནི། །སྐུ་མདོག་རིན་ཆེན་སྙིང་པོ་འདྲ། །རིན་ཆེན་བེེཌཱུརྱ་འོད་འབར་རྒྱན་གྱིས་སྤྲས། །འཇའ་ཚོན་སྤེལ་ལེགས་ཇི་བཞིན་དུ། །རྒྱན་དང་ཆ་ལུགས་གཞལ་ཡས་ཁང། །ཕྱག་མཚན་གཡས་ན་རིན་ཆེན་ཆག་ཤིང་བསྣམས། །རང་བཞིན་བོན་རྣམས་ནུབ་པ་མེད་པའི་རྟགས། །གཡོན་པ་རིན་ཆེན་ཧོས་རུ་འཛིན། །འགྲོ་བའི་ནད་གསོ་ཅི་སྦྱིན་མཛད། །”ཅེས་བྱུང་བ་ལྟར་ཡིན། འདིར་བཤད་པའི་“རིན་ཆེན་ཆག་ཤིང་”ཞེས་པ་དེའང་གཡུང་དྲུང་གི་དཔེ་རིས་ཡོད་པའི་བོན་གྱི་མཚོན་བྱེད་ཁྱད་པར་བ་ཞིག་ཡིན་ཏེ། 《གཡུང་དྲུང་ལས་དག་》ལས།“ཁྱད་པར་སྲིད་པ་སྐོས་ཀྱི་ཆག་ཤིང་ནི། །སྡེ་སྣོད་བཅོ་བརྒྱད་གསལ་བའི་གཤེན་རབ་ཀྱིས། །གཤེན་རབ་བདག་བཞིན་ཕྱག་ཏུ་བརྟན་བྱས་ཤིང། །བསྟན་པ་ཀུན་གྱི་ཀླད་དུ་འདི་བསྐོར་ན། །གཡུང་དྲུང་བོན་གྱི་རྒྱལ་མཚན་བཙུགས་ནས་ཀྱང། །རྟག་ཆད་ལོག་ལྟ་ཐེ་ཚོམ་ཟིལ་གྱིས་གནོན། །”ཞེས་དང་། སློབ་དཔོན་བསྟན་འཛིན་རྣམ་དག་མཆོག་གིས་དེའི་འགྲེལ་པར།“ཁྱད་པར་དུ་ཆག་ཤིང་འདི་ཡི་ཟུར་གཅིག་གི་གཡུང་དྲུང་གི་ར་བཞི་དབུས་ལྟེ་དང་ལྔ་སྲིད་པ་ཡེ་དབང་རིགས་བཞུགས་པའི་གནས་དང་རྟེན་ཡིན་ཞིང་། ཟུར་གཞན་གྱི་སྣེ་ཡི་གཡུང་དྲུང་གི་ཡན་ལག་བཞི་དང་དབུས་ལྟེ་བཅས་ལྔ་ནི་ཡེ་དབང་རིགས་ལྔའི་བསྟན་པ་རིག་པའི་གནས་ལྔ་ཡི་བརྡ་ཡིན་ཏེ། ཡེ་དབང་རིགས་ལྔ་ནི། སྲིད་པ་སངས་པོ་འབུམ་ཁྲི། ཡེ་མཁྱེན་སྒྲ་བླའི་རྒྱལ་པོ། ཡེ་དབང་མཐུ་སྟོབས་རྒྱལ་པོ། ཡེ་རྗེ་སྨན་ལྷའི་རྒྱལ་པོ། ཡེ་དབང་ས་ཡི་རྒྱལ་པོ། རིག་པའི་གནས་ལྔ་ནི། ཕྱི་རིག་པ། ནང་རིག་པ། བཟོ་རིག་པ། གསོ་བ་རིག་པ། སྒྲ་རིག་པ་བཅས་ལྔ་ཡིན་ཏེ།......” ཞེས་གཡུང་དྲུང་གོང་འོག་གཉིས་བར་གྱི་མཚོན་དོན་ནི་རིག་པའི་གནས་ཆེན་པོ་ལྔ་ཡི་བདག་ཉིད་ཡེ་དབང་རིགས་ལྔའི་གནས་ཡིན་པར་གསུངས་པ་ལྟ་བུའོ། དེས་ན་“གང་ཞིག་སྲིད་པ་ཡེ་དབང་རིགས་ལྔ་ལ་བརྟེན་ཏེ་བསྙེན་བཀུར་མཆོད་བསྟོད་བྱས་ཏེ་བརྩོན་ན་ཤེས་རབ་དང་བློ་གྲོས་ཡོངས་སུ་འཕེལ་བར་འགྱུར་བ་ཡིན་”ཞེས་གཡུང་དྲུང་བོན་པོ་རྣམས་ཀྱིས་དེ་ཉིད་མཚོན་རྟགས་ཁྱད་པར་ཅན་དུ་བརྩི་ཞིང་། ཐ་ན་ཆོས་ལུགས་འདིའི་ཚབ་མཚོན་རི་མོ་ཁོ་ནར་འཇོག་སྲོལ་ཡོད།
           མདོར་ན་གཡུང་དྲུང་གི་རི་མོ་འདི་ཐོག་མར་མཚོ་བོད་མཐོ་སྒང་ནས་བྱུང་བ་ཞིག་ཡིན་ངེས་ཤིང་། དེ་ཡང་མེས་པོ་ཚོས་བསམ་འདུན་དང་དགོས་མཁོ་གང་ཞིག་གི་ཆེད་དུ་གཡུང་དྲུང་གསར་གཏོད་བྱས་པ་ཉིད་ནས་དེ་ལ་རིག་གནས་ཀྱི་མཚོན་དོན་བརྗོད་བྱ་གང་འཚམ་ཞིག་སྦྱར་ནས་དད་མོས་བྱས་པ་དང་། རིམ་བཞིན་ཞང་བོད་ཀྱི་གདོད་མའི་བོན་པོ་དེ་དག་གིས་ཀྱང་རང་རང་གི་དད་མོས་དང་ཆོས་ལུགས་ཆོ་ག་ཅི་རིགས་སུ་བེད་སྤྱོད་བྱས་པས། མཐར་རི་མོ་འདིའི་སྤྱི་ཚོགས་ཀྱི་ཡོངས་ཁྱབ་རང་བཞིན་དང་ཚབ་མཚོན་རང་བཞིན།  བེད་སྤྱོད་རང་བཞིན། མཛེས་དཔྱོད་རང་བཞིན་དང་དམིགས་བསལ་རང་བཞིན་བཅས་ལ་དམིགས་ཏེ་སྟོན་པ་གཤེན་རབ་མི་བོས་དེ་ལ་ནང་དོན་གསར་པ་ཞིག་སྦྱར་ཏེ་མུ་མཐུད་དུ་བེད་སྤྱོད་གནང་བ་ནས་བཟུང་རི་མོ་འདི་ཉིད་བཀྲ་ཤིས་པའི་མཚན་མ་ཞིག་ཏུ་གྱུར་ཏེ་ཁ་བ་རི་པའི་གནས་གང་ས་གང་དུ་བེད་སྤྱོད་དང་བྲག་ངོས་སུའང་མི་འགྱུར་བའི་རྟགས་སུ་བཀོད་ཡོད། ངས་འདི་ལྟར་བཤད་པའི་རྒྱུ་མཚན་ཡང་ད་ལྟ་ཚན་རིག་པ་རྣམས་ཀྱིས་བརྟག་ཅིང་དཔྱད་པའི་འབྲས་བུར་རང་རེ་མཚོ་བོད་མཐོ་སྒང་འདི་ཉིད་མིའི་རིགས་ཀྱི་འབྱུང་ཁུངས་ཡིན་པར་བཞེད་
པ་འདི་ཡིན་པས། གདོད་མའི་མེས་པོ་ཚོས་གནས་འདི་ནས་གཡུང་དྲུང་གི་རི་མོ་ཐོག་མར་གསར་གཏོད་བྱས་པ་ནས་རིམ་བཞིན་མིའི་རིགས་ཕྱོགས་བཞིར་གནས་སྤོ་བྱས་པ་དང་བསྟུན་གངས་ཏི་སེའི་གཡས་གཡོན་མཐའ་སྐོར་གྱི་གནའ་བོའི་རྒྱ་གར་དང་པར་སིག་སོགས་བརྒྱུད་དེ་ཀེ་རི་སེ་དང་ཐེ་ལོ་ཡེ་སོགས་སུ་མཆེད་རྗེས་མི་རིགས་དང་ཆོས་ལུགས་དེ་དག་ནས་རང་ངོས་དང་མཐུན་པའི་ནང་དོན་རེ་སྦྱར་བ་ནི་གོང་གི་པའོ་ལཱ་ཐོའི་གསུང་དེས་ཀྱང་ཟུར་གཞན་ཞིག་ནས་མཚོན་ཐུབ་ལ། པའོ་ལཱ་ཐོའི་《བཀའ་མོལ་ཟིན་བྲིས་》ནང་བྱུང་བའི་བཤད་རྒྱུན་དེ་ནི་དོན་དམ་པར་གདོད་མའི་མིའི་རིགས་ཀྱི་མེས་པོ་དག་གི་སྔར་བྱུང་གི་དྲན་པ་དེ་ཉིད་མི་རབས་ནས་མི་རབས་སུ་རྒྱུན་འཛིན་བྱས་པ་ཞིག་ཡིན་པ་ཡང་གདོན་མི་ཟ་བ་རེད། དེས་ན་གོང་དུ་བཤད་པའི་ཀྲུང་གོའི་མཱ་ཅཱ་ཡའོ་རིག་གནས་ལས་བུད་པའི་གཡུང་དྲུང་དང་དབྱི་རན་གྱི་གནའ་བོའི་རྫ་ཆས་སྟེང་དུ་བྱུང་བའི་གཡུང་དྲུང། ཨུ་རུ་སིའི་ཞིན་ཏཱ་ཞོ་ཐ་ནས་བུད་པའི་རི་མོ་བཅས་དེ་དག་ཐམས་ཅད་ཀྱི་ཁུངས་དེད་ན་མཚོ་བོད་མཐོ་སྒང་འདི་ནས་ཕྱིར་མཆེད་པ་ཡིན་པས་དེ་དག་དབར་ཡན་ལག་དང་ཡན་ལག་ཅན་གྱི་འབྲེལ་བ་ཡོད། བྲག་བརྐོས་རི་མོར་ཞིབ་འཇུག་གནང་མཁན་ཀྲང་ཡཱ་ཧྲ་(张亚莎)ཡིས་ཀྱང་བོད་ཁམས་སུ་ཁྱབ་པའི་གཡུང་དྲུང་གི་རྟགས་དེ་རིགས་ལ་དཔྱད་རྗེས་སུ། “གཡུང་དྲུང་གི་རྟགས་འདི་དུས་སྔ་མོ་ཞིག་ནས་ས་གནས་སོ་སོའི་གནའ་བོའི་ཤེས་རིག་ཏུ་བྱུང་ཡོད་ཀྱང་། (བོད་ལྟར་)དུས་ཡུན་རིང་པོར་འདི་ལྟར་ཚེ་སྲོག་གི་རྒྱུན་བསྐྱངས་ཤིང་། དུས་སྐབས་རིང་པོར་འདི་ལྟར་ཤེས་རིག་གི་སྣང་ཚུལ་ཞིག་ཏུ་མཚོན་པ་ནི་ཤིན་ཏུ་དཀོན་” ཞེས་བཤད། དེས་མ་ཟད་“མིག་སྔར་ང་ཚོས་སྡོམ་རྩིས་དང་དབྱེ་ཞིབ་བྱས་པ་ལྟར་ན། གཡུང་དྲུང་གི་‘’རྟགས་འདི་བོད་ནུབ་དང་བོད་བྱང་གང་ཡིན་རུང་དུས་རྗེས་མའི་བྲག་བརྐོས་རི་མོ་ན་མཐོང་དཀའ་བ་དང་། གཙོ་བོ་སྔ་དུས་དང་བར་དུསཀྱི་བྲག་བརྐོས་རི་མོ་ལས་བྱུང་ཞིང་། དུས་དེ་ནི་མཚོ་བོད་མཐོ་སྒང་དུ་བོན་ཆོས་དར་ཁྱབ་ཆེ་བའི་དུས་སྐབས་ཡིན། འདི་ཐོག་ནས་གཡུང་དྲུང་‘’འདི་ནི་རྗེས་སུ་བན་ཆོས་རིག་གནས་ཀྱི་མཚོན་རྟགས་སུ་གྱུར་ནའང་དུས་སྔ་མོར་རི་མོ་འདི་བོན་གྱི་བརྡ་རྟགས་མ་ལག་ཏུ་གཏོགས་པ་གསལ་བཤད་བྱས་”ཞེས་བཤད།
           འཛམ་གླིང་ན་སྐད་དུ་གྲགས་པའི་སུའེ་ཙེར་གྱི་སེམས་ཁམས་རིག་པ་བ་རོང་ཀི་( CarI  G.  Jung) ཡིས་མིའི་རིགས་ཐུན་མོང་གི་མ་བསམ་པའི་གཞུང་ལུགས་ལ་ཞིབ་འཇུག་བྱེད་སྐབས་གཡུང་དྲུང་གི་རྟགས་འདི་ཡང་ཡ་ཐོག་གི་དུས་སུ་ཐུན་མོང་གི་མ་བསམ་པའི་གདོད་མའི་རིག་གནས་ཀྱི་བརྡ་རྟགས་ཤིག་ཏུ་འདོད་པ་དང་།21དེ་བཞིན་དུ་ཞིབ་འཇུག་པ་འགའ་རེས་ཀྱང་གཡུང་དྲུང་གི་རྟགས་འདི་དང་ཐོག་ཉི་མའི་མཚོན་རྟགས་སུ་འདོད་པ་བཅས། དེ་དག་ལ་ཁོ་བོ་སོམ་ཉི་ཆེ་སྟེ། ང་ཚོས་བྱིས་པ་ཞིག་ལ་ཉི་མ་འབྲིར་བཅུག་ཚེ། བྱིས་པ་དེས་དབྱིབས་ཟླུམ་པོ་ཞིག་ལ་འོད་ཟེར་གྱི་ཚུལ་དུ་དེའི་མཐའ་སྐོར་དུ་ཐིག་གདབ་རྒྱུ་གདོན་མི་ཟ་ལ། དེ་བཞིན་དུ་བྱིས་པ་དེར་ཟླ་བ་ཞིག་འབྲིར་བཅུག་ཚེའང་དབྱིབས་ཟླ་གམ་ཞིག་འབྲི་རྒྱུ་ལས་གཡུང་དྲུང་གི་བཟོ་ལྟ་བྱས་པ་ཞིག་འབྲི་མི་སྲིད་པ་ནི་དོན་དངོས་ཤིག་རེད། དེས་ན་མི་འགའ་རེས་རང་རང་གི་དམིགས་ཡུལ་ཆེད་ཆེས་སླ་བའི་གནས་ལུགས་ཤིག་ཡིན་ནའང་། དེ་ཉིད་གཡས་སྐོར་གཡོན་སྐོར། ལ་སྐྱོག་ཀླུང་སྐྱོག་གང་མང་བྱེད་པ་མ་ཟད། གཏིང་མི་ཟབ་ནའང་ཟབ་ཁུལ་གྱིས་ལྐོག་གྱུར་གསང་རས་གཡོག་ཅི་ཐུབ་བྱས་པ་མ་གཏོགས་གཡུང་དྲུང་གི་རི་མོ་འདི་ཉིད་དང་ཐོག་མཚོ་བོད་མཐོ་སྒང་ནས་བྱུང་ཞིང་རྗེས་སུ་མི་རིགས་གནས་སྤོ་དང་འགྲོགས་ནས་ཕྱི་ལ་མཆེད་པ་ནི་དོན་གྱིས་གྲུབ་ཀྱང་། ད་ལྟ་རྒྱལ་ཁབ་ཕྱི་ནང་གི་མཁས་པ་འགའ་ཞིག་གིས་བོན་གྱི་རིག་གནས་འདུས་པའི་གངས་ལྗོངས་བོད་ཀྱི་གནའ་བོའི་ཤེས་རིག་ལ་དེ་འདྲ་རྒྱུས་མངའ་མེད་པའམ་ཡང་ན་དེ་ཉིད་གཏན་ནས་ཁས་ལེན་དུ་མི་འདོད་པའི་རྒྱུ་རྐྱེན་ལས་འདི་ལྟར་མི་བཤད་པའམ་ཡང་ན་བཤད་མི་འདོད་པ་རེད། །
           མཆན་འགྲེལ་དང་ལུང་འདྲེན་དཔྱད་ཡིག
           
芮传明、佘太山:中西纹饰比较上海古籍出版社1995
           
辞海上海辞书出版社1979 年版
           
ཐུབ་བསྟན་ཕུན་ཚོགས། 《བོན་དང་རྒྱ་གར་རིག་གནས་བར་གྱི་འབྲེལ་བ་གླེང་བ་》 ཀྲུང་དབྱང་མི་རིགས་སློབ་གྲྭ་ཆེན་མོས་གཙོ་བསྒྲིགས་བྱས་པའི་《བོད་ཀྱི་ཤེས་རིག་ཞིབ་འཇུག་》ཅེས་པའི་དཔྱད་རྩོམ་བདམས་བསྒྲིགས་དེབ་དགུ་པ་ལས།
           
④⑤⑥⑩⑩张亚莎:西藏的岩画青海人民出版社,2006
           
张建林:日土岩[画的初步研究》《文物》 1987.2
           
走向文明丛书-性崇拜》OV 魏勤,中国文联出版社1988
           
ཚེ་རིང་ཐར། 《བོན་པོ་ཞིབ་འཇུག་སྐོར་གྱི་གནད་དོན་འགར་རགས་ཙམ་དཔྱད་པ་》《ཀྲུང་གོའི་བོད་ཀྱི་ཤེས་རིག་》1988.3
           
འདིར་མཁར་རྨེའུ་བསམ་གཏན་གྱིས་བཞེད་པའི་འོལ་མོ་ལུང་རིང་གི་རི་གཡུང་དྲུང་དགུ་བརྩེགས་ཀྱི་འདབས་ན་ཆུ་བོ་བཞི་ཕྱོགས་བཞིར་འབབ་པ་མ་ཟད་ཚད་ལྡན་གྱི་ཕྱོགས་བཞི་ན་ཕོ་བྲང་བཞི་ཡོད་པ་དེས་གནའ་མི་བོད་ཀྱི་“ཕྱོགས་གནས་ཀྱི་ལྟ་ཚུལ་”ཞིག་མཚོན་པར་གསུངས་པ་དེ་གཞིར་བཟུང་བ་ཡིན།
           
⑾靳玉兰:浅谈卐的渊源及其审美特征》《青海民族学院学报》 l997(3)
           
⑿⒀《མདོ་འདུས་པ་རིན་པོ་ཆེའི་རྒྱུད་ཐམས་ཅད་མཁྱེན་པའི་བཀའ་ཚད་མ་བཞུགས་སོ་》གངས་ཏི་སེ་བོན་གཞུང་རིག་མཛོད་དཔེ་ཚོགས་དེབ་དང་པོ། མི་རིགས་དཔེ་སྐྲུན་ཁང་། 2010.9
           
⒁⒂སློབ་དཔོན་བསྟན་འཛིན་རྣམ་དག 《སྲིད་པའི་བརྡ་དར་ཆེན་མོའི་ཁུངས་བཤད་》《སྨན་རིའི་ཡོངས་འཛིན་སློབ་དཔོན་བསྟན་འཛིན་རྣམ་དག་རིན་པོ་ཆེའི་གསུང་འབུམ་》པོད་བཞི་པ་ལས། ཁྲི་བརྟན་ནོར་བུ་རྩེའི་དཔེ་མཛོད་ཁང་གིས་དཔེ་སྐྲུན་བྱས།
           
ནོར་བུ་ཚེ་རིང་།《མཚོ་བོད་མཐོ་སྒང་ནི་མིའི་རིགས་ཀྱི་འབྱུང་ཁུངས་ཡིན་》《ཀྲུང་གོའི་བོད་རིག་པ་》2013ལོའི་དུས་དེབ་གསུམ་པ།
           
ད་ཕན་ལོ་སྟོང་ཕྲག་གསུམ།
           
ད་ཕན་ལོ་སྟོང་ཕྲག་གཉིས།
           21
莫阿卡宁著,荣格心理学与西藏佛教精神的对话北京商务印书馆,1994

tibetmonk  2019-4-17 21:39:48

1555214887629382.png1555214886993603.jpg1555214886478900.jpg1555214886100294.jpg

   ཞང་ཞུང་སྲིད་པའི་རྒྱལ་པོའི་ཆབ་འོག་ཏུ་སྔོན་ཆད་ནས་ཤེས་རིག་གི་མ་ལག་འཐུས་ཚང་བ་ཞིག་བསྐྲུན་མྱོང་བའི་ཡུལ་གྲུ་སྟེ། ཁྱུང་པོ་ཡུལ་གྱི་སྟོད། སྤུ་རྒྱལ་གངས་ཀྱི་ས། དེ་དང་ད་ེཡི་ཉེ་འཁོར་གྱི་ཤེས་ཡོན་འཛོམས་པ་དང་། རིག་གནས་ལ་དགའ་བ། སྤྱི་ལ་སེམས་པ་དག་གི  ཐུགས་ཀྱི་འདུན་མ་ཞིག་ནི། སྐྱ་སེར་ཀུན་དང་། ཕོ་མོ་ཁྱད་མེད་ལ་ཤེས་ཡོན་གངས་འཚམས་རྒྱུས་མངའ་འབྱུང་ཞིང་། བློ་བསྐྱེད་ཕན་ཚུན་སྟེར་རེས་བྱུང་ན་བསམ་པའི་སྟེགས་བུ་ཞིག ཕྱི་ལོ་༢༠༡༥ལོར་གྲོས་འགོ་བཙུགས་ཤིང་། ༢༠༡༦ གྲོས་ཚོགས་བསྐོངས། ༢༠༡༧ལོར་དངོས་སུ་བགྲོ་གླེང་སྐབས་དང་པོ་འཚོགས་པ་རེད། ༢༠༡༨ལོར་བགྲོ་གླེང་སྐབས་གཉིས་པ་འཚོགས་ཟིན།

