མཚོ་སྔོན་པོ་བོད་ཡིག་ཟིན་བྲིས། བོད ཟིན མཚོ་སྔོན་པོ ཟིན་རྩོམ། | པར་རིས། | མཁན་པོ། | ཁྱུ་མཆོག | ཟིན་ཚོམས།
ཐོ་འགོད། | ནང་འཇུག ཉར་ཚགས་བྱེད་པ།
分享按钮
སྒོ་ཡོན།
http://blog.amdotibet.cn/gaoyong/index.aspx
ཕྲེང་བསྟར།
སྒོ་ཡོན་གྱིས་སྒོ་ཤེར་གླེང་བ།(དྲྭ་རྩོམ)
རྩོམ་པ་པོ།:gaoyong སྤེལ་དུས་:2011-7-14 16:57:24

 

         

     ༈ མཉན་དུ་རི་བའི་སྐད།

         —སྒོ་ཤེས་རབ་ལགས་ཀྱི«རྒྱུན་ཤེས་དང་ལམ»མཚམས་སྦྱོར་བ།

 

གཅིག

དུས་དང་གནས་ཀྱི་ལན་ནམ་བརྡ་དང་རེ་བའི་ལན་གང་གིས་ཡིན་པར་མ་ངེས་མོད།ལོ་ངོ་འདི་དག་ལ་རང་ཅག་བོད་ཀྱི་གྲྭ་བཙུན་པའི་སྡེ་རུ་ཡང་བོད་ཡིག་གི་རྩོམ་སྟེགས་ཆུང་ངུ་འདིར་དོན་དམ་གྱིས་གདན་ཐོབ་ངེས་ཅན་བླངས་ཡོད་པའི།རྩོམ་ལུས་སྣ་མང་གི་ཚོན་རྩི་བཟོ་བའི་རྩོམ་པ་བོ་འགའ་ཞིག་སྐུ་བལྟམས་ནས་འདུག་ལ།ཁོང་ཚོར་སྲིད་གཞུང་གང་གིས“བོད་རིག་པ་ཞུབ་འཇུག”གི་ཁེ་ཐོབ་སྤྲད་པ་དང་དགོན་པ་རེ་ཟུང་གི“གྲུབ་མཐའ”ཁོ་ན་རྗེས་སྐྱོང་བྱེད་པའི་ལྕགས་ཐག་བསྐོན་པས་འགྱུར་མེད་ཀྱི་དམ་ཚིག་ཏུ་འཚོ་བའི་ར་བ་ལས་རྒྱང་དུ་བརྒལ་ནས།མདུན་རྒྱབ་དང་རང་གཞན་ཐམས་ཅད་གཞུང་མི་སྒེར་བ་གཅིག་གི་ཁུངས་སུ་བསྡུ་རྒྱུ་ཡིན་པའི་གདུགས་ཆེན་གྱི་མཐའ་མཚམས་ནས་ཕྱིར་འཁོར་བཞིན།མི་ལོ་སྟོང་ཕྲག་གི་ལོ་རྒྱུས་ལྡན་པའི་མཁར་རྙིང་དེ་ལ་མཁས་པ་དགེ་ཆོས་ཁོ་ན་ལས་སུས་ཀྱང་ཐུག་རེག་མ་ཕོད་པའི་དཔའ་རྟུལ་གྱི་རྣམ་པ་དེར་སླར་ཡང་ཐེངས་གཅིག་འཇུ་བའི་འགྲོ་ལམ་ལ་ཞུགས་པ་རེད།

