མཚོ་སྔོན་པོ་བོད་ཡིག་ཟིན་བྲིས། ཟིན་རྩོམ། | པར་རིས། | མཁན་པོ། | ཁྱུ་མཆོག | ཟིན་ཚོམས།
ཐོ་འགོད། | ནང་འཇུག ཉར་ཚགས་བྱེད་པ།
རེ་སྨོན་པར་གཞི། 分享按钮
བཙན་གཡར་ཟིན་བྲིས།
 
སེམས་ཁམས་ལོ་ཐོ།
ཟིན་བདག་བརྡ་ཁྱབ།

 

  



ཆེད་དོན་རིགས་དབྱེ།
ཟིན་བྲིས་གསར་བ།
དཔྱད་བརྗོད་གསར་བ།
སྐད་གསར་བཞག
འཚོལ་བཤེར།
མཛའ་འབྲེལ།
ཆ་འཕྲིན།
 
 
དགེ་ཆོས་ཀྱིས་ཕྱི་ཡིག་ཏུ་བྲིས་པའི་སྙན་ངག་ཅིག
[ 2012-6-29 11:27:20 | By: lmgo ]
 
 

རེབ་གོང་།

མཁས་དབང་དགེ་འདུན་ཆོས་འཕེལ་གྱིས་བརྩམས།

རྒྱུས་མེད་ས་མཐའི་རྒྱུ་སྐར་འོག་ཏུ་ངལ་བའི་རྐང་འགྲོས་རབ་བཀོད་དེ།།
སྐྱེས་པའི་རེབ་གོང་ཕ་ཡུལ་ལམ་ཐག་དཔག་ཚད་བྱེ་བས་བསྐལ་པར་གྱུར།།

འོན་ཀྱང་པ་སངས་མིག་དམར་སྐར་མའི་འོད་ཀྱི་རྡུལ་ཕྲན་ཕུང་པོ་དག།
ས་ཡི་མུ་ཁྱུད་སྔོ་ལྗང་ལྡན་པ་རེབ་གོང་ཡུལ་ལ་ལྷུང་བར་འགྱེད།།


ཆུང་ངུའི་དུས་ཀྱི་ས་རྡུལ་འདྲེས་མའི་ལོ་ཟླའི་གསེབ་ཀྱི་རོལ་རྩེད་དང་།།
བདག་གི་སྙིང་དང་ཕ་ཡུལ་རེབ་གོང་རྒྱང་རིང་བོད་ཀྱི་གནས་སུ་བསྐྱུར།།
རླུང་གིས་སྒྲུབ་ཅིང་ངལ་བ་མེད་པ་ལས་ཀྱི་རྟ་ཕོ་སྲབ་མེད་འདིས།།
རུས་ཀོག་ཚོགས་འདི་རྒྱབ་ཏུ་ཁུར་ནས་ད་དུང་གང་དུ་འཁྲིད་སྲིད་དམ།།

ཁོ་བོ་སྟོན་ཀའི་སྤྲིན་པ་ཇི་བཞིན་སྐད་ཅིག་དེ་དང་འདི་རུ་གཡེངས།།
དུས་ཀྱི་ཟླ་བས་ཅི་ཞིག་འཁྱེར་ཡོང་ཁོ་བོའི་སེམས་ཀྱིས་ཤེས་མ་གྱུར།།
རྒྱ་སེ་མེ་ཏོག་ཚོམ་བུར་བཞད་པ་མཛེས་ལྗོངས་ཀ་ཤིའི་ཞིང་ཁམས་འདིར།།
ཁོ་བོའི་ལོ་ཟླས་ཨ་ལོང་ཇི་བཞིན་བདག་ཉིད་བསྐོར་བ་ད་བཟོད་ཤེས།།

ཚེ་རབས་སྔ་མའི་ལས་དབང་དེ་ཉིད་འདུན་མའི་ཐགས་ཁྲིའི་མདུན་དུ་སྡོད།།
ལས་ཀྱི་ལྷ་མོས་རང་གི་སྐུད་པའི་སྐྱ་སྡེབ་དག་ནི་རྒྱུན་དུ་བསྣོལ།།
ཁོ་བོའི་ཨ་ཕའི་དུར་ཁྲོད་མདུན་དུ་སྐྱི་བསེར་རླུང་བུ་ལྷོད་ཀྱིས་ལྡང་།།
འོན་ཀྱང་ཁོ་བོའི་རྨི་ལམ་ཞིང་དུ་ད་དུང་དབྱར་གྱི་ས་སྲོད་སྟེ།།
ཁོ་བོ་བྱིས་པའི་དུས་ཀྱི་ཚེ་ན་ཨ་མའི་ངག་ལ་ཉན་བཞིན་དུ།།
ཁོ་མོས་གསུངས་པའི་སྒྲུང་གཏམ་དག་གིས་ན་ཆུང་སྙིང་ཁམས་མྱོས་པ་རྨིས།།

