མཚོ་སྔོན་པོ་བོད་ཡིག་ཟིན་བྲིས། བོད ཟིན མཚོ་སྔོན་པོ ཟིན་རྩོམ། | པར་རིས། | མཁན་པོ། | ཁྱུ་མཆོག | ཟིན་ཚོམས།
ཐོ་འགོད། | ནང་འཇུག ཉར་ཚགས་བྱེད་པ།
分享按钮
 
སྒྲོལ་མ་ལྷ་ཁང་། http://blog.amdotibet.cn/rl25258/index.aspx
སེམས་གསོའི་རིལ་བུ།
2013-6-21 9:20:31
 

སེམས་གསོའི་རིལ་བུ།

                         རང་ལ་བྲིས་པ།

རང་མ་གཏོགས་ཚང་མ་གཞན་ཡིན་པ་ཤེས་པར་གྱིས།

སྙིང་གཏམ་ཁོག་ནས་རུལ་དུ་ཆུགས།

མཆི་མ་སེམས་ནས་སྐམ་དུ་ཆུགས།

ཁ་པར་གྱིས་སྐུད་སྣེ་ནི་ཐོབ་ཤོར་གྱི་བར་ན་ཡོད་པས།

སྐུད་སྣེ་དེ་ན་ཅི་ཞིག་ཡོད་མིན་ལ་འདང་མ་རྒྱག

དེ་བས།  ཁ་པར་སྔར་མལ་དུ་ཞོག

སེམས་པའང་སྔར་མལ་དུ་སྐྱུར་ཞོག

 

སྐད་འཕྲིན་གྱི་ཀློང་འདི་རྫ་མཐོ་སའི་གནམ་གཤིས་ལྟ་བུ་རེད།

ལན་རེར་འདྲིས་ཆ་ཉུང་བ་དག་གིས་ཀྱང་དྲན་རབས་གླེང་འགྲོ།

སྐབས་རེར་ཞེ་འདྲིས་ཆེ་བ་གང་གིས་ཀྱང་ཧ་གོ་ཡི་མེད་ཚུལ་ལབ་འགྲོ།

འགྱུར་ལྡོག་ཆེ་བ་ནི་ཆོས་ཐབས་ཅད་ཀྱི་ཆོས་ཉིད་དུ་བཤད་པས།

ཁྱོད་སྐྱོ་ཡང་ཡལ་ཟིན་པའི་དུངས་བརྩེ་བསྐྱར་འོང་མེད།

ཁྱོད་ངུས་ཀྱང་ཡལ་ཟིན་པའི་དུངས་བརྩེ་བསྐྱར་འོང་མེད།

 

