མཚོ་སྔོན་པོ་བོད་ཡིག་ཟིན་བྲིས། བོད ཟིན མཚོ་སྔོན་པོ ཟིན་རྩོམ། | པར་རིས། | མཁན་པོ། | ཁྱུ་མཆོག | ཟིན་ཚོམས།
ཐོ་འགོད། | ནང་འཇུག ཉར་ཚགས་བྱེད་པ།
分享按钮
ཚོར་བའི་དུག་ཁུ།
http://blog.amdotibet.cn/ganglin/index.aspx
ཕྲེང་བསྟར།
རྩོམ་པ་པོ།:ganglin སྤེལ་དུས་:2017-10-23 11:04:04

  ལོན་ཏོན་གྱི་ས་གནས་དུས་ཚོད་བྱས་པའི་ཟླ10བའི་ཚེས17ཉིན་གྱི་དགོང་མོའི་ཆུ་ཚོད8སྟེང་།  ད་ལོར་དགུང་ལོ58སོན་ཙམ་གྱི་ཨ་མེ་རི་ཁའི་སྒྲུང་གཏམ་རྩོམ་པ་པོ་ཇོར་ཇེ་སན་ཏེ་སི་ཡི་སྒྲུང་《རྣམ་ཤེས་སྲིད་པ་བར་དོར་འཁྱམས་པའི་ལིན་ཁིན》(Lincoln in the Bardo)ཞེས་པར 2017ལོའི་དབྱིན་ཇིའི་མན་པུ་ཁེ་རྩོམ་རིག་བྱ་དགའ་ཐོབ་པ་གསལ་བསྒྲགས་བྱས་ཡོད།  འདི་ཉིད 2014 ལོར་མན་པུ་ཁེ་རྩོམ་རིག་བྱ་དགའི་སྒྲིག་སྲོལ་གྱི་བཀག་སྡོམ་གློད་པ་ནས་ཨ་རིའི་རྩོམ་པ་པོར་ཐོབ་པའི་བྱ་དགའ་ཐེངས་གཉིས་པ་སྟེ།  སྔ་མ་ནི་ན་ནིང་བྱ་དགའ་ཐོབ་པའི་ཕུ་རོ་པུས་རེན(Paul Beatty)ལགས་ཡིན།

     ཨ་མེ་རི་ཁའི་རྩོམ་སྟེགས་སུ“ཁྱབ་བརྡལ་ཀློང་ཡངས་པའི་རྩོམ་པོའི་ཁྱུ་མཆོག”ཏུ་བསྔགས་པའི་རྩོམ་པ་པོ་ཇོར་ཇེ་སན་ཏེ་སི(George Saunders)2013ལོར་ཨ་མེ་རི་ཁའི《དུས་བབ》དུས་དེབ་སྟེང་གི་མི་སྣའི་མིང་ཐོ་ཁྲོད་བཀོད་པར།  ཁོང་ལ“རྣམ་ཀུན་དབྱིན་ཡིག་གི་ལམ་ནས་རྩོམ་འབྲིར་གཞོལ་མཁན་གྱི་ཨ་མེ་རི་ཁའི་སྒྲུང་ཐུང་རྩོམ་པ་པོ་ཆེས་ཡག་པོ ”ཞེས་དཔྱད་བརྗོད་གནང་ཡོད།  

     ཇོར་ཇེ་སན་ཏེ་སི་ནི1958ལོར་ཨ་མེ་རི་ཁའི་ཐྲེ་ཁི་ཟ་སི་མངའ་སྡེ་རུ་སྐུ་བལྟམས།   ད་ལྟ་གྲོང་ཁྱེར་ཉིག་ཡོར་གཞིས་སྡོད་བྱས་ཡོད། ད་ལྟའི་བར་དུ་སྒྲུང་ཐུང་ཕྱོགས་བསྒྲིགས་ཀྱི་དེབ་དྲུག་པར་སྐྲུན་བྱས་ཡོད་པར།  ཇོར་ཇེ་སན་ཏེ་སི་ཡི་སྙན་པའི་གྲགས་པ་དེ་ཡང་སྒྲུང་གཏམ་ཐུང་ངུ་ལས་འཛམ་གླིང་ལ་སྐད་གྲགས་ཆོད་པ་དང་། ཁོང་གི་སྒྲུང་ཐུང་དག་སྡིག་ཉེས་དང་དྲག་གཏུམ་གྱིས་ཁེངས་ནས་ཡོད་པ་ཞིག་ཡིན།                 

     《རྣམ་ཤེས་སྲིད་པ་བར་དོར་འཁྱམས་པའི་ལིན་ཁིན》ཞེས་པ་དེ་ཇོར་ཇེ་སན་ཏེ་སི་ཡིས་བར་ལམ་གསར་དུ་བྲིས་པའི་སྒྲུང་རིང་ཞིག་ཡིན་པ་དང་། ཨ་རིའི་སྲིད་འཛིན་ཟུར་བ་ཡ་བྷོ་ཧན་ལིན་ཁིན་གྱི“གསང་རྣམ”ཞིག་སྒྲུང་གི་རྒྱབ་ལྗོངས་སུ་བཀོད་དེ།   སངས་རྒྱས་ཆོས་ལུགས་པའི“བར་དོ”ཡི་ངོ་བོ་སྲོག་ཤིང་བྱས་པའི་མཚར་སྒྲུང་ཞིག་ཡིན།  སྒྲུང་འདི2017ལོའི་ཟླ2པར་པར་སྐྲུན་བྱས་པ་ལ《ཨ་རིའི་ད་ལྟ་བ》ཡི་སྟེང་བྲིན་ཚད་ཆེས་མགྱོགས་པའི་སྒྲུང་དཔེ་བཅུ་ཡི་མིང་ཐོའི་ཁྲོད་ཚུད་ཡོད་པ་རེད།