ཐོག་མ་ཉིད་ནས་ད་ལྟའི་བར་དུ་ཁོ་བོས་དུར་ཁྲོད་མཐོང་མ་མྱོང་།།
ཀྱེ་མ་གྲོགས་པོ་བྲལ་གདུང་འདི་དག་སེམས་ཀྱི་གཏིང་སར་ཟུག་གཟེར་ཉིད།།
ཁོ་བོའི་ལྷོག་ལྷོག་ལྡིང་བའི་སྙིང་འདི་མཐའ་ཡས་རྒྱ་མཚོའི་རླབས་ལ་འཕངས།།
མཐའ་མར་བདེ་སྐྱིད་ཞི་བར་ཆགས་པའི་མཚོ་འགྲམ་གང་དུ་བསླེབ་སྲིད་དམ།།

ཁོ་བོས་བྱིན་རླབས་འོད་དུ་འཚེར་བ་གངྒའི་རྦ་རླབས་ཧུབ་ཀྱིས་འཐུངས།།
རྡོར་གདན་བྱང་ཆུབ་ལྗོན་པའི་འོག་ཏུ་གཡོ་མེད་སྐྱིལ་མོ་ཀྲུང་གིས་བསྡད།
དེ་རུ་རྒྱུ་བས་ལོ་མ་དག་གིས་འགྲོ་བའི་གདུང་བ་ཡོངས་སུ་བཀྲུ།།
ཁོ་བོས་མཆོད་དང་བཀུར་བསྟི་འོས་པ་འཕགས་ཡུལ་ཆོས་ཀྱི་ཞིང་ཁམས་ཉིད།།
འོན་ཀྱང་ཀྱེ་མ་ལྗོངས་འདིའི་མཛེས་པ་རེབ་གོང་རི་ལུང་ཉིད་དང་མཚུངས།།
ནགས་ཀྱི་རི་ནས་བཞུར་བའི་གཙང་པོ་ཡུལ་ལྗོངས་འདི་ཡི་རྒྱུད་དུ་འབབ།།

 

གསལ་བཤད། དོ་དགོང་ངས་དུས་ཚོད་གཅིག་གཉིས་རིང་དགེ་ཆོས་ཀྱིས་དབྱིན་ཡིག་ཏུ་བྲིས་པའི་རེབ་གོང་ཞེས་པའི་སྙན་ངག་འདི་བསྒྱུར་བ་ཡིན། བདག་གི་དབྱིན་ཡིག་གི་ཆུ་ཚད་ཧ་ཅང་སྐྱོ་སྟབས་སྐབས་རེར་དབུགས་ཀྱང་ལེན་དཀའ་བར་གྱུར། རྣམ་པ་ཚོས་བསྒྱུར་རྩོམ་འདི་ལ་དགོངས་འཆར་གནང་རོགས།༽ མ་རྩོམ་འདི་ན་འདུག ཐུགས་རྗེ་ཆེ། http://www.tibetwrites.org/? སྙན་བཟང་གཡུང་དྲུང་ཚེ་རིང་གིས་བསྒྱུར།

རེབ་གོང་རིག་མཛོད་དྲ་བ་ལས་ཁོལ་དུ་ཕྱུངས་པའོ།།

 
རྩོམ་ཡོངས་ཀློག་པ།(1045) | ལན་སློག(13)
 
འབྲེལ་ཡོད་ནང་དོན་ 13 ཡོད།<<<12>>>
RE:དགེ་ཆོས་ཀྱིས་ཕྱི་ཡིག་ཏུ་བྲིས་པའི་སྙན་ངག་ཅིག
[ 2012-11-6 21:40:31 | By: oshh333 ]
 
བཀླགས་ཟིན།
 
 
RE:དགེ་ཆོས་ཀྱིས་ཕྱི་ཡིག་ཏུ་བྲིས་པའི་སྙན་ངག་ཅིག
[ 2012-7-5 14:16:09 | By: xjfh ]
 