དེ་དག་ནི་དུས་རབས་སྔོན་མའི་ལོ་རབས་དགུ་བཅུ་བ་ནས“འབོལ་རྩོམ”གྱི་གཏར་གྲི་མཁའ་ལ་འཕྱར་ཏེ།ཆོས་ཕུང་བརྒྱད་ཁྲི་བཞི་སྟོང་དུ་གྲགས་པ་ཐུབ་པ་སངས་རྒྱས་ཀྱི་ཡིན་མིན་དང་བོད་ལ་ཕོ་མོའི་འདྲ་མཉམ་དང་དགོན་སྡེ་ལམ་གཙང་ཞིག་རྦད་དེ་མེད་ལུགས་སོགས་ཀྱི་སྐད་ཆ་སྔ་ཤོས་བཤད་པའི་བོ་ཐར་བཀྲ་ཤིས་ཆོས་འཕེལ་ལགས་དང་།དཔྱད་བརྗོད་པ་རྒན་བདུད་ལྷ་རྒྱལ་སོགས་ཀྱི་སོ་མིག་ཏུ་མ་གྱུར་ཅིང་།«སྡོམ་པ་སྲུང་བ»དང«བཙུན་ཡག»རྣམས་ཀྱི་མཚོན་ཚུལ་བྱུགས་པ་ལས་ཀྱང་བརྒལ་ཏེ།བོད་ཀྱི་རབ་བྱུང་བའི་འཚོ་བ་དངོས་མཚོན་པའི«ངུར་སྨྲིག་མཚོ་ཀློང་གི་ཕྱིར་མིག»དང«ང་ཡི་སང་ཉིན»(སྒྲུང་གཏམ་འདི་དག་ཐད་ཀྱི་འཆར་སྣང་སྐོར་ཞིག་གཞན་དུ་འཆད་འདོད་ཡོད་པས་དེར་གཟིགས་འཚལ)སོགས་ཀྱི་སྒྲུང་གཏམ་ཐུང་འབྲིང་བཅུ་ཕྲག་ལྷག་བཞེངས་བསྐྲུན་བྱས་པའི་བཙུན་པ་འགར་རྩེ་འཇིགས་མེད་ལགས་དང་།བོད་མིའི་རྣམ་ཤེས་ཀྱི་སྦུབས་ལ་དྲག་ཏུ་བཞུར་བའི་ཆོས་ལུགས་གྲུབ་མཐའི་ཚ་གཅུན་མཐའ་དག་ལ་དེ་སྔ་སུས་ཀྱང་འཕྱར་ཐུབ་མེད་པའི་རྣོ་གྲི་ངར་མ་འཆང་བའི་ཚ་སྒང་བློ་གྲོས་དཔལ་ལྡན་ལགས།དེ་བཞིན་ཆོས་ལུགས་ཀྱི་ཐོབ་སྟེགས་ཁོ་ནར་འགྱིང་ནས་རྒན་པ་ཞིག་གི་བཟོ་ལྟ་མ་བསྟན་པར།སྐད་དོན་དམའ་སར་བབས་ནས་བོད་ཀྱི་གནས་སྟངས་ལ་ཟུར་ངོས་འགའ་རེ་ནས་ཐུགས་ཁུར་ཆེས་ཆེར་མཛད་ཀྱིན་ལོ་རྒན་ཡང་སེམས་མ་རྒས་པའི་ར་སེ་དཀོན་མཆོག་རྒྱ་མཚོ་སོགས་ཀྱིས་མཚོན་ཏེ།གྲྭ་བའི་སྤྱི་ཚོགས་སུ་དུས་རབས་དང་མི་རིགས།རང་བྱུང་བ་དང་རང་ཉིད་བཅས་ཀྱི་བདེ་སྡུག་ལ་དགོངས་པ་མཐོ་ས་ནས་ཕྱོགས་པའི་བཙུན་པ་འགའ་ཞིག་ཚ་འུར་དང་བཅས་ཏེ་བོད་ཡུལ་འདིར་འཁྲུངས་ཡོད་ཅིང་།ཁོང་ཚོའི་སྐུ་གསུང་ཐུགས་གསུམ་ལས་འོད་དུ་འཕྲོས་པའི«བོད་ཀྱི་ཤེས་རིག་གླེང་བའི་འབོལ་རྩོམ»དང«བཙུན་པའི་འཚོ་བ»«ལོག་རྟོགས་སྙིང་སྟོབས»«དེང་རབས་ཆོས་ལུགས་པའི་སྨྱོ་གར»རྣམས་ཀྱང་བོད་མི་མིག་ལྡན་དག་གི་མཆོད་ཀོང་ན་གཟི་མདངས་ཀྱི་འཚེར་འདུག་པས།སྐབས་འདིར་འཆད་བྱའི་སྒོ་ཤེར་རབ་རྒྱ་མཚོ་དང་ཁོང་གི་སྒེར་དེབ་གཉིས་པ«རྒྱུན་ཤེས་དང་ལམ»ཡང་དེ་དག་ལས་མ་འདས་སོ།།