1555214887546933.png1555214887133777.png1555214887592676.png

   བགྲོ་གླེང་དེ་ཡང་གང་བྱུང་མང་བྱུང་གི་འཕྲོས་མོལ་མ་ཡིན་ལ། ཅི་དྲན་གང་དྲན་གྱི་གཏམ་འཆལ་ག་ལ་སྟེ། ལྷག་བསམ་དང་ཡར་སྐུལ་གྱིས་ཀུན་ནས་བསླངས་ཤིང་། དཔེ་དཔྱད་དང་ཞིབ་འཇུག་གི་ངོ་བོར་གྲུབ་པའི་རིག་གནས་ཀྱི་ལས་ཀ་ཤིག་སྟེ། དཔྱད་རྩོམ་གྱི་ཡི་གེ་བརྙན་ཡོལ་ལས་འཆར་ཞིང་། རྩོམ་པ་པོ་གར་གྱི་སྟེགས་བུར་བཞེངས་ནས། ངག་གིས་བགྲོ་ཞིང་ལག་གིས་བརྡས་མཚོན་ལྟད་མོ་བ་དང་འཚོག་མི་ཀུན་ལ་བློ་བསྐྱེད་ཀྱི་ལམ་ཁ་སྟོན་པ་ཞིག་རེད།

  1555214887832191.jpg1555214887683775.jpg1555214886585189.jpg

   དེ་ཡང་ད་ལན་འདིར། ས་ཕག་ལོའི་དགུན་གྱི་རྒྱལ་མོས་མཐོ་སྒང་གི་རི་ཀླུང་རྣམས་དབང་དུ་བཏབ། ཁ་བའི་འདབ་མ་དག་ཉིན་ནས་ཉིན་བསྟུད་མར་བབ་ཏེ། ཁྱུང་པོའི་བྱང་རྒྱུད་ཀྱི་འབྲོག་ཡུལ་ཁག་ནི་རྒན་རབས་དཔའ་བོའི་རང་བསྲན་གྱིས་འཚོ་བ་ལས། དུས་རབས་གསར་པའི་ན་གཞོན་ཚོ་བརྡར་སྐད་འཆོར་ལ་ཉེ་བའི་སྐབས་སུ། ང་དང་གྲོགས་ཀྱིས་འབད་བརྩོན་བརྒྱུད་ཕྱི་ལོ༢༠༡༨ལོའི་བགྲོ་གླེང་ཐོག་གི་ཆེད་རྩོམ་རྣམས་ཕྱོགས་བསྡུས་ཞུ་དག་ཅི་ཐོན་བགྱིས་ཏེ། སྤོས་ངད་ལྡན་པའི་གྲོང་ཁྱེར་ནས་པར་དུ་བསྐྲུན་ཏེ། རྒྱ་ཆེའི་གཟིགས་མོ་བ་ཡོངས་ཀྱི་མདུན་སར་འགྲེམ་སྤེལ་བྱེད་བཞིན་ཡིན། དེང་གི་ཆར་བརྡ་འཕྲིན་གྱི་དུས་རབས་ཟེར་བ་འུ་ཚོའི་གོ་ལམ་དུ་གྲགས་ཤིང་གྲུབ་པ་ལྟར། འདིར་ཧི་བོན་དྲྭ་བ་ནས་འགྲེམ་བརྡ་ཞུས་པ་ཡིན།
tibetmonk  2019-4-17 21:39:09

1554437222489787.jpg

རྣམ་དཔྱོད་ཤེས་རབ་ཀྱི་གོ་རྟོགས་མཐོ་ཞིང་ཤེས་ཡོན་དཔལ་གྱིས་ཐུགས་རྒྱུད་ཕྱུག་པའི་མཁྱེན་ལྡན་རྣམས་ཀྱི་སྙན་སྒྲོན་དུ་ཞུ་རྒྱུ།

འོ་སྐོལ་གངས་ཅན་ཁ་བའི་ལྗོངས་དང་རང་རེའི་མེས་པོ་ཞང་ཞུང་གི་ཐུན་མོང་མ་ཡིན་ཞིང་ཆེས་བླ་ལྷག་ཏུ་གྱུར་བ་ནི། འཛམ་གླིང་གོ་ལའི་སྟེང་གི་སྤྱི་ཕུད་ཆེན་པོ་སངས་རྒྱས་བསྟན་པའི་ཡང་སྙིང་སྔགས་རྫོགས་གདམས་པ་ཟབ་མོའི་བོན་ཡིན་ལ། དེས་ན་སྔགས་རྫོགས་གཞུང་ལུགས་ཀྱི་དགོངས་དོན་དཀའ་གནད་ཐད་ལ་ཆེས་གསལ་ཁ་འདོན་པའི་ཆུ་ཚད་མཐོར་འདེགས་གཏོང་བ་དང་། སྔགས་རྫོགས་འབྲེལ་ཡོད་ལོ་རྒྱུས་ཁག་ལའང་ཞིབ་འཇུག་གཟིངས་སུ་ཐོན་པའི་གྲུབ་འབྲས་ཐོབ་ཆེད། སྤྱི་ལོ ༢༠༢༠ ལོའི་སྤྱི་ཟླ ༢ ཚེས ༡༠ དང་བོད་ཟླ ༡༢ པའི་ཚེས ༡༦ ནས་ཉིན་གསུམ་གྱི་ཡུན་ལ་ཞང་བོད་སྔགས་རྫོགས་བགྲོ་གླེང་ཆེན་མོ་ཞེས་པ་འདི་ཉིད་ད་ལོ་སི་ཁྲོན་ཁྲིན་ཏུའུ་རུ་སྐོང་འཚོགས་བྱེད་རྒྱུ་ཡིན་པས། བླ་མ་དང་དགེ་བའི་བཤེས་གཉེན། ལོ་རྒྱུས་པ་དང་རྩོམ་པ་པོ། བསམ་བློ་པ་དང་ཤེས་ཡོན་པ་ལ་སོགས་སྐྱ་སེར་གང་གིས་དབྱེ་བ་མེད་པ་ཕེབས་པར་དགའ་བསུ་ཞུ་རྒྱུ་ཡིན། འོན་ཀྱང་བགྲོ་གླེང་འདིར་དངོས་ཞུགས་ཕེབས་པགདན་ཞུས་ཆེད་མཁས་པགཙོ་བོ་རྣམས་ཀྱིས་སྔགས་རྫོགས་དང་དེ་འབྲེལ་ལོ་རྒྱུས་སྐོར་ནས་རྒྱལ་སྤྱིའི་རང་བཞིན་ལྡན་པའི་དཔྱད་རྩོམ་རེ་དགོས་ཤིང་། རྩོམ་ཡིག་དེའི་དབུ་ལ་རྩོམ་གཞུང་གི་ནང་དོན་གནད་བསྡུས་དང་བརྡ་ཆད་གཙོ་བོ་བཀོད་དེ། བར་མཇུག་ཏུ་ཁུངས་བཅོལ་དཔྱད་མཆན་བཅས་དགོས་པ་མ་ཟད། ཡིག་འབྲུ་ཡང་ཆེས་ཉུང་མཐར་ཉིས་སྟོང་ནས་མང་མཐར་གཅིག་ཁྲི་བར་གྱི་དཔྱད་རྩོམ་གྱ་ནོམ་པ་ཞིག་བྲིས་ཏེ།ཞང་བོད་སྔགས་རྫོགས་བགྲོ་གླེང་ཆེན་མོའིཚོགས་ཐོག་ཏུ་རང་གི་རྩོམ་ཡིག་ཐད་ནས་བགྲོ་གླེང་ཕུན་སུམ་ཚོགས་པར་བྱེད་པའི་གླེང་སྟེགས་དང་གོ་སྐབས་བསྐྲུན་ཡོད་ལ། དེ་མིན་འུ་ཅག་ཐུན་མོང་གིས་བགྲོ་གླེང་དེ་དག་དང་འབྲེལ་ཏེ་དྲི་བ་དྲིས་ལན་གྱི་སྒོ་ནས་དོགས་སློང་དང་དོགས་སེལ་བྱེད་རྒྱུ་བཅས་སོ།།

གསལ་བཤད། ཞང་བོད་སྔགས་རྫོགས་བགྲོ་གླེང་ཆེན་མོ་འདི་ནི་སི་ཁྲོན་མངའ་ཁོངས་སུ་བཞུགས་པའི་དཔལ་ལྡན་ཁྲི་བརྟན་ནོར་བུ་རྩེའི་བླ་མ་དང་དགེ་བཤེས་སྒྲུབ་ཐོན་པ་དང་གྲྭ་བཙུན་དག་གིས་ཐུན་མོང་མཉམ་འབྲེལ་གྱིས་དབུ་འཛུགས་གནང་བ་ཞིག་ཏུའོ།།

འབྲེལ་གཏུག་བྱེད་ཡུལ།

ཚོགས་གཙོ། རྒྱ་ཤོད་དགེ་བཤེས་ཤེས་རབ་རྒྱ་མཚོ། 13547737760

ཚོགས་གཞོན། དགེ་བཤེས་ཤེས་རབ་སྦྱིན་པ། 18382167888

དྲུང་ཡིག་པ། དགེ་བཤེས་གཡུང་དྲུང་ཉི་མ། 17358681444

དྲུང་ཡིག་གཞོན་པ། བླ་མ་ཤེས་རབ་ལེགས་ལྡན། 18096399888

སྤྱི་ལོ༢༠༡༩ལོའི་བོད་ཟླ༤ཚེས༥ཉིན་ཞང་བོད་སྔགས་རྫོགས་བགྲོ་གླེང་ཆེན་མོའི་བཀོད་སྒྲིག་ཚན་ཆུང་ནས།

tibetmonk  2019-3-15 11:28:34

2010070522213635.jpg

ཞང་ཞུང་ཤེས་རིག་སྐོར་གྱི་དཔྱད་བརྗོད་བྱ་རུའི་གཟི་བྱིནདངབོན་བསྟན་རིག་གནས་སྐོར་གྱི་དཔྱད་བརྗོད་ཁྱུང་རུའི་འོད་སྣང ཞེས་པ་གཉིས་པར་སྐྲུན་འགྲེམས་སྤེལ་བྱས།

 微信图片_20190311202218.jpg

ཉེ་ལམ་ཀྲུང་དབྱང་མི་རིགས་སློབ་གྲྭ་ཆེན་མོའི་སློབ་དཔོན་ཆེན་མོ་སྟོང་སྐོར་ཚེ་རིང་ཐར་ལགས་ཀྱིས་བརྩམས་ཤིང་བླ་མ་བཀྲ་ཤིས་ཀྱིས་བསྒྱུར་བའི་རིག་གཞུང་ཆེད་དེབཞང་ཞུང་ཤེས་རིག་སྐོར་གྱི་དཔྱད་བརྗོད་བྱ་རུའི་གཟི་བྱིནདངབོན་བསྟན་རིག་གནས་སྐོར་གྱི་དཔྱད་བརྗོད་ཁྱུང་རུའི་འོད་སྣངཞེས་པ་གཉིས་མཚོ་སྔོན་མི་རིགས་དཔེ་སྐྲུན་ཁང་ནས་པར་སྐྲུན་འགྲེམས་སྤེལ་བྱས།

རིག་གཞུང་ཆེད་དེབ་འདི་གཉིས་ནི་རྩོམ་པ་པོས་ལོ་མང་པོའི་རིང་ལ་བོད་རིག་པའི་ཞིབ་འཇུག་གི་ལས་རིམ་ཁྲོད་དུ།  བོན་དང་འབྲེལ་ཡོད་རིག་གནས་སྐོར་ལ་ཉམས་ཞིབ་བྱས་པའི་གཡུར་ཟའི་གྲུབ་འབྲས་དག་ཕྱོགས་གཅིག་ཏུ་བསྡོམས་པ་ཞིག་ཡིན།  དེ་ཡང་དཔྱད་འབྲས་དག་དུས་ཀྱི་སྔ་ཕྱི་མི་འདྲ་བར་བོད་ཡིག་དང་།  རྒྱ་ཡིག  དབྱིན་ཡིག  དབྱི་ཏ་ལིའི་ཡི་གེ་བཅས་ཡིག་རིགས་བཞིའི་ལམ་ནས་རྒྱལ་ཁབ་ཕྱི་ནང་གི་རིག་གཞུང་དུས་དེབ་ཁག་ཏུ་སྤེལ་བ་ཡིན་ལ།    ད་ཐེངས་བོད་ཡིག་ཏུ་བྲིས་པ་ཕུད་གཞན་རྣམས་རྒྱ་ཡིག་ནས་བོད་ཡིག་ཏུ་བསྒྱུར་ནས་དཀྱུས་གཅིག་ཏུ་བསྒྲིགས་པ་ཡིན།

ཞང་ཞུང་ཤེས་རིག་སྐོར་གྱི་དཔྱད་བརྗོད་བྱ་རུའི་གཟི་བྱིནཞེས་པར་གནའ་རབས་ཞང་ཞུང་གི་ཤེས་རིག་དང་ས་ཁོངས།  གངས་ཏི་སེ་བླ་རིའི་དད་མོས་དང་དེའི་མཐའ་འཁོར་གྱི་གནའ་བོའི་ཤེས་རིག་སོགས་ཀྱིས་མཚོན་པའི་ཞང་ཞུང་ཤེས་རིག་སྐོར་ལ་དཔྱད་ཞིབ་བྱས་པའི་དཔྱད་རྩོམ་བཅུ་གཅིག་བཀོད་ཡོད་པ་དང་།  བོན་བསྟན་རིག་གནས་སྐོར་གྱི་དཔྱད་བརྗོད་ཁྱུང་རུའི་འོད་སྣངཞེས་པར། བོད་ཡིག་གི་འབྱུང་གཞིར་གསར་དུ་དཔྱད་པ་དང་།  དུས་རབས་བརྒྱད་པའི་བོན་ཆོས་ཀྱི་འབྲེལ་བ་དང་བོན་གསར་མ་བྱུང་ཚུལ།  གཡུང་དྲུང་བོན་གྱི་བཀའ་དང་བཀའ་བརྟེན་གྱི་བྱུང་འཕེལ་སོགས་ཀྱིས་མཚོན་པའི་བོན་དང་བོན་གྱི་རིག་གནས་སྐོར་ལ་དཔྱད་ཞིབ་བྱས་པའི་དཔྱད་རྩོམ་བཅུ་གཅིག་བཀོད་ཡོད   རྩོམ་པ་པོས་ལོ་ངོ་མང་པོའི་དཀའ་སྤྱད་འབད་བརྩོན་བརྒྱུད་དེ།  བོན་གྱི་ཡིག་ཚང་ཁག་ལ་དཔྱད་ཞིབ་དང་ཡུལ་དངོས་རྟོག་ཞིབ་ཀྱི་བྱེད་ཐབས་བེད་སྤྱད་ཅིང་།  རྒྱལ་ཁབ་ཕྱི་ནང་གི་བོན་བསྟན་ཞིབ་འཇུག་གི་གྲུབ་འབྲས་གསར་བ་དག་མིག་ལྟོས་སུ་བཟུང་ནས།   དཔྱད་བྱ་གང་ཉིད་ལ་དཔྱད་པ་གནད་དུ་ཐིངས་པ་བཏང་སྟེ་རང་ཉིད་ཀྱི་ཁེར་ཚུགས་ཀྱི་ལྟ་བ་རེ་རེ་བཏོན་ཡོད་པས།  མིག་སྔའི་བོན་གྱི་ཞིབ་འཇུག་གི་གྲུབ་འབྲས་དག་ལས་མདུན་གྲས་སུ་སླེབས་ཡོད་དོ།།

དཔེ་དེབ་འདི་གཉིས་མཚོ་སྔོན་མི་རིགས་དཔེ་སྐྲུན་ཁང་གིས་ཇུས་འགོད་བྱས་པའིབོན་དང་ཞང་ཞུང་ཞིབ་འཇུག་དཔེ་ཚོགསཞེས་པའི་ནང་བདམས་ནས་པར་སྐྲུན་བྱས་པ་ཡིན་ནོ།།

tibetmonk  2019-3-7 9:48:18
ཟིན་ཐོ་འདི་དོ་དམ་པས་ཞིབ་བཤེར་བྱས་རྗེས་ད་གཟོད་ལྟ་ཀློག་བྱེད་ཐུབ།
tibetmonk  2019-3-6 9:25:20