     ཇོར་ཇེ་སན་ཏེ་སི་ཡིས་རང་ཉིད་ནང་བ་སངས་རྒྱས་པའི་དད་ལྡན་པ་ཞིག་ཏུ་བརྗོད་ཅིང་།《རྣམ་ཤེས་སྲིད་པ་བར་དོར་འཁྱམས་པའི་ལིན་ཁིན》ཞེས་པ་འདི་ཁོང་གིས་གྲོགས་པོ་དག་གི་ངག་ལས་ལིན་ཁིན་སྔོན་ཆད་དུར་ཁྲོད་དུ་སོང་ནས་ཐེངས་མང་པོར་རང་གི་གཅེས་ཕྲུག་གི་བེམ་རོར་འཐམ་པའི་ངག་སྒྲོས་ཤིག་ཐོས་མྱོང་བ་མི་ལོ20ཙམ་ལ་སེམས་ངོ་ནས་མ་དག་པ་དེ་གཞི་བྱས་ཏེ་བྲིས་པར་བརྗོད།

      སྒྲུང་ནང་དུ་གཅེས་ཕྲུག་ཝེ་ལི་ཡི་རྣམ་ཤེས་ཀྱིས་རང་གི་འཆི་བ་དེ་ངོས་ལེན་མ་འདོད་པར་དུར་ཁྲོད་དུ་བསྡད་དེ་ཕ་རྒན་གྱི་ཕེབས་འབྱོར་ལ་རེ་སྒུག་བྱས་པའི་སྐོར་བཀོད་ཡོད་ཅིང་།  སྒྲུང་ཧྲིལ་བོ་ཁ་བརྡའི་རྣམ་པ་ལྟར་བྲིས་ཡོད་ལ།  མཚམས་དང་མཚམས་སུ་ལོ་རྒྱུས་དང་གཏམ་རྒྱུད།  འཕྲིན་ཡིག་སོགས་ཁ་ཤས་བཀོད་ཡོད་པ་ཕན་ཚུན་འགལ་བ་ལྟག་སྤྲོད་དུ་གྱུར་ཡོད་ཅིང་།  ལ་ཤས་ཇོར་ཇེ་སན་ཏེ་སི་རང་ཉིད་ཀྱི་རྟོགས་བཟོ་བྱས་པའང་ཡོད་པ་རེད།

   《རྣམ་ཤེས་སྲིད་པ་བར་དོར་འཁྱམས་པའི་ལིན་ཁིན》ཏུ་ཇོར་ཇེ་སན་ཏེ་སི་ཡིས་བློ་ཡིད་ལས་འགོངས་པའི་སྒྱུ་རྩལ་མཚོན་ཐབས་ཤིག་ལ་ཚོད་ལྟ་བྱས་ཡོད་པས་ན།  དེང་གི་དུས་སུ་དངོས་ཡོད་གཙིགས་སུ་བཟུང་སྟེ་སྒྱུ་རྩལ་མཚོན་ཐབས་ཀྱི་ཡང་ཏིག་སྙིང་བོར་གཅར་བའི་སྔོན་བརྒལ་གྱི་བསམ་བློ་མཐའ་དག་གཉའ་ཆག་གི་བབས་སུ་འདེད་པའི་སྲ་མཁྲེགས་ཀྱི་འདུ་ཤེས་འཛིན་སྟངས་དེའི་སྒོ་ཟྭ་ཡོངས་སུ་གཏོར་བའི་རང་བཞིན་མངོན་ཡོད་པར་ཀུན་གྱིས་བརྗོད།

    མན་པུ་ཁེ་རྩོམ་རིག་བྱ་དགའ་ནི་དེ་སྔ1968ལོར་དབུ་ཚུགས་པ་དང་།  ལོ་རེ་རེའི་དབྱིན་སྐད་ཀྱི་ཐོག་ནས་བརྩམས་པའི་སྒྲུང་རྩོམ་རེ་ལ་སྟེར་གྱིན་ཡོད།  ཐོག་མའི་དུས་སུ་དབྱིན་ཇི་དང་ཨེར་ལེན།  དབྱིན་མཉམ་འབྲེལ་རྒྱལ་ཚོགས་བཅས་ཀྱི་དབྱིན་ཡིག་ལམ་གྱི་གསར་རྩོམ་བརྩམས་ཆོས་ཁོ་ནར་སྟེར་བ་དེས།  དབྱིན་ཡིག་ལམ་གྱི་གསར་རྩོམ་ལ་གདེང་ཐོབ་ཆེན་པོ་ཡོད་པའི་ཨ་མེ་རི་ཁ་རྒྱལ་ཁབ་ཀྱི་རྩོམ་པ་པོ་དག་ལ་བྱ་དགའ་དེ་རེག་པའི་སྐལ་བ་དང་མི་ལྡན་ནའང་།  2014ལོར་མན་པུ་ཁེ་རྩོམ་རིག་བྱ་དགའི་སྒྲིག་སྲོལ་གྱི་བཀག་སྡོམ་གློད་དེ་ཨ་མེ་རི་ཁའི་རྩོམ་པ་པོ་དག་ཀྱང་བྱ་དགའ་དེའི་ཁུངས་སུ་དྲངས་པས་མན་པུ་ཁེ་རྩོམ་རིག་བྱ་དགའ་ཡི་ཁྱབས་ཁོངས་དང་ཁེ་གྲགས་སྔར་ལས་ཇེ་ཆེར་སོང་ཡོད་པ་རེད།  