འཇིག་རྟེན་འདི་ལྷ་ཚོགས་ཀྱིས་བསྐྲུན་པའི་ཟློས་གར་ཁང་ཞིག་རེད།

ང་ཚོ་ནི་ལྷ་ཚོགས་ཀྱིས་བཀོད་སྒྲིག་རྒྱབ་པའི་གར་བ་གར་མ་འབའ་ཞིག

དངོས་གནས།  མི་ཡོད་ཚད་ཅི་ཡང་མ་རེད།

ཡང་ན།  མི་ཡོད་ཚད་ཅི་ཡང་ཡིན་ཏེ།

མི་དག་མེད་ན་ལྷ་ཚོགས་ཀྱི་སྨྲེང་སྐྱོ་དེ་སུ་ཡིས་འཁུར།

དེ་བས་ཁོ་ཅི་ཞིག་ཡིན་ན་ཁྱོད་ཀྱང་དེའི་མན་ཞིག་ཡིན་མི་སྲིད།

ཁྱོད་ཀྱིས་དངོས་གནས།

ཁོ་ལ་རང་ལས་ལྷག་པའི་བརྩི་མཐོང་བྱེད་དགོས་མི་འདུག

དེ་བས།  ཅིས་ཀྱང་ཁ་པར་དེ་རང་སོར་འདུག་ཏུ་ཆུགས།

སེམས་པ་ཧ་ཅང་ཧ་ཅང་སྐྱོ་དུས་སྙན་ངག་ཕྲིས།

གཞན་གྱིས་མི་ཐོས་སར་ངུ་ཞོར་སྙན་ངག་ཕྲིས།

སྐྱོ་བ་དྭངས་དུས་སྙན་ངག་དེ་གསང་བ་དང་མཉམ་དུ།

ལྷབ་ལྷུབ་ཏུ་འབར་བའི་མེ་ལ་བཅོལ་རོགས།

དེ་ལྟར་མ་བྱས་ཚེ།  ཁྱོད་ཡང་བསྐྱར་མི་ཞིག་ལ་དགའ་དུས།

གསང་བ་དེ་རླུང་གིས་གང་སར་འཁུར་སྲིད།

ཡིད་ལ་ཟུངས།  འཁོར་བ་ནི་སྒེའུ་ཁུང་མང་པའི་མུན་ནག་གི་འཇིག་རྟེན་ཞིག་ཡིན།

དེས་ཁྱོད་ཀྱིས་འོད་སྣང་ཕྱིར་འདྲེན་རྒྱུ་ལས།

ཕྱི་ཡི་ཕུན་ཚོགས་ཁྱོད་ལ་བསྐྱལ་མི་སྲིད།

དེ་བས།  སྒཻའུ་ཁུང་དེ་བཅོམས་ཐབས་བྱོས།

མུན་ནག་དེ་སེལ་ཐབས་བྱོས།

ཕྱི་དང་ནང་ན་འཚང་ཁ་ཤིག་ཤིག་བྱེད་པའི་མིག་ཟུང་དང་ཧབ་ཆ་ལ།

ཁ་ཡ་མ་བྱེད།  རང་ཉིད་བརླག་མི་འདོད་ན་ཁ་ཡ་མ་བྱེད།

 

རང་གིས་གང་ཞིག་སྒྲུབ་འདོད་པ་དེར་བཀག་འགོག་མ་བྱེད།

ཁྱོད་ཀྱིས་ལུས་འབྲེལ་བྱེད་པ་ལས་གཞན་པའི་དོན་ཞིག་བྱེད་མི་སྲིད།

 

ཡང་ན་ཁམས་དམར་གྱིས་ཁོ་བོའི་ལུས་དང་སྲེད་པ་ལ།

མཚར་སྡུག་གི་གཏམ་རྒྱུད་ཅིག་ཕྲིས་ཤོག

ཁོ་བོས་ཁྱོད་རང་བརྗེད་མི་ཐུབ་པ་དེ་ཁྱོད་ཀྱི་སྐྱོན་ག་ལ་ཡིན།

ཁོ་བོས་ཁྱོད་རང་བསུ་འདོད་པ་དེར་ཡིད་ཅི་ལ་མི་ཆེས།

ཁྱོད་སུས་ཀྱང་རང་ཉིད་ཀྱི་སེམས་ཀྱི་སྡུག་གུ་རུ་བསྒྱུར་འདོད་ཆེ།

ཁྱོད་ཀྱིུས་སེམས་ཆུང་བྱེད་མི་དགོས།

ད་ཆ།   འཛུམ་མདངས་དང་།

ལྷག་བསམ་ལས་མཁྲེགས་པའི་གོ་ཆ་ཞིག་གང་ན་ཡོད།

དེ་བས་ཁྱོད་སྐྲག་ཀྱང་ག་ལ་དགོས།

 