༄༅།། རྒྱལ་མོ་ཚ་བ་རོང་གི་ཡུལ་སྐད་ཀྱི་ཁྱད་ཆོས་ལ་རགས་ཙམ་དཔྱད་པ།

ཚེ་རིང་སྐྱིད།
ནང་དོན་གནད་བསྡུས། དཔྱད་རྩོམ་ཐུང་ངུ་འདིར་གཙོ་བོ་ཕྱོགས་གསུམ་ནས་བརྗོད་ཡོད་དེ། ཐོག་མར་རྒྱལ་མོ་ཚ་བ་རོང་གི་ས་གནས་ཀྱི་ལོ་རྒྱུས་རགས་རིམ་དང་། དེ་ནས་རྒྱལ་མོ་ཚ་བ་རོང་གི་ཡུལ་སྐད་ཀྱི་དབྱངས་གསལ་སྒྲ་ཚན། སྔོན་རྗེས་འཇུག་དང་མགོ་འདོགས་ཅན་སོགས་ཀྱི་སྒྲའི་འབྱིན་ཚུལ་གྱི་ཁྱད་ཆོས་ཏེ་སྐད་གདངས་ཀྱི་ཁྱད་ཆོས་བརྗོད་ཡོད། མཇུག་མཐར་རྒྱལ་མོ་ཚ་བ་རོང་གིས་ད་ལྟའང་བཀོལ་བཞིན་པའི་ཐ་སྙད་འགའ་འཚོལ་བསྡུ་བྱས་ནས་དེ་དག་ལ་བརྡ་རྙིང་གི་ཁྱད་ཆོས་ལྡན་ཚུལ་རགས་ཙམ་བརྗོད་ཡོད།
བརྡ་ཆད་གཙོ་བོ།  རྒྱལ་རོང་།  ཡུལ་སྐད། གདངས། སྒྲ་ཚན། ཐ་སྙད།
གླེང་གཞི།
           སྤྱིར་སྐད་ཆ་ནི་འགྱུར་བའི་ཆོས་སུ་གྲུབ་ཕྱིར་སྤྱི་ཚོགས་ཀྱི་འཕེལ་རྒྱས་དང་བསྟུན་ནས་བརྡ་སྤྲོད་ཚུལ་དང་། མིང་དང་། སྐད་གདངས་བཅས་ལ་འགྱུར་བ་བྱུང་བ་སྨྲས་མི་དགོས་མོད། འོན་ཀྱང་རྒྱལ་མོ་ཚ་བ་རོང་བའི་ཡུལ་སྐད་ནི་ཡུལ་སྐད་གཞན་དང་བསྡུར་ན་ས་བབ་ཀྱི་ཆགས་སྟངས་སོགས་རྒྱུ་རྐྱེན་ཁ་ཤས་ཀྱི་དབང་གིས་ལྟོས་བཅས་ཀྱིས་སྐད་ཆའི་སྒྲ་གདངས་ལ་འགྱུར་བ་བྱུང་བ་ཅུང་ཆུང་ལ། དཀོན་མཆོག་རྒྱ་མཚོ་ནས་ང་ཚོས་བཙན་པོའི་རྒྱལ་རབས་སྐབས་སླངས་བའི་རྡོ་རིང་ཡི་གེ་དང་ཏུན་ཧོང་ནས་ཐོན་པའི་བོད་བཙན་པོའི་སྐབས་ཀྱི་ཡིག་རྙིང་དང་། མདོ་དབུས་མཐོ་སྒང་གི་ཤར་ནུབ་ཀྱི་མཐར་འཁོད་པའི་ད་ལྟའི་སྦལ་ཏི་དང་། ལ་དྭགས་དང་། ཨ་མདོའི་འབྲོག་སྐད་དང་། རྒྱལ་རོང་བའི་སྐད་སོགས་ཀྱིས་བོད་བཙན་པོའི་སྐབས་ཀྱི་དབྱངས་གསལ་སྦྱོར་ཀློག་གི་སྐད་ཀྱི་གདངས་ཇི་ལྟ་བུར་ངེས་ཚུལ་དངོས་བརྒྱུད་ཅི་རིགས་ཀྱིས་ཅུང་ཟད་བསྒྲུབ་ཐུབ་པར་སྙམ། ①དེ་བས་སྐད་བརྡའི་ཞིབ་འཇུག་པའམ་བརྡ་སྤྲོད་ཆེད་མཁས་པ་ཁ་ཤས་ཀྱིས་ཀྱང་རྒྱལ་མོ་ཚ་བ་རོང་བའི་ཡུལ་སྐད་ནི་བོད་ཀྱི་གནའ་བོའི་སྐད་གདངས་མཚོན་པའི་ཡུལ་སྐད་ཀྱི་གྲས་སུ་ངོས་འཛིན་བཞིན་མཆིས་སོ། །  
           རྒྱལ་མོ་ཚ་བ་རོང་ནི་སྤྱིར་རྒྱལ་ནང་གི་བོད་ཁམས་ཡོངས་ལས་ཡུལ་སྲོལ་གོམས་གཤིས་དང་སྐད་རིགས་སམ་ཕྱོགས་གང་གི་ཐད་ནས་ཀྱང་ཁྱད་ཆོས་མངོན་གསལ་དོད་པོ་ལྡན་ལ། ཡུལ་སྲོལ་གོམས་གཤིས་ཀྱི་ཐད་ནས་ཀྱང་གཉེན་སྟོན་བག་སྐྱེལ་དང་གླུ་ལེན་གར་རྩེད། ད་དུང་ཆང་བཤད་དང་ཤ་བཤད། དུར་སྲོལ་དང་གསང་མཆོད་སོགས་བཙན་ལྷ་ངག་དབང་ཚུལ་ཁྲིམས་ཀྱིས་བརྩམས་པའི་རྒྱལ་རོང་དམངས་ཁྲོད་གཏམ་ཚོགས་ཞེས་པར་ཧ་ཅང་གསལ་བས། འདིར་ཡིག་ཚོགས་སྐྱུང་བའི་ཆེད་དུ་བསྐྱར་བརྗོད་མི་བྱེད་དོ།།
           དེའི་ཕྱིར་དཔྱད་རྩོམ་ཐུང་ངུ་འདིར་ཡང་གཙོ་བོ་རྒྱལ་མོ་ཚ་བ་རོང་ལས་ཆུ་ཆེན་རྫོང་ཁྲོ་སྐྱབས་ཐུགས་ཆེན་ཡུལ་གྱི་ཕལ་སྐད་གཞིར་བཟུང་ནས་དཔྱད་བརྗོད་བྱས་པ་ལ། དབྱངས་དང་གསལ་བྱེད་ཀྱི་སྒྲ་ཚན། སྔོན་འཇུག་དང་རྗེས་འཇུག  མགོ་ཅན་དང་འདོགས་ཅན་བཅས་ཀྱི་སྒྲའི་འབྱིན་ཚུལ་གྱི་ཐུན་མིན་གྱི་ཁྱད་ཆོས་དང་། འདོད་རྒྱལ་དང་རྗེས་གྲུབ་ཀྱི་མིང་གི་གྲུབ་ཚུལ། ད་དུང་རྒྱལ་རོང་ཚ་ཁོག་ཏུ་ད་ལྟའང་མ་ཉམས་པར་སྔར་ལྟར་སྤྱོད་བཞིན་པའི་བརྡ་རྙིང་སོགས་འདུས་སོ།          
དང་པོ།  རྒྱལ་རོང་ཡུལ་གྱི་ལོ་རྒྱུས་མདོ་ཙམ་བརྗོད་པ།
           གངས་རིའི་མུ་ཁྱུད་དཀར་པོའི་བཀྲག་མདངས་བཀྲ་བའི་འཛམ་གླིང་སྣོད་བཅུད་ལས་སྨད་སྒང་དྲུག་རོང་བཞི་ཞེས་བའི་ནང་ཚན་ཤར་རྒྱལ་མོ་ཚ་བ་རོང་ཞེས་ཡོངས་སུ་གྲགས་པ་དེ་ཉིད་ཀྱི་དོན་ནི། བོད་ཀྱི་ཤར་ཕྱོགས་ཡིན་པས་ཤར། ལྷ་ཆེན་རྒྱལ་མོ་དམུ་རྡོའི་རི་རྒྱུད་དུ་ཡོད་པས་རྒྱལ་མོ།   བོད་ཡུལ་གྱི་ཚ་བ་ཅུང་ཆེ་བའི་ས་ཡིན་པས་ཚ་བ། གྲོ་ནས་སྲན་གསུམ་ཐོན་པའི་རོང་ཁུལ་ཡིན་པས་རོང་ཞེས་གྲགས་པ་ཡིན། ད་དུང་ཡུལ་དེར་རྒྱལ་མོ་རོང་ཟེར་བའི་རྒྱུ་མཚན་དུ་རྗེ་དམུ་དགེ་བསམ་གཏན་གྱིས་གསུངས་པ་བཞིན་རྒྱལ་མོ་དམུ་རྡོ་ཞེས་གྲགས་པའི་ལྷ་རི་མཐོ་ཞིང་བརྗིད་པ་དེའི་རི་རྒྱུད་དང་བཅས་ཡུལ་ལུང་ཆེན་པོ་དེར་རྒྱལ་མོ་རོང་ཞེས་གྲགས་པ། བོད་ཀྱི་ས་གནས་གཞན་ལས་ཚ་བ་ཅུང་ཆེ་བའི་གནས་ཡིན་གཤིས་རྒྱལ་མོ་ཚ་བ་རོང་ཞེས་འབོད། ཚིག་བསྡུས་ནས་རྒྱ་ལ་རོང་ཞེས་བརྗོད་པར་བྱེད། ①ཅེས་རྔ་བ་ཁུལ་བོད་རིགས་ཆའང་རིགས་རང་སྐྱོང་ཁུལ་གྱི་རིག་གནས་ལོ་རྒྱུས་དཔྱད་ཡིག་བདམས་བསྒྲིགས་ན་གསལ། དེ་ཡང་སུམ་པ་དོན་གྲུབ་ཚེ་རིང་གིས་བསྒྲུབ་པ་ལྟར་རྒྱལ་རོང་རྒྱལ་ཁག་བཅོ་བརྒྱད་ཀྱི་རུས་སྦྲ་དང་ཁྱུང་ཅན་ཡིན་པར་གསུངས་ཞེས་སྒྲུབ་བྱེད་དུ་མ་བཀོད་ཡོད་ལ།  མདོ་སྨད་ཆོས་འབྱུང་དུ།  “འགག་དོག་མོ་གསུམ་དེ་སྦྲ་ལ་ཐོབ། ། སྦྲ་དཔའ་རྩལ་ཆེ་བ་དེ་ཡི་དོན། ། ཞེས་པ་ལྟར་མདོ་ཁམས་རོང་ཆེན་བཞིའི་གར་རྒྱལ་མོ་ཚ་བ་རོང་། ལྷོ་ཚ་བ་རོང་། ནུབ་ཐེ་བོ་རོང་། བྱང་ཨ་སྟག་རོང་། )ནང་ཚན་འགག་དོག་ས་གསུམ་སྦྲས་ཐོབ་ཅེས་རྒྱལ་རོང་བ་རྣམས་སྦྲ་སྟེ་བསེ་ཡིན་པར་གསལ་པོར་བཤད་ཅིང་། ཚ་རོང་རྒྱལ་བོ་ཁོ་ཕན་དུ་གྲགས་པ་བྱུང་བས་དེ་ལ་ཚ་ཁོ་ཟེར་བ་བྱུང་བ་དང་། བོད་ཆོས་རྒྱལ་གྱི་གདུང་རྒྱུད་ཅིག་དང་པོར་སོ་མང་རྒྱལ་ཁག་ཏུ་ཞུགས་པ་རྒྱལ་པོ་ཚེ་མགོན་ལེགས་པ། དེ་ནས་མི་རབས་མང་དུ་སོང་སྐབས་རྩ་བན་ཐར་སྲས་གསུམ་ཡོད་པ་སོ་སོར་གྱེས་ནས་སོ་མང་དང་། མཆོག་རྩེ། རྫིང་འགག་བཅས་ཚ་བ་ཁག་གསུམ་ཟེར་བ་དང་། ཡང་རྒྱལ་པོ་ཁྲོ་སྐྱབས་རྒྱལ་ཁག་ཅེས་པ་བྱུང་བ་དེས་དྲུག་ཟུར་ས་ཆར་ཕོ་བྲང་བརྩིགས་པའི་རྒྱུད་ལ་ཁྲོ་སྐྱབས་རྒྱལ་ཁག་ཅེས་བྱུང་བ་སོགས་རྒྱལ་རོང་གི་ས་ཆ་དེར་རིམ་བཞིན་སྟོད་ཀྱི་སོ་མང་རྒྱལ་པོ། སྨད་ཀྱི་ལྕགས་པ་རྒྱལ་པོ།  བར་གྱི་ཁྲོ་སྐྱབས་རྒྱལ་པོ། ཆུ་ཆེན་རབ་བརྟན་རྒྱལ་པོ་སོགས་རྒྱལ་རོང་ཁག་བཅོ་བརྒྱད་དུ་གྲགས་པ་བྱུང་བས། དེ་རྣམས་ཀྱི་ཐོག་མའི་རུས་ཁུངས་བོད་ཀྱི་གདུང་རྒྱུད་དུ་ངེས་པ་གདོན་མི་ཟ། ། ”①ཞེས་བོད་ཀྱི་ཡུལ་སྐད་ཀྱི་བྱུང་འཕེལ་དང་། དབྱེ་བ། ཁྱད་ཆོས་སྐོར་རགས་ཙམ་བརྗོད་པ་ཞེས་པར་གསལ།   
           རྒྱལ་མོ་ཚ་བ་རོང་གི་བོད་མི་རྣམས་ནི་ལས་ལ་བརྩོན་ཞིང་ཁྲེལ་གཞུང་ལྡན་པ། བློ་རིག་རྣོ་ལ་དཔའ་ངར་ཆེ་བས་བོད་གངས་ཅན་གྱི་ལྗོངས་སུ་སྙན་པའི་གྲགས་པ་འབར། ཁོ་ཚོས་དུས་ཡུན་རིང་བོའི་ལོ་རྒྱུས་ཀྱི་འཕེལ་རིམ་ཁྲོད་དུ་མདོ་དབུས་ཁམས་གསུམ་ན་གནས་པའི་ནང་མི་སྤུན་ཟླ་དང་ཆབས་ཅིག་འོད་སྟོང་འབར་བའི་བོད་ཀྱི་ཤེས་རིག་གསར་སྐྲུན་དང་། སྤྱི་ཚོགས་འཕེལ་རྒྱས་ཀྱི་བརྒྱུད་རིམ་ཁྲོད་དུའང་བྱས་རྗེས་གསུབ་ཏུ་མེད་པ་བཞག་ཡོད་པར་མ་ཟད། ཐུན་མོང་མ་ཡིན་པའི་ས་ཁུལ་རང་བཞིན་གྱི་རིག་གནས་ཀྱང་བསྐྲུན་ཡོད་ལ། དེ་ཡང་ལྷག་པར་ཏུ་རྒྱལ་རོང་གི་ཞིབ་འཇུག་པ་བཙན་ལྷ་ངག་དབང་ལགས་ཀྱིས་གསུངས་པ་ལྟར་རྒྱལ་རོང་བོད་མི་ཚོས་ལོ་རྒྱུས་ཐོག་ཏུ་རང་རྒྱལ་གྱི་སྤུན་ཟླ་མི་རིགས་གཞན་དང་དཔུང་གདངས་མཉམ་སྦྲེལ་གྱི་སྒོ་ནས་མེས་རྒྱལ་མཐའ་མཚམས་སྲུང་སྐྱོབ་བྱེད་པའི་ཆེད་དུ། ཤར་ཕྱོགས་ཀྲེ་ཅང་གི་རྒྱ་མཚོའི་དབུས་མཐའ་དང་། ནུབ་ཕྱོགས་བལ་བོའི་ས་མཚམས་སུ་མ་རུང་ཕྱི་དགྲའི་བཙན་འཛུལ་འགོག་རྒོལ་དུ་ཕྱིན་ནས། དཔའ་ངར་ཆེར་བསྐྱེད་དང་རང་སྲོག་ཕར་བསྔོས་ཀྱིས་དགྲ་བོར་རྡུང་རྡེག་བྱས་ཏེ། ཁེངས་དྲེགས་རང་རློམ་ཅན་གྱི་སྡང་དགྲའི་སྙིང་རྩ་འདར་བར་བྱས་ཤིང་། དཔའ་མཛངས་རྟུལ་ཕོད་ཀྱི་སྙན་པ་དབྱར་གྱི་རྔ་གསང་བཞིན་དུ་འཛིན་མའི་ཁྱོན་ཀུན་ལྡིར།  aཞེས་མངོན་ལ། ད་དུང་རྒྱལ་རོང་དཔོན་དམག་ས་ངན་རི་འི་ཤི་པར་དཔུང་འཇུག་བྱེད་གྲས་སུ་ཞུགས་པ་དང་བཙན་འཛུལ་བ་གོར་དམག་མཐར་སྐྲོད་གཏོང་བར་ཕྱིན་ཞེས་རང་མི་རིགས་དང་རྒྱལ་ཁབ་ལ་བྱས་རྗེས་བླ་ན་མེད་པ་བཞག་གོ།       གཉིས་པ། རྒྱལ་རོང་ཡུལ་སྐད་ཀྱི་སྒྲ་གདངས་ཀྱི་ཁྱད་ཆོས་བརྗོད་པ།
           སྤྱིར་བོད་ཀྱི་ཡུལ་སྐད་ཀྱི་ཁྱད་པར་གཙོ་བོ་ནི་སྒྲ་གདངས་ཀྱི་ཐད་ནས་མངོན་པ་ཧ་ཅང་མངོན་གསལ་ཡིན་ལ། ཡུལ་གྲུ་ཕན་ཚུན་བར་བརྡ་མི་འཕྲོད་པའི་འབྲེལ་འདྲིས་ཀྱི་བཀག་རྒྱ་དེ་ཡང་མ་གཞི་སྒྲ་གདངས་ཐད་ནས་བྱུང་བ་ཡིན། དེ་བས་བོད་སིལ་བུར་འཐོར་བའི་རྗེས་ནས་བོད་ཀྱི་སྤྱི་ཚོགས་ཧྲིལ་བོ་དེ་འདྲ་གཅིག་གྱུར་ཆགས་མ་ཐུབ་པར་ཚོབའམ་ཤོག་པ་སོ་སོ་གཅིག་ཁོངས་གཅིག་ལ་མི་གཏོགས་པར་ཕན་ཚུན་འགྲོ་འོང་སོགས་ཉག་ཕྲ་ཕྱིར། བླ་མ་རེ་ལ་ཆོས་ལུགས་རེ། ། ལུང་བ་རེ་ལ་སྐད་ལུགས་རེ། ། ཟེར་བ་ལྟར་ཡུལ་སྐད་ལུང་སྐད་ཤིན་ཏུ་མང་བོར་འཕེལ། དེ་བས་རྒྱལ་མོ་ཚ་བ་རོང་བའི་ཡུལ་སྐད་ཀྱང་དེ་ལས་མ་འདས་ཏེ། རྒྱུ་མཚན་ནི་རྒྱལ་རོང་ཡུལ་སྐད་གྲུབ་པའི་མཐུན་རྐྱེན་གཙོ་བོ་ནི་ས་བབ་ཆགས་སྟངས་ཡིན་ལ། དེའང་གྲོག་རོང་ཧ་ཅང་མཐོ་ལ་དོག་ཅིང་། ལུང་མཐིལ་དུ་སོ་མང་ཆུ་བོས་དར་ཁ་འཐེན་བཞིན། རོང་ཁུལ་དུ་ནགས་ཚལ་སྟུག་ཅིང་ཚབ་ཆེ་བ། དེ་བས་སྔོན་དམག་འཁྲུག་དང་གཡུལ་འགྱེད་བྱུང་སྐབས་ས་ཆ་གཞན་པའི་མི་ལ་ས་དེར་ཆ་རྒྱུས་མེད་པས་ཕམ་ཁ་མི་ཉུང་བ་ཁུར་མྱོང་ཞེས་བཤད་རྒྱུན་ཡོད།   
           གང་ལྟར་དུས་ཡུན་རིང་བོ་ཞིག་ཏུ་རི་མཐོ་ཞིང་ས་དོག་པའི་ཡུལ་གྲོང་ལུང་གསེབ་ཏུ་བཀས་བཀོད་རྒྱུད་འཛིན་གྱིས་ས་གནས་བཅད་བཟུང་གི་ལམ་ལུགས་ལ་བརྟེན་ནས་དཔལ་འབྱོར་གྱི་རྨང་གཞི་སྒེར་ཚུགས་སུ་སྤེལ་ཞིང་། ཕྱིའི་བོད་ཁམས་གཞན་དག་ལ་འབྲེལ་འདྲིས་ཀྱི་རྒྱུན་ཆད་སྟབས། རྒྱལ་རོང་བའི་སྐད་ཉིད་ལའང་བོད་སྐད་ཀྱི་བརྡ་རྙིང་མའི་གཞི་གདངས་དག་པ་ཉིད་ལ་གཞན་སྐད་ཀྱིས་ཤན་ཞུགས་པ་ཉུང་བས་ཡུལ་སྐད་ཡན་གར་དུ་གྲུབ་པ་བཞིན་ནོ།  དེ་བས་སྐད་ཆའི་སྒྲ་གདངས་མི་འདྲ་བར་བརྟེན་ནས་དབྱངས་དང་གསལ་བྱེད་ཀྱི་སྒྲ་ཚན་མང་ཉུང་ཡང་ཡུལ་སྐད་གཞན་དང་མི་མཐུན་པ་སྨྲས་མི་དགོས་སྙམ། གཅིག   དབྱངས་དང་གསལ་བྱེད་ཀྱི་སྒྲ་ཚན་གྱི་ཁྱད་ཆོས།   
           སྤྱིར་སྒྲ་གདངས་ནི་ཡུལ་དུས་ཀྱི་དབང་དུ་གྱུར་པས་བོད་སྐད་ཀྱི་གདངས་འདི་ཉིད་ལོ་རྒྱུས་ཀྱི་འགྲོས་དང་བསྟུན་ནས་དབྱངས་དང་གསལ་བྱེད་ཀྱི་སྒྲའི་སྐྱེ་གནས་དང་འབྱིན་སྟངས་དག་ལ་འགྱུར་བ་ཅུང་བྱུང་འདུག་ལ། དེའང་རྒྱལ་རོང་ཡུལ་སྐད་ཀྱི་དབྱངས་དང་གསལ་བྱེད་ཀྱི་ཁྱད་ཆོས་བརྗོད་པ་ལ་སྒྲ་ཚན་གྱི་སྟེང་ནས་དབྱེ་བར་སྤྲོ་བས། འདིར་རེའུ་མིག་ལ་བཀོད་པ་གཤམ་ལྟར།                  
གསལ་བྱེད་རྐྱང་བའི་རེའུ་མིག

དབྱངས་རྐྱང་བའི་རེའུ་མིག
           གོང་དུ་བཀོད་པ་ལྟར་ན་རྒྱལ་རོང་སྐད་ལ་གསལ་བྱེད་རྐྱང་བ་རང་སྒྲ་ཐོན་པ37ཡོད་ལ། དབྱངས་ཨི iཡི་སྒྲ་གདངས]ལྟར་ཀློག་སྟེ། དཔེར་ན། རི་བོ་ལ r]poཉི་མ་ལ89maཞེས་ཟེར་ཞིང་། དུ་བ་ལ du baདང་རུ་མ་ལ ru maཞེས་ཀློག  གེ་སར་ལ ge sharདང་ལེ་ལོ་ལ le lo ཞེས་ཀློག    ད་དུང་རོ་ལ roདང་གྲོ་ལ gro ཞེས་དབྱངས་རེ་རེར་གསལ་བོར་ཐོན་པར་མ་ཟད་དེ་རེ་རེའི་མཚོན་དོན་ཐ་དད་པ་ཡིན་པ་ཤེས་པར་བྱའོ།  འོན་ཀྱང་བརྡ་སྤྲོད་མཁས་པ་རྣམས་ཀྱིས་ཚད་མར་འཛིན་པའི་གི་གུའི་སྒྲ iཞེས་པ་ཡང་རྒྱལ་རོལ་ཡུལ་སྐད་ལ་གཏན་ནས་མེད་པ་མིན་ལ། མིང་གཞི་ལ་རྗེས་འཇུག་ས་སྦྱོར་བའི་སྐབས་སུ iསྒྲ་ཐོན་ཏེ། དཔེར་ན། ནས་ལnisདང་རས་ལnsཞེས་ཀློག  
           དེ་ཡང་རྒྱལ་རོང་ཡུལ་སྐད་ཀྱི་ཁྱད་ཆོས་མངོན་པའི་ཆ་ཤས་ཤིག་ཏུ་གྲུབ་ཡོད་ལ། རྒྱུ་མཚན་ནི་ཡུལ་སྐད་དང་ལུང་སྐད་སོ་སོའི་ཁྱད་ཆོས་མི་འདྲ་བར་མ་ཟད། དེའི་ཁྱད་ཆོས་མངོན་ཚུལ་ཀྱང་མི་འདྲ་བ་ལྷང་རེད། དེ་བས་རྒྱལ་མོ་ཚ་བ་རོང་གི་ཡུལ་སྐད་ལ་མཚོན་ན་ཁྱད་ཆོས་མངོན་གསལ་ཡིན་པའི་ཆ་ཧ་ཅང་མང་ལ། དབྱངས་གསལ་གཉིས་ཀྱི་སྒྲ་ཚན་གྱི་ཁྱད་ཆོས་ཀྱང་མི་གླེང་ཐབས་མེད་རེད་སྙམ། །   
གཉིས། སྔོན་འཇུག་དང་རྗེས་འཇུག་གི་སྒྲ་འབྱིན་ཚུལ་གྱི་ཁྱད་ཆོས།  
           སྒྲ་གདངས་ཀྱི་ཁྱད་ཆོས་ནི་སྔོན་འཇུག་དང་རྗེས་འཇུག་གི་སྒྲ་གདངས་ཟུར་དུ་ལེགས་པར་ཐོན་ཅིང་། སྒྲ་ལྡན་དང་སྒྲ་མེད། སྲོག་ཆེན་དང་སྲོག་ཆུང་གི་ཁྱད་པར་གསལ་བར་མངོན། རྒྱལ་རོང་བ་ཚེ་རིང་རྒྱལ་གྱིས་གསུངས་པ་ལྟར། རྒྱལ་རོང་དུ་དབྱངས་གསལ་འདི་དག་དང་འཕུལ་བརྩེགས་སོགས་འདོན་ཚུལ་ཐ་དད་རྣམས་ད་དུང་ཡང་མ་ཉམས་པར་མངོན་སུམ་དུ་མཐོང་བས་གྲུབ་ཅིང་གཞན་དུ་དེ་ལྟར་མེད་པའི་ཕྱིར། འདི་དག་རྣམས་ལེགས་པར་ཤེས་ན། དག་ཡིག་ལ་མི་རྨོངས་བའི་རྐྱེན་ཕུན་སུམ་ཚོགས་པ་ཞིག་ཀྱང་ཡིན་ཏེ། དཔེར་ན། དག་ཡིག་འགའ་ཞིག་ལས། སངས་རྒྱས་སྐུ་ནི་ས་སྐུ་ཡིན། ། རྐུན་མའི་རྐུན་ནི་ར་རྐུན་ཡིན། ། ཞེས་པར་མཚོན་ན། སྒྲ་གདངས་ཐ་དད་དུ་ཡོད་པས་དག་ཡིག་ལ་སྦྱང་བ་སྔོན་དུ་མ་སོང་ཡང་ཡི་གེར་འབྲི་བ་ན་ཚེགས་མེད་དུ་འབྱེད་ཐུབ་པ་མངོན་སུམ་དུ་གྲུབ་པ་ཡིན་པ་དང་། འདས་མ་འོངས་ཀྱི་བྱ་ཚིག་དང་སྐུལ་ཚིག་བཅས་ལ་མཚོན་ན། བསྒྲིགས། སྒྲིག བསྒྲིག   སྒྲིགས་ཞེས་པར་སྒྲ་གདངས་ཐ་དད་པར་ཐོན་པ་ཡིན་ནོ། ། ①ཞེས་བརྫོད་པ་ལྟར། སྔོན་འཇུག་དང་རྗེས་འཇུག་གི་སྒྲ་གདངས་ཟུར་དུ་ལེགས་པར་ཐོན་པ་གཤམ་གྱི་རེའུ་མིག་ཏུ་གསལ་ལོ། །              
སྔོན་འཇུག་གི་སྒྲ་གདངས་ཟུར་དུ་ཐོན་ཚུལ་ལ་དཔེར་ན།