2017ལོར་མན་པུ་ཁེ་རྩོམ་རིག་བྱ་དགའི་འདེམས་གྲས་སུ་ཚུད་པའི་དབྱིན་ཇིའི་སྐད་ཀྱི་སྒྲུང་རིང་དག

རྩོམ་པ་པོ།:ganglin སྤེལ་དུས་:2017-10-23 11:01:07

 ༢༠༡༧ལོའི་ནོ་པེལ་རྩོམ་རིག་བྱ་དགའ་ཡི་མཇུག་འབྲས་ཁྱབ་བསྒྲགས་བྱས་པར། རུས་རྒྱུད་ཉི་ཧོང་ནས་ཡིན་པའི་དབྱིན་ཇིའི་རྩོམ་པ་པོ་ཁ་ཛུ་ཨོ・ཨིས་ཞིས་གུ་རཱོ་ལགས་ལ ༢༠༡༧ ལོའི་ནོ་པེལ་རྩོམ་རིག་བྱ་དགའ་ཐོབ་ཡོད་པ་རེད། སི་ཝེས་དན་རྩོམ་རིག་སློབ་གླིང་གིས་ཁོང་ལཁ་ཛུ་ཨོ་ཨིས་ཞིས་གུ་རཱོ་ལགས་ཀྱི་བརྩམས་སྒྲུང་གིས་བརྩེ་བ་ཆེན་པོའི་སྟོབས་ཀྱིས་ང་ཚོ་འཇིག་རྟེན་དང་ཉེ་བར་འབྲེལ་བའི་སྟོང་བསམ་དེའི་རྒྱུད་ཀྱི་མ་རིག་པ་དེ་དྲུངས་ནས་འབྱིན་ཐུབ་ཡོདཅེས་པའི་མིང་ཐོག་ནས་བསྩལ་ཡོད་པ་རེད།  

   ཁ་ཛུ་ཨོ་ཨིས་ཞིས་གུ་རཱོ་ལགས་དང Sir Salman Rushdie 、Vidiadhar Surajprasad Naipaul གསུམ་ལ“དབྱིན་ཇིའི་རྩོམ་སྟེགས་ཀྱི་སྐྱེས་ཡུལ་དབྱིན་ཇི་མ་ཡིན་པའི་རྩོམ་རིག་གི་སེང་གེ་རྣམ་གསུམ”ཞེས་པའི་མཚན་གསོལ་ནས་ཡོད་པ་དང་། ༡༩༨༩ལོར་ཁོང་གི་བརྩམས་ཆོས《ཉིན་ཨ་རིང་གི་རྗེས་ཤུལ》ལ་དབྱིན་ཇིའི “The Man Booker Prize”ཡི་བྱ་དགའ་ཐོབ་མྱོང་། 

    ཁ་ཛུ་ཨོ་ཨིས་ཞིས་གུ་རཱོ་ལགས་ལ་ཚབ་མཚོན་བརྩམས་ཆོས་སུ་སྒྲུང་རིང《རི་ལྗོངས་སྐྱ་བོ》དང《འཇིག་རྟེན་ལ་གཡེང་བའི་སྒྱུ་རྩལ་པ》 《ཉིན་ཨ་རིང་གི་རྗེས་ཤུལ》 《འདོད་བློ་ཚིམ་པ་མེད་པའི་སྐྱེ་བོ》 《འཁྲུག་ཟིང་དུས་ཀྱི་དྭ་ཕྲུག་ཁ་སེར》 《གང་ལྟར་ང་འགྲོ་རུ་མ་འཇུག》 《ས་འོག་ཏུ་བསྡུས་པའི་མི་བོ་ཆེ》སོགས་ཡོད།                            

 ཁ་ཛུ་ཨོ・ཨིས་ཞིས་གུ་རཱོ་ཡི་ལོ་རྒྱུས་མདོར་བསྡུས། 

   ༡༩༥༤ལོའི་ཟླ༡༡པའི་ཚེས༨ཉིན་ཁ་ཛུ་ཨོ་ཨིས་ཞིས་གུ་རཱོ་ལགས་ཉི་ཧོང་གི་ན་ག་ས་ཁེ་རུ་སྐུ་བལྟམས།

   ༡༩༦༠ལོར། ཁ་ཛུ་ཨོ་ཨིས་ཞིས་གུ་རཱོ་ཕ་ལགས་དང་ལྷན་དུ་དབྱིན་ཇིར་ཕེབས་པ་དང་། ལོན་ཏོན་གྲོང་ཁྱེར་དང་ཁ་ཐག་ཉེ་བའི་གྲོང་རྡལ་ཆུང་ངུ་ཞིག་ཏུ་གཞི་སྡོད་བྱས།