གཉིས།

སྒོ་ཤེས་རབ་རྒྱ་མཚོ་ཞེས་པའི་མིང་འདི་ཁོ་བོས༠༧ལོའི་ལོ་མཇུག་ཏུ་ཟི་ལིང་གི་དཔེ་ཁང་ཞིག་ནས་གསར་དུ་མཐོང་ཐོས་སུ་གྱུར་པ་ཡིན་ལ།ཉིན་དེ་ནི«ང་ཚོ་སད་རན»དཔེ་འགྲེམ་བྱས་པའི་ཉིན་མོ་ལྔ་བ་དེར་ཁེལ་འདུག།དང་ཐོག“སྒོ”ཡི་ཚིག་དེ་མཐོང་འཕྲལ་ཁོ་བོས་དེ་སྔོན«སྦྲང་ཆར»དང«ཀུར་གུམ་ཆུན་པོ»སོགས་སུ་སྒོ་ཡོན་ཏན་བཟང་བོ་ཞེས་སྤྱད་པ་དེས་ཤུགས་རྐྱེན་འདྲ་བྱིན་པ་ཡིན་ནམ་སྙམ་པའི་སྣང་བ་ཞིག་ཡིད་ལ་འཁོར་མོད།རྗེས་སུ་རང་གི་དཔེ་སྒྲོམ་ལས«ཀུར་གུམ་ཆུན་པོ»འདོན་ཐེངས་དྲུག་པ་ཞིག་རྙེད་པ་དེར།ཁོང་གིས་སྲོལ་རྒྱུན་སྙན་ངག་གི་རྩོམ་ལུས་ཀྱིས་བྲིས་པའི་འཇམ་དབྱངས་བསྟོད་པ་ཞིག་ཏུ་སྒོ་ཤེས་རབ་རྒྱ་མཚོ་ཞེས་སྔ་ས་ནས་སྦྱར་འདུག་པས་མི་ཚད།ཁོ་བོ་སྒོ་ཆེན་ནས་ཡིན་པ་བཞིན་ཁོང་ཉིད་ཀྱང་སྒོ་མང་ནས་ཡིན་པའི་དབང་གིས་སོ་སོའི་དགོན་མིང་གིས་བཏགས(ཁོང་གི་རུས་སྒོ་རའམ་སྒོ་སྔུན་ཡིན་པས‘སྒོ’ཞེས་བཏགས་ཀྱང་བཤད་ཀྱིན་འདུག)ཡོད་པས་ན།སྔར་གྱི་དོགས་པ་ཆུང་ངུའི་མདུད་རྒྱ་ཡང་ཡོངས་སུ་གྲོལ།

