མཚོ་སྔོན་པོ་བོད་ཡིག་ཟིན་བྲིས། བོད ཟིན མཚོ་སྔོན་པོ ཟིན་རྩོམ། | པར་རིས། | མཁན་པོ། | ཁྱུ་མཆོག | ཟིན་ཚོམས།
ཐོ་འགོད། | ནང་འཇུག ཉར་ཚགས་བྱེད་པ།
分享按钮
 
སྒྲོལ་མ་ལྷ་ཁང་། http://blog.amdotibet.cn/rl25258/index.aspx
སེམས་པའི་བྲོས་བྱོལ།
2013-7-3 15:05:38
 

སེམས་པའི་བྲོས་བྱོལ།

སྤྲིན་པ་ལྡང་བ་དེའང་བསླུ་བྲིད་ཅིག་ཅི་ལ་མིན།

མཚམས་རེར་ཐར་ཐོར་ངང་།

ལྟ་ན་སྡུག་པའི་སྙིང་གི་དབྱིབས་སྙིང་རྗེ་བོ་རེ་མངོན་འོང་།

ལན་རེར་སེམས་ཀྱི་དག་ཞིང་གི་ས་ཁྲ་རུའང་གྲུབ་འགྲོ

རླུང་བུ་མ་ལྡང་གོང་།

ངས་མགོ་བོ་བཀྱགས་ནས་རྨི་ལམ་ཡང་ཡང་རྨིས།

ངས་སྤྲིན་པའི་སྙིང་ཆུང་དེ་ཁྱེར་ནས།

ངས་སྤྲིན་པའི་ས་ཁྲ་དེ་ཐོགས་ནས།

ང་ཁྱོད་ཡོད་སའི་དག་ཞིང་དེར་ཡང་ཡང་འཕུར།

རླུང་བུ་མ་ལྡང་གོང་།

ངས་བསམ་ཚོད་ཅིག་ལ།

ཁྱོད་ང་ལ་ཤིན་ཏུ་དུངས་སོང་སྙམ།

རླུང་བུ་མ་ལྡང་གོང་ལ།

སྤྲིན་པ་ནི་དེ་ལྟར་སྙིང་དུ་སྡུག

ཆར་བའང་སྙིང་ཉེ་ཉེ་ངང་འབབ་ལོས་འགྲོ་འདོད།

སེམས་པ་འདིའང་ལྷོད་ལྷོད་ཀྱིས་འཕུར་ལོས་ཆོག་སྙམ།

རླུང་བུ་མ་ལྡང་གོང་།  རླུང་བུ་མ་ལྡང་གོང་།

གང་ལྟར་ངའི་བློ་བདེ་བག་ཕེབས་ཀྱི་ཚུལ་དེའང་།

སྤྲིན་པ་བཞིན་ཐོར་ཞིག་ཏུ་སོང་མེད།

གང་ལྟར།  མཐོ་དྲགས་པའི་ལ་མོ་དེའང་།

དྲན་གདུང་གི་མིག་ཆུས་གཞལ་མི་དགོས།

ཐག་ཉེ་ཞེས་པའི་མཐོང་རེག་གི་འདི་ཚོ་མིན་ན།

རྒྱང་རིང་ཞེས་པའི་དྲན་པ་སྒུལ་སྤྱད་ཅིག་ཡོད་ཨེ་སྲིད།

རླུང་བུ་མ་ལྡང་གོང་།

ངས་འཛུམ་དམུལ་དམུལ་ངང་།

ཁྱོད་རང་གམ་དུ་ཡོད་སྣང་གིས།

བརྩེ་དུང་དང་འཆར་ཡན་གྱི་གཏམ་རྒྱུད་བསྒྲིགས་ནས།

དུས་ཚོད་ཀྱི་ལག་བརྡའང་མཐོང་མ་སོང་།

རྒས་ཟིན་པའི་ང་། 

དེ་རིང་ཡང་ཁ་སང་གི་ཐུ་ཁུད་ན་རྨི་ལམ་རྨིས་ཀྱིན་ཡོད།

འདིའང་རླུང་བུ་མ་ལྡང་གོང་རེད།

རྫུབས་མཐུག་པའི་གནའ་བོའི་ནགས་ཚལ་འཇམ་ཅག་གེར།

སྟག་གམ་གཅན་གཟན་གང་རུང་ཞིག

ངར་ངར་གྱིས་འཆོང་འོང་བའི་བཟོ་ལྟ་ཞིག་ཡེ་ནས་མི་འདུག

རྩི་ཤིང་གིས་མགོ་བོ་འཕྲེད་དུ་གཡུགས་མ་སོང་།

ས་རྡུལ་གྱིས་མི་འདོད་འཚུབ་ལོང་བྱས་མ་སོང་།

རླུང་མ་ལྡང་གོང་།  ཐམས་ཅད་ཡོད་ཡོད་འདྲ་བས།

བློ་མི་བདེ་བ་ཅི་ཡང་མེད།

ཐ་ན།  རྒྱང་རིང་གི་ཁྱོད་ཀྱང་ངའི་རུམ་ཁ་ན།

ཨོ།  རླུང་བུ་ལྡང་ཤོག

ཁུ་སིམ་སིམ་གྱི་ལྷིང་འཇགས་ཁྱེར་ཤོག

བྲེལ་འཚུབ་འཚུབ་ཀྱི་གོམ་འགྲོས་སྤོས་འགྲོ

ཨོ།  ད་དུང་ཤུགས་ཀྱིས་ལྡང་ཤོག

ཞེ་སྨྲེང་སྨེང་གི་སེམས་ཁྲལ་ཁྱེར་ཤོག

སེམས་བྲེལ་བྲེལ་གྱི་སྙིང་རླུང་འཕྱུར་ཤོག

རླུང་ལྡང་ཤོག  རླུང་ལྡང་ཤོག

སེམས་པ་ཞིག་གི་བྲོས་བྱོལ་ལ་བསྟོད་གླུ་ལེན།

བསྟོད་གླུ་རླུང་བུ་ལ་བསྐྱོན་ཏེ།

གནའ་བོའི་ནགས་ཚལ་དུ་ལྡང་།

སྤྲིན་པའི་བང་རིམ་དུ་ལྡང་།

མཐའ་ཡས་རྩྭ་ཐང་དུ་ལྡང་།