   ༡༩༧༣ལོར། ཁ་ཛུ་ཨོ་ཨིས་ཞིས་གུ་རཱོ་མཐོ་འབྲིང་ཐོན་ཙམ་གྱིས་ལོ་གཅིག་གི་རིང་ཕྱི་རྒྱལ་དུ་ལྟ་སྐོར་ལ་ཕེབས་པ་དང་། རོལ་ཚོགསQueen Motherཡི་རྔ་རྡུང་མཁན་བྱས་མྱོང་།  

   ༡༩༧༤ལོར། ཁ་ཛུ་ཨོ་ཨིས་ཞིས་གུ་རཱོ་ཡིས་གཙུག་ལག་སློབ་ཆེན་རྣམས་སུ་དབྱིན་ཡིག་དང་མཚན་ཉིད་རིག་པའི་ཕྱོགས་ལ་སྦྱང་བ་མཐར་ཕྱིན་མཛད། 

   ༡༩༧༨ལོར། སློབ་ཆེན་ནས་མཐར་ཕྱིན་པར། ཁ་ཛུ་ཨོ་ཨིས་ཞིས་གུ་རཱོ་ལགས་ལོ་འགར་སྤྱིར་བཏང་གི་རིག་གཞུང་ལས་ཀ་བ་བྱས་ཤིང་། དབྱིན་ཇིའི་ཨན་ཀི་ལི་ཡ་ཤར་མ་གཙུག་ལག་སློབ་ཆེན་དུ་གསར་རྩོམ་སྐོར་ལ་ཞིབ་འཇུག་བྱས། གནས་དེ་གར། ཁ་ཛུ་ཨོ་ཨིས་ཞིས་གུ་རཱོ་ཡིས་ཁོང་གི་བློ་སྒོ་འབྱེད་མཁན་གྱི་སློབ་དཔོན་ཏེ་དབྱིན་ཇིའི་བུད་མེད་བརྩམས་སྒྲུང་མཁས་པ Angela Carter ལགས་ངོ་ཤེས། 

   ༡༩༨༢ལོར། ཁ་ཛུ་ཨོ་ཨིས་ཞིས་གུ་རཱོ་ལགས་དབྱིན་ཇིའི་རྒྱལ་ཁོངས་སུ་ཞུགས།

   ༡༩༨༣ལོར། ཁ་ཛུ་ཨོ་ཨིས་ཞིས་གུ་རཱོ་ཡི་བརྩམས་སྒྲུང་ཐོག་མ《རི་ལྗོངས་སྐྱ་བོ》ཞེས་པ་པར་དུ་སྐྲུན། སྒྲུང་དེ་རུ་དབྱིན་ཇིར་འཚོ་བ་རོལ་གྱིན་པའི་ཉི་ཧོང་གི་ཡུག་མོ་ཞིག་གི་གཏམ་རྒྱུད་སྐུད་སྣེ་བྱས་ཏེ། ཉི་ཧོང་གི་ན་ག་ས་ཁེ་ཡི་དམག་འཁྲུག་དུས་ཀྱི་གོད་ཆག་དང་བསྐྱར་སྐྲུན་སྐོར་བཀོད་ཡོད། སྒྲུང་དེ་ལ་རྐྱེན་བྱས་ཀྱིས་ལོ་དེར་ཁོང་ལ་ཝིན་ཉི་ཧྥུ་ལེ་ཏི་ཧོར་བྷི་རྗེས་དྲན་བྱ་དགའ་ཐོབ་པ་དང་། དབྱིན་ཇིའི་རྩོམ་རིག་དུས་དེབ Granta སྟེང་དབྱིན་ཇིའི་ཆེས་ཕུལ་དུ་བྱུང་བའི་གཞོན་ནུ་རྩོམ་པ་པོ་ཉི་ཤུ་ཡི་གྲས་སུ་བདམས། 

   ༡༩༨༦ལོར།《འཇིག་རྟེན་དུ་གཡེང་བའི་སྒྱུ་རྩལ་པ》ཞེས་པ་པར་སྐྲུན་བྱས། སྒྲུང་དེ་རུ་ཉི་ཧོང་གི་རི་མོ་བ་ཞིག་དང་དབྱངས་རྩོམ་མཁན་གཉིས་ཀྱི་དམག་འཁྲུག་ལ་བཟུང་བའི་རྣམ་འགྱུར་ལྟར་རང་སྲོག་རང་གིས་བཅད་པའི་དབྱངས་རྩོམ་མཁན་གྱི་གཞས་གདངས་དག་ལ་དམག་འཁྲུག་རྗེས་ཀྱི་མི་དམངས་ཀྱིས་དགའ་བསུ་ཐོབ་པ་དང་། རང་སྐྱོན་ཁས་མི་ལེན་པའི་རི་མོ་བ་ལ་མཚོན་ན་གཞོན་དུས་ཀྱི་དམག་འཁྲུག་གིས་རྒས་པའི་དུས་ཀྱི་འཚོ་བར་ཕོག་ཐུག་བཏང་ཡོད་པ་མ་ཟད། རང་གི་བསམ་པ་ལོག་པའི་རྒྱུ་འབྲས་ཚེ་ཐོག་འདིར་འཁོར་བའི་སྡུག་བསྔལ་དག་བྲིས་ཏེ་ཉི་ཧོང་གི་མི་སེར་དག་གིས་དམག་འཁྲུག་ལ་བཟུང་བའི་རྣམ་འགྱུར་སྐོར་འགྲེལ་བརྗོད་བྱས་ཡོད། ལོ་དེརWhitbread Book Awards བྱ་དགའ་ཐོབ་པ་དང་། The Man Booker Prize བྱ་དགའི་འདེམས་གྲས་སུ་ཚུད། 