ཕ་ཡུལ་རེབ་གོང་དྲན་པའི་སྙན་ངག་འདི་ཤིན་ཏུ་ལེགས་པོ་འདུག
 
 
RE:དགེ་ཆོས་ཀྱིས་ཕྱི་ཡིག་ཏུ་བྲིས་པའི་སྙན་ངག་ཅིག
[ 2012-7-2 11:38:34 | By: lmgo ]
 
སྙན་བཟང་བ་ལགས་ཀྱིས་ལེགས་བཅོས་བྱས་ཟིན་པའི་འགྱུར་འདི་རུ་གསར་དུ་བཀོད་ཡོད། འགྱུར་སྔོན་མ་ནང་འདྲེན་བྱས་པའི་དྲ་དེབ་ཡོད་ན།  དེ་མ་ཕྱི་འདི་ལ་ཐོད་གཏུགས་ནས་ལེགས་པར་དགོད་པར་བྱ།
 
 
RE:དགེ་ཆོས་ཀྱིས་ཕྱི་ཡིག་ཏུ་བྲིས་པའི་སྙན་ངག་ཅིག
[ 2012-7-1 4:56:52 | By: nyangsangyd ]
 
རེབ་གོང་། མཁས་དབང་དགེ་འདུན་ཆོས་འཕེལ་གྱིས་བརྩམས།  སྙན་བཟང་གཡུང་དྲུང་ཚེ་རིང་གིས་བསྒྱུར།རྒྱུས་མེད་ས་མཐའི་རྒྱུ་སྐར་འོག་ཏུ་ངལ་བའི་རྐང་འགྲོས་རབ་བཀོད་དེ།།སྐྱེས་པའི་རེབ་གོང་ཕ་ཡུལ་ལམ་ཐག་དཔག་ཚད་བྱེ་བས་བསྐལ་པར་གྱུར།།  འོན་ཀྱང་པ་སངས་མིག་དམར་སྐར་མའི་འོད་ཀྱི་རྡུལ་ཕྲན་ཕུང་པོ་དག།ས་ཡི་མུ་ཁྱུད་སྔོ་ལྗང་ལྡན་པ་རེབ་གོང་ཡུལ་ལ་ལྷུང་བར་འགྱེད།།  ཆུང་ངུའི་དུས་ཀྱི་ས་རྡུལ་འདྲེས་མའི་ལོ་ཟླའི་གསེབ་ཀྱི་རོལ་རྩེད་དང་།།བདག་གི་སྙིང་དང་ཕ་ཡུལ་རེབ་གོང་རྒྱང་རིང་བོད་ཀྱི་གནས་སུ་བསྐྱུར།།རླུང་གིས་སྒྲུབ་ཅིང་ངལ་བ་མེད་པ་ལས་ཀྱི་རྟ་ཕོ་སྲབ་མེད་འདིས།།རུས་ཀོག་ཚོགས་འདི་རྒྱབ་ཏུ་ཁུར་ནས་ད་དུང་གང་དུ་འཁྲིད་སྲིད་དམ།།ཁོ་བོ་སྟོན་ཀའི་སྤྲིན་པ་ཇི་བཞིན་སྐད་ཅིག་དེ་དང་འདི་རུ་གཡེངས།།དུས་ཀྱི་ཟླ་བས་ཅི་ཞིག་འཁྱེར་ཡོང་ཁོ་བོའི་སེམས་ཀྱིས་ཤེས་མ་གྱུར།།རྒྱ་སེ་མེ་ཏོག་ཚོམ་བུར་བཞད་པ་མཛེས་ལྗོངས་ཀ་ཤིའི་ཞིང་ཁམས་འདིར།།ཁོ་བོའི་ལོ་ཟླས་ཨ་ལོང་ཇི་བཞིན་བདག་ཉིད་བསྐོར་བ་ད་བཟོད་ཤེས།། ཚེ་རབས་སྔ་མའི་ལས་དབང་དེ་ཉིད་འདུན་མའི་ཐགས་ཁྲིའི་མདུན་དུ་སྡོད།།ལས་ཀྱི་ལྷ་མོས་རང་གི་སྐུད་པའི་སྐྱ་སྡེབ་དག་ནི་རྒྱུན་དུ་བསྣོལ།།ཁོ་བོའི་ཨ་ཕའི་དུར་ཁྲོད་མདུན་དུ་སྐྱི་བསེར་རླུང་བུ་ལྷོད་ཀྱིས་ལྡང་།།འོན་ཀྱང་ཁོ་བོའི་རྨི་ལམ་ཞིང་དུ་ད་དུང་དབྱར་གྱི་ས་སྲོད་སྟེ།།ཁོ་བོ་བྱིས་པའི་དུས་ཀྱི་ཚེ་ན་ཨ་མའི་ངག་ལ་ཉན་བཞིན་དུ།།ཁོ་མོས་གསུངས་པའི་སྒྲུང་གཏམ་དག་གིས་ན་ཆུང་སྙིང་ཁམས་མྱོས་པ་རྨིས།།ཐོག་མ་ཉིད་ནས་ད་ལྟའི་བར་དུ་ཁོ་བོས་དུར་ཁྲོད་མཐོང་མ་མྱོང་།།ཀྱེ་མ་གྲོགས་པོ་བྲལ་གདུང་འདི་དག་སེམས་ཀྱི་གཏིང་སར་ཟུག་གཟེར་ཉིད།། ཁོ་བོའི་ལྷོག་ལྷོག་ལྡིང་བའི་སྙིང་འདི་མཐའ་ཡས་རྒྱ་མཚོའི་རླབས་ལ་འཕངས།།མཐའ་མར་བདེ་སྐྱིད་ཞི་བར་ཆགས་པའི་མཚོ་འགྲམ་གང་དུ་བསླེབ་སྲིད་དམ།།ཁོ་བོས་བྱིན་རླབས་འོད་དུ་འཚེར་བ་གངྒའི་རྦ་རླབས་ཧུབ་ཀྱིས་འཐུངས།།རྡོར་གདན་བྱང་ཆུབ་ལྗོན་པའི་འོག་ཏུ་གཡོ་མེད་སྐྱིལ་མོ་ཀྲུང་གིས་བསྡད།དེ་རུ་རྒྱུ་བས་ལོ་མ་དག་གིས་འགྲོ་བའི་གདུང་བ་ཡོངས་སུ་བཀྲུ།།ཁོ་བོས་མཆོད་དང་བཀུར་བསྟི་འོས་པ་འཕགས་ཡུལ་ཆོས་ཀྱི་ཞིང་ཁམས་ཉིད།།འོན་ཀྱང་ཀྱེ་མ་ལྗོངས་འདིའི་མཛེས་པ་རེབ་གོང་རི་ལུང་ཉིད་དང་མཚུངས།།ནགས་ཀྱི་རི་ནས་བཞུར་བའི་གཙང་པོ་ཡུལ་ལྗོངས་འདི་ཡི་རྒྱུད་དུ་འབབ།།༢༠༡༢་༠༦་༢༤བསྒྱུར།༢༠༡༢་༠༦་༢༩ཞུ་དག་བྱས།
 