རྗེས་འཇུག་གི་སྒྲ་གདངས་ཟུར་དུ་ཐོན་ཚུལ་ལ་དཔེར་ན།



           ད་ལྟ་ཨ་མདོའི་འབྲོག་སྐད་དུ་རྗེས་འཇུག་གི་སྒྲ་གདངས་ལེགས་པར་ཐོན་པ་ཡོད་ཀྱང་། སྔོན་འཇུག་གི་སྒྲ་གདངས་ཀྱི་ཟུར་ལེགས་པར་ཐོན་པ་ཧ་ཅང་ཉུང་ལ། དེ་བས་རྒྱལ་རོང་ཡུལ་སྐད་ལ་ཐུན་མིན་གྱི་ཁྱད་ཆོས་ལྡན་ཞེས་པའང་འཕུལ་བརྩེགས་ཀྱི་སྟེང་ནས་གླེང་བ་ཡིན་པར་སྙམ། །   
གསུམ། མགོ་ཅན་དང་འདོགས་ཅན་གྱི་སྒྲ་འབྱིན་ཚུལ་གྱི་ཁྱད་ཆོས།   
           དེ་ཡང་སི་ཏུ་པཎ་ཆེན་གྱི་ཞལ་ནས། ཁམས་ཕྱོགས་ཀྱི་ཨ་མདོ་དང་རྒྱལ་མོ་རོང་སོགས་བྱང་ཤར་གྱིས་ཆ་རྣམས་སུ་འཁོད་པའི་སྐྱེ་བོ་དག་ལའང་གནའ་བོའི་དུས་སུ་བོད་ཡུལ་དབུས་ནས་བྱུང་བའི་ཀློག་ཚུལ་མ་ཉམས་པ་ཡིན་པར་གྲགས་པའི་ཡི་གེ་ཀློག་ཚུལ་དང་། དེ་དག་གི་ཡུལ་སྐད་ལས་མགོ་འདོགས་འཕུལ་རྟེན་སོགས་ཀྱི་ཟུར་དག་པར་འདོན་པ་འབྱུང་བར་མངོན་སུམ་སྒོས་གྲུབ་པ་སོགས་ཀྱིས་མཚོན་ནུས་སོ། དེ་བས་རྒྱལ་མོ་ཚ་བ་རོང་བའི་ཡུལ་སྐད་ལ་འཕུལ་རྟེན་མགོ་འདོགས་སོགས་ཀྱི་སྒྲ་གདངས་གི་ཟུར་དག་པར་ཐོན་པ། དཔེར་ན། ཕྲེང་བ་ལprebaདང་དཔྱད་པ་ལhpJatpaཟླ་བ་ལ s།abaཞེས་པ་ལྟར་ཀློག་གོ།     
           སྤྱིར་བོད་ཁམས་ཀྱི་བརྡ་སྦྲོད་མཁས་པ་རྣམས་ཀྱིས་རྒྱལ་མོ་ཚ་བ་རོང་བའི་སྐད་ནི་བོད་ཀྱི་ཡུལ་སྐད་དག་ལས་ཐུན་མིན་གྱི་ཁྱད་ཆོས་མང་བོ་ལྡན་པའི་གྲས་སུ་འཁོད་ཡོད་ལ། དེའི་རྒྱུ་མཚན་ནི་རྒྱལ་རོང་གི་བོད་མི་རྣམས་ཀྱིས་བོད་ཀྱི་ཡི་གེ་ཀློག་སྐབས་སྒྲ་གདངས་སོ་སོའི་ཐད་ནས་ནང་དོན་ཐ་དད་པ་མཚོན་ཐུབ་ལ། དེ་ནི་ད་ལྟ་བོད་སྐད་སྤྱིའི་འབད་ཕྱོགས་སུའང་འགྱུར་བཞིན་ཡོད། དེ་བས་རྒྱལ་རོང་བ་ཚེ་རིང་རྒྱལ་གྱིས་རྒྱལ་རོང་གི་ཡུལ་སྐད་ཀྱི་ཁྱད་ཆོས་མངོན་པར་གསལ་བ་ར་སྤྲོད་པའི་ཆེད་དུ། སྦྱོར་ཀློག་གི་སྐབས་སུའང་འཕུལ་རྟེན་དང་མགོ་འདོགས་ཀྱི་ཡི་གེ་རྣམས་སོ་སོའི་སྒྲ་ཐོན་དགོས་པ་ནི། ས་སྐྱ་བསོད་ནམས་རྩེ་མོས། གང་དང་གང་ལ་གང་བཏགས་པས། ། གོ་རིམ་བཞིན་དུ་གནས་ནས་འབྱུང་། ། དེ་ལ་ར་མགོ་ལྕེ་རྩེ་འདར། ། ལ་མགོ་ལྕེ་ཀློད་རྒྱ་ཡང་བསྐྱེད། ། ས་མགོ་སོ་ཡི་བར་ནས་དབྱུང་། ། ལྷག་མ་རྣམས་ཀྱང་དེ་བཞིན་ཤེས། ། གལ་ཏེ་མ་ཕྱིན་གྱུར་པ་ནི། ། ཡི་གེ་ཕྲལ་བཞིན་བརྗོད་པར་བྱ།། དཔེར་ན་གྲ་ལ་ག་ར་འམ། ། སྒྲ་ལ་སྒ་ར་ཇི་བཞིན་དུ། ། དེ་ནས་འཕུལ་བ་བསླབ་པར་བྱ།། གས་འཕུལ་ཐོག་མ་རྐན་ནས་དབྱུང་། ། དས་འཕུལ་ལྕེ་རྩེ་ཀློད་པ་ལས། ། བ་མས་འཕུལ་བ་ཐོག་མར་ནི། ། མཆུ་བཙུམ་པ་ལས་ཁྱད་པར་སྣང་། ། འས་འཕུལ་གྲེ་བའི་ཕུགས་ནས་དབྱུང་། ། འཕུལ་ཞིང་བརྩེགས་པའི་ཡི་གེ་ཡང་། ། གོ་རིམ་བཞིན་དབྱུང་མ་བྱས་ན། ། འདི་ཡང་ཕྲལ་ཞིང་བཀླགས་པ་སྟེ། ། མཁྲ་ལ་མཁའ་ར་ཇི་བཞིན་ནོ། ། ①ཞེས་སོགས་རྒྱ་ཆེར་འབྱུང་བའི་སྒྲ་གདངས་འདི་དག་གི་ཁྱད་པར་རྣམས་དེང་དུས་སུ་ཤར་རྒྱལ་མོ་རོང་བའི་ཡུལ་སྐད་དུ་སྔར་བཞིན་གསལ་ལ། དེ་མ་གཏོགས་ཕལ་ཆེར་བོད་ཁམས་བྱིངས་ན་ཉམས་ཟིན་པ་འདྲ།   དེས་ན་རྒྱལ་རོང་བ་རྣམས་ཀྱིས་བོད་ཡིག་སྦྱངས་སྐབས་ཀློག་ཚུལ་ང་ཚོ་དང་མི་འདྲ་བ་ཧ་ཅང་མང་ལ། དེ་ནི་ཁོང་ཚོའི་ཀློག་ཚུལ་གྱི་ང་རོ་དག་པ་དེ་ཙམ་གྱིས་ཡུལ་སྐད་གཞན་དང་མི་མཐུན་པའི་ཁྱད་ཆོས་མངོན་གྱིན་ཡོད། ད་དུང་རྒྱལ་རོང་བ་རྣམས་ཀྱིས་བཤད་རྒྱུར་ཁོང་ཚོ་ཆུང་དུས་བོད་ཡིག་སྦྱང་སྐབས་སུ་ཚང་མས་དག་ཡིག་སྦྱང་མི་དགོས་ལ། དེ་འདྲའི་བསླབ་དེབ་ཀྱང་ཡེ་ནས་ཡོད་མ་རེད་ཟེར། དོན་དངོས་སུ་ཁོང་ཚོའི་ཀློག་སྟངས་ལྟར་བོད་ཁམས་ཡོངས་ཀྱིས་དེ་ལྟར་བཀླག་ན་དག་ཡིག་ཅེས་ཟུར་ཏུ་ཁྲིད་མི་དགོས་པར་གནང་ངོ་། དེ་བས་འདིར་རྒྱལ་རོང་ཡུལ་སྐད་ཀྱི་མགོ་ཅན་དང་འདོགས་ཅན་གྱི་སྒྲའི་འབྱིན་ཚུལ་མི་འདྲ་བའི་ཁྱད་ཆོས་ལ་གཟིགས་པར་འཚལ།
མགོ་ཅན་གྱི་སྒྲ་ཟུར་དུ་ཐོན་པ་དཔེར་ན།

འདོགས་ཅན་གྱི་སྒྲ་ཟུར་དུ་ཐོན་པར་དཔེར་ན།

           དེ་བཞིན་དུ་ད་ལྟ་རྒྱལ་ནང་གི་ཡུལ་སྐད་མང་ཤོས་ལ་དེ་འདྲའི་ཁྱད་ཆོས་མངོན་གསལ་ལྡན་པ་མེད་ལ། ལྷག་པར་ཏུ་གོང་གི་རེའུ་མིག་ཏུ་བཀོད་པའི་མགོ་ཅན་དང་འདོགས་ཅན་གྱི་སྒྲ་ཟུར་ཏུ་ཐོན་པ་དེ་བས་ཀྱང་ཉུང་། དེའི་རྒྱུ་མཚན་ནི་ཤར་རྒྱལ་མོ་ཚ་བ་རོང་དང་བསྡུར་ན་ཡུལ་སྐད་གཞན་དག་གི་ཁྱད་ཆོས་ལ་མི་རིགས་གཞན་དང་འབྲེལ་འདྲིས་ཆེ་བ་དང་གཅིགས་བབ་ཀྱི་ཆ་རྐྱེན་ལེགས་ཅིང་འགྲིམ་འགྲུལ་སྟབས་བདེ་བ་སོགས་རྒྱུ་རྐྱེན་མང་པོའི་དབང་གིས་རྒྱལ་རོང་ཡུལ་སྐད་དང་མི་མཐུན་པའི་ཆ་མང་ཤེས་བྱུང་།   
གསུམ་པ། རྒྱལ་རོང་ཡུལ་སྐད་དུ་བརྡ་རྙིང་བཀོལ་སྤྱོད་བྱེད་པའི་གནས་བབ།
           དེ་ཡང་སྤྱིར་རྒྱལ་མོ་ཚ་བ་རོང་ནི་གོང་ནས་བཤད་པ་བཞིན་དུས་རབས་བདུན་པའི་སྐབས་ཀྱི་བོད་རྒྱལ་སྲོང་བཙན་སྒམ་པོའི་དུས་ནས་བཟུང་བོད་ཀྱི་མཐའ་མཚམས་སྲུང་ཆེད་མི་རིགས་གཞན་གྱི་ཐུབ་ཚོད་དང་དགྲ་བོའི་བཙན་འཛུལ་ལ་མི་འཇིགས་པར་རི་གྲོང་ལུང་སྟོང་ཞིག་ཏུ་ཆགས་པའི་མི་རིགས་ཀྱི་དཔའ་བོ་དག་ལ་ཟེར། དེའི་རྐྱེན་གྱིས་རང་མི་རིགས་དང་ཁ་ཐག་རིང་སར་མཆིས་ཤིང་མི་རིགས་གཞན་དང་འབྲེལ་འདྲིས་ཧ་ཅང་ཕྲ་ཕྱིར། བརྡ་སྤྲོད་ཞིབ་འཇུག་པ་ཁ་ཤས་ཀྱིས་ཤར་རྒྱལ་མོ་ཚ་བ་རོང་ནི་དང་ཐོག་བོད་ལྗོངས་ཉིང་ཁྲི་ནས་ཡོང་ཞེས་བརྗོད་ལ། རྒྱུ་མཚན་ནི་ཁོང་ཚོའི་གྱོན་པའི་ཆ་ལུགས་དང་རྒྱུན་ལྡན་འཚོ་བའི་ཁྲོད་ཀྱི་གོམས་གཤིས་ལ་འདྲ་ས་མང་བོ་འདུག་ཅེས་ཟེར་ལ། ཡང་ཁ་ཤས་ཀྱིས་སྟོད་མངའ་རིས་ནས་མཆེད་པ་ཡིན་ཞེས་གྲགས། དེའང་རྒྱུ་མཚན་མི་ཉུང་བ་ཞིག་ཡོད་ལ། དཔེར་ན། སྐད་ཆ་དང་གོམས་གཤིས་ཀྱི་ཐད་སོགས་ནས་གླེང་རྒྱུ་ཡོད་དོ། གང་ལྟར། རྗེ་དམུ་དགེ་བསམ་གཏན་གྱིས་གསུངས་པ་ལྟར་ན་མདོ་སྨད་ཆོས་འབྱུང་ལས། མདོ་སྨད་ལྷོ་བྱང་གི་མི་རྒྱུད་ཕལ་ཆེར་བོད་ཆོས་རྒྱལ་གྱིས་རྒྱ་བོད་སོ་མཚམས་སུ་བཞག་པ་ལས་མཆེད་པ་ཤ་སྟག་ཡིན་པས་སྐད་རིགས་ལའང་བརྡ་རྙིང་མ་འགྱུར་བ་མང་། ①ཞེས་གསུངས་ཤིང་། རྒྱལ་མོ་ཚ་བ་རོང་གི་ཡུལ་སྐད་འདི་ལ་བོད་ཀྱི་བརྡ་རྙིང་མ་འགྱུར་བ་ཤས་ཆེ་བ་ཡིན་ཏེ། བོད་ཡུལ་རྒྱལ་མོ་རོང་གི་ས་ཁུལ་རེ་ཟུང་དང་། དེ་མིན་ཁམས་ཕྱོགས་ཀྱི་ས་ཁུལ་རེ་ཟུང་ཙམ་གྱི་ཡུལ་སྐད་བཤད་མཁན་གྱིས་བོད་ཀྱི་སྤྱི་སྐད་ཤོད་མཁན་བར་གོ་བརྡ་མི་འཕྲོད་པ་ཡོད་ཀྱང་། ཚིག་སྦྱོར་གྱི་འགྲོས་ནི་བོད་སྐད་ཀྱི་ཁྱད་ཆོས་དང་ཡོངས་སུ་མཐུན་པ་ཡིན། རྒྱལ་མོ་ཚ་བ་རོང་གི་བོད་མི་ཚོས་ལོ་ངོ་བརྒྱ་སྟོང་གི་རིང་སྤྱད་པའི་ཡི་གེ་ནི་བོད་ཡིག་ཡིན་པར་མ་ཟད། རྒྱལ་མོ་ཚ་བ་རོང་གི་བོད་མིས་བོད་ཡིག་ཀློག་སྐབས་སྔོན་འཇུག་དང་རྗེས་འཇུག  ཡང་འཇུག་མགོ་གསུམ། འདོགས་བཞི་སོགས་ཀྱི་སྒྲ་དག་པར་ཀློག་པའི་ཚད་དེ་བོད་མི་གཞན་གྱིས་ཡོང་དཀའ་བ་ཞིག་ཡིན་པས། བརྡ་སྤྲོད་ཆེད་མཁས་པ་དང་སྐད་བརྡ་ཞིབ་འཇུག་པ་མི་ཉུང་བས་རྒྱལ་མོ་ཚ་བ་རོང་གི་ཡུལ་སྐད་ལ་ཞིབ་འཇུག་དང་གདེང་འཇོག་ཚད་མཐོན་པོ་བྱེད་བཞིན་མཆིས།  དེས་ན་རྒྱལ་མོ་ཚ་བ་རོང་གི་ཡུལ་སྐད་ཀྱི་ནང་དུ་བརྡ་རྙིང་ཆེས་མང་བ་དང་། ཡང་རྗེ་དམུ་དགེ་བསམ་གཏན་གྱིས་གསུང་པར། སྒྲ་དྲག་ཆེ་བའི་དབང་གིས་འགྱུར་བ་དང་། འགྱུར་ཆེ་བ་དང་། ཉམས་ཆེ་དྲག་པའི་དབང་གིས་འགྱུར་བ་དང་། འགྱུར་ཆེ་བ་སོགས་ཀྱི་དབང་གིས་མི་འདྲ་བ་ལྟ་བུར་གྱུར་པའང་ཡོད་ལ་དབུས་གཙང་སྐད་ཀྱང་རིམ་གྱིས་འགྱུར་བའི་སྟབས་ཀྱིས་མི་འདྲ་བ་ལྟ་བུར་གྱུར་མོད། མ་གཞི་རྒྱལ་རོང་གི་སྐད་འདི་བོད་སྐད་རང་ཡིན་པ་ངེད་ཅག་བོད་རང་མཚན་པ་དང་། བོད་ཡིག་ཤེས་པ་དག་གིས་བལྟས་ན་ཤིན་ཏུ་གསལ། བོད་སྐད་དང་བོད་ཡིག་མི་ཤེས་ཤིང་། རྒྱལ་རོང་གི་སྐད་ཀྱང་མི་ཤེས་པ་འགའ་ཞིག་གིས་བྱུང་རྒྱལ་དུ་སྨྲས་བས། དངོས་དོན་ལྕགས་ལྟ་བུ་དག་བསྒྱུར་ག་ལ་ནུས②ཞེས་གསུངས་མྱོང་ངོ་།   

           ཤར་རྒྱལ་མོ་ཚ་བ་རོང་བའི་ཡུལ་སྐད་དུ་ད་ལྟའང་སྔར་བཞིན་མ་ཉམས་པར་བཀོལ་བཞིན་པའི་བརྡ་རྙིང་ཅུང་མང་ལ། དེ་བས་བདག་གིས་རྒྱལ་རོང་ཡུལ་སྐད་ཀྱི་ཁྱད་ཆོས་བརྗོད་སྐབས་ཀྱང་མི་བརྗོད་ཐབས་མེད་ཡིན། རྒྱུ་མཚན་ནི་སྤྱིར་ཨ་མདོའི་འབྲོག་སྐད་ཁ་ཤས་ལ་བརྡ་རྙིང་གི་ཤན་ཞུགས་ཀྱང་། རྒྱལ་རོང་ཡུལ་སྐད་དང་བསྡུར་ན་དེ་ནི་གངས་ལ་ཁ་བ་བྱིན་པ་ལྟར་ལས་མེད་པ་འདྲའོ།    ད་རུང་རྒྱལ་རོང་ཡུལ་སྐད་དུ་བོད་ཀྱི་བརྡ་རྙིང་མང་བོ་བཀོལ་བཞིན་པ་ར་སྤྲོད་ཆེད། བོད་རྒྱ་ཤན་སྦྱར་གྱི་རྒྱལ་རོང་ཁ་སྐད་ཚིག་མཛོད་ཆེན་མོ་ཞེས་པ་ལས་བརྡ་རྙིང་དག་བསྡུ་སྒྲིག་བྱས་པ་ལ།