   ༡༩༨༩ལོར། སྒྲུང་རིང《ཉིན་ཨ་རིང་གི་རྗེས་ཤུལ》ཞེས་པར The Man Booker Prize བྱ་དགའ་ཐོབ། 

   ༡༩༩༥ལོར།《འདོད་བློ་ཚིམ་པ་མེད་པའི་སྐྱེ་བོ》ཞེས་པ་པར་སྐྲུན་བྱས། སྒྲུང་དེ་རུ་རྣོ་སྦྲེང་དཀྲོལ་མཁན་སྐད་གྲགས་ཞིག་གིས་ཡོ་རོབ་ཀྱི་གྲོང་རྡལ་ཆུང་ངུ་ཞིག་ཏུ་འཁྲབ་སྟོན་བྱེད་པ་ལ། རྙིང་ཀོག་གི་མགྲོན་ཁང་ལས་མགོ་འཁོར་བ་ནང་བཞིན་ཕྱིར་འབུད་ཐབས་མ་བྱུང་བས། ཁོང་གི་མདུན་ལམ་དེ་ཡང་རབ་རིབ་མོག་མོག་ཏུ་གྱུར་བའི་སེམས་ཁམས་ཀྱི་བྲེལ་འཚུབ་སྐོར་བྲིས་ཡོད། ལོ་དེར་དབྱིན་ཆེན་མོའི་བྱས་རྗེས་གཟེངས་རྟགས་སོགས་བྱ་དགའ་འགའ་རེག

   ༡༩༩༨ལོར། ཁ་ཛུ་ཨོ་ཨིས་ཞིས་གུ་རཱོ་ལགས་ལ་ཧྥ་རན་སིའི་སྒྱུ་རྩལ་དང་རྩོམ་རིག་གི་རྟ་བ་ཆེན་མོའི་བྱས་རྗེས་གཟེངས་རྟགས་ཐོབ།  

   ༢༠༠༠ལོར། ཁ་ཛུ་ཨོ་ཨིས་ཞིས་གུ་རཱོ་ཡིས《འཁྲུག་ཟིང་དུས་ཀྱི་དྭ་ཕྲུག་ཁ་སེར》ཞེས་པ་པར་སྐྲུན་བྱས། སྒྲུང་དེ་རུ་དབྱིན་ཇིའི་མྱུལ་ཞིབ་པ་ཞིག་གིས་རང་ཉིད་ཆུང་ངུའི་དུས་སུ་ཕ་མ་གཉིས་ཧྲང་ཧེ་གྲོང་ཁྱེར་དུ་གར་སོང་ཆ་མེད་གྱུར་བའི་གནས་ཚུལ་ལ་རྩད་ཞིབ་བྱས་པ་བརྒྱུད་ཉལ་ཐ་བཙོང་མཁན་གྱི་ཕ་དང་ལས་དེར་མཐའ་གཅིག་ཏུ་ངོ་རྒོལ་བྱེད་པའི་མ་ཡུམ་གཉིས་ཀྱི་རང་སོ་སོའི་མི་ཚེ་བདམས་ཀ་ལྟར་དཔའ་བའི་སེམས་དང་ལྡན་པའི་ལོ་རྒྱུས་ཀྱི་བྱུང་བ་ཞིག་འབྲི་འགོད་བྱས་ཡོད།  

   ༢༠༠༥ལོར། ཁ་ཛུ་ཨོ་ཨིས་ཞིས་གུ་རཱོ་ཡིས《གང་ལྟར་ང་འགྲོ་རུ་མ་འཇུག》ཅེས་པ་པར་དུ་སྐྲུན། སྒྲུང་དེ་འདྲ་བཟོའི་མི་ཁྰ་ཞི་ཡི་དྲན་སྣང་བརྒྱུད་ཁོ་ཚོའི་སྐྱོ་ལ་སྡུག་པའི་བྱིས་དུས་ཀྱི་འཚོ་བ་དེ་དམྱལ་བ་ལྟ་བུ་ཞིག་ཡིན་པ་དང་། ལས་ཀྱི་བྱེད་པོས་ཁོ་ཚོ་ལ་ཐར་བའི་ལམ་སྣ་མི་སྟོན་པར་གཞོན་ནུ་ཕོ་མོ་ཕན་ཚུན་བརྩེ་དུང་གིས་འོ་ཆུ་བཞིན་འདྲེས་པའི་དུས་ལ། ད་གཟོད་རང་ཉིད་མིའི་རིགས་ཀྱི་སྨན་བཅོས་ཐབས་སུ་སྐྲུན་པའི་འདྲ་བཟོའི་མི་ཡིན་པ་ཤེས་པ་དང་། རང་རང་གི་དོན་ལྔ་སྣོད་དྲུག་དང་ཡན་ལག་ཐམས་ཅད་རེ་རེ་བཞིན་བཅད་དེ་མིའི་རིགས་ལ་སྤྲོད་དགོས་པའི་བྱུང་རིམ་སྐོར་བཀོད་དེ་འདྲ་བཟོའི་མི་ལ་རྣམ་ཤེས་ཡོད་མེད་དང་དེ་དག་གི་ཡན་ལག་སོགས་གཅོད་པ་མི་ཆོས་དང་མཐུན་མིན་སྐོར་ལ་དྲི་བ་ཆེན་པོ་ཞིག་འདོན་ཐུབ་ཡོད་པ་རེད།  