ཡང་ན།  མ་མཐར་ཡང་ཉིན་གཅིག་གི་ནང་ཁོ་བོ་དྲན་ནས།

ཁེར་རྐྱང་གིས་སྙན་ངག་མ་འབྲི།

དཔེ་ཆར་ལྟ་མི་འདོད་ན་དེ་ཡང་བསྐྱུར་ཞོག

དམ་བེ་སྟོང་བ་ཞིག་གི་ནང་དུ་ཕུ་བཏབས་ཏེ།

ཆུ་ལ་སྐྭར་དང་ཡོད་ཚད་བརྗེད་འགྲོ།

སང་ཉིན་ནས་སླར་ཡང་།  ཁྱོད་ཉིད།

སེམས་དང་མིག་ཟུང་བསླུ་བའི་ལྷ་མོ་དེ་ཅི་ལ་མིན།

ཁོ་བོའི་རེ་ཆད་ལ།  ཁྱོད་ཀྱིས།

འཛུམ་མདངས་ཤིག་གི་ལེགས་སྐྱེད་ལས་ཅི་ཞིག་འཇོག

rl25258 | རྩོམ་ཡོངས་ཀློག་པ།(1422) | ལན་སློག(12)
འབྲེལ་ཡོད་ནང་དོན་ 12 ཡོད།<<<12>>>
RE:སེམས་གསོའི་རིལ་བུ།
2013-6-21 10:34:11
ཁྱོད་ཡང་བསྐྱར་མི་ཞིག་ལ་དགའ་དུས། གསང་བ་དེ་རླུང་གིས་འཁུར་སྲིད་པས། དུས་དེར་ཁྱོད་ཀྱིས་མགོ་བོ་དགྱེ་ནས་ཡང་བསྐྱར་རྨི་ལམ་གསར་བ་ཞིག་གི་ལམ་སྣེ་གཟུང་ཆོག་སྟེ།   དགའ་བ་དང་དུངས་བ་སྙན་ངག་གིས་མཚོན་པར་གྱིས་དང་།  སྙན་ངག་གིས་ཁྱོད་ཀྱི་མཁུར་མགོ་འཛུམ་པའི་མིག་ཆུ་དེ་བསྲད་པར་བྱེད་ངེས། སྙན་ངག་གིས་་་་་་་་་་་་་་་་་་་་་
lucangwa | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་གསོའི་རིལ་བུ།
2013-6-21 11:52:12
ཚོར་བ་ལྷུག་བརྗོད་མ་འདི་སེམས་ཀྱིས་བཀླགས་ནས་བུད་སོང  ལོ་ཆུང་ཟེར་བའི་གསར་བུ་མགོ་སྟོང་དེས
lzcljc | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་གསོའི་རིལ་བུ།
2013-6-21 11:54:41
བཀླགས་ཡོད།ནང་དོན་ཅི་ཞིག་བཤད་ཀྱིན་ཡོད་པ་གསལ་བོ་ཞིག་མ་ཤེས་ཐལ།སྦྲ་དུངས་སེམས་ཀྱིས།
dongsi123 | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་གསོའི་རིལ་བུ།
2013-6-21 12:16:18
བཀླགས་ནས་བུད་སོང་།     ཐོབ་ཤོར་འཁྱམས་པོ་ནས་་་་་་་
luosangxiazhi | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་གསོའི་རིལ་བུ།
2013-6-21 14:25:38
ད་ནི་ཨ་ཅེ་ཚང་གིས་རྒས་བཤད་ཀྱི་འགོ་བརྩམས་འདུག    རྒས་པོའི་ཁ་ན་འོད་ཟེར་ཡོད་ཅེས་པ་བཞིན་འདི་ལ་གོ་རྒྱུ་ཞིག་འདུག    གང་ལྟར་སྙན་ངག་འདི་ཚོར་བ་རྒྱ་ཡན་པ་མ་ཡིན་པའི་ལས་གང་ཞིག་ལྷུག་པོར་བརྗོད་འདུག་པ་འདི་ཡག་སོང་།           ་་་་་་་་སྙུག་བཅུད་ལེན།
yongdan2008 | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་གསོའི་རིལ་བུ།
2013-6-21 15:00:01
༼འཁོར་བ་ནི་ལྗན་ལྗིན་གྱི་འདམ་རྫོབ་དང་འདྲ༽་ཚེ།མཐའ་མཇུག་གི་འཛུམ་མདངས་དེ་ཡང་འདམ་གྱིས་གོས་པའི་པདྨའི་གེ་སར་ལས་མ་འདས་སོ།།
15390639063 | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་གསོའི་རིལ་བུ།
2013-6-21 15:29:43
ཚོར་བ་ངོ་མ་ལྡན་འདུག། ཡུན་ཅིག་སྒུག་པའི་ཉིད་ཀྱི་སྙན་ངག་དེ་རིང་ཀློག་གིན་ཡོད།
luobian | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་གསོའི་རིལ་བུ།
2013-6-21 17:15:16
cvbn | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་གསོའི་རིལ་བུ།
2013-6-21 19:07:11
ལྷུག་པར་བརྗོད་འདོད་པའི་བསམ་ངོ་ སྙན་ངག་གིས་མཚོན་པར་བྱེད་ངེས་།
jourrui | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:སེམས་གསོའི་རིལ་བུ།
2013-6-21 19:30:01
མཚོ་ང་ཡོང་ནས་བུད་སོང་།
zeiderduo | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
粗体 斜体 下划线 插入引用 插入表情
ཟིན་བྲིས་བརྡ་ཁྱབ།

 

སྨྱུག་མིང་།  མཚོ།

དྲ་འབྲེལ། 1013461908

དྲ་ལམ། http://blog.tibetcm.com/u/tso25258/index.html

སྙན་ངག་ཡོད་པས

ངས་ནང་སེམས་ཀྱི་དགའ་སྐྱོ་ཆགས་སྡང་གླུ་རུ་བླངས་ཆོག

སྙན་ངག་ཡོད་པས

ངའི་བརྩེ་དུང་ལ་འཇའ་ཚོན་གྱི་ཁ་དོག་ལྡན་ཡོད

སྙན་ངག་ཡོད་པས

དགའ་སྐྱོ་མིག་ཆུར་མུ་ཏིག་གི་རིན་ཐང་ལྡན་ཡོད

སྙན་ངག་ཡོད་པས

ང་ལ་རྒྱ་མཚོ་བཞིན་གྱི་སེམས་ཀྱི་མངའ་ཐང་རྒྱས་ཡོད

སྙན་ངག་ཡོད་པས

ང་ལ་གངས་རི་བཞིན་གྱི་བརྟན་བརླིང་གི་རང་གཤིས་གྲུབ་ཡོད

སེམས་ཁམས་ལོ་ཐོ།
པར་དེབ།
ཟིན་ཐོ་གསར་བ།
དཔྱད་བརྗོད་གསར་བ།
ལན་སློག་གསར་བ།
ངའི་གྲོགས་པོ།
ཟིན་བྲིས་ཆ་འཕྲིན།
 
Powered by Oblog.