མཚོ་སྔོན་པོ་བོད་ཡིག་ཟིན་བྲིས། བོད ཟིན མཚོ་སྔོན་པོ ཟིན་རྩོམ། | པར་རིས། | མཁན་པོ། | ཁྱུ་མཆོག | ཟིན་ཚོམས།
ཐོ་འགོད། | ནང་འཇུག ཉར་ཚགས་བྱེད་པ།
རེ་སྨོན་པར་གཞི། 分享按钮
བཙན་གཡར་ཟིན་བྲིས།
 
སེམས་ཁམས་ལོ་ཐོ།
ཟིན་བདག་བརྡ་ཁྱབ།

 

  



ཆེད་དོན་རིགས་དབྱེ།
ཟིན་བྲིས་གསར་བ།
དཔྱད་བརྗོད་གསར་བ།
སྐད་གསར་བཞག
འཚོལ་བཤེར།
མཛའ་འབྲེལ།
ཆ་འཕྲིན།
 
 
མགུར་ཚིག་ཐོལ་བྱུང་མ།
[ 2016-7-21 17:03:13 | By: lmgo ]
 
ཚིགས་བཅད།
 
 
ཁ་སྐད་ཨ་མཚར་མ།
[ 2016-7-21 15:48:29 | By: lmgo ]
 
ཚིགས་བཅད།
 
 
ཚིགས་བཅད་སྙན་ངག་གསར་བ།
[ 2015-11-25 18:24:39 | By: lmgo ]
 
ཚིགས་བཅད།
 
 
སྲོལ་སྙན་ངག་གསར་བ་ཞིག།
[ 2015-9-21 2:10:20 | By: lmgo ]
 
སྲོལ་རྒྱུན།
 
 
ཤོ་ལོ་ཀ་བརྒྱ་ཅན་གྱི་སྙན་ངག་ཅིག་གི་སྔོན་འགྲོ།
[ 2015-9-10 2:03:42 | By: lmgo ]
 