   ༢༠༡༥ལོར།《ས་འོག་ཏུ་བསྡུས་པའི་མི་བོ་ཆེ》ཞེས་པ་པར་དུ་སྐྲུན།  

   ༢༠༡༧ལོའི་ཟླ༡༠བར། ཁ་ཛུ་ཨོ་ཨིས་ཞིས་གུ་རཱོ་ལགས་ལ༢༠༡༧ལོའི་ནོ་པེལ་རྩོམ་རིག་བྱ་དགའ་ཐོབ། སི་ཝེས་དན་རྩོམ་རིག་སློབ་གླིང་གིས་ཁོང་ལ“ཁ་ཛུ་ཨོ་ཨིས་ཞིས་གུ་རཱོ་ལགས་ཀྱི་བརྩམས་སྒྲུང་གིས་བརྩེ་བ་ཆེན་པོའི་སྟོབས་ཀྱིས་ང་ཚོ་འཇིག་རྟེན་དང་ཉེ་བར་འབྲེལ་བའི་སྟོང་བསམ་དེའི་རྒྱུད་ཀྱི་མ་རིག་པ་དེ་དྲུངས་ནས་འབྱིན་ཐུབ་ཡོད”ཅེས་པའི་མིང་ཐོག་ནས་བསྩལ་ཡོད་པ་རེད།  


གསར་རྩོམ་གྱི་ཁྱད་ཆོས།

  ཁ་ཛུ་ཨོ・ཨིས་ཞིས་གུ་རཱོ་ལགས་རུས་རྒྱུད་སྨྲ་བའི་རྩོམ་པ་པོ་དག་དང་མི་འདྲ་བ་ཞིག་ནི། ཁོང་ལ་ཉི་ཧོང་དང་དབྱིན་ཇིའི་རིག་གནས་རྒྱབ་ལྗོངས་ཟུང་ལྡན་དུ་མངའ་ནའང་ཁོང་གིས་དེ་ཉིད་ཐུན་མོང་མ་ཡིན་པའི་འཚོ་བ་ཞིག་ཏུ་མི་བལྟ་བར་རང་ཉིད་ནམ་ཡིན་ཡང་རྒྱལ་སྤྱི་རང་བཞིན་གྱི་རྩོམ་པ་པོ་ཞིག་ཏུ་བལྟ། དེ་ཡང་ཁ་ཛུ་ཨོ་ཨིས་ཞིས་གུ་རཱོ་ཡི་སྒྲུང་ནང་གི་ཉི་ཧོང་ནི་རབ་རིབ་མོག་མོག་ཅིག་སྟེ། ལོ་རྒྱུས་ཀྱི་ཕྱིར་དྲན་ཙམ་ལས་དེང་གི་ཉི་ཧོང་ལ་ཁོ་རང་སྦད་དེ་ཆ་རྒྱུས་མེད། དེ་བས་ཁ་ཛུ་ཨོ་ཨིས་ཞིས་གུ་རཱོ་ཡིས་རང་ཉིད་ནམ་ཡང་ངེས་པ་དོན་གྱི་དབྱིན་ཇི་བ་ཞིག་ཏུ་ངོས་འཛིན་གྱིན་ཡོད་ནའང་། རུས་རྒྱུད་ཀྱི་རྒྱབ་ལྗོངས་ཁོ་ནས་དབྱིན་ཇི་བ་དག་གིས་ཁོ་རང་ཉི་ཧོང་བ་ཞིག་ཏུ་བལྟ་ཡི་ཡོད་པ་དེས། ཁ་ཛུ་ཨོ་ཨིས་ཞིས་གུ་རཱོ་ལགས་བར་མ་དོ་རུ་གྱུར་བ་ནས་ཁོང་གི་སྨྱུག་ཁ་ནས་ཐོན་པའི་མི་སྣ་དག་དབྱིན་ཇི་བ་ཡིན་ཆོག་ལ། ཉི་ཧོང་བ་ཡང་ཡིན་ཆོག ཐ་ན་རྒྱལ་ཁབ་དང་མི་རིགས་ལ་བལྟས་པ་མེད་པར་སུ་ཡང་ཡིན་ཆོག་པ་རེད།