དེ་བཞིན«ང་ཚོ་སད་རན»ལའང་མགོ་མཇུག་མེད་པར་ཚར་གཅིག་བཀླགས་པ་ཡིན་ལ།དེབ་དེར་ཁོང་གིས་རབ་བྱུང་བའི་ངོས་ནས་འདས་པའི་གནད་དོན་གང་མང་ལ་འགྱོད་བཤགས་ཞུ་དགོས་པ་དང་།ཆོས་སྲིད་འགལ་འབྲེལ་གྱི་ལྟ་ཚུལ་འོག་ནས་བསམ་བློ་རང་དབང་དང་ལྟ་ཚུལ་མཉམ་གནས་ཀྱི་ཞིང་ས་ཞིག།བོད་ཀྱི་དགོན་ལམ་དུ་འབུས་དགོས་པའི་རེ་སྐུལ་ཤུགས་ཆེན་བྱས་པའི་སྤོབས་སེམས་དང་མིག་རྒྱང་དག་གིས་ཁོང་ལ་རང་བཞིན་གྱིས་གུས་བརྩི་བླ་ལྷག་ཤོར་ཞིང་།བརྩམས་ཆོས་སྤྱིའི་བརྗིད་བརླིང་དང་འབྲི་ཐབས་དག་གིས་བོད་ཀྱི་འབོལ་རྩོམ་ལམ་ལུགས་ལ་བཀྲགས་མདངས་གསར་བ་ཞིག་སྦྱིན་ཡོད་པར་སྙམ།

དེ་ལྟ་ན་ཡང་།དེབ་ཀྱི་ཐོག་མཐའ་བར་གསུམ་དུ“སྒམ་དཀྱེལ”བརྒྱ་ལྷག་ཅིག་བཟླས་མཐར་རྒྱ་གྲོལ་དང་བཛྲ་ཚུལ་ཁྲིམས་རྣམ་གྱི་སྟེང་ལ“སྐྱག”འབོད(<ང་ཚོ་སད་རན>གྱི་ལྡེབ་ངོས༢༣༣དང༢༥༡སོགས་སུ་གསལ)འདོད་འདོད་ཅིག་བྱས་པ་དེ་ཉིད་འོས་འཚམ་དུ་མི་རིགས་ཏེ།གཞུང་ལུགས་ཁོ་ན་དང་ལྷམ་བསམ་རྐྱང་བའི་འདབ་གཤོག་ཡངས་ནའང་ཡོད་ཚད་ཆོས་ལུགས་ཁོ་ནས་ཐག་གཅོད་པའི་རྒྱ་གྲོལ་དང་ཚུལ་ཁྲིམས་རྣམས་ཀྱིས་སྔར་ཡང་དེ་ལྟར་བཤད་མྱོང་ལ་ད་ཡང་དེ་ལྟར་བཤད་པ་རེད།དེ་ནི་ཁོང་ཚོའི་རིགས་ཀྱིས་རྒྱུན་ལྡན་གྱི་བཤད་བྱ་དང་རུས་སུ་ཟུག་པའི་བསམ་བློ་ཡིན་པས།“ཆོས་ལུགས་ལ་དགག་པ་ཡ་མཚན་བརྒྱབ་སོང”(<ང་ཚོ་སད་རན>གྱི་ལྡེབ་ངོས༢༤༩བར་གསལ)ཙམ་ལ་གློ་བུར་དུ་ཧང་སང་དགོས་དོན་གཏན་ནས་མེད་ཁར།དེ་བས་ཀྱང་འཇིགས་སུ་རུང་བའི་ཞྭ་ཆེན་གནམ་དང་རི་འདྲ་བ་བསྐོན་པའང་ཆོས་ཉིད་དུ་ངེས་ཕྱིར།“ཀུན་སྤྱོད་ནི་ཐམས་ཅད་ཀྱི་རྨང་གཞི་ཡིན་ལ།བདེན་པ་ནི་ཀུན་སྤྱོད་ཀྱི་ངོ་བོ་རེད།དེ་བས་བདེན་པ་འཐོབ་སྙེག་བྱེད་པའི”(གན་དྷིའི་གསུང་ཚིག)ཁོང་ལ“ཆོས་ལུགས་ལ་དགག་པ་ཡ་མཚན་བརྒྱབ་སོང”བའི་ལྟ་ཚུལ་ཙམ་ཡང་འདོན་ས་མེད་པར་ཕྱིར་འཁོར་ནས་དེ་ལས་ཀྱང་འཇིགས་པའི“དམར་དམག”(<ང་ཚོ་སད་རན>གྱི་ལྡེབ་ངོས༢༦༢བར་གསལ)གི་ཞྭ་ཆེན་རྭ་རྒྱའི་སློབ་གླིང་དུ་ཤོང་དཀའ་བས་འཁོན་ལན་བསློགས་པའམ་སྐྱིན་ཚབ་བླངས་པ་ནི།བརྡེགས་ཀྱང་སླར་མི་བརྡེག་པ་དང་གཤེ་ཡང་སླར་མི་གཤེ་བར“རིག་གནས་ཀྱི་ཁོར་ཡུག་གཙང་ཡངས”ཤིག་ལ་འབད་པ་དྲག་པོ་གནང་བའི་ཁོང་གི་ལས་དང་ལམ་གྱི་ནག་ཉེས་ཆེ་ཤོས་ཤིག(འདི་དང་འདི་འདྲའི་སྐད་ཆ་གཞན་འགའ་ཞིག་ཀྱང་འཆད་དུ་ཡོད་ཀྱང་།སྐབས་སུ་མ་བབས་པའམ་འདས་ཟིན་པའི་དོན་གནད་ཡིན་ཕྱིར་འདིར་མི་སྤྲོའོ)ཏུ་མི་བརྩི་ཀ་མེད་རེད་སྙམ།