རྨི་ལམ་རིང་བའི་གྲྭ་རྐྱང་།


བྱས་བསགས་ལས་ཀྱིས་དྲངས་པའི་ཕྱེ་མ་ལེབ།།

འཁོར་བའི་མེ་འོད་འཚོལ་བའི་ལམ་དུ་ཞུགས།།

ལྟར་སྣང་རི་མོ་འབྲི་བའི་འདུ་བྱེད་ཀྱིས།།

ཡན་ལག་བཅུ་གཉིས་ཆོ་ག་རྫོགས་པར་རྩོམ།།

ལེགས་པ་ལེགས་པའི་ལམ་དུ་བསྒྱུར་བ་ལ།།

ཐོས་པ་ཐོས་པའི་ཚལ་ལ་ཉེར་བསྡད་དེ།།

སྒོ་གསུམ་སྒོམ་པའི་དབྱིངས་ལ་འཇུག་ཐུབ་ན།།

མྱུར་བ་མྱུར་བར་རེ་འབྲས་དོན་སྨིན་འགྱུར།།

གང་ཞིག་མ་ཡི་དྲུང་དུ་བསླེབས་པ་ནས།།

གང་དག་གཉེར་བའི་བསླབ་ལ་མ་བརྩོན་པར།།

གང་བསམ་བག་མེད་དབང་དུ་གྱུར་བ་ཡིས།།

གང་གང་འདོད་པའི་ལས་དེ་རིང་དུ་གྱུར།།

ས་འཛིན་ཚོགས་རྣམས་མུ་ཏིག་ཕྲེང་བ་བཞིན།།

ས་ལ་བབས་ཏེ་ལང་ཚོ་ངོམ་པ་བཞིན།།

ས་སྐྱོང་ཚོགས་ཀུན་ལྷ་ཡི་སྤྲུལ་བ་བཞིན།།

ས་ཡི་སུམ་གཉིས་དབང་དུ་བསྒྱུར་བར་གྲགས།།

རེ་བའི་རྨི་ལམ་སྣ་ཚོགས་འགུགས་པ་ལ།།

ནང་གི་དད་སེམས་གཡོ་བའི་ཤུགས་རྫོགས་པ།།

ལུ་གུའི་བརྒྱུད་དུ་བྱོན་པའི་རྗེ་བློན་དག།

མཆོད་ཅིང་བཀུར་བའི་ཡུལ་དུ་བསྟེན་པར་བྱ།།

མུན་པའི་གྲོང་དུ་གདོང་མུན་མཐུག་པོ་ཅན།།

མུ་མཐུན་ལས་ལ་བརྩོན་པ་མང་བྱུང་ནས།།

ཆོས་མིན་ཆོས་སུ་སྨྲ་བའི་སྐབས་ཕྱེ་བས།།

སྙིགས་མའི་དོན་ཀུན་མ་ཚང་མེད་པར་བརྡོལ།།

ཀ་མ་ལ་ཡིས་ཕྱག་མཚན་མཛེས་པ་ཡི།།

ཁ་བའི་ལྗོངས་སུ་ཕེབས་པའི་སངས་རྒྱས་ཀྱང་།།

ག་ལེར་འོ་བརྒྱལ་གནས་སུ་བསྐྱལ་བསྐྱལ་ནས།།

ང་ཅག་མངའ་རིས་ཕྱོགས་མཚམས་མེད་པར་ཐོར།།

ཅ་ཅོའི་སྐད་གདངས་མཐོ་བའི་ཐོ་ཅོ་དང་།།

ཆ་ལུགས་ཆོས་པར་བསྟན་པའི་ཡ་མ་བརླ།།

ཇ་ཆང་ཁོ་ན་སེམས་པའི་མཐུ་ལྡན་ཚོའི།།

ཉ་ཉོག་བགྱི་བས་ཡུལ་འདི་ཕོངས་པར་བྱས།།

ཏ་ཐཱ་ག་དའི་གསུང་ཡང་ཡལ་བོར་ནས།།

ཐ་མལ་བྱ་བ་མི་ལས་རྒུ་ལས་ངང་།།

ད་དུང་གཞན་གྱི་སྤྱོད་པར་སྙོན་འཛུགས་མཁན།།

ན་ཚོད་གོ་རིམ་མེད་པའི་ཁྲོད་ན་མང་།།

པ་ཊའི་རིས་ལྟར་ཁོག་པ་འཁྱོག་པ་དང་།།

ཕ་རོལ་དོན་ཞེས་བཤད་པའི་སྐད་ཆ་གཉིས།།

བ་དང་བོང་བུ་བཞིན་དུ་ཐ་དད་ཀྱང་།།

མ་རྣམས་བསླུ་བའི་ཆོ་ག་རབས་ཤིག་བརྩམས།།

ཙ་གེ་ཙིག་གེ་ངོ་ཐང་འཛིན་པའི་སླད།།

ཚ་བོ་ཚ་མོའི་བགོ་སྐལ་ཉེར་འཕྲོགས་ཏེ།།

ཛ་ཛོར་བགྱི་བ་གཉེར་བའི་ལམ་པོ་ཆེར།།

ཝ་མོ་གཟན་ལ་ཆས་འདྲའི་དགའ་བ་འཕེལ།།

ཞྭ་མདོག་མི་གཅིག་གྲུབ་མཐའ་འཛིན་པའི་ཁྱུ།།

ཟ་འོག་རི་མོ་བཞིན་དུ་མང་འཕེལ་བ།།

འ་ཅག་རྣམས་ཀྱི་བསོད་ནམས་ཡིན་མཆི་འང་།།

ཡ་མཚན་རྩོད་པས་བོད་ཡུལ་དཀྲུགས་ལ་ལྟོས།།

ར་བ་གངས་ཀྱིས་མཛེས་པའི་ལོ་རྒྱུས་འདི།།

ལ་ལུང་བསྲེས་སྣ་མང་པའི་ཁ་ཟས་བཞིན།།

ཤ་བཀར་སྐྱི་བཀར་བྱེད་ལ་ལོ་མང་བར།།

ས་ཐོབ་འཕགས་པས་འབད་ཀྱང་འོང་བ་དཀའ།།

ཧ་ཧ་དེ་ཡི་དོན་ལས་ཕྱིར་ཕྱོགས་ཏེ།།

ཨ་ཁུ་རང་གི་རྨི་ལམ་འཚོལ་བར་འགྲོ།།


ཤོ་ལོ་ཀ་བརྒྱ་ཅན་གྱི་༼རྨི་ལམ་རིང་བའི་གྲྭ་རྐྱང་༽ཞེས་པའི་འབོལ་རྩོམ་གྱི་སྔོན་འགྲོ་བྲིས་ཚར། རོང་བོ་དགེ་འདུན་ལྷུན་གྲུབ།