           དེ་བཞིན་དུ་རྒྱལ་རོང་ཡུལ་སྐད་ཀྱི་ཁྲོད་ན་བོད་ཀྱི་བརྡ་རྙིང་མང་བོ་བཀོལ་བཞིན་པ་ཧ་ཅང་གསལ་བོར་མངོན་ལ། དེའང་སི་ཏུ་པཎ་ཆེན་གྱིས་ཀྱང་ཡིག་ཀློག་གི་སྒྲ་དག་པའི་ཚད་ལ་འབྲི་གུང་སྐྱོབ་པ་རིན་པོ་ཆེ་བཞུགས་སྐབས་འབྲི་གུང་བ་དང་། ཡུལ་རྒྱལ་མོ་ཚ་བ་རོང་བ་བཞག་པར་མ་ཟད། རྒྱལ་མོ་རོང་གི་ཡུལ་སྐད་ཀྱང་ཆེས་སྔ་དུས་ཀྱི་བོད་ཀྱི་བརྡ་རྙིང་ཤིན་ཏུ་མང་བོ་ཡོད་པ་གཟུར་གནས་མཁས་པ་དག་གིས་བརྟགས་ན་རྟོགས་བདེ་བ་ཞིག་ཡིན་ལ། བཤད་ན་གོ་བདེ་བ་ཞིག་ཡིན་ནོ། །   
           སྤྱིར་སྐད་རིགས་སམ་ཡུལ་སྐད་ཅིག་གི་ཁྲོད་ན་བརྡ་རྙིང་ཡོད་མེད་ལ་ཞིབ་འཇུག་བྱེད་དགོས་ན་ངེས་པར་དུ་མི་རིགས་སམ་ལུང་ཡུལ་དེའི་མི་རྣམས་ལ་རྒྱུས་ལོན་ཆེན་པོ་བྱེད་དགོས་པར་མ་ཟད། དེའི་འབྱུང་ཁུངས་དང་མཆེད་ཚུལ། ད་དུང་གཙོ་བོ་སྐད་ཁུངས་ལ་སོམ་ཉི་སྤུ་ཙམ་ཡང་མེད་པར་བྱེད་དགོས། རྒྱུ་མཚན་ནི་སྐད་རིགས་སམ་ཡུལ་སྐད་དེའི་འབྱུང་ཁུངས་གསལ་ཚེ་ད་གཟོད་དེའི་ཁྲོད་དུ་བཀོལ་སྤྱོད་བྱེད་པའི་ཐ་སྙད་ཀྱི་ཁྱད་ཆོས་ལ་འཇུག་ཐུབ་བོ།  
           གང་ལྟར། རྒྱལ་མོ་ཚ་བ་རོང་གི་ཡུལ་སྐད་ཀྱི་ཁྱད་ཆོས་ལ་མཚོན་ན་སྐད་གདངས་གི་ཐད་ནས་སྔོན་འཇུག་དང་རྗེས་འཇུག   ཡང་འཇུག   མགོ་ཅན་དང་འདོགས་ཅན་སོགས་ལས་མངོན་ཡོད་པར་མ་ཟད། ད་དུང་ཕྱོགས་གཞན་པ་སྟེ་ཐ་སྙད་ཀྱི་ཐད་ནས་ཀྱང་ཡུལ་སྐད་གཞན་པ་དང་བསྡུར་ན་བརྡ་རྙིང་བཀོལ་བ་ཅུང་མང་ལ། དེ་བས་ཕྲན་གྱིས་བཙན་ལྷ་ངག་དབང་སོགས་ཀྱིས་བསྡུ་སྒྲིག་བྱས་པའི་བོད་རྒྱ་ཤན་སྦྱར་གྱི་རྒྱལ་རོང་ཁ་སྐད་ཚིག་མཛོད་ཆེན་མོ་ལས་དྲངས་ཡོད་ལ། ཡང་འདིར་ཡིག་ཚོགས་སྐྱུང་ཕྱིར་བསྐྱར་བཟློས་མི་བྱའོ།                       
སྡོམ་བྱང་།
           འདིར་མདོ་དབུས་ཁམས་གསུམ་གྱི་ཡུལ་སྐད་ཀྱི་ཁྱད་པར་ཇེ་ཆེ་ནས་ཇེ་ཟབ་ཏུ་འགྲོ་དགོས་དོན་ནི་ཆོལ་གསུམ་ནང་ཕན་ཚུན་འཕུལ་རྟེན་གྱི་སྒྲ་གདངས་དག་མ་དག་ལ་རག་ལས་ཤིང་། ང་ཚོ་བོད་སྤྱིའི་སྐད་གདངས་རིམ་གྱིས་ཡང་མོར་འགྱུར་ཏེ་གནའ་བོའི་སྒྲ་ལྕི་བའི་ཀློག་ཚུལ་དག་ད་སྐབས་རྒྱལ་རོང་ཡུལ་སྐད་ལས་གཞན་དུ་ཐོས་དཀའ།   དེར་ད་དུང་སྒྲའི་ང་རོ་དག་མིན་ཐད་ལ་རྩོམ་པ་པོ་གངས་ཆབས་ཀྱིས་དཔྱད་པ་གཏོང་སྟངས་གསར་བ་ཞིག་ལ། བོད་སྐད་དེ་དག་མི་རིགས་གཞན་པའི་སྐད་ལ་སྒྲ་ཐད་སྒྱུར་བྱས་པ་ལས་ཡུལ་སྐད་གང་གིས་སྒྲ་དག་པར་ཀློག་ནུས་པ་ཤེས་ཐུབ་པ་དང་། མི་རིགས་གཞན་པ་ཚོས་ང་ཚོའི་སྒྲ་ལྟར་བྲིས་ཚེ་རྒྱལ་རོང་བོད་མིས་ཀློག་པ་དག་འཕུལ་རྟེན་མགོ་འདོགས་ཀྱི་སྒྲ་སོ་སོར་གཏོར་ནས་བསྒྱུར་ཡོད་དེ། དཔེར་ན། རང་གིས་དངོས་སུ་མཐོང་བ་ལ་ཆུ་ཆེན་རྫོང་ཁྲོ་སྐྱབས་ཐུགས་ཆེན་ལུང་མདོའི་སྒོ་བྱང་ཞིག་ཏུ། ཁྲོ་སྐྱབས་མི་རིགས་རིག་གནས་ཚད་ཡོད་འགན་ཁུར་ཀུང་སི་ལ绰斯甲民族文化有限公司དང་སྨད་དོ་ཞབས་ཞུ་ཁུལ་ལ斯玛都服务区སྤྲུལ་སྐུ་ལ斯卜日了斯古ཞེས་པ་དང་། ཡུལ་སྐད་གཞན་པ་ཕལ་ཆེ་བར་མིང་གཞི་དང་རྗེས་མཇུག་གི་སྒྲ་ཙམ་ལས་མི་བསྒྱུར་ལ། དཔེར་ན། ཁྲོ་སྐྱབས་ལ绰甲དང་སྨད་དོ་ལ玛都སྤྲུལ་སྐུ་ལ主了古ཞེས་བསྒྱུར་བ་རེད། ཡང་སི་ཏུ་པན་ཆེན་གྱིས་གཞན་ཡང་བོད་ཡིག་སྡེབ་ཇི་ལྟར་སྦྱོར་བའི་ཚུལ་ནི་སྔོན་གྱི་བོད་སྐད་དག་པ་ཉིད་ལ་བརྗོད་པའི་སྒྲ་ཇི་ལྟར་འབྱུང་བ་དེ་ལྟར་མཁན་པོ་འདིས་སྦྱར་བ་ཡིན་པས་སྐད་ལ་འཕུལ་རྟེན་སོགས་ཀྱི་ཟུར་གསལ་བ་མེད་ན་ཡི་གེ་ལ་དེ་ལྟར་ཐོབ་པ་རྒྱུ་མཚན་གང་ཞིག་གིས་རྟོགས་པར་ནུས། ①ཞེས་གསུངས་པའི་དོན་ལ་ད་ལྟ་རང་རེས་བརྟགས་ཀྱང་རྟོགས་ཐུབ་པ་ཞིག་ཡིན་ཏེ། དཔེར་ན། ས་སྐྱ་བས་བོད་ལ་དབང་སྒྱུར་བའི་སྐབས་འགྲོ་མགོན་ཆོས་རྒྱལ་འཕགས་པའི་མཚན་རྒྱ་སྐད་དུ་བསྒྱུར་བར帕思巴ཞེས་པ་བོད་སྐད་ཀྱི་འཕགས་པ་ཞེས་པའི་ཚེག་ཁྱིམ་གཉིས་ལྡན་གྱི་མིང་སྒྲ་སྒྱུར་བྱས་པར་རྒྱ་ཡིག་ཏུ་ཡིག་འབྲུ་གསུམ་དུ་འགྱུར་བའི་རྒྱུ་མཚན་ནི་སྐབས་དེར་བོད་སྐད་ཀྱི་སྒྲ་ལ་སྔོན་འཇུག་དང་རྗེས་འཇུག་མགོ་ཅན་དང་འདོགས་ཅན་སོགས་ཀྱི་སྒྲ་གསལ་པོ་ཡོད་པར་མ་ཟད་ཡང་འཇུག་གི་སྒྲའང་གསལ་བོར་ཐོན་པ་མངོན་སུམ་གྱིས་གྲུབ་པ་ཡིན། གལ་ཏེ་དེ་ལྟ་མིན་ན་དེང་སྐབས་འཕགས་པ་ཞེས་པའི་མིང་རྒྱ་ཡིག་ཏུ་སྒྲ་སྒྱུར་བྱེད་སྐབས 帕 巴ཞེས་ཡིག་འབྲུ་གཉིས་ལས་མི་འབྱུང་བའི་རྒྱུ་མཚན་ཅི་ཞིག་ཡོད། །  
           (རྩོམ་པ་པོ་ངོ་སྤྲོད། ཚེ་རིང་སྐྱིད། ཕ་ཡུལ། སི་ཁྲོན་རྔ་བ། ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་གླིང་གི2014ལོའི་ཤེས་རམས་པ། ) 
           (མཛུབ་སྟོན་དགེ་རྒན། ཀྲོའུ་རོན་ཉན། )
           ①གཙོ་སྒྲིག་པ་དགྲ་འདུལ། ཀྲུང་གོའི་བོད་རིག་པ། ཀྲུང་གོའི་བོད་རིག་པ་ཞིབ་མཇུག་ལྟེ་གནས། 2008ལོར་པར། ཤོག་ངོས་40
           ①དམུ་དགེ་བསམ་གཏན།  རྔ་བ་ཁུལ་བོད་རིགས་ཆའང་རིགས་རང་སྐྱོང་ཁུལ་གྱི་རིག་གནས་ལོ་རྒྱུས་དཔྱད་ཡིག རྔ་བའི་སྲིད་གྲོས་ཁང་གིས་དཔར་ཏུ་བཏབ། 1987ལོར་པར།  ཤོག་ངོས་274
           ①གཙོ་སྒྲིག་པ་བསྟན་འཛིན། ཀྲུང་གོའི་བོད་རིག་པ། ཀྲུང་གོའི་བོད་རིག་པ་ཞིབ་མཇུག་ལྟེ་གནས། 2008ལོར་པར།  ཤོག་ངོས་66
           ①བཙན་ལྷ་ངག་དབང་ཚུལ་ཁྲིམས། རྒྱལ་རོང་ཞིབ་འཇུག་དཔྱད་ཡིག་ཕྱོགས་བསྒྲིགས། ཀྲུང་གོའི་བོད་རིག་པ་དཔེ་སྐྲུན་ཁང་། 2003ལོར་པར། ཤོག་ངོས་1
           ①རྒྱལ་རོང་པ་ཚེ་རིང་རྒྱལ།  ཚུལ་ཁྲིམས་འཆལ་བ་རྣམས་ཀྱི་འགྱོད་པ་བསལ་བ་སོགས་བཞུགས་སོ། །  གཟིགས་སྤྲོ་དགོན་གྱི་གཞུང་ལས་དོ་དམ་ཁང་ནས།  2013ལོར་པར།  ཤོག་ངོས་67
           ①དམུ་དགེ་བསམ་གཏན། རྔ་བ་ཁུལ་བོད་རིགས་ཆའང་རིགས་རང་སྐྱོང་ཁུལ་གྱི་རིག་གནས་ལོ་རྒྱུས་དཔྱད་ཡིག  རྔ་བའི་སྲིད་གྲོས་ཁང་གིས་དཔར་དུ་བཏབ། 1987ལོར་པར།  ཤོག་ངོས་278
           ②དམུ་དགེ་བསམ་གཏན།  རྔ་བ་བོད་རིགས་ཆའང་རིགས་རང་སྐྱོང་ཁུལ་གྱི་རིག་གནས་ལོ་རྒྱུས་དཔྱད་ཡིག་བདམས་བསྒྲིགས། རྔ་བའི་སྲིད་གྲོས་ཁང་གིས་དཔར་ཏུ་བཏབ། 1987ལོར་པར། ཤོག་ངོས་279
           ①བཙན་ལྷ་ངག་དབང་ཚུལ་ཁྲིམས། རྒྱལ་རོང་ཞིབ་འཇུག་དཔྱད་ཡིག་ཕྱོགས་བསྒྲིགས། ཀྲུང་གོའི་བོད་རིག་པ་དཔེ་སྐྲུན་ཁང་། 2003ལོར་པར།  ཤོག་ངོས་l74

tibetmonk  2019-2-12 10:24:04

1549635318182928.png
1549635318117321.png
བགྲེས་པོའི་སྔོན་གླེང་ལོ་དུས་ཀྱི་རྔ་སྒྲ།

            བརྡ་འཕྲིན་དང་དྲ་རྒྱའི་དུས་རབས་སུ་བསྙད་པའི་ཁ་སང་དེ་རིང་གི་མི་རབས་ཚོར་ལག་པར་རེག་རྒྱུ་འབེལ། རྣ་བར་གོ་རྒྱུ་མང་། མིག་ལ་མཐོང་རྒྱུའང་དེ་བས་མོད་པས། ཡིད་སུན་ཅིང་རྣ་གཙེར་ཙམ་ལས་བཟོད་བདེ་བག་ཕེབས་ཤིག་ལར་ནས་མེད་པར་སྣང། མདོར་ན་དབང་པོའི་སྒོ་ལྔའང་བྲེལ་ཞིང་རྒོད་པའི་ངང་དཔལ་འབྱོར་བསྡུ་གསོག་རང་གལ་འགངས་ཆེ་ཤོས་སུ་བཟུང་སྟབས། ད་ནི་ཕ་སྐད་དང་ཡི་གེ། སྲོལ་རྒྱུན་དང་རིག་གཞུང་སོགས་ཕ་ཤུལ་བུས་འཛིན་དང་། དེ་བཞིན་མ་བུའི་བརྩེ་གདུང། མིང་སྲིང་མཛའ་མཐུན། གཉེན་ཉེའི་འབྲེལ་ལམ། རྒན་བཀུར་གཞོན་བྱམས་ཞེས་པ་རྣམས་ནི་ཉིན་རེ་ནས་མར་འབྲིད་བཞིན་པའི་དཀྱོགས་མཚམས་སུ་བསླེབས།

ཡུལ་གྱར་བའི་སྤྱི་ཚོགས་འདི་ནས་བསྐྱར་དུ་རྒྱལ་ཁབ་འདྲ་མིན་དུའང་སིལ་བུར་གྱར་བའི་སྐྱིད་སྡུག་དང་སྒྲིག་འཛུགས་སྣ་ཚོགས་ཁྲོད་ལོ་ཟླ་ཅི་རིགས་སུ་ལོ་དེབ་དང་ཟླ་དེབ་སོགས་དུས་དེབ་དང་ཚགས་ཤོག་གི་རིགས་རྣམས་གཅིག་མཇུག་གཉིས་མཐུད་ངང་འདོན་སྤེལ་གྱི་བང་རྩལ་ཕྱོགས་གང་སར་འགྲན་མུས་སུ་མཆིས། དེ་དག་ནི་རང་གི་ཤེས་ཡོན་དང་རིག་གཞུང་ལ་ཞེན་པ་དཀར་པོས་འུ་ཅག་གི་སྲོལ་རྒྱུན་དང་སྐད་ཡིག་རྣམས་འཛིན་སྐྱོང་སྤེལ་གསུམ་གྱིས་མཚོན་པའི་དམིགས་དོན་སྣ་ཚོགས་ཐོག་སྒྲུབ་བཞིན་པར་ངེས། དེ་ལྟར་ནའང་། དུས་དེབ་ཅིག་འདོན་ཞིང་སྤེལ་བ་ལ་མེད་དུ་མི་རུང་བའི་ཆ་རྐྱེན་གཙོ་བོ་ནི་རྩོམ་ཡིག་འཚོལ་སྡུད་དང་དེ་དག་སྒྲིག་བཅོས་ཀྱི་རིམ་པ་གཉིས་སུ་མཆིས། དེས་ན་དང་མ་རྩོམ་ཡིག་གི་ཡོང་ཁུངས་རྣམས་ཚད་ལྡན་ཞིག་དགོས་པ་ནི་དོན་པོ་ཆེ་རུ་གཞིར་བཅས་དེ་མཚམས་ཀྱི་དོ་གལ་ཆེ་བ་ནི་རྩོམ་སྒྲིག་དག་བཅོས་སྤུས་དག་ཅིག་དགོས་པ་ནི་གནད་པོ་ཆེ་དེ་ཡིན་པར་སྨོས་སུ་བྲལ།

            འདིར་ཡང་ལོ་ལྟར་བསྒྲིགས་ཤིང་སྤེལ་བ་སྟེ། འབེལ་པོར་བཤད་པའི་གཏམ་ཚོགས་དེ་དག་ནི། མེས་པོའི་ཞབས་རྗེས་ལ་འགྲམ་ཆུ་སྡང་ཞིང་། ལྟོ་གོས་གཏམ་གསུམ་གྱི་དྲི་མས་མ་བསླད་པར་དགུན་གྱི་འཁྱགས་སྦྲེབས་དང་དབྱར་གྱི་ཚ་འབྲབ་ལ་གདོང་ལེན་ཐུབ་པའི་སློབ་གཉེར་བ་དག་གིས་མི་རིགས་འདིའི་སྲིད་འབྱོར་རིག་གསུམ་ལ་དུང་བ་བཅངས་ནས་བརྩམས་པ་ཤ་སྟག་ཏུ་ཁུམས།

            ཁོ་ཚོ་ནི་ཕྱི་བསླབ་གསུམ་ངུར་སྨྲིག་ཁྲིམས་ཀྱིས་བརྒྱན། ནང་བསྙེན་སྒྲུབ་ལས་གསུམ་གྱི་བསྐྱེད་རྫོགས་བརྟན། གསང་བའི་བློ་ཕུགས་ཡེ་ཉིད་ཕ་མཁར་ལ་བཅོལ་ནས། བོན་སྒོ་ཐེག་པ་རིམ་འཛེགས་ངང་རིག་ལམ་རྣམ་དཔྱོད་ཀྱི་ཁོ་ལག་ཡངས་པ་སྟེ། བསྡུས་རྟགས་རིག་ལམ་གྱི་ཐལ་ངག་རྣོ་ལ་གཞུང་ལུགས་པོད་ཆེན་གྱི་གོ་དོན་ཟབ། དཀར་ནག་རྩིས་རིག་གིས་འབྱུང་འགྱུར་དཔགས་ལ། བརྡ་དག་མངོན་བརྗོད་ཀྱི་སྒྲ་སྦྱོར་ལེགས། སྙན་ངག་དཔྱད་ལྷུག་གི་རྩོམ་རྩལ་མྱུར་བ་སྟེ་གནས་ལྔ་རིག་པའི་རྒྱགས་ཕྱེའི་གྲབས་ཀྱང་གཤོམ། ད་དུང་བསང་མཆོད་ཀླུ་གསོལ་གྱིས་སྣང་སྲིད་བཅོས་ལ། མོ་གཏོ་དཔྱད་གསུམ་གྱིས་སྤྱི་དམངས་སྐྱོང་། རྔུལ་ཚོན་ཐིག་རིས་ཀྱི་སྒྱུ་རྩལ་མཛེས། དཀྱིལ་འཁོར་ལྷ་ཚོགས་སོགས་འབྲི་བླུག་མཁས། བཅའ་བཀོད་བཞེངས་གསུམ་གྱི་ཕྱག་སྟབས་བདེ། གཤེན་འཆམ་གར་སྟབས་ཀྱི་སྒེག་འགྲོས་ལྡེམ། གྱེར་དབྱངས་གདངས་གསུམ་གྱི་ངག་རྟ་འཇེབས། འབུད་རྡུད་དཀྲོལ་གསུམ་གྱི་རོལ་མོ་སྙན་པའི་ཐོག གནའ་དེང་གི་དཔེ་ཚོགས་བསྔོགས་ནས་བསྟན་འབྱུང་ལོ་རྒྱུས་ཀྱི་ཕུགས་རྒྱང་འདེད་མུས་ཀྱི་ངང་ནས་གང་ལྟར་འདི་གའི་སློབ་གཉེར་པ་དག་གིས་འཆད་རའི་ཐལ་ངག་དང་བསྙེན་སྒྲུབ་འཕྲིན་ལས་ཀྱི་དབྱངས་རྟའི་བསེབ་ནས་སྨྱུག་གར་གྱུར་པའི་རྩོམ་རིག་སྣ་ཚོགས་དག་བསྡུས་སྤུངས་ཀྱིས་ལོ་དེབ་ཏུ་བསྐྲུན་དང་སྐྲུན་བཞིན་པ་འདིས་ཀྱང་མིའི་རིགས་ཀྱི་ཤེས་རིག་ལ་ཞབས་འདེགས་དང་ཞང་བོད་མེས་པོའི་སྐད་ཡིག་རིག་གཞུང་རྒྱུན་སྐྱོང་དུ་དམིགས་པ་ལགས།

            རྒྱུ་མཚན་དེ་དག་ལ་བརྟེན་འདི་ནས་ཤེས་རིག་གི་སྦྲང་རྩི་འཇོ་རྒྱུ་ཡོད་ལ། ཉམས་མྱོང་གི་ལེགས་ཆ་བཏུ་རྒྱུའང་ཡོད། འདི་ན་དགེ་རྒན་བཟང་པོའི་བསླབ་བྱ་ཡོད་ལ། སློབ་མ་གཡུང་པོའི་ལྷག་བསམ་ཡང་ཡོད། འདི་ན་ཞང་བོད་མེས་པོའི་ཞལ་ཆེམས་ཡོད་ལ། ལོ་རྒྱུས་མང་པོའི་བྱུང་རབས་ཀྱང་ཡོད། དེས་ན་འདི་དག་བཀླགས་ན་གོ་རྒྱུ་རྙེད་ལ། གྱེར་ན་ནང་དོན་ཟབ། མཉན་ན་ཚིག་སྦྱོར་འཇེབས། སྤྱད་ན་བློ་བསྐྱེད་ཐོབ་པར་ངེས་སོ། །

