མཚོ་སྔོན་པོ་བོད་ཡིག་ཟིན་བྲིས། བོད ཟིན མཚོ་སྔོན་པོ ཟིན་རྩོམ། | པར་རིས། | མཁན་པོ། | ཁྱུ་མཆོག | ཟིན་ཚོམས།
ཐོ་འགོད། | ནང་འཇུག ཉར་ཚགས་བྱེད་པ།
分享按钮
 
སྒྲོལ་མ་ལྷ་ཁང་། http://blog.amdotibet.cn/rl25258/index.aspx
ལམ།
2013-5-29 8:40:55

       ལམ། 

          ཀུན་འདུས་དབང་མོ ། 

ལྷ་ས་ལ་འགྲོ    ལྷ་ས་ལ་འགྲོ 

གཉིད་གཏམ་རྙིང་བ་དེ་བཤད་ཞོར 

ངས་ཡང་བསྐྱར་རྨི་ལམ་རྙིང་བ་དེ་རྨིས 

 

 

རྨི་ལམ་དུ  ནང་མ་ལས་ཕྱིར་རང་ཁྱིམ་དུ་འབྱོར 

རང་ཁྱིམ་གྱི་སྒེའུ་ཁུང་དུ་ཞོགས་ཟེར་ནི་འཚང་ཁ་ཤིག་ཤིག་བྱེད


ང་རང་སེམས་ཀྱིས་འཚོ་སྲིད་པའི་ཇོ་ལགས

ཆང་སེར་ཞལ་བཞེས་གནོངས་དང

གླིང་གའི་ནང་གི་མཛེས་སྡུག་གིས

ཁྱེད་རང་བསླུ་མི་འགྲོ་བ་བདེན་ན

ཕྱི་རོལ་གྱི་ཉི་ཟེར་གྱིས་ང་རང་བཟི་མི་འགྲོ

ང་ཡི་སྐྱིད་སྡུག་ཕྲག་ཏུ་བཞེས་སྲིད་པའི་ཇོ་ལགས

དཀྲུགས་ཇ་ཕོར་གང་བཞེས་དང

ང་ཡིས་ཁྱེད་ལ་དུངས་པའི་གཞས་ཤིག་གཏང་ཡོང


 

 

སྟོད་ཉི་མ་ལྷ་ས       རྩེ་པོ་ཏ་ལ

ནམ་ཞིག་ནས་

ངའི་མིག་ཀོང་ལས་ལྷུང་བའི་མཆི་མ་རུ་ཟེགས

བར་སྐོར་གྱི་རྡོ་གཅལ་དུ

ངའི་བློ་སྤོབས་ལ་གཤོག་རྩལ་རྒྱས་དུས

ཇོ་ལགས    ཁྱེད་ཀྱིས་ཐག་རིང་ནས་ང་ལ་ཚེ་རིང་མ་གསུངས 

ཁྱེད་ཀྱི་ཕྲག་གོང་དུ་ཕུ་ཐུང་གིས་མཆི་མ་འབྱིད་ཚར་དུས

ངས་ཁྱེད་དང་པོ་ཏ་ལའི་རྩིགས་སྡེབས་ལ་འགྲམ་པ་གླན་ཚར་བས

ཇོ་ལགས   ག་དུས་ཤིག་ནས་

དབུས་སྐད་ད་དིག་རྒྱག་པའི་ཨ་མདོ་སྒྲོལ་མའི་གསེང་དུ

ཁྱེད་ཀྱིས་ང་རང་གཏན་དུ་བོར་སོང་ཨང


 

 