 
 
༼བོད་ཀྱི་སྙན་ངག་པའི་མཚན་མོར་༽ཁེར་རྐྱང་གིས་རོལ་བ།
[ 2015-7-26 19:04:55 | By: lmgo ]
 

དགོན་ཤུལ།


ཚང་མ་ཡུལ་དུ་ལོག་ན་འབྲོང་ཁྱུ་ཡུལ་ལ་ལོགས་ཤིག།

ཁ་བ་བུ་ཡུག་འཚུབ་དུས་གངས་ལམ་ཆད་གྲབས་འདུག་ཀ།

ལྷ་ཡི་ཐེམ་ལ་བརྒལ་ཀྱང་སྐྱིད་པོ་འོང་ས་མ་རེད།།

ཞེན་པའི་མིག་གི་མཐའ་ལ་ལས་འཕྲོའི་ཁ་ཆུ་འབོ་བ།།

ཁ་ཟས་མེད་པས་མ་རེད་རྒྱབ་གོས་མེད་པས་མ་རེད།།

རྐང་མགོའི་ལྷམ་ཀྲད་འདི་ལ་ཡིག་ནོར་ཤོར་བས་ཡིན་འགྲོ།

མ་མཆུའི་འོག་གི་རླུང་བུ་ཤབ་ཤུབ་ག་ནས་ལྡང་ཡང་།།

སེམས་སུ་དབོར་བའི་འཕྲིན་ཡིག་ཡུལ་བོའི་ཞེ་ནས་སྤྲིངས་པ།།

ཕྱུག་པོའི་ལག་པས་མི་ཟིན་དཔོན་པོའི་བཀའ་ཡིས་མི་ཟིན།།

རྡེའུ་འབུམ་ཞིག་གི་ཟོལ་དུ་དར་ལྕོག་ཅིག་གི་ཚུལ་དུ།།

སྐྱིད་ཆུའི་གཞོངས་སུ་བརྐོས་པ་སྤོ་བོའི་སྙན་གྱིས་གསན་ཡོག།

ཉི་ཤར་ནམ་ལངས་ཤིག་ལ་འབྲོང་ཁྱུ་ག་ནས་ཉལ་ཨེ།།

ཞོགས་པའི་མེ་ལོང་ངོས་སུ་དུ་བས་གཡོགས་པ་གནངས་དུས།།

ཁྱོད་ཀྱི་སྒལ་བའི་ཚིགས་སུ་རི་མོ་ཡག་པོ་བྲིས་ཀྱང་།།

རི་མ་ཐང་གི་མཚམས་ན་དགོན་ཤུལ་ཞིག་ཀྱང་ལྷག་ཨེ།།

གསེར་ཏོག་གཉིད་པའི་དགོན་པར་དགོན་བདག་ཅིག་ཀྱང་ལྷག་ཨེ།

ཉི་འོད་ཚ་བས་ཁྱབ་པའི་བྱེ་མའི་རི་ལུང་དེ་ཀོར།།

འགྲེ་ལྡོག་ཨོ་ཙམ་བརྒྱབ་ཀྱང་དེ་ག་རང་དུ་བསྐྱུར་ན།།

ལུས་པོའི་སྟེང་གི་རྔུལ་ཆུ་གངྒཱའི་ཆུ་ལ་མ་གཏོང་།།

རྒྱ་མཚོའི་ནང་གི་མུ་ཏིག་ལག་པས་སྙོབ་ཙམ་འོང་དུས།།

མིག་གིས་ཤིང་རྟ་དེད་དེ་རི་ལས་བབས་ན་ཨེ་དྲག།


༼ཟུར་མཆན། སྙན་ངག་པའི་མཚན་མོ་ནི་ཤོག་ལྷེ་གཅིག་ཡིན་ན། གུས་པོས་(དགོན་ཤུལ་)ཞེས་པའི་སྙན་ངག་འདི་ནི་དེའི་ཟུར་ཞིག་ལ་བཏེགས་པའི་ཡི་གེ་གཅིག་ཡིན། ཡིན་ནའང་མཐར་ཆགས་སུ་འབྲུ་བསྣན་ནས་བཤད་རྒྱུ་ཅི་ཡང་མེད་མོད། ཉིན་འགའི་རིང་གི་དབུགས་ཕྱི་ལ་བཏང་བ་ཙམ། དབུགས་ཕྱི་ལ་གཏོང་བའི་དུས་སུའང་གྲ་སྒྲིག་མེད་པར་ཅིག་ཅར་དུ་བཏང་བ་ཙམ་དུ་སོང་བས། ཀློག་པ་པོ་སྒམ་ལ་གཡེར་བག་དང་ལྡན་པ་དག་ལ་དགོངས་དག་ཞུ་རྒྱུ་ལས་གང་ཡང་མེད། རྒྱུ་མཚན་ནི་ངས་ཅི་འདི་མེད་པར་བབ་ཅོལ་དུ་ཡིག་རྡོག་འགའ་ཐལ་བར་དོན་སྙིང་ཅི་ཡང་མེད་པར། མིང་ལ་རྩོམ་དུ་བོས་སྟབས། ཁྱེད་རྣམ་པ་ཚོར་སུན་པོ་བཟོས་པ་དང་དུས་མཚུངས་རླུང་འཕེལ་དུ་བཅུག་ཡོད། དེ་ལྟ་མོད་ཅུང་བསྟན་བཤིགས་ཚ་ལ་སྒེར་གཤིས་ཆེ་བའི་མི་དག་གིས་ཞིབ་གཟིགས་གནངས་རོགས། མི་ཞིག་གི་དབུགས་ཀྱི་འབྱིན་རྔུབ་དེ་འང་སྲོག་ལྡན་ཡིན་པའི་དན་རྟགས་སུ་མངའ་ན། བེམ་པོ་མ་ཡིན་པའི་ཕུང་བོ་ལྔའི་ཚོགས་སྤྱི་ཅན་གྱི་གང་ཟག་བཏགས་པ་བ་ཞིག་གིས་རང་གི་སེམས་ཀྱི་ཡི་གེ་རེ་འགའ་དབུགས་ཀྱི་འབྱིན་རྔུབ་དགུ་ཕྲུགས་སུ་བསལ་བ་དང་མཉམ་དུ་བཤམས་ཡོད། ལྷག་པར་སྙན་ངག་པའི་མཚན་མོར་བསྟུན་ནས་བཤམས་ཡོད་སྟབས་དུས་ཚོད་འདིས་སྟབས་འགྲིག་ན་(དགོན་ཤུལ་)ཞེས་པའི་སྙན་ངག་འདིར་ཚོས་མདངས་གཞན་ཞིག་འབྱུག་གིན་ཡོད་སྲིད། རེད་ཡ། གང་ལྟར། ཀློག་པ་པོ་ཤ་ལ་དགའ་བ་རྣམས་ཀྱིས་ཤའི་ཚུལ་དུ་མཆོད། ཁྲག་ལ་དགྱེས་པ་དག་གིས་ཁྲག་གིས་ཚུལ་དུ་མཆོད། མར་དང་རྩམ་པ། ཞོ་དང་འོ་མར་དགའ་བ་རྣམས་ཀྱིས་སོ་སོའི་མོས་ཕྱོགས་ལྟར་མཆོད། ད་དུང་དེ་ལས་གཞན་རྩྭ་དང་ཕྱེན་ལ་སོགས་པར་སེམས་པ་རྣམས་ཀྱིས་ཀྱང་དེ་ལྟར་འདོར། ཁྱེད་ཅག་གིས་གང་དུ་འཛིན་པ་དང་གང་དུ་འདོར་བའི་ལས་དེ་ང་ལ་འགེལ་མི་རུང་། ངའི་འགན་ནི་དད་མོས་དང་བློ་དཀར་གྱིས་སྙན་ངག་འབྲི་རྒྱུ་ཙམ་མོ།།༽

 
 
ལྷུག་རྩོམ་རིང་བོ་ཞིག་གི་སྟོད་ཆ།
[ 2015-5-28 1:52:53 | By: lmgo ]
 
ལྷུག་རྩོམ་རིང་བོ་ཞིག་གི་སྟོད་ཆ།
 
 
སྙན་ངག
[ 2015-5-12 21:01:42 | By: lmgo ]
 