ད་དུང་རི་བོའི་རྐེད་དང་ཆུ་བོ་གཞུང་དུའང་།

བར་མེད་དུ་ལྡང་ཤོག

        

rl25258 | རྩོམ་ཡོངས་ཀློག་པ།(961) | ལན་སློག(8)
RE:སེམས་པའི་བྲོས་བྱོལ།
2013-7-3 15:20:23
གྲོགས་མོ་ལགས  དེ་རིང་གི་སྙན་ངག་འདི་ངོ་མ་ཡག་གི རིན་ཐང་ལྡན་གི རྒྱུན་གྲོགས་ཁ་ཁོག་མེད་པ་དེས 
cvbn | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་པའི་བྲོས་བྱོལ།
2013-7-3 15:50:43
ཁ་སྐོམ་སངས་བྱེད་རེ་སྤོལ་བར་དགའ་ནས་ཡོད།  
luobian | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་པའི་བྲོས་བྱོལ།
2013-7-3 18:06:15
ཡག་པོ་འདུག             རྗེས་སུ་ཡིད་རངས་ཡོད།          གསེར་ཁབ་ནས།
qigayixi | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་པའི་བྲོས་བྱོལ།
2013-7-3 19:24:33
གོ་རྒྱུ་ལྷག་པོ་ཆེ་འདུག།   ཀ་ཁའི་རྒྱང་འབོད་ནས།  དུས་ཁོམ་ཡོད་དུས་ཕྲན་གྱི་ཟིན་བྲིས་སུ་རྩ་ཆེའི་དགོངས་འཆར་རེ་རེས་བསྩལ་བར་ཕེབས་གནང་ཡོད་པ་ཞུ།
xzsn521 | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་པའི་བྲོས་བྱོལ།
2013-7-3 20:01:37
བཀླགས།
Karmar | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་པའི་བྲོས་བྱོལ།
2013-7-3 20:48:00
PALJOR | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་པའི་བྲོས་བྱོལ།
2013-7-4 1:21:11
འབྲི་མཁན་སུ་ཡིན་མ་ཤེས་ཀྱང་  ཡག་གི་ཟེར་རྒྱུ་ཡིན།
dok1 | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་པའི་བྲོས་བྱོལ།
2013-7-20 15:03:34
ཨ་ཅེའི་བྲིས་རྩོམ་དག་ཡུན་རིང་ཞིག་ལ་བཀླགས་རྒྱུ་མ་ལག་ཐལ།དེ་རིང་དྲ་སྟེང་ལ་ཞུགས་མ་ཐག་ཉིད་ཀྱི་བྲིས་དག་བཀླགས་ཡོད། འདི་ལྟར་རྒྱུན་སྐྱོང་གིས་འབྲི་བཞིན་ཡོད་པར་སེམས་གཏིང་ནས་དགའ་སྤྲོ་སྐྱེས་ཡོད། ཕུན་བདེས།
pengde | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
粗体 斜体 下划线 插入引用 插入表情
ཟིན་བྲིས་བརྡ་ཁྱབ།

 

སྨྱུག་མིང་།  མཚོ།

དྲ་འབྲེལ། 1013461908

དྲ་ལམ། http://blog.tibetcm.com/u/tso25258/index.html

སྙན་ངག་ཡོད་པས

ངས་ནང་སེམས་ཀྱི་དགའ་སྐྱོ་ཆགས་སྡང་གླུ་རུ་བླངས་ཆོག

སྙན་ངག་ཡོད་པས

ངའི་བརྩེ་དུང་ལ་འཇའ་ཚོན་གྱི་ཁ་དོག་ལྡན་ཡོད

སྙན་ངག་ཡོད་པས

དགའ་སྐྱོ་མིག་ཆུར་མུ་ཏིག་གི་རིན་ཐང་ལྡན་ཡོད

སྙན་ངག་ཡོད་པས

ང་ལ་རྒྱ་མཚོ་བཞིན་གྱི་སེམས་ཀྱི་མངའ་ཐང་རྒྱས་ཡོད

སྙན་ངག་ཡོད་པས

ང་ལ་གངས་རི་བཞིན་གྱི་བརྟན་བརླིང་གི་རང་གཤིས་གྲུབ་ཡོད

སེམས་ཁམས་ལོ་ཐོ།
པར་དེབ།
ཟིན་ཐོ་གསར་བ།
དཔྱད་བརྗོད་གསར་བ།
ལན་སློག་གསར་བ།
ངའི་གྲོགས་པོ།
ཟིན་བྲིས་ཆ་འཕྲིན།
 
Powered by Oblog.