འོན་ཏེ།«ང་ཚོ་སད་རན»གྱི་མཛེས་སྡུག་གིས་བོད་ཀྱི་གྲྭ་གཞོན་གང་མང་ལ་སྔར་མེད་ཀྱི་སད་རྟོགས་བྱུང་དུ་བཅུགས་པ་དང་།དགོན་པའི་གནས་དང་གྲོང་བའི་ཡུལ་གྱི་བྱ་སྤྱོད་ཐམས་ཐད་ཐ་དད་དུ་འགྲོ་བར་འབོད་སྐུལ་བགྱིས་པས།དེ་རིང་གི་བོད་ཀྱི་ཆ་ནས་ཁོང་གི་དེབ་དེའང་མ་བཀླག་ཐུ་མེད་ཀྱི་གནས་སུ་མི་བརྩི་ཀ་མེད་དུ་གྱུར་ཡོད་པར་འདོད་ལ།དེ་རིང་ད་དུང་ཡང«ང་ཚོ་སད་རན»མཐོང་ཐོས་མ་གྱུར་པའི་བོད་ཀྱི་དཔེ་ཀློག་ལ་མི་དགའ་བའི་རིགས་དག་གིས་དེབ་རྙིང་དེ་ཐེངས་ཤིག་བཀླག་ན་དགའ་བ་ལ།

གསུམ།

སྤྱིར་བཏང་ལོ་ངོ་འདི་དག་གི་རིང་ལ་དཔའ་དང་བདེན་པས་ཕྱུག་ཅིང་འབྱོར་བ་དང་གྲགས་སྐམ་ཁོ་ནར་མི་རེ་བའི་རྩོམ་པ་བོ་དང་ལོ་ཙྭ་བ།རྩོམ་སྒྲིག་པ་ཁ་ཤས་ཀྱིས་བཀའ་དྲིན་ལ་བརྟེན་ཏེ།“དཔྱོད་ཤེས”རྒད་པོའི་བྲིས་རྩོམ་ཁག་དང«རིག་གཞུང་གསར་བའི་དཔེ་ཚོགས»«བློ་འབྱེད་ཀློག་དེབ་དཔེ་ཚོགས»སོགས་ཀྱི་དེབ་ཕྲེང་འགའ་ཞིག་བོད་ཡིག་ཏུ་འཛུམ་གྱིས་འཁྲུངས་པས།ཁོ་བོ་དང་ཁོ་བོ་འདྲ་བར་མི་རིགས་གཞན་གྱི་རིག་དངོས་ལ་བལྟ་བའི་མིག་ཟུང་བྲལ་བའི་ཚོགས་ལ་སྔར་མེད་ཀྱི་བདུད་རྩི་གསར་བ་ཞིག་མདུན་ལ་བསྟར་བས།དཔེ་ཀློག་ལ་ཅུང་ཟད་དགའ་མོས་ཡོད་པའི་བདག་དང་བདག་འདྲའི་མི་རྣམས་ནི་འདི་དག་ལ་མི་དགའ་གང་ལ་དགའ་འམ།