  ཁ་ཛུ་ཨོ་ཨིས་ཞིས་གུ་རཱོ་ལགས་ཀྱིས་ཐོག་མའི་དུས་སུ་ཉི་ཧོང་གི་སྡེབ་སྦྱོར་ལྟར་དབྱིན་ཡིག་གི་རྩོམ་བྲིས་པ་ལ་སྒྲུང་ནང་གི་མི་ཚང་མས་ཉི་ཧོང་གི་སྐད་རྒྱག་པ་ནང་བཞིན་ཐོན་ནའང་། གསར་རྩོམ་གྱི་ཉམས་མྱོང་ཁྲོད་དུ་ཁོང་གིས་ལོ་ཙྰའི་ཚིག་རིས་ཇི་བཞིན་ཐོན་པའི་བརྗོད་པ་དེ་ལ་འཕོ་འགྱུར་འབྱུང་དུ་བཅུག་སྟེ་རང་གི་ཐུན་མོང་མ་ཡིན་པའི་སྐད་བརྡ་ཞིག་གསར་གཏོད་ཐུབ་ཡོད། ཁ་ཛུ་ཨོ་ཨིས་ཞིས་གུ་རཱོ་ཡིས་སྔ་མའི་རྩོམ་ཕལ་ཆེ་བ་ཞིག་འབོད་པའི་ཐ་སྙད་དང་པོབདགཅེས་པ་ལས་སེམས་ཁམས་ཞིབ་འབྲི་བྱས་པ་ཞིག་ཡིན་ནའང་། ༢༠༡༥ལོར་བྲིས་པའི《ས་འོག་ཏུ་བསྡུས་པའི་མི་བོ་ཆེ》ཞེས་པ་འབོད་པའི་ཐ་སྙད་གསུམ་པ་དང་དང་པོ་གཉིས་རྡེབ་བརྩེགས་སུ་མངོན་པ་ལས་སྒྲུང་གི་བར་སྟོང་ཇེ་ཆེར་བཏང་ཡོད་ལ། བླ་ལྷག་དུས་རབས་བར་མའི་ཞིབ་བརྗོད་བྱེད་ཐབས་ཀྱི་བརྗོད་པ་ལྷུར་བླངས་པ་དེས་ལྐོག་གྱུར་གྱི་མཛེས་པ་གཞན་ཞིག་སྟོན་ཐུབ་ཡོད་པ་རེད། 

  ཁ་ཛུ་ཨོ་ཨིས་ཞིས་གུ་རཱོ་ཡིས་སྒྲུང་འབྲི་མཁན་ཞིག་ལ་ཆ་མཚོན་ན། རང་ཉིད་ཀྱི་འཇིག་རྟེན་ཞིག་གསར་བཟོ་བྱེད་དགོས་པ་ལས། དངོས་ཡོད་ཀྱི་འཇིག་རྟེན་བསྐྱར་དཔར་བྱེད་པ་ཁོ་ན་ཙམ་མིན་ཞེས་བརྗོད་ཡོད་པ་རེད།  