            དེས་ན་འདོན་ཐེངས་འདི་ཉིད་ལའང་རྒྱུན་ལྡན་ལྟར་འདིར་བཞུགས་རྩོམ་པ་པོ་དག་གིས་གཙོས་པའི་གསར་ཞུགས་སློབ་གཉེར་པ་རེ་ཟུང་དང་། ཕྱོགས་བཞུགས་རྩོམ་པ་པོ་རེ་འགའ་བཅས་ནས་ཀྱང་རྩོམ་ཡིག་ཞལ་འདེབས་ཀྱི་མཐུན་སྦྱོར་བཀའ་དྲིན་ཆེ་ཞིང་། དེ་མཚུངས་སུ་ངེད་བགྲེས་པོ་ཚང་གི་རྩོམ་སྒྲིག་ལས་རོགས་རྣམས་ཀྱིས་སློབ་པ་ལམ་ཞུགས་ཀྱི་བར་གསེང་ནས་ཀྱང་དུས་ཚོད་ཆེད་བཏང་མཛད་ནས་རྩོམ་ཡིག་སྒྲིག་སྦྱོར་དང་གནས་ཚུལ་བསྡུ་རུག་སོགས་ལ་ངལ་བ་འཁུར་ཏུ་བླངས་ཡོད་པས་ན་འདི་ནས་ཀྱང་བཀའ་དྲིན་སྙིང་ཐག་པ་ནས་ཆེ་ཞུའོ།། །།

གཙོ་སྒྲིག་པ་ཆོས་འཁོར་ཚང་གཡུང་དྲུང་རྒྱ་མཚོས།

1549635319397312.png1549635319760027.png1549635318780811.png1549635319305955.png

tibetmonk  2019-1-30 23:58:39

ལྷོ་ནུབ་མི་རིགས་སློབ་ཆེན་གྱི་དགེ་རྒན་ཆེན་མོ་རྫ་པ་ཚེ་རིང་འགྱུར་མེད་ཀྱིས་བརྩམས་པའིབོན་གྱི་ཆོས་དང་རིག་གནས་ཁམས་དཀར་མཛེས་ཕྱོགས་སུ་དར་འགྲིབ་བྱུང་ཚུལ་ལ་དཔྱད་པ་མེས་པོའི་ཞབས་རྗེསཞེས་པ་སི་ཁྲོན་མི་རིགས་དཔེ་སྐྲུན་ཁང་དཔར་དུབསྐྲུན་པ།

1548761151136264.jpg

   བོན་གྱི་ཆོས་དང་རིག་གནས་ནི་རང་རེ་དཀར་མཛེས་ཕྱོགས་འདིའི་རིག་གནས་སྤྱིའི་གྲུབ་ཆ་གལ་ཆེ་བ་ཞིག་ཏུ་གྱུར་ཡོད་ལ། ས་གནས་འདིའི་ཐུན་མོང་མ་ཡིན་པའི་རིག་གནས་ཀྱི་སྣང་ཚུལ་དང་བསམ་བློའི་འདུ་ཤེས་འཛིན་སྟངས་སོགས་མཚོན་བྱེད་ཅིག་ཡིན་ཞིང་། ཁམས་དཀར་མཛེས་ཡུལ་གྱི་ཡ་ཐོག་གི་རིག་གནས་དང་ཐོག་མའི་ལོ་རྒྱུས་སོགས་ཀྱི་འགོ་ཁུངས་སྟོན་བྱེད་ཀྱང་ཆགས་ཡོད། འདིར་ཁམས་དཀར་མཛེས་ཕྱོགས་སམ་ད་ལྟའི་དཀར་མཛེས་བོད་རིགས་རང་སྐྱོང་ཁུལ་གྱི་མངའ་འོག་ཏུ་ཡ་ཐོག་གདོད་མའི་བོན་དང་རིག་གནས། འཕྲུལ་ངག་གཡུང་དྲུང་གི་བོན་དང་རིག་གནས་སོགས་ཐོག་མར་དར་བའི་ཚུལ། བར་དུ་འཛིན་ཞིང་སྤེལ་བའི་ཚུལ། མཐའ་མར་དུས་འགྱུར་གྱི་འཇིག་པ་ལན་དུ་མར་ཕྲད་ནས་ཉམ་ཉེས་ཐེབས་པའི་ཚུལ་སོགས་ལ་ས་འོག་ནས་ཐོན་པའི་གནའ་རྫས་བརྟག་ཞིབ་ཀྱི་ཡིག་ཆ་དང་། དུས་རབས་བཅུ་པ་སྔོན་གྱི་ཏུན་ཧོང་ཤོག་དྲིལ། དུས་རབས་བཅུ་པ་ནས་བཅུ་གསུམ་པའི་བར་གྱི་བོན་བན་རིས་སུ་མ་ཆད་པའི་ལོ་རྒྱུས་ཡིག་ཚང་རྙིང་པ། དེང་གི་རིག་གཞུང་ཞིབ་འཇུག་པའི་གཟུར་གནས་དཔྱད་རྩོམ་ཚད་ལྡན་བཅས་ལ་ཁུངས་བཅོལ། ད་ལྟར་འཛམ་གླིང་གཙུག་ལག་སློབ་ཆེན་དང་ཚན་རིག་ཞིབ་འཇུག་སྡེ་ཁག་གི་སྤྱི་མཐུན་གྱིས་བེད་སྤྱོད་བཏང་དང་གཏོང་མུས་སུ་ཡོད་པའི་མིའི་རིགས་ཀྱི་རིག་པ་དང་། ཆོས་ལུགས་རིག་པ། མི་རིགས་རིག་པ། ཡིག་ཚང་རིག་པ། གནའ་ཤུལ་རྟོག་ཞིབ་རིག་པ་སོགས་ཀྱི་ཞིབ་འཇུག་རིགས་ལམ་བེད་སྤྱོད་བཏང་ནས་བདེན་པའི་ཞལ་ལ་རྫུན་མའི་སེང་རས་ཀྱིས་མི་གཡོགས་པར་ཐད་ཀར་ལྟ་བཟོད་པའི་སྤོབས་པ་དང་བཅས་བརྟག་ཞིབ་བྱས་ཁུལ་ཡིན། འདིས་རང་རེ་གཞོན་སྐྱེས་བློ་མིག་དྲང་ཞིང་ཐུགས་རྒྱ་ཡངས་པ་རྣམས་མི་རིགས་ཤིག་གི་མེས་པོའི་བགྲོད་ལམ་དང་། རིག་པའི་དཔལ་ཡོན་བསུས་པའི་གོ་རིམ། ཐུན་མོང་གི་བསམ་བློའི་འདུ་ཤེས་གྲུབ་པའི་རྒྱུ་རྐྱེན། ཐུང་མོང་གི་སྐད་ཡིག་དང་འཚོ་བར་རོལ་སྟངས་བྱུང་བའི་རིམ་པ་སོགས་ལ་བསམ་ཞིབ་གནང་བའི་ཚེ། བློ་གྲོས་ཀྱི་སྒོ་འཕར་ཡངས་པོར་འབྱེད་བྱེད་དུ་འགྱུར་ངེས་སྙམ་སྟེ། རང་གི་སེམས་ཕུགས་ན་འཆང་བའི་རེ་སྨོན་འདི་ཇི་བཞིན་དོན་འབྲས་སྨིན་པར་ཤོག་ཅིག་གུ། བོད་རབ་རྒྱན་མེ་བྱ་ལོར་རྒྱ་ནག་ལྷོ་ནུབ་ཁྲིན་ཏུའུ་གྲོང་དུ་མཇུག་རྫོགས་པར་དགེའོ། །

tibetmonk  2019-1-21 22:14:21

7.jpg

    གཡུང་དྲུང་བོན་གྱི་སྐྱབས་འབངས་སུ་གཏོགས་པའི་གཡུང་དྲུང་སྤུན་གྲོགས་རྣམས་ལ་ཆེད་ཞུ། ད་ལམ་ཞྭ་དཀར་བསྟན་པའི་གཙུག་རྒྱན་སྐྱབས་རྗེ༧གཡུང་དྲུང་གླིང་གི་མཁན་རིན་པོ་ཆེས་རྒྱལ་བའི་སྐུ་གསུང་ཐུགས་ཀྱི་རྟེན་དོན་མཚོན་པའི་བོན་གྱི་བཀའ་འགྱུར་ཆེན་མོའི་དཔེའུ་ཙེའི་སྒྲ་སྒམ་ལེགས་གྲུབ་བྱུང་བའི་བརྡ་སྦྱོར།

1.jpg

བོན་གྱི་གདན་ས་ཆེན་མོ་རུ་ལག་གཡུང་དྲུང་གླིང་།

2.jpg

གཡུང་དྲུང་གླིང་གི་མཁན་ཆེན༧སྐྱབས་རྗེ་ཚུལ་ཁྲིམས་བསྟན་འཛིན་དབང་རྒྱལ་རིན་པོ་ཆེ།
3.jpg

བཀའ་འགྱུར་ལྷ་ཁང།

1547990382503471.jpg1547990382105987.jpg

1547990383729991.jpg1547990383819325.jpg

བཀའ་འགྱུར་གཏོང་ཐབས་ཀྱི་གསལ་བཤད། རྒྱང་འཛིན་ཡོ་ཆས་ཀྱི་ཐོག་ནས་བཀའ་འགྱུར་གཏོང་ཐབས་ལ་རྣམ་པ་གསུམ་ཡོད།

 བཏོན་ཐབས་དང་པོ།   རྒྱང་འཛིན་ཡོ་ཆས་ཀྱི་ཐོག་ནས་གནོན་ན།  བཀའ་འགྱུར་གྱི་མགོ་ནས་མཇུག་བར་བཏོན་ཐུབ་ཀྱི་ཡོད། 

 བཏོན་ཐབས་གཉིས་པ།   རྒྱང་འཛིན་ཡོ་ཆས་ཀྱི་ཐོག་ནས་གནོན་ན།   བཀའ་འགྱུར་གྱི་སྡེ་ཚན་གང་དགོས་གདམ་བསལ་བྱེད་ཐུབ།

 བཏོན་ཐབས་གསུམ་པ།   རྒྱང་འཛིན་ཡོ་ཆས་ཀྱི་ཐོག་ནས་གནོན་ན།   བཀའ་འགྱུར་གྱི་སྡེ་ཚན་གང་གདམ་ཟིན་དེ་ལས་བཀའ་འགྱུར་གྱི་སྡེ་ཚན་གཞན་གྱི་དབུ་འཛུགས་མི་བྱེད་པར་མཚམས་འཇོག་བྱེད་ཐུབ།

1547990382978628.jpg

དཀར་ཆག

1547991108330398.jpg
14.jpg15.jpg16.jpg17.jpg18.jpg19.jpg20.jpg21.jpg22.jpg23.jpg24.jpg25.jpg26.jpg27.jpg28.jpg29.jpg30.jpg33.jpg
རྒྱལ་བའི་བཀའ་འགྱུར་རིན་པོ་ཆེའི་བྱུང་རབས་དང་ཀློག་འདོན་གྱི་ཕན་ཡོན་རིན་ཆེན་ཚོམ་བུ་བཞུགས་སོ།།

   ས་དང་ལམ་གྱི་རིམ་པ་ཡོངས་སུ་བགྲོད་དེ་རང་དོན་དུ་བོན་སྐུ་བདེ་བ་ཆེན་པོའི་གོ་འཕང་བརྙེས་ཀྱང་། གཞན་དོན་དུ་ལྔ་བརྒྱ་དུས་ཀྱི་སྙིགས་མ་རྩོད་ལྡན་ཚེ་ལོ་བརྒྱ་པའི་འདྲེན་སྟོན་མཆོག་གི་སྤྲུལ་སྐུ་རྣམ་མཁྱེན་རྒྱལ་བ་གཤེན་རབ་མི་བོ་མཆོག ཡབ་རྒྱལ་བོན་ཐོད་དཀར་དང་ཡུམ་ཡོ་ཕྱི་རྒྱལ་བཞད་མ་གཉིས་ཀྱི་སྲས་སུ་རྟག་གཟིགས་འོལ་མོ་ལུང་རིང་གི་ཡུལ་དབུས།  སྐུ་མཁར་བར་པོ་སོ་བརྒྱད་དུ༼སྤྱི་ལོའི་སྔོན་གྱི་མི་ལོ་༡༦༠༡༧ལ་༽སྐུ་འཁྲུངས་ཤིང་འགྲོ་བ་གང་འདུལ་གྱི་ཐབས་དང་ཐུགས་རྗེ་འགག་པ་མེད་པའི་མཛད་ཆེན་སུམ་བརྒྱ་དྲུག་བཅུ་དང་། མཛད་པ་བཅུ་གཉིས་ཀྱི་སྒོ་ནས་བོན་བསྟན་ཞིང་།   མཛད་ཆེན་དེ་རྣམས་ཀྱི་ཁོངས་སུ་གསུང་པའི་དྲང་ངེས་ཀྱི་བཀའ་དང་།  ཕྱི་ནང་གསང་གསུམ།  སྒོ་བཞི་མཛོད་ལྔ། ཐེག་པ་རིམ་དགུ།  བརྒྱད་ཁྲི་བཞི་སྟོང་གི་བཀའ་ཐམས་ཅད་བཀའ་འཁོར་རིམ་པ་གསུམ་གྱི་ཁོངས་སུ་འདུས་པ་ནི།  ཡེ་ཤེས་གསལ་སྒྲོན་ལས།  བཀའ་རབ་འབྱམས་ཐེག་པ་བོན་གྱི་རྒྱ་མཚོ་ཡང་།  མདོ་རུ་བསྡུས་ན་བཀའ་ཐོག་མཐའ་བར་གསུམ་དུ་འདུས་ཏེ།   དེ་ཡང་བཀའ་དང་པོ་རྒྱུ་འབྲས་ཐེག་པ་རིམ་དགུ་རུ་གསུངས།  བར་པ་བདེན་གཉིས་སྒོ་བཞི་མཛོད་དང་ལྔ་རུ་གསུངས་པ་དང་། ཐ་མ་དོན་དམ་ཕྱི་ནང་གསང་གསུམ་དུ་གསུངས་པ་དང་གསུམ་མོ།  ཞེས་གསུང་པའི་བཀའ་འཁོར་རིམ་པ་གསུམ་གྱི་ཁྱབ་ཁོངས་སུ་ཐུན་མོང་གི་རིག་གནས་སྤྱི་དང་།  ཐུན་མིན་ནང་དོན་རིག་པ་མདོ་སྔགས་སེམས་གསུམ་གྱི་བརྗོད་བྱ་དང་རྗོད་བྱེད་ཕུན་སུམ་ཚོགས་པའི་བཀའ་འགྱུར་རོ་ཅོག་ཕལ་ཆེར་ཕྱོགས་གཅིག་ཏུ་བསྒྲིགས་པའི་གདམས་ངག་གི་ཚོམས་ཆེན་མོ། །ཞང་བོད་རིག་གནས་ཀྱི་མ་ལག་ཡོངས་སུ་ཚང་པའི་སྲིད་གསུམ་འགྲོ་བའི་མཆོད་སྡོང་ཆེན་མོ་རྒྱལ་བའི་བཀའ་འགྱུར་རིན་པོ་ཆེའི་མཚན་དོན་ཡོངས་སུ་ཚང་པའི་གཡུང་དྲུང་བོན་གྱི་བཀའ་འགྱུར་རིན་པོ་ཆེ་འདི་ཉིད་དོ། །

   དེ་ཡང་ལོ་རྒྱུས་བྱུང་རབས་ཀྱི་དབང་དུ་བྱས་ན་དང་པོར་དབུ་བརྙེས་པ་དང་།  བར་དུ་ཡོངས་སུ་གྲུབ་པ།  ཐ་མར་དར་ནུབ་བྱུང་ཚུལ་བཅས་སྤྱི་ཡི་འཆིང་ཆེན་མོ་གསུམ་གྱི་བདག་ཉིད་དོ། ། 

   དང་པོ་ནི།༽བོན་གྱི་ལོ་རྒྱུས་ཁྲོད་དུ་གྲགས་པའི་གསས་ཁང་དཀར་ནག་བཀྲ་གསལ་ལམ་དོན་འཐོབ་བོན་གྱི་དཔེ་མཛོད་ཁང་ཆེན་མོ་དེར་རྟག་གཟིགས་འོལ་གླིང་གི་གདུང་རྒྱུད་རྒྱལ་པོ་སྡེ་དྲུག་གི་ནང་ཚན་རྒྱ་རྗེ་ཀོང་ཙེ་འཕྲུལ་རྒྱལ་ལ་དམུ་སྲས་འགྲོ་བའི་མགོན་པོས་༼སྤྱི་ལོའི་སྔོན་གྱི་མི་ལོ་༡༣༥༡༧ལ་༽ བསྟན་པ་རྗེས་སུ་བཞག་པ་ནས་རྒྱལ་བའི་བཀའ་འགྱུར་རིན་པོ་ཆེ་དབུ་བརྙེས་ཤིང་།    དེ་ཡང་བསྟན་པ་གཉེར་གཏད་ཀྱི་མདོ་ལས།    དེ་ནས་སྒོ་བཞི་མཛོད་དང་ལྔ་ཡི་བོན།     རིན་ཆེན་གླེགས་བམ་བྱེ་བ་དུང་ཕྱུར་བཅས།  དཀར་ནག་བཀྲ་གསལ་བསྟན་པ་རྗེས་སུ་བཞག   ཅེས་གསུངས་སོ།།

   གཉིས་པ།༽  མདོ་འདུས་ལས།  ང་ནི་མྱ་ངན་འདས་འོག་ཏུ།  མདོ་འབུམ་རྒྱུད་མཛོད་བཞིར་ཕྱེས་ལ། འཁོར་རྣམས་བཀའ་ནི་བསྡུ་བར་གྱིས།  སྟོན་པ་གནས་འཁོར་དུས་དང་བོན།  ཕུན་སུམ་ཚོགས་པ་ལྔས་ཤོད་ཅིག ཅེས་གསུང་པ་ལྟར། གསུང་གི་བསྟན་པའི་འདུལ་དཔོན་ཆེན་མོ་གདུང་སོབ་མུ་ཆོ་ལྡེམ་དྲུག་གཙོས་པའི་བསྡུ་འཁོར་བཅུ་གསུམ་གྱིས་རྒྱལ་བའི་བཀའ་ཐམས་ཅད།  ཕུན་སུམ་ཚོགས་པ་མདོ་ཡི་སྡེ་དང་།   རྣམ་དག་རྒྱས་པ་འབུམ་གྱི་སྡེ་དང་།  ཟབ་ལམ་གསང་སྔགས་རྒྱུད་ཀྱི་སྡེ་དང་།  བླ་མེད་སེམས་ཕྱོགས་མཛོད་ཀྱི་སྡེ་དང་བཞིར་ཕྱེས་ཤིང་། རྟག་གཟིགས་འོལ་མོ་རིང་གི གླིང་ཆེན་བཅུ་གཉིས་ཀྱི་ནང་ཚན་ཤར་ཕྱོགས་གཡུང་དྲུང་བཀོད་པའི་གླིང་དུ་༼སྤྱི་ལོའི་སྔོན་མི་ལོ་༣༩༠༠ལོར་༽བཀའ་བསྡུའི་མཇུག་རྫོགས་པ་ནས་རྒྱལ་བའི་བཀའ་འགྱུར་རིན་པོ་ཆེ་ཡོངས་སུ་གྲུབ་པའོ།།