དམིགས་བསལ་གྱི་ཚོར་བ།


ང་ནི་དམིགས་བསལ་བ་ཞིག་སྟེ

སྙན་ངག་ཁོ་ན་འབྲི་བའི་གྲྭ་བ་ཞིག་ཡིན

ངས་སྙན་ངག་གི་ཕྱི་ནང་གི་མེ་ལོང་དབུས་སུ

ཧི་མ་ལ་ཡི་གངས་རི་བྲིས་ཡོད་ཅིང

ཉི་འོད་ཀྱིས་བསྐྱུར་ལ་ཉེ་བའི་ལྷ་ས་ཡང་བྲིས་ཡོད

ད་སྔའི་བར་དུ་ངས་བསམ་བློ་བཏང་འོང་ན

འབར་ནས་བཞུ་ལ་ཉེ་བའི་མི་ཚེའི་ཀློང་གི་མཛེས་སྡུག

སུ་ཡི་མགྲིན་པ་ན་བཀག་ཡོད་ཀྱང

སྙན་ངག་གིས་ཨིན་ཙམ་གློད་འགྲོ་བའི་སྣང་བ་འདུག

 
 
མཚན་མོའི་གཤོག་པའི་རྩལ།
[ 2015-3-27 0:41:57 | By: lmgo ]
 
 
 
སྙན་ངག་དང་འདྲ་བའི་ཕྱོགས་གླེང་བ།
[ 2015-3-10 23:21:06 | By: lmgo ]
 
ཐོལ་རྩོམ།
 
 
རྟོགས་བརྗོད་གསར་བ་ཞིག
[ 2015-1-6 0:17:38 | By: lmgo ]
 
ཚིགས་བཅད།
 
 
བསྐྱར་དུ་ཆད་པ་བསྐངས་པའི་ལྷུག་རྩོམ་གསར་བ།
[ 2014-11-24 9:37:35 | By: lmgo ]
 
ཐོལ་རྩོམ།
 
 
ལྷུག་རྩོམ་གསར་བ་ཞིག
[ 2014-11-24 2:16:25 | By: lmgo ]
 
ཐོལ་རྩོམ།
 
 
ཚིགས་བཅད།
[ 2014-11-6 2:27:32 | By: lmgo ]
 
སྙན་ངག
 
 
འདས་པོ་ཞིག་ལ་བྲིས་པ།
[ 2014-10-22 18:42:10 | By: lmgo ]
 
སྙན་ངག
 
 
སྙན་ངག་གི་འཕེལ་རིམ་ཐད་ཀྱི་སྐད་ཆ་ཐུང་ངུ།
[ 2014-10-21 23:38:45 | By: lmgo ]
 
ལྷུག་རྩོམ།
 
 
རྩོམ་ཡིག་གི་མིང་བརྡ་ར་འགའ་གླེང་བ།
[ 2014-10-16 18:18:37 | By: lmgo ]
 
འཐོལ་རྩོམ།
 
 
ཚིགས་བཅད་འགའ།
[ 2014-10-14 22:40:47 | By: lmgo ]
 
ཚིགས་བཅད།
 
 
དམངས་གཞས་ཁག་བཞིི།
[ 2014-10-14 22:02:16 | By: lmgo ]
 
དམངས་གཞས།
 
 
འཕྲིན་ཡིག
[ 2014-8-27 19:35:30 | By: lmgo ]
 
འཕྲིན་ཡིག
 
 
ཐོལ་རྩོམ།
[ 2014-8-23 23:25:53 | By: lmgo ]
 
ཉར་ཚགས
 
 
མགྲོན་པོ།
[ 2014-8-22 9:15:41 | By: lmgo ]
 
ཚིགས་སུ་བཅད
 
 
ཚིགས་བཅད།
[ 2014-8-20 16:05:10 | By: lmgo ]
 
སྙན་ངག
 
 
ཚིགས་བཅད་ཀྱི་ཚོམས།
[ 2014-8-14 22:43:40 | By: lmgo ]
 
ཚིགས་བཅད།
 
 
སྙན་ངག་གསར་བ་ཚན་པ་འགའ།
[ 2014-8-14 20:01:44 | By: lmgo ]
 
ཚིགས་བཅད།
 
 
གཤིབ་བསྡུར་ལེགས་རྩོམ་ཞིག་འདིར་དྲངས་པ།
[ 2014-8-10 15:33:47 | By: lmgo ]
 
གཞན་རྩོམ།
 
 
བཅར་འདྲི་ཞིག་གི་ཞབས་མཆན་དང་བཅས་ཏེ་བཀོད།
[ 2014-8-9 2:19:10 | By: lmgo ]
 
གཞན་བླངས
 
 
ཚིགས་སུ་བཅད་པའི་སྙན་ངག་གསར་བ།
[ 2014-7-25 12:41:12 | By: lmgo ]