ལོ་འདིའི་ཟླ་དྲུག་པར་དཔར་བསྐྲུན་བྱས་ཤིང་ཟླ་བདུན་པར་དཔེ་འགྲེམ་བྱས་པའི་སྒོ་ཤེས་རབ་ལགས་ཀྱི་སྒེར་དེབ་གཉིས་པ«རྒྱུན་ཤེས་དང་ལམ»ཡང་བདག་དང་བདག་འདྲས་ངེས་པར་དུ་བཀླག་དགོས་པའམ།“མ་བཀླག་ཐབས་མེད”ཀྱི་དཔེ་དེབ་ཏུ་བགྲང་ན་ཤིན་ཏུ་འོས་ཤིང་།ལྟོས་བཅས་ཀྱི་བོད་ཡིག་པར་སྐྲུན་གྱི་དཀྱེལ་ཅུང་ཟད་ཡངས་པའི་མདོ་ལྷོའི(甘肃)མི་དམངས་དཔེ་སྐྲུན་ཁང་གིས་དཔར་བའི་ཤོག་ངོས༤༤༥ཅན་གྱི«རྒྱུན་ཤེས་དང་ལམ»ལ་མཚོན་ན།སྲབ་མཐུག་གི་ཆ་ནས་བོད་ཡིག་གི་འབོལ་རྩོམ་དེབ་ལས་ཆེས་མཐུག་ཤོས་དང་།དཔར་གྲངས་ཀྱི་ཆ་ནས་ཀྱང1~6500ཡིན་པས་བོད་ཡིག་གི་སྒེར་དེབ་དཔར་གྲངས་མང་གྲས་སུ་སོན་ཡོད་པ་རེད།

དེ་ཡང«རྒྱུན་ཤེས་དང་ལམ»ནི་སྔར«ང་ཚོ་སད་རན»དུ་བྲིས་པའི«དཔལ་ནྰ་ལེནྡྲའི་རིག་གནས་སྙིང་སྟོབས»ཀྱི་ལྷན་ཐབས(ཁ་སྐོང་གི་དོན)དང་བོ«<ཚད་མ་རྣམ་འགྲེལ>གྱི་མཚན་ཉིད་བསམ་བློའི་རྒྱུན་ཤེས»དང«སྨག་རུམ་ཁྲོད་ཀྱི་བརྗེད་བྱང»«བློ་དཀར་སེམས་ཀྱི་ཁ་བརྡ»འགྱུར་རྩོམ«དམངས་གཙོའི་རྒྱུན་ཤེས་གནད་བསྡུས»ཏེ།སྡེ་ཚན་ཆེན་པོ་བཞི་དང་བརྩམས་ཆོས་མི་འདྲ་བ་བཅུ་གཅིག་ཙམ་གྱིས་གྲུབ་པ་ཞིག་རེད་ལ།«<ཚད་མ་རྣམ་འགྲེལ>གྱི་མཚན་ཉིད་བསམ་བློའི་རྒྱུན་ཤེས»ཞེས་པར་ཚད་མའི་མངོན་རྗེས་དང་གཞན་སེལ་སོགས་ཀྱི་འཇོག་ཚུལ་དང་།སྐྱེ་བ་སྔ་ཕྱི་དང་ཐར་བའི་རྣམ་གཞག་གི་གནད་དོན་སོགས་ནང་བ་སངས་རྒྱས་པའི་ཚད་མའི་གཞུང་ལུགས་སུ་གསུངས་པའི་གནད་དོན་ཁག་ལ།ཁོང་རང་གིས་ལྟ་ཚུལ་སྤྱད་དེ་འགྲེལ་བརྗོད་བྱས་འདུག་མོད།ཁོ་བོས་རྩོམ་འབྲིང་འདི་ད་དུང་རྫོགས་པར་བཀླགས་མ་ཟིན་པས་འདིར་དབྱེ་བཞག་གི་ཁ་ཚོན་མི་གཅོད་ལ།