   གསུམ་པ་ནི།༽ མདོ་ལས། སྟོན་པའི་སྒྲོན་མར་མུ་ཆོ་ལྡེམ་དྲུག་སོང་།  གསུང་རབ་བཀའ་རྒྱུད་ཤོད་ལ་འགྲོ་བ་ཐར་པར་དྲོངས། ཞེས་དང་། ང་དང་མཉམ་པའི་རྩལ་ཤུགས་ཁྱོད་ལ་ཡོད། ཅེས་ལུང་གིས་མངགས་པ་ལྟར་ གདུང་ཚོབ་མུ་ཆོ་ལྡེམ་དྲུག་གིས་རྒྱལ་བའི་བཀའ་རིན་པོ་ཆེར་ཐོས་བསམ་སྒོམ་སྒྲུབ་དང་། འཆད་རྩོད་རྩོམ་གསུམ་གྱིས་སློབ་ཚོགས་ལེགས་པར་བསྐྱངས་པའི་ནང་ནས་མཆོག་ཏུ་གྱུར་པ་རྫུ་འཕྲུལ་གྱི་ཞབས་དང་ལྡན་པའི་ལོ་ཙྭ་བ་ཆེན་པོ་རྟག་གཟིགས་ཀྱི་མཁས་པ་དམུ་ཚ་ཏྲ་ཧེ་དང་།  ཞང་ཞུང་ལ་ཁྲི་ཐོག་སྤར་ཙ།  སུམ་པ་ལ་འགུ་ཧུ་ལུ་སྤར་ཡ། རྒྱ་གར་ལ་ལྷ་བདག་སྔགས་གྲོལ།  རྒྱ་ནག་ལ་ལེགས་ཏང་རྨང་པོ། ཁྲོམ་ལ་གསེར་ཐོག་ལྕེ་འབྱམས་བཅས་འཛམ་གླིང་མཁས་པའི་རྒྱན་དྲུག་བྱུང་ཞིང་རྒྱལ་བའི་བཀའ་རིན་པོ་ཆེ་རང་རང་གི་ཡུལ་དུ་དྲངས་ཏེ་སོ་སོའི་རང་སྐད་དུ་བསྒྱུར་ནས་རྟག་གཟིགས་དང་།  ཞང་ཞུང་།  རྒྱ་དཀར་ནག  ཕྲོམ་གེ་སར་སོགས་འཛམ་གླིང་དུ་རྒྱལ་བའི་བསྟན་པ་རིན་པོ་ཆེ་ནམ་ལངས་པ་ལྟ་བུའི་མཛད་པ་མངོན་པར་འཕགས་པ་འགྲོ་བའི་བསོད་ནམས་ཀྱི་དཔལ་དུ་ཤར་བ་དག་གོ  གཞང་ཡང་། བསྟན་པ་གཉེར་གཏད་ཀྱི་མདོ་ལས།  ནམ་མཁའ་སྣང་བ་མདོག་ཅན་ཁྱོད།  དེ་དུས་དེ་དང་དུས་མཉམ་དུ།  ཁ་བ་ཅན་གྱི་བོད་ཡུལ་དུ།  ལྷ་རི་གྱང་དོ་བྱ་བ་རུ།   ཁྲི་བདུན་བར་ལ་བདུན་ཚིག་དང་།   རྒྱལ་གཤེན་བསྟན་པ་མཉམ་ཆགས་མཛོད། ཅེས་གསུངས་པ་ལྟར།  གཤེན་ནམ་མཁའ་སྣང་བ་མདོག་ཅན་དང་། རྒྱལ་པོ་གཉའ་ཁྲི་ཡབ་སྲས་གཙོས་གནམ་གྱི་ཁྲི་བདུན་དང་། ཞང་ཞུང་ནས་གདན་དྲངས་པའི་མཁས་པ་བརྒྱ་རྩ་བརྒྱད། སྨད་ཀྱི་མཁས་པ་མི་བཞི་བཅས་རྒྱལ་གཤེན་དེ་རྣམས་ནུས་སྟོབས་གཅིག་ཏུ་སྒྲིལ་ཏེ་རྒྱལ་བའི་བཀའ་རིན་པོ་ཆེ་ཞང་སྐད་ལས་བོད་སྐད་དུ་བསྒྱུར་ནས་སངས་རྒྱས་ཀྱི་བསྟན་པ་རིན་པོ་ཆེ་འཆད་རྩོད་རྩོམ་གསུམ་གྱི་སྒོ་ནས་བོད་གངས་ཅན་གྱི་ཞིང་དུ་དར་བར་མཛད་པ་ནས་རྒྱལ་བའི་བཀའ་འགྱུར་རིན་པོ་ཆེ་བོད་ལ་བྱུང་བ་ནི་སྔ་དར་དང་།     

   གཉིས་པ་གྲི་གུམ་དང་ཁྲི་སྲོང་བོད་རྒྱལ་སྔ་རྗེས་གཉིས་ཀྱིས་བོན་བསྟན་བསྣུབས་ཀྱང་།   ༼སྤྱི་ལོའི་སྔོན་༦༨༣་ལོར་༽ གྲི་གུམ་གྱི་སྐབས་སུ་མཁས་པ་མི་བཞི་གཙོས་པའི་ཞང་བོད་མཁས་གྲུབ་སེང་ཁྱུ་འཁྲུག་པ་ལྟ་བུས་རྒྱལ་བའི་བཀའ་རིན་པོ་ཆེ་ཟབ་གཏེར་སུམ་བརྒྱ་དྲུག་ཅུ་ཕྱེས་ཤིང་གཏེར་དུ་སྦས། ཕྱིས་སུ་༼སྤྱི་ལོ་༩༡༣་ལོར་༽ཟབ་མོ་གཏེར་གྱི་དབུ་བརྙེས་པ་ནས་རིམ་བཞིན་ལྷོ་བྱང་དབུས་གསུམ་སོགས་ནས་ཨ་ཙ་ར་དང་གཤེན་གྱེར་རྨ་དབྱིལ་སོགས་གཏེར་དང་སྙན་རྒྱུད་ཀྱི་སྒོ་ནས་གཏན་ལ་ཕབས་པའི་རྒྱལ་བའི་བཀའ་འགྱུར་རིན་པོ་ཆེ་རིག་གསར་གོང་དུ་ལག་བྲིས་དང་ཤིང་པར་ཟངས་པར་སོགས་བཞེངས་སྒྲུབ་བྱས་ཏེ་དར་བ་ནི་བོད་ལ་རྒྱལ་བའི་བཀའ་འགྱུར་རིན་པོ་ཆེ་བར་དར་དང་།   རིག་གསར་ནང་བོར་བརླག་ཆུད་གཟོན་མ་སོང་བའི་རྒྱལ་བའི་བཀའ་འགྱུར་རིན་པོ་ཆེ་འདི་ནི་ཧོར་བློན་ག་རྒྱ་ཚང་ནས་གཏེར་སྟོན་གསང་སྔགས་གླིང་པར་ཕུལ་བའི་ཉག་རོང་དབལ་ཁྱུང་དགོན་དུ་བཞུགས་པའི་བཀའ་འགྱུར་རིན་པོ་ཆེ་འདི་ཉིད་གཅིག་པུ་ཡིན་སྟབས་དེ་ཉིད་པར་སྐྲུན་བྱས་པའི་རྒྱལ་བའི་བཀའ་འགྱུར་རིན་པོ་ཆེ་བོད་ཡུལ་སྟོད་སྨད་བར་གསུམ་གཙོས་འཛམ་གླིང་ཡུལ་གྲུ་ཀུན་ལ་ཁྱབ་པར་དར་བ་ནི་བོད་ལ་མཚོན་ན་ཕྱི་དར་ཞེས་བརྗོད་ན་མི་འགྲིག་པ་མེད་དམ་སྙམ་པ་བཅས་རྒྱལ་བའི་བཀའ་འགྱུར་རིན་པོ་ཆེའི་བྱུང་རབས་རགས་བསྡུས་སུ་བཀོད་པའོ།  

   གཉིས་པ་ཀློག་འདོན་གྱི་ཕན་ཡོན་ནི། ལྷར་བཅས་འགྲོ་བའི་གཙུག་རྒྱན་རྣམ་འདྲེན་བརྒྱད་པ་རྒྱལ་བ་གཤེན་རབ་མི་བོ་མཆོག་གིས་འགྲོ་བ་འདུལ་བའི་ཐབས་སུ་དཔེའུ་རྩེ་གསུམ་མམ་སྐུ་གསུང་ཐུགས་ཀྱི་མཛད་པ་གསུམ་དུ་བསྟན་པའི། འོ་སྐོལ་འགྲོ་བ་ལྷ་དང་བཅས་པ་གསུང་གི་བསྟན་པའི་གདུལ་ཞིང་དུ་གྱུར་བ་དག་གསུང་རབ་ཀློག་འདོན་གྱི་ཕན་ཡོན་ཚེ་ནོར་ལོངས་སྤྱོད་འཕེལ་བ་དང་།  ནད་མུག་མཚོན་གསུམ་གྱི་བར་ཆད་ཞི་བ་དང་།  མཐར་ཐུག་འཁོར་བ་སྡུག་བསྔལ་གྱི་རྒྱ་མཚོ་ལས་སྒྲོལ་བའི་ཕན་ཡོན་བསམ་གྱིས་མི་ཁྱབ་པ་ཡོད་པ་དམིགས་སུ་བཀར་ནས་གསུང་རབ་ཁག་ནས་ཟབ་རྒྱས་སུ་བསྟན་པ་དེ་དག་ཐམས་ཅད་འགོད་ཐབས་བྲལ་བས།   དཔེ་མཚོན་དུ་འདི་ལྟ་སྟེ།   གསེར་འོད་ནོར་བུ་འོད་འབར་ལས།  གང་ཞིག་འདི་ལ་ཀློག་པ་རྣམས།  ལོངས་སྤྱོད་ཕུན་སུམ་ཚོགས་ནས་སུ།  འཁོར་ལོ་བསྒྱུར་བའི་རྒྱལ་པོ་སྐྱེ།  ཉི་ཟླ་གཟའ་ཡིས་ཟིན་དུས་ཀློག་གྱུར་ན།  དེ་ཕྱིར་བར་ཆོད་རྐྱེན་རྣམས་ཞི།  ས་འགུལ་འབྱུང་དུས་ཀློག་གྱུར་ན།  འགལ་རྐྱེན་བར་ཆོད་ཀུན་ཞི་ནས།  ཚེ་ནོར་ལོངས་སྤྱོད་འཕེལ་བ་དང་།   ནད་ཡམས་བཟློག་ཕྱིར་ཀློག་གྱུར་ན།   ནད་མུག་མཚོན་གསུམ་ཞི་བ་དང་།   དུས་བཟང་རྟག་ཏུ་ཀློག་གྱུར་ན།  བར་ཆོད་རྐྱེན་རྣམས་ཀུན་ཞི་ནས།   ཚེ་ནོར་བསོད་ནམས་ལོངས་སྤྱོད་རྒྱས།  རྟག་ཏུ་མ་བརྗེད་ཀློག་གྱུར་ན།  མ་རིག་ཉོན་མོངས་དུག་ལྔ་འཇོམས།   ཡེ་ཤེས་ཆེན་པོ་ལྔ་དང་ལྡན།  ཞེས་དང་།    མདོ་ཕྲན་ལས།  ལེགས་འབྱོར་བཀྲ་ཤིས་འཕྲུལ་གྱི་ཡི་གེ་ནི།  རྣམ་གྲངས་མི་འགྱུར་དོན་རྣམས་ཀུན་སྟོན་བྱེད།  བྲིས་ལེགས་མདངས་ལྡན་ནོར་བུའི་ཕྲེང་པ་བཀོད།  བཀླགས་པས་ཁོང་ནས་སྣ་ཚོགས་དོན་སྟོན་པ།    ཡ་རབས་ཐབས་བསྟོད་གྲལ་གྱི་འགོ་འདྲེན་ཞིང་།  མ་རབས་སྐྱབས་བརྟེན་ཐབས་ཀྱི་ཕ་མ་སྟེ།  ལྷ་མི་ཀུན་ཀྱང་ངན་སོང་ཕྱགས་མས་འདེབས།  ཞེས་དང་།  བྱམས་འབུམ་ལས།  དད་པས་ངག་ཏུ་འདོན་པ་ནི།   ཕས་ཀྱི་རྐྱེན་རྣམས་བཟློག་པ་དང་།   ཞེས་དང་།   ཡན་ལག་བརྒྱད་པའི་མདོ་ལས།  ཀློག་དང་འཆང་བ་ལ་སོགས་སུས་བྱས་ན།  འདི་དང་ཕ་རོལ་གཉིས་ཀ་དགོས་པའི་དོན།  འགྲུབ་པར་འགྱུར་བ་འདི་ལ་ཐེ་ཚོམ་མེད།  ཅེས་གསུང་པ་ལྟར་གསུང་རབ་ཀློག་འདོན་གྱི་ཕན་ཡོན་སངས་རྒྱས་ཀྱིས་ལུང་དུ་བསྟན་པ་དེ་དག་གི་དོན་ཤེས་པར་གནང་སྟེ།  སྤོས་མེ་ཕྱག་མཆོད་ལ་སོགས་མཆོད་པ་ཅི་འབྱོར་བཤམས།  སངས་རྒྱས་དངོས་སུ་བཞུགས་ནས་བོན་གསུང་པའི་འདུ་ཤེས་བསྐྱེད་དེ།  སྔོན་འགྲོ་དངོས་གཞི་རྗེས་བྱ་གསུམ་ཚང་གི་སྒོ་ནས་རྒྱལ་བའི་བཀའ་འགྱུར་རིན་པོ་ཆེའི་གློག་རྡུལ་སྒྲ་སྒམ་ནང་ནས་ཀློག་འདོན་བགྱིས་པའི་དགེ་བས་གསོན་གཤིན་གང་ལ་དམིགས་པའི་དོན་རྣམས་འགྲུབ་པའི་ཕན་ཡོན་རྒྱ་ཆེར་འབྱུང་བ་གོང་དུ་དྲངས་པའི་ལུང་དེ་དག་གིས་གསལ་ཤེས་ཐུབ་པ་ཡིན་ནོ།།སྙིགས་དུས་འགྲོ་བའི་སྐྱབས་གནས་ལྷར་བཅས་སྲིད་ཞིའི་གཙུག་རྒྱན་རྣམ་འདྲེན་བརྒྱད་པ་༧རྒྱལ་བ་གཤེན་རབ་མི་བོ་མཆོག་གི་ཐུགས་བཅུད་སྲིད་གསུམ་འགྲོ་བའི་མཆོད་སྡོང་ཆེན་མོ་༧སངས་རྒྱས་གཡུང་དྲུང་བོན་གྱི་༧རྒྱལ་བའི་བཀའ་འགྱུར་རོ་ཅོག་ཕྱོགས་གཅིག་ཏུ་སྒྲིགས་པའི་གདམས་ངག་གི་ཚོམ་ཆེན་མོ་འདི་ཉིད་འཛམ་གླིང་ས་ཡི་ཡང་རྩེ་ཞང་ཞུང་ཕུག་པ་སྨར་གྱེར་རྟག་གཟིགས་འོལ་མོ་ལུང་རིང་དུ་སྤྱི་ལོའི་སྔོན་མི་ལོ་༡༣༥༡༦དབུ་བརྙེས་ནས་ཞང་བོད་ཀྱི་ཆོས་དང་རིག་གཞུང་གི་ཕ་ས་ཆེན་པོ་གྱུར་ཏེ།   འཛམ་གླིང་མཁས་པའི་རྒྱན་དྲུག འཇའ་ལུས་ཉེར་བཞི་དང་།  གྲུབ་ཆེན་བརྒྱད་ཅུ།  བོན་གཤེན་ཞེ་གཉིས། མཐུ་ཆེན་མི་དགུ  གཤེན་གྱེར་རྨ་དབྱིལ།  བྲུ་ཞུ་སྤ་རྨེའུ་སོགས་བསྟན་དང་འགྲོ་བའི་སྐྱབས་གནས།  ས་ཡི་བརྡུལ་གྲངས་དང་མཉམ་པའི་མཁས་གྲུབ་ཀྱི་ཁྱུ་ཚང་ཡོངས་སུ་བརྡོལ་བ་འདི་དག རྒྱལ་བའི་བཀའ་འགྱུར་རིན་པོ་ཆེ་ལ་བརྟེན་ནས་བྱོན་པའི་བྱིན་བརླབས་ཀྱི་གྲོད་རླངས་མ་ཡལ་བའི་ཟབ་གདམས་ཁྱད་པར་ཅན་འདི་ཁོ་ནའོ།

གཡུང་དྲུང་བོན་གྱི་རྒྱལ་བའི་བཀའ་རིན་པོ་ཆེ་སྒྲ་འཇུག་གནང་སྐབས་ཀློག་པ་པོ་ཡིག་རམས་པ་གཉིས་ཀྱི་ངོ་སྤྲོད་མདོར་བསྡུས།
1547991007937705.jpg

   ཡིག་རམས་པ་ཨ་ངག་གམ་གྲྭ་བསྟན་འཛིན་རྣམ་རྒྱལ་ནི། སྤྱི་ལོ་༡༩༧༡ལོར་གཉན་རོང་རྫོང་སྟར་རྫོང་ཤང་བྲག་དཀར་གྲོང་ཚོར།  ཕ་གཙང་ཚ་བཟོད་པ་དང་མ་ཚ་བཟའ་ཨ་ལྕམ་གཉིས་ཀྱི་སྲས་སུ་འཁྲུངས།     རང་ལོ་དྲུག་ལ་སླེབས་སྐབས་ཕ་ཚེ་ལས་འདས་པས་མ་རྒན་གཅིག་པུས་སྙོར་སྐྱོང་བྱས་དགོས་བྱུང་། ཁོང་མ་བུ་རྣམས་འཚོ་བའི་དཀའ་ངལ་ཧ་ཅང་ཆེ་སྟབས་ཁོང་གི་ཨ་ཁུས་རང་ཁྱིམ་དུ་བསུས་ནས་ཡི་གེ་འབྲི་ཀློག་གང་ལེགས་བསླབ་པས་གཞན་དང་མི་འདྲ་བའི་བོན་ཆུང་འདོན་བཟང་ཞིག་ཏུ་གྱུར།  དེ་རྗེས་ལོ་༡༥ལོན་སྐབས་བོན་གྱི་གདན་ས་ཆེན་པོ་གཙང་སྨན་རི་དགོན་དུ་ཚ་རོང་བ་དགེན་གཡུང་དྲུང་གི་སྐུ་མདུན་དུ་རབ་ཏུ་བྱུང་སྟེ་སྐུ་ཞབས་རིན་པོ་ཆེ་ཀུན་གསལ་བློ་གྲོས་ཀྱི་མདུན་ནས་སྔོན་འགྲོ་ཟབ་རྒྱས་ཞུས་ཏེ་བསགས་སྦྱང་མཐར་ཕྱིན་པར་བྱས། དེ་ནས་ཤར་རུ་དགོན་གྱི་འདུས་སྡེར་ཞུགས་ནས་དེར་རྒྱུན་བཞུགས་བྱེད་བཞིན་མཆིས། ༢༠༡༤ཤིང་རྟ་ལོར་རྐོང་པོ་བོན་རི་ལ་བསྐོར་བརྒྱ་བསགས།    སྔ་རྗེས་སུ་ཁོང་གི་གསུང་རབ་ཇི་སྙེད་ཅིག་སྒྲ་འཇུག་གནང་པས་ཡིག་རམས་པའི་སྙན་པ་བོན་ཕྱོགས་ཀུན་ཏུ་གྲགས་པར་བརྟེན་སྤྱི་ལོ་༢༠༡༥ལོར་གཙང་རུ་ལག་གཡུང་དྲུང་གླིང་གི་མཁན་ཆེན་ཁྲི་རབས་བཅུ་གཅིག་པ་ཚུལ་ཁྲིམས་བསྟན་འཛིན་དབང་རྒྱལ་རིན་པོ་ཆེའི་སྐུ་མདུན་ནས་བཀའ་འགྱུར་གྱི་ལུང་ཆ་ཚང་ཞུས།   ལོ་དེར་སྐྱབས་རྗེ་མཁན་ཆེན་མཆོག་གི་བཀའ་དགོངས་བཞིན་རྒྱལ་བའི་བཀའ་འགྱུར་ཆེན་མོ་སྒྲ་འཇུག་གནང་སྐབས་པོད་གྲངས་བཅུ་ཕྲག་མང་པོ་སྒྲ་གསལ་འདོན་མགྱོགས་གྱི་ཁྱད་བོན་ལྡན་པའི་ཀློག་པ་པོའི་ཐུགས་འགན་བཞེས།

1547991007420893.jpg 

    ཡིག་རམས་པ་ཚེ་ཐར་དགེ་ལེགས་ནི། སྤྱི་ལོ་༡༩༨༥ལོར་གཉན་རོང་རྫོང་སེ་ཆེན་ཤང་གནང་ཆེན་གྲོང་ཚོར།  ཕ་ཁམས་པ་རྒྱལ་པོ་དང་མ་སོག་བཟའ་གཡུ་མཚོ་གཉིས་ཀྱི་སྲས་སུ་འཁྲུངས་ལོ་དྲུག་གི་ཐོག་ནས་སྲིང་མོ་རྣམ་སྒྲོལ་གྱིས་ཡི་གེ་བསླབ་པས་སྔོན་ལས་བཟང་པོ་ཞིག་གིས་མཐུ་ལས་མྱུར་དུ་ཚེགས་མེད་ཤེས་ཞིང་རིམ་བཞིན་བརྩོན་པ་ཆེར་སྐྱེད་བྱས་པས་ཡི་གེ་འབྲི་ཀློག་དང་འདོན་དབྱངས་སོགས་ལ་ཕུལ་དུ་ཕྱིན་པ་ཞིག་ཏུ་གྱུར།  དེ་རྗེས་རྐོང་པོ་བོན་རི་ལ་བསྐོར་བརྒྱ་བསགས།    ༢༠༡༥ལོར་གྲྭ་ས་འོག་མ་རུ་ལག་གཡུང་དྲུང་གླིང་གི་མཁན་རབས་བཅུ་གཅིག་པ་སྐྱབས་རྗེ་ཚུལ་ཁྲིམས་བསྟན་འཛིན་དབང་རྒྱལ་རིན་པོ་ཆེའི་སྐུ་མདུན་ནས་ཕྱག་ཁྲིད་དང་བཀའ་འགྱུར་གྱི་ལུང་ཆ་ཚང་ཞུས།   ལོ་དེར་སྐྱབས་རྗེ་མཁན་རིན་པོ་ཆེའི་བཀའ་དགོངས་ལྟར་རྒྱལ་བའི་བཀའ་འགྱུར་ཆེན་མོ་སྒྲ་འཇུག་གནང་སྐབས་པོད་གྲངས་བཅུ་ཕྲག་མང་པོ་སྒྲ་གསལ་འདོན་མགྱོགས་ཀྱི་ཁྱད་བོན་ལྡན་པའི་ཀློག་པ་པོའི་ཐུགས་འགན་བཞེས།