མི་སྒེར་དྲ་ངོས། | འདྲེན་བཀོལ། | ཕྱིར་ལོག |
 
RE:དགེ་ཆོས་ཀྱིས་ཕྱི་ཡིག་ཏུ་བྲིས་པའི་སྙན་ངག་ཅིག
[ 2012-7-1 4:50:27 | By: nyangsangyd ]
 
རྩོམ་པ་པོ་ལྷམ་ཀོག་ཞུ་བ་ལགས། ཁྱེད་ཀྱིས་དགེ་ཆོས་ཀྱི་སྙན་ངག་བོད་འགྱུར་མ་སྐུ་ཉིད་ཀྱི་ཟིན་བྲིས་སུ་སྤེལ་བར་ཐུགས་རྗེ་ཆེ་ཞུ། ཡིན་ནའང་འགྱུར་སྔོན་མའི་ཚབ་ཏུ་འགྱུར་གསར་པ་འཇོག་རོགས་ཞེས་ཡི་གེ་ཞིག་བཏང་ཟིན་མོད། སྐུ་ཉིད་ཀྱིས་སྔོན་མའི་འགྱུར་དེ་ད་དུང་རང་འཇགས་སུ་བཞག་འདུག ད་ངས་ཚིག་གཅིག་ཞུས་ཆོག་པ་ཞུ། ཁྱེད་རང་ཡང་བསྐྱར་རེབ་གོང་རིག་མཛོད་དུ་ཕེབས་ནས་དེའི་ནང་དུ་འགྱུར་གསར་པ་ག་རེ་བཞག་ཡོད་པ་དེ་སྐུ་ཉིད་ཀྱི་ཟིན་བྲིས་སུ་འཇོག་རོགས། སྔོན་མའི་འགྱུར་དེ་བྲེལ་སྟབས་ཀྱིས་བསྒྱུར་སྟབས་ཅུང་འཐུས་ཤོར་བྱུང་ཡོད་ནའང་། འགྱུར་གསར་པ་དེ་ནན་ཏན་གྱིས་ཞུ་དག་བྱས་ཡོད།  གཅིག་བྱས་ན་བོད་འགྱུར་འདི་ལ་ྐློག་མཁན་མང་བོ་འབྱུང་སྲིད། ཁྱེད་ཀྱིས་ངའི་རེ་བ་འདི་གཡས་སུ་འཇོག་གི་ཡིན་ཟེར་ན། སྐུ་ཉིད་ཀྱིས་རང་གི་ཟིན་བྲིས་སུ་སྤེལ་བའི་སྙན་ངག་བོད་འགྱུར་མ་འདི་གསུབ་རོགས་ཞེས་ཞུ་བ་བྱེད་ཀྱི་ཡོད། སྙན་བཟང་གཡུང་དྲུང་ཚེ་རིང་གིས་གུས་བཅས་ཕུལ།
 