«སྨག་རུམ་ཁྲོད་ཀྱི་བརྗེད་བྱང»ཞེས་པར་སྔར«གཞོན་ནུའི་རབས་བྱེད»དང«གྲྭ་ཕོར»ལོ་དེབ་གཉིས་སུ་མཇལ་རྒྱུ་འདུག་པའི«དད་པ་དང་སྐྱེས་བུ་སྒེར»«རེ་ཐག་ཆད་པའི་ཕྱི་གླིང་བ»གཉིས་ལས་གཞན།ཡོད་ཚད“རྒྱུན་ཤེས”ཀྱི་གོམ་པ་དང་བོ་ལས་སྤོ་དགོས་ཚུལ་གྱི«རྒྱུན་ཤེས་ཀྱི་ཆག་འཇིག»ཞེས་པ་དེར།རྒྱུན་ཤེས་ནི་འགྲོ་བ་མིའི་རིགས་སྤྱིའི་རིག་གནས་སོགས་ཀྱི་གདམ་ག་གལ་ཆེན་ཞིག་ཡིན་པ་དང་།རྒྱུན་ཤེས་ལ་མ་བརྟེན་པར་བགྲོད་པའི་མི་ལ་མཐའ་འཇུག་གི་རྒྱལ་ཁ་འཐོབ་དཀའ་བས་མི་ཚད།རྒྱུན་ཤེས་ཀྱི་རྨང་མེད་པའི་གསེར་མཁར་ནི་འཇིགས་སུ་རུང་བའི་དུར་ཁྲོད་ལྟ་བུ་ཡིན་རབས་ཀྱི་སྒྲུབ་བྱེད་སྣ་ཚོགས་པའི་སྒོ་ནས།རྩོམ་མཁན་ཕའིན(T.paine)གྱི«རྒྱུན་ཤེས»ཀྱི་གོ་བའི་སྟེང་ནས་རྒྱུན་ཤེས་ལ་འགྲེལ་བརྗོད་དང་མཁས་པ་དགེ་ཆོས་ཀྱི་རྒྱུན་ཤེས་བསམ་བློའི་ལམ་ལུགས་ཀྱི་ཁྲོད་ནས་རྒྱུན་ཤེས་ངོ་སྤྲོད་པ་སོགས་རྒྱུན་ཤེས་ལ་སྦྱོར་དངོས་རྗེས་གསུམ་ཚང་བའི་ལྟ་ཚུལ་ཕུན་སུམ་ཚོགས་པ་སྤྱད་འདུག།

གཞན་དུས་རབས་སྔོན་མའི་ལོ་རབས་སུམ་ཅུ་བར་འཁྲུངས་པའི་ཨ་རིའི་མཁས་མཆོག་དམ་པ་མར་ཐི་ལུ་སིར་ཁེན་ལ་རྗེས་དྲན་གྱི་ཚུལ་དུ་བྲིས་པའི«དོན་དངོས་སུ་གྱུར་པའི“རྨི་ལམ”ཞིག»ཞེས་པར།མར་ཐི་ལུ་སིར་ཁ