བྱུ་རུའི་མགུལ་རྒྱན་སྒྲོན་པའི་ཨ་མདོ་སྒྲོལ་མ

ཞལ་ལ་ཚལ་རྩི་བྱུགས་པའི་ཨ་མདོ་སྒྲོལ་མ

འཞམས་འདྲིའི་བཀྲ་ཤིས་བདེ་ལེགས

རང་གིས་ལྷ་སའི་ལྷ་ངོ་དེ་མཐོང་ཡོད་ལེ་རེད

རང་གིས་ལྷ་སའི་བདེ་སྐྱིད་དེ་རོལ་ཡོད་ལེ་རེད

ང་ནི་ཁྱེད་ཀྱི་སྨྲེང་སྐྱོ་སེལ་བའི་ལྷ་སྲས་ཡིན

ཨ་མདོ་སྒྲོལ་མ་ལགས 

ང་ལ་ཤབ་ཤུབ་ཀྱི་གཏམ་གླེང་ཐེངས་གཅིག་གནང་རོགས

རང་གིས་ང་ལ་ལྷ་སའི་སྐུ་དྲག་གི་བརྗིད་བག་དེ་གསུངས་དང

གདུགས་དང་རྒྱལ་མཚན་གྱི་ཡོ་ལང་དེ་ག་འདྲ་འདུག

རང་གིས་ང་ལ་ནོར་བུ་གླིང་གའི་སྤྲོ་ཚོགས་གསུངས་དང

བྲོ་དང་སྐྱེམས་ཆང་གི་འདུ་འཚི་ག་འདྲ་འདུག


བྱེའུ་ཆ་གཅིག་པོ་ཏ་ལའི་སྨད་དུ་འཕུར་ནས

ཞོལ་གྱི་ཁང་ཐོག་ཏུ་ལྡིང་སྐོར་རྒྱག

ཇོ་ལགས   ཉི་མའི་ཚ་ཟེར་འོག་ཏུ་ང་ལ་ཐོག་སྒྲིབ་མི་འདུག

ཐོག་སྒྲིབ་མེད་པའི་མཁའ་དབྱིངས་སུ་ངས་ཅི་ཡང་མཐོང་མ་སོང

ཇོ་ལགས     རང་གིས་ང་ལ་གསུངས་དང

སྦྲང་ཆར་རུམ་པའི་སྤྲིན་པ་དེ་ག་ན་འདུག

ཨ་མདོ་སྒྲོལ་མའི་བདེ་སྐྱིད་དེ་ག་ན་འདུག

ངའི་སྣུམ་ཤིག་ཤིག་གི་ཉི་མ་ལྷ་སའི

ངའི་ལམ་དེའང    ག་ན་འདུག

                                    ༢༠༡༣ལོའི་ཟླ་༥བའི་ཚེས་༢༦ཉིན།


rl25258 | རྩོམ་ཡོངས་ཀློག་པ།(815) | ལན་སློག(6)
གནད་ཚིག:ཉི་མ་ལྷ་ས།
ནང་འཇུག་བྱས་རྗེས་ ཁྱེད་ཉིད་ཀྱི་ཆ་འཕྲིན་འདིར་འཆར་ངེས།
RE:ལམ།
2013-5-29 9:32:56
ཨ་མདོ་སྒྲོལ་མ།  ཡག་མོ་ཞེ་དྲགས་འདུག།
tudn | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:ལམ།
2013-5-29 10:11:29
xznq | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:ལམ།
2013-5-29 10:25:54
PALJOR | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:ལམ།
2013-5-29 12:03:11
རོལ་མྱོང་བྱས་ནས་བུད་སོང་་་་་་་་
kabencairang | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:ལམ།
2013-5-29 13:34:43
ཉིད་ཀྱི་སྙན་ངག་བཀླགས་ནས་བུད་སོང་།  ཐོབ་ཤོར་འཁྱམ་པོ་ནས
luosangxiazhi | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
RE:ལམ།
2013-5-29 17:18:21
ཀུན་འདུས་དབང་མོ   ཕེབས་ཤོག  ང་ཚོ་ཚང་མ་འགྲོ
mangra | མི་སྒེར་དྲ་ངོས། | འདྲེན་བཀོལ། | ཕྱིར་ལོག |
粗体 斜体 下划线 插入引用 插入表情
ཟིན་བྲིས་བརྡ་ཁྱབ།

 

སྨྱུག་མིང་།  མཚོ།

དྲ་འབྲེལ། 1013461908

དྲ་ལམ། http://blog.tibetcm.com/u/tso25258/index.html

སྙན་ངག་ཡོད་པས

ངས་ནང་སེམས་ཀྱི་དགའ་སྐྱོ་ཆགས་སྡང་གླུ་རུ་བླངས་ཆོག

སྙན་ངག་ཡོད་པས

ངའི་བརྩེ་དུང་ལ་འཇའ་ཚོན་གྱི་ཁ་དོག་ལྡན་ཡོད

སྙན་ངག་ཡོད་པས

དགའ་སྐྱོ་མིག་ཆུར་མུ་ཏིག་གི་རིན་ཐང་ལྡན་ཡོད

སྙན་ངག་ཡོད་པས

ང་ལ་རྒྱ་མཚོ་བཞིན་གྱི་སེམས་ཀྱི་མངའ་ཐང་རྒྱས་ཡོད

སྙན་ངག་ཡོད་པས

ང་ལ་གངས་རི་བཞིན་གྱི་བརྟན་བརླིང་གི་རང་གཤིས་གྲུབ་ཡོད

སེམས་ཁམས་ལོ་ཐོ།
པར་དེབ།
ཟིན་ཐོ་གསར་བ།
དཔྱད་བརྗོད་གསར་བ།
ལན་སློག་གསར་བ།
ངའི་གྲོགས་པོ།
ཟིན་བྲིས་ཆ་འཕྲིན།
 
Powered by Oblog.