༄༅། །གཡུང་དྲུང་བོན་གྱི་སྐྱབས་འབངས་སུ་གཏོགས་པའི་

གཡུང་དྲུང་སྤུན་གྲོགས་རྣམས་ལ་ཆེད་ཞུ།

ད་ལམ་ཞྭ་དཀར་བསྟན་པའི་གཙུག་རྒྱན་སྐྱབས་རྗེ་ ༧ གཡུང་དྲུང་གླིང་གི་ཁྲི་འཛིན་མཁན་རིན་པོ་ཆེ་མཆོག་གིས་རྒྱལ་བའི་སྐུ་གསུང་ཐུགས་ཀྱི་རྟེན་དོན་མཚོན་པའི་གཡུང་དྲུང་བོན་གྱི་བཀའ་འགྱུར་ཆེན་མོའི་དཔེའུ་ཙེའི་སྒྲ་སྒམ་ལེགས་འགྲུབ་བྱུང་བས་རྒྱ་ཆེའི་འཛད་སྤྱོད་ཐུགས་འདུན་ཡོད་རིགས་རྣམས་ལ་སྔོན་མངག་གི་ཚུལ་དུ་བརྡ་སྦྱོར་འཕྲིན་བཟང་འདི་ཉིད་སྙན་སྒྲོན་དུ་ཞུ་གསོལ།

 ༧ བསྐལ་ཆེན་འགྲོ་བ་འདུལ་བའི་སྟོན་པ་རྣམ་མཁྱེན་ཡང་དག་པར་རྫོགས་པའི་སངས་རྒྱས་རྒྱལ་བ་གཤེན་རབ་མི་བོ་ཀུན་ལས་རྣམ་པར་རྒྱལ་བའི་ཐུགས་བཅུད་སྲིད་གསུམ་འགྲོ་བའི་མཆོད་སྡོང་ཆེན་མོ་སངས་རྒྱས་གཡུང་དྲུང་བོན་གྱི་རྒྱལ་བའི་བཀའ་འགྱུར་རིན་པོ་ཆེ་འདི་ཉིད་གཡུང་དྲུང་བོན་གྱི་བསྟན་པའི་གཙོ་འཛིན་བླ་ཆེན་དམ་པ་དུ་མས་འདོན་པའི་དབུ་འཛུགས་ཀྱི་བྱིན་རླབས་མཛད་པ་དང་། གྲགས་ཅན་གྱི་ཀློག་འདོན་པའམ་ཡིག་རམས་པ་གྲྭ་ཨ་ངག་བསྟན་འཛིན་རྣམ་རྒྱལ་དང་།  ཚེ་ཐར་དགེ་ལེགས་རྣམ་གཉིས་ཀྱིས་སྒྲ་དག་ཚིག་གསལ་དུ་དཀྱུས་བཞིན་ཀློག་འདོན་གནང་བ་ལྟར་མ་འཁྲུགས་པར་སྒྲར་ཕབས་ཤིང་ལོ་མང་རིང་དག་བཤེར་ཐེངས་མང་བགྱིས་པ་མ་ཟད་འཕྲུལ་ཆས་ཀྱི་མ་ལག་དང་བཟོ་སྐྲུན་སོགས་ཀྱི་ཐད་ནས་སྤུས་ཚད་ལེགས་ཤིང་བཀོལ་བདེ་བར་བཟོས་ཡོད།   སྒྲར་ཕབས་པའི་འཕྲུལ་ཆས་དེ་ནི་རྟེན་གསུམ་འདུས་པའི་བདག་ཉིད་ཅན་ཡིན་ཏེ་སྐུ་རྟེན་ནི་སྟོན་པ་ལོངས་སྤྱོད་རྫོགས་སྐུ། སྐུ་བརྙན་དང་། གསུང་རྟེན་ནི་རྒྱལ་བའི་བཀའ་འགྱུར་རིན་པོ་ཆེ་ལྗགས་ཀློག་གི་སྒྲ་དང་།    ཐུགས་རྟེན་ནི་གཡུང་དྲུང་ཡོངས་སུ་རྫོགས་པའི་མཆོད་རྟེན་སྤུས་ལེགས་གཟུངས་གཞུག་འབུལ་ཆོག་པ་བཅས་ཡིན།  འཕྲུལ་ཆས་དེ་ནི་རིམ་ཁག་སྲིད་གཞུང་ནས་ཁྲིམས་མཐུན་གྱི་ཁས་ལེན་ཐོབ་པའི་ཚད་ལྡན་གྱི་མཚོན་རྟགས་ཅན་དག་བཞེངས་བྱས་ཏེ་དད་ལྡན་ཡོངས་ཀྱི་ཐུགས་འདོད་སྐོང་ཐུབ་ངེས་བྱུང་ཡོད།  དེ་ཡང་རྣམ་མཁྱེན་ཡང་དག་པར་རྫོགས་པའི་སངས་རྒྱས་༧ སྟོན་པ་ལོངས་སྤྱོད་རྫོགས་སྐུ། སྐུ་གསུང་ཐུགས་ཀྱི་རྟེན་མཆོག་ཁྱད་འཕགས་འདི་ཉིད་གཡུང་དྲུང་བོན་གྱི་གདན་ས་ཆེན་པོ་རུ་ལག་གཡུང་དྲུང་གླིང་གི་མཁན་རབས་བཅུ་གཅིག་པ་༧སྐྱབས་རྗེ་ཚུལ་ཁྲིམས་བསྟན་འཛིན་དབང་གི་རྒྱལ་པོ་རིན་པོ་ཆེ་མཆོག་གིས་ཐུགས་འགན་གཙོར་བཞེས་གནང་སྟེ་སྤྱིར་སངས་རྒྱས་གཡུང་དྲུང་བོན་གྱི་བསྟན་པའི་མཛེས་རྒྱན་དང་།   སྒོས་དད་ལྡན་སྐྱེ་འགྲོ་ཡོངས་ཀྱི་བསོད་ནམས་བསགས་པའི་ཆེད་དུ་རྒྱལ་བའི་བཀའ་འགྱུར་རིན་པོ་ཆེ་ཆུ་རྒྱུན་སྐབས་མེད་ཀློག་པའི་ཐབས་མཆོག་བླ་ན་མེད་པར་དམིགས་ཏེ།   ཞྭ་དཀར་གཡུང་དྲུང་བོན་གྱི་གདན་ས་ཆེན་མོ་རུ་ལག་གཡུང་དྲུང་གླིང་གིས་འགྲེམ་སྤེལ་ཞུ་རྒྱུ་ཡིན་པས་ཐུགས་འདོད་ཡོད་པའི་རྒྱ་ཆེའི་དད་འབངས་རྣམས་ཀྱིས་འབྲེལ་གཏུག་གནང་ཡུལ་གཤམ་གསལ་ལྟར་ཡིན་པས་དེ་ལུགས་ཐུགས་ལ་འཇགས་པར་ཞུ་ཞུ།

ནག་ཆུ་ས་ཁུལ། ཚུལ་ཁྲིམས་ཡེ་ཤེས།   13398067400  15889025999 སྦྱིན་པ་མཐའ་ཡས།    13549042333 ཤེས་རབ་དགེ་ལེགས།    15889067798

སྦྲ་ཆེན་རྫོང་།    ལྷག་པ།      18798970588  དྲི་མེད་རྣམ་དག     13989066777

ལྷ་ས་གྲོང་ཁྱེར། ནོར་བུ་ཚེ་རིང་།     13638963678

ཁྱུང་པོ་སྟེང་ཆེན།  སྤུ་རི་ཚེ་དབང་བསྟན་རྒྱལ།   13659559888 བཀྲ་ཤིས་ཚེ་རིང་།    13889059853

ཨ་མདོ་ཁོག ཨ་དཔལ་བཟང་།    13909043403   

རྒྱལ་སྤྱིའི་ཚད་ལྡན་དཔེ་དེབ་ཨང་རྟགས། ISBN978-7-900508-96-6

ཞེས་བཀྲ་ཤིས་བདེ་ལེགས་ཀྱི་མཚམས་སྦྱར་བཅས་གཙོ་སྐྱོང་པ་ཚུལ་ཁྲིམས་ཡེ་ཤེས་ཀྱིས་སྤེལ།

tibetmonk  2019-1-4 15:03:51

ཞང་ཞུང་རིག་མཛོད་ཁང་གིས་སྒྲིག་སྦྱོར་བྱས་ཤིང་སི་ཁྲོན་མི་རིགས་དཔེ་སྐྲུན་ཁང་ནས་དཔར་དུ་བསྐྲུན་པའི་རྒྱལ་བའི་བཀའ་རིན་པོ་ཆེ་<<ལུང་མཚན་ཉིད་སྲིད་པའི་མཛོད་ཕུགས་ཀྱི་གཞུང་>>ཞང་བོད་ཡིག་གཟུགས་གསུམ་ཕབ་ཅན་གྱི་དཔེ་དེབ་འགྲེམ་སྤེལ་མཛད་སྒོ།
1546395089782489.jpg
1546395116848285.jpg
1546395246907583.jpg

   སྤྱི་ལོར2019ལོའི་གནམ་ལོ་གསར་བ་ཚེས་པའི་དུས་བཟང་ཟླ1ཚེས1ཉིན་གྱི་ཆུ་ཚོད་10:00ཐོག་ཏུ། བོན་གྱི་ཐ་སྙད་རྒྱ་ཡིག་ཐོག་ཕབ་བསྒྱུར་གཏན་འབེབས་གྲོས་ཚོགས་ཐེངས་དགུ་བ་ལ་ཚོགས་ཞུགས་རྣམ་པ་རེ་རེ་བཞིན་ཚོགས་འདུར་ཞུགས་ཤིང་མཚན་རྟགས་བཀོད།

1546395309107299.jpg

1546395310770053.jpg

1546395310122386.jpg

1546395310548009.jpg
1546395310986073.jpg

1546395310619528.jpg

1546395310109976.jpg

1546395310995841.jpg

1546395310472101.jpg

   སྐབས་འདིར་རྟོགས་ལྡན་བསྐལ་ཁོའི་མདོ་འཛིན་མཛད་དེ་ཚོགས་འདུར་ཕེབས་པའི་གཡུང་དྲུང་བོན་མཉམ་འབྲེལ་ལྷན་ཚོགས་ཀྱི་ཚོགས་གཙོ་རྩེ་ཞིག་ཚང་ཤེས་རབ་བསྟན་པའི་ཟླ་བ་མཆོག་དང་སི་ཁྲིན་མི་རིགས་དཔེ་སྐྲུན་ཁང་གི་འགོ་གཙོ་ཨ་སྔགས་ཚེ་རིང་བཀྲ་ཤིས་དང་འོད་ཟེར། བོད་ལྗོངས་སྤྱི་ཚོགས་ཚན་རིག་ཁང་གི་མཁས་དབང་དོན་འགྲུབ་ལྷ་རྒྱལ། ལན་ཀྲུའུ་སློབ་ཆེན་གྱི་དགེ་རྒན་ཆེན་མོ་མཁས་དབང་ངག་དབང་རྒྱ་མཚོ། ལྷོ་ནུབ་མི་རིགས་སློབ་ཆེན་གྱི་དགེ་རྒན་ཆེན་མོ་མཁས་དབང་ཚེ་རིང་འགྱུར་མེད། དེ་སྔའི་ལྷོ་ནུབ་མི་རིགས་སློབ་ཆེན་གྱི་བོད་རིག་པའི་ཞིབ་འཇུག་སློབ་གླིང་གི་འགོ་གཙོ་ཚེ་བརྟན་སྐྱབས། སི་ཁྲོན་དགེ་འོས་སློབ་ཆེན་གྱི་དགེ་རྒན་ཚེ་བརྟན། དེ་བཞིན་གཡུང་དྲུང་བོན་མཉམ་འབྲེལ་ལྷན་ཚོགས་ཀྱི་ཚོགས་གཞོན་མཁན་ཤེས་རབ་གཡུང་དྲུང་དབང་རྒྱལ། སྣང་ཞིག་མཆོག་སྤྲུལ་ཤེས་རབ་འོད་ཟེར་རྒྱལ། སེང་སྤྲུལ་རིག་འཛིན་ཉི་མ། པཎ་ཙ་བསྟན་འཛིན་དར་རྒྱས། ཉག་སྤྲུལ་བསོད་ནམས་རྒྱ་མཚོ། དབྲ་ཁྱུང་སྐལ་བཟང་ནོར་བུ། རྟོགས་ལྡན་བསྐལ་ཁོ། མཁན་པོ་ཚེ་རིང་ནོར་བུ། དུང་རིའི་སྤྲུལ་སྐུ་མདོ་སྔགས་བཤད་སྒྲུག་རྒྱལ་མཚན། སྤྲུལ་རིགས་སྔགས་རྒྱ་མཚོ་གཙོས་དབུས་བཞུགས་ཐོག་མཁས་དབང་དགེ་རྒན། བཀའ་རབ་འབྱམས་དགེ་བའི་བཤེས་གཉེན་རྣམ་པ། རྣམ་པ་དང་།

1546396425836365.jpg

   སི་ཁྲོན་མི་རིགས་དཔེ་སྐྲུན་ཁང་གི་མི་སྣ་སོགས་མདོ་དབུས་ཁམས་གསུམ་ནས་ཕེབས་པའི་ཚོགས་ཞུགས་མི་སྣ་ཡོངས་ལ་འཚམས་འདྲི་དང་ཚོགས་འདུའི་འགྲོ་རིམ་སྐོར་གསལ་བཤད་གནང་།

1546395597605285.jpg

   ཞང་ཞུང་རིག་མཛོད་ཁང་གི་མི་སྣ་རིན་སྤུངས་ཚུལ་བསྟན་མཆོག་གིས་ཞང་ཞུང་རིག་མཛོད་ཁང་གི་བརྒྱུད་རིམ་སྐོར་ནས་ངོ་སྤྲོད་གནང་བ་དང་། ཞང་ཞུང་སྨར་ཡིག་ཆེ་ཆུང་གི་མཉེན་ཆས་འདི་གཡུང་དྲུང་བོན་མཉམ་འབྲེལ་ལྷན་ཚོགས་ཀྱིས་གྲོས་ཆོད་ལྟར་བཟོས་པའི་རྒྱུ་མཚན་སྐོར། རྒྱལ་བའི་བཀའ་རིན་པོ་ཆེ་ལུང་མཚན་ཉིད་<<སྲིད་པའི་མཛོད་ཕུགས་>>འདི་ཞང་ཞུང་སྨར་ཆེ་ཆུང་དང་དབུ་ཅན་དུ་པར་བསྐྲུན་བྱེད་དགོས་པ་རྒྱུ་མཚན་གྱི་སྐོར།

1546395672114916.jpg

   དེ་མིན་དེབ་འདི་ཚོང་རྫས་ཙམ་མ་ཡིན་པར་བོན་གྱི་གྲྭ་ས་གོང་འོག་བར་གསུམ་གཙོས་མདོ་དབུས་ཁམས་གསུམ་གྱི་བོན་བན་རིས་མེད་ཀྱི་དགོན་སྡེ་ཁག་དང་དཔེ་མཛོད་ཁང་། སྤྱི་ཚོགས་སྟེང་གི་སློབ་གྲྭ་དང་ཞིབ་འཇུག་ཁང་སོགས་ལ་པོད་སྟོང་ཕྲག་གསུམ་དེ་རིན་མེད་དུ་འབུལ་རྒྱུ་ཡིན་པའི་སྐོར། ཞང་ཞུང་རིག་མཛོད་ཁང་དང་དེབ་འདི་ལ་རོགས་འདེགས་གནང་བའི་སྐྱེས་བུ་དམ་པ་རྣམས་ལ་བཀའ་དྲིན་དང་ཐུགས་རྗེ་ཆེ་ཞུས།

1546395730283278.jpg

  ཚོགས་གཙོ་རྩེ་ཞིག་ཚང་༧ཤེས་རབ་བསྟན་པའི་ཟླ་བ་མཆོག་གིས་ཞང་ཞུང་རིག་མཛོད་ཁང་གིས་སི་ཁྲོན་མི་རིགས་དཔེ་སྐྲུན་ཁང་བརྒྱུད་དེ་སྲིད་པའི་མཛོད་ཕུགས་ཆེན་མོ་ཡིག་སྣ་གསུམ་གྱིས་སྒོ་ནས་པར་བསྐྲུན་འགྲེམ་སྤེལ་བྱེད་པ་ལ་དགའ་བ་འབུམ་གྱིས་བཏེགས་པ་དང་གནམ་ལོ་གསར་བར་རྟེན་འབྲེལ་གྱི་གསུང་དབྱངས་བསྒྲགས།

1546395772622971.jpg

   སྲིད་པའི་མཛོད་ཕུགས་འདིའི་མཛད་པ་པོ་དང་མཛད་སའི་གནས་། འཁོར་ཞུ་བ་པོ་དང་གསུངས་པའི་དུས་ཚིགས་དང་འབྲེལ་ཏེ་དཔེ་དོན་རྟགས་གསུམ་གྱི་སྒོ་ནས་སྲིད་པའི་མཛོད་ཕུགས་ཀྱི་ནང་དོན་སྐོར་གསུང་གླེང་མཛད་ཅིང་། སྲིད་པའི་མཛོད་འདི་བོན་སྒོ་གང་གི་ཁོངས་སུ་གཏོགས་པ། མཛོད་ཕུགས་འདི་ཞང་ཞུང་ནས་བོད་དུ་བསྒྱུར་སྟངས། གཏེར་དུ་སྦས་ཚུལ་གཏེར་ནས་དྲངས་ཚུལ་སོགས་ཀྱི་སྐོར་ནས་གསལ་བཤད་མཛད་པ་རེད།

1546395805289991.jpg

   སི་ཁྲོན་མི་རིགས་དཔེ་སྐྲུན་ཁང་གི་གཙོ་འགན་པ་ཨ་སྔགས་ཚེ་རིང་བཀྲ་ཤིས་ཀྱིས་མཛམ་གླིང་རིག་གནས་ཀྱི་རྩ་བ་ནི་ཡི་གེ་ལ་ཐུག་ཡོད་པའི་སྐོར་དང་། སི་ཁྲོན་མི་རིགས་དཔེ་བསྐྲུན་ཁང་ནས་སྲིད་པའི་མཛོད་ཕུགས་ཡིག་སྣ་གསུམ་ཅན་གྱིས་གྲུབ་པའི་དེབ་འདི་གལ་ཆེན་དུ་བརྩིས་ཡོད་ལ་གནམ་ལོ་གསར་བའི་ལེགས་སྐྱེས་ཐོག་མ་ཡིན་པ་དང་དེབ་འདིའི་རྩོམ་སྒྲིག་འགན་འཁུར་བ་དང་རོགས་འདེགས་པ་རྣམས་ལ་བཀའ་དྲིན་ཆེ་ཞེས་གསུངས།

1546395840887186.jpg
1546395872956596.jpg

   གཡུང་དྲུང་བོན་མཉམ་འབྲེལ་ལྷན་ཚོགས་ཀྱི་ཚོག་གཙོ་རྩེ་ཞིག་ཚང་ཤེས་རབ་བསྟན་པའི་ཟླ་བ་རིན་པོ་ཆེ་དང་དྲུང་ཡིག་ཆེན་མོ་འགོ་བ་དགེ་བཤེས་བསྟན་འཛིན་འབྲུག་གྲགས། སི་ཁྲོན་མི་རིགས་དཔེ་སྐྲུན་ཁང་གི་འགོ་གཙོ་ཨ་སྔགས་ཚེ་རིང་བཀྲ་ཤིས་དང་སི་ཁྲོན་མི་རིགས་དཔེ་སྐྲུན་ཁང་བོད་ཡིག་ལྟེ་གནས་ཀྱི་ཀྲུའུ་རེན་འོད་ཟེར། ཞང་ཞུང་རིག་མཛོད་ཁང་གི་ལུང་དཀར་གཡུང་དྲུང་བསྟན་འཛིན་ཨ་དཔལ་བཟང་བཅས་ནས་སྐུ་དངོས་སུ་སྨོན་ལམ་གྱི་དབུ་དྲངས་ནས་དཔེ་དེབ་སྒོ་འབྱེད་མཛད།

1546395940570085.jpg
1546395969299888.jpg
1546395994119757.jpg
1546396032550333.jpg
1546396066129968.jpg

   ཞང་ཞུང་རིག་མཛོད་ཁང་གིས་ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་མཁན་སློབ་གཤེན་གསུམ་དང་གཡུང་དྲུང་བོན་མཉམ་འབྲེལ་ལྷན་ཚོགས་ལ་དེབ་ཕུད་ཕུལ། དེ་ནས་ཚོགས་མི་རེ་རེར་རྒྱལ་བའི་བཀའ་རིན་པོ་ཆེ་ལུང་མཚན་ཉིད་<<སྲིད་པའི་མཛོད་ཕུགས་>>ཀྱི་གཞུང་ཞང་བོད་ཡིག་གཟུགས་གསུམ་ཕབ་ཅན་གྱི་དཔེ་དེབ་སྤོས་ལེགས་ཅན་ཚར་རེ་འབུལ་འདེགས་ཞུས། ཚོགས་གཙོ་གཙོས་ཚོགས་གཞོན་དང་དྲུང་ཡིག་ཆེ་ཆུང་གིས་གཡུང་དྲུང་བོན་མཉམ་འབྲེལ་ལྷན་ཚོགས་ཀྱི་ཚབ་བྱས་ཏེ་<<སྲིད་པའི་མཛོད་ཕུགས་>>ཡིག་སྣ་གསུམ་ཅན་གྱི་དེབ་པར་བསྐྲུན་མཁན་ཞང་ཞུང་རིག་མཛོད་ཁང་དང་སི་ཁྲོན་མི་རིགས་དཔེ་བསྐྲུན་ཁང་གི་རྩོམ་སྒྲིག་འགན་འཁུར་བ་ཡོངས་ལ་བཀའ་དྲིན་ལེགས་མཚོན་ཕུལ་ཏེ་མཛད་སྒོ་བདེ་ལེགས་ངང་མཇུག་གྲོལ།

1546396108132679.jpg

1546396108883958.jpg

1546396108119271.jpg
1546398820827802.jpg
1546398830130915.jpg

འབྲེལ་ཡོད་ནང་དོན་ 292 ཡོད།<<<12345678910>>>
Powered by Oblog.