མི་སྒེར་དྲ་ངོས། | འདྲེན་བཀོལ། | ཕྱིར་ལོག |
 
RE:དགེ་ཆོས་ཀྱིས་ཕྱི་ཡིག་ཏུ་བྲིས་པའི་སྙན་ངག་ཅིག
[ 2012-7-1 1:50:35 | By: cuodaima ]
 
ངས་བལྟས་ན་ཅུང་ལེགས་འདུག་སྙམ།  རྒྱུ་མཚན་དགེ་ཆོས་ཁོང་དངོས་ཀྱིས་བྲིས་པའི་བོད་རྩོམ་དག་དང་བར་ཐག་ཅུང་རིང་ཡང་།  བརྗོད་བྱ་དང་བསམ་བློའི་འཁྱེར་སོ།  ད་དུང་བོད་ཡིག་ཏུ་སྒྱུར་བའི་བསམ་བློ་དང་སྤོབས་པ་བཅས་ལ་དགའ་བསུ་དང་བཀའ་དྲིན་ཞུ་གི་ཡོད།  རྒོད་པོ་ནས།
 
 
RE:དགེ་ཆོས་ཀྱིས་ཕྱི་ཡིག་ཏུ་བྲིས་པའི་སྙན་ངག་ཅིག
[ 2012-7-1 1:36:15 | By: TOKMEI ]
 
ཡག་དང་མི་ཡག་གི་རྣམ་བཞག་བརྗོད་པ་ནི་བླུན་པོའི་ལུགས་རེད། གཙོ་བོ་རྩོམ་བསྒྱུར་གྱི་ནུས་ཤུགས་ཀྱི་ཆ་ནས་བརྗོད་ན་ཕྱོགས་ཟུར་གང་ནས་བཅལ་ན་དགེ་ཆོས་རྩོམ་གྱི་རང་གཤིས་མཐོང་དུ་མེད་ཅིང་། རྩོམ་གྱི་སྲོག་སྙིང་འཁྱར་བར་སྣང་བ་ནི་མངོན་གསལ་ཅིག་རེད་དོ།།
 
 
RE:དགེ་ཆོས་ཀྱིས་ཕྱི་ཡིག་ཏུ་བྲིས་པའི་སྙན་ངག་ཅིག
[ 2012-6-30 18:08:38 | By: genggajiancan ]
 
གློ་སྙིང་བྲང་གསུམ་གཞོབ་ནས་བུད་ཐལ།
 
 
RE:དགེ་ཆོས་ཀྱིས་ཕྱི་ཡིག་ཏུ་བྲིས་པའི་སྙན་ངག་ཅིག
[ 2012-6-29 23:40:10 | By: banmajiacuo ]
 
ངས་ཡག་གི་མ་འདོད་ཐལ། བསམ་འཆར་དྲང་མོ་ཡིན།  སོ་ལྟ་བས།
 
 
RE:དགེ་ཆོས་ཀྱིས་ཕྱི་ཡིག་ཏུ་བྲིས་པའི་སྙན་ངག་ཅིག
[ 2012-6-29 15:17:57 | By: zzzzdz ]
 
 
 
粗体 斜体 下划线 插入引用 插入表情
བཟོ་མཁན། ལྡོང་བླ།
Powered by Oblog.