རྩོམ་པ་པོ།:ganglin སྤེལ་དུས་:2016-3-13 7:15:10
སེམས་གཏམ་དྲོན་མོ།
རྩོམ་པ་པོ།:ganglin སྤེལ་དུས་:2014-3-17 16:12:24
2013ལོའི་བོད་ཀྱི་རྩོམ་རིག་སྐོར་གྱི་དོན་བྱ་ཆེན་པོ་བཅུ།
རྩོམ་པ་པོ།:ganglin སྤེལ་དུས་:2013-10-18 11:59:12
2013ལོའི་སྙན་ངག་གསར་བ།
རྩོམ་པ་པོ།:ganglin སྤེལ་དུས་:2013-10-11 11:01:37
2013ལོའི་ནོ་པེལ་རྩོམ་རིག་བྱ་དགའ།
རྩོམ་པ་པོ།:ganglin སྤེལ་དུས་:2013-10-10 9:35:40
རྩོམ་དེབ་༼མི་རབས་གསུམ་པ༽དེབ་གསུམ་པའི་སྟེང་བཀོད་ཡོད།
རྩོམ་པ་པོ།:ganglin སྤེལ་དུས་:2013-9-30 14:09:55
མི་རིགས་རྩོམ་རིག་སྟེང་སྤེལ་བའི་ཅི་ཏེ་མ་ཅའི་འགྱུར་རྩོམ་སྙན་ངག་ཁག་ལྔ།
རྩོམ་པ་པོ།:ganglin སྤེལ་དུས་:2013-6-27 11:35:11
རེ་རྐང་གླིང་གི་སྒྲུང་ཐུང་དེབ་༼བར་སྣང་གི་མགོ་འཁོར་ཕོ་བྲང༽ཞེས་པའི་མཇུག་བྱང་།
རྩོམ་པ་པོ།:ganglin སྤེལ་དུས་:2013-6-13 9:35:23
རིག་འབྱུང་དྲ་བར་རྩོམ་ཡིག་གཏོང་ས།
རྩོམ་པ་པོ།:ganglin སྤེལ་དུས་:2013-5-28 9:12:59
དགེ་ཆོས་ཞིབ་འཇུག་དེབ་གཉིས་པས་རྩོམ་སྐུལ་དུ་བྲིས་པ་ཡིན།
རྩོམ་པ་པོ།:ganglin སྤེལ་དུས་:2013-5-6 16:09:16
མཁས་དབང་དགེ་འདུན་ཆོས་འཕེལ་སྐུ་འཁྲུངས་ནས་ལོ་འཁོར་༡༡༠ལོན་པའི་རྗེས་དྲན་ཚོགས་འདུ།
རྩོམ་པ་པོ།:ganglin སྤེལ་དུས་:2013-5-6 10:23:33
མཁས་པའི་དབང་བོ་དགེ་འདུན་ཆོས་འཕེལ་མཆོག་སྐུ་འཁྲུངས་ནས་ལོ་འཁོར་བརྒྱ་དང་བཅུ་ལོན་པའི་རྗེས་དྲན་ཚོགས་འདུའི་སྟེང་གྱེར་བ།
རྩོམ་པ་པོ།:ganglin སྤེལ་དུས་:2013-4-24 22:05:18
2012ལོའི་སྙན་ངག་གསར་བའི་སྐོར།
རྩོམ་པ་པོ།:ganglin སྤེལ་དུས་:2013-4-13 14:41:01
བར་བཅུག་རི་མོ་འགའ།
རྩོམ་པ་པོ།:ganglin སྤེལ་དུས་:2013-4-5 20:38:34
དཔྱད་གཞིའི་ཡིག་ཆ།
རྩོམ་པ་པོ།:ganglin སྤེལ་དུས་:2013-3-29 18:30:22
སྐབས་དོན་བརྡ་སྦྱོར་ཞིག
རྩོམ་པ་པོ།:ganglin སྤེལ་དུས་:2013-3-17 14:53:30
༼གསར་རྙིང་གི་དབྱེ་བ་མེད་པའི་བོད་ཀྱི་དེང་རབས་རྩོམ་རིག༽ཅེས་པའི་ཁག་ལྔ་བ།
རྩོམ་པ་པོ།:ganglin སྤེལ་དུས་:2013-3-14 14:47:50
དཀར་འདོན་རྩོམ་ཡིག
རྩོམ་པ་པོ།:ganglin སྤེལ་དུས་:2013-3-3 12:00:09
ཁ་བརྡའི་སྙན་ངག་ཅིག
རྩོམ་པ་པོ།:ganglin སྤེལ་དུས་:2013-2-21 13:44:23
སྙན་ངག་པ་གཉའ་གོང་ལྷ་བྷེ་ལགས་སྐུ་གཤེགས་པར།
རྩོམ་པ་པོ།:ganglin སྤེལ་དུས་:2013-2-4 20:41:55
རྩོམ་དབང་སྦྲང་ཆར་ལ་ཡོད།
རྩོམ་པ་པོ།:ganglin སྤེལ་དུས་:2013-1-18 10:37:14
སྙན་ངག་གི་མཐར་ཐུག་སངས་རྒྱས་རེད།
རྩོམ་པ་པོ།:ganglin སྤེལ་དུས་:2012-12-31 22:01:12
རི་མོ་ཞིག་མཐོང་རྗེས།
རྩོམ་པ་པོ།:ganglin སྤེལ་དུས་:2012-12-5 8:12:45
ཤ་ཚའི་གཏམ། བདེན་པའི་ལམ།
རྩོམ་པ་པོ།:ganglin སྤེལ་དུས་:2012-12-2 18:03:57
སྙན་དེབ་༼མི་རྟག་པ༽ཡི་སྔོན་འགྲོའི་གཏམ་དུ།
རྩོམ་པ་པོ།:ganglin སྤེལ་དུས་:2012-10-19 14:38:44
དུས་དེབ་ཀྱི་ཁ་ཤོག་ཏུ་བྲིས་པའི་མགྱོགས་བྲིས་རི་མོ་འགའ།
རྩོམ་པ་པོ།:ganglin སྤེལ་དུས་:2012-10-15 8:34:48
༢༠༡༢ལོའི་སྙན་ངག་གསར་བའི་སྐོར།
རྩོམ་པ་པོ།:ganglin སྤེལ་དུས་:2012-10-12 12:01:35
༢༠༡༢ལོའི་ནའོ་པེར་རྩོམ་རིག་བྱ་དགའ་ཀྲུང་གོའི་རྩོམ་པ་པོ་མའོ་ཡེན་ལ་ཐོབ་པ།
རྩོམ་པ་པོ།:ganglin སྤེལ་དུས་:2012-10-8 21:17:56
སྒྲུང་གཏམ་འདི་དུས་དེབ་ཏུ་སྤེལ་ཟིན་པས་བརྒྱུད་འགོད་སོགས་བྱ་མི་རུང་།
རྩོམ་པ་པོ།:ganglin སྤེལ་དུས་:2012-10-3 14:43:34
འབྲུག་ཅེས་སྲོག་ཆགས་ཤིག་ཏུ་བསྙད་མཁན་དག་ནི་མ་གཞི་རང་ཉིད་འབྲུག་ཏུ་འགྱུར་བཞིན་པའི་གནའ་རྫས་དག་ལའོ། །
རྩོམ་པ་པོ།:ganglin སྤེལ་དུས་:2012-9-25 18:57:01
ཁ་བྱང་གཅིག་པའི་སྙན་ངག
རྩོམ་པ་པོ།:ganglin སྤེལ་དུས་:2012-9-20 11:34:32
མཚོ་སྔོན་འཁོར་སྐར་བོད་སྐད་བརྙན་འཕྲིན་གྱི་གླེང་སྟེགས་ལེ་ཚན་དུ་༼བོད་ཀྱི་དྲ་བའི་གནས་སྟངས་སྐོར་གླེང་བ།༽
རྩོམ་པ་པོ།:ganglin སྤེལ་དུས་:2012-9-19 15:11:05
ཐེ་བྲག་བསྟན་པས་ཨིན་ཡིག་ནས་བསྒྱུར་བའི་དེང་རབས་གླུ་ཚིག
རྩོམ་པ་པོ།:ganglin སྤེལ་དུས་:2012-9-15 14:30:20
ཨ་རིའི་སྲིད་འཛིན་གྱི་སྐུ་ལྕམ་མེ་ཞེལ(Michel)གྱིས་མི་སེམས་སྒུལ་བའི་གཏམ་བཤད་ཀྱི་བོད་ཨིན་ཤན་སྦྱར་མ།
རྩོམ་པ་པོ།:ganglin སྤེལ་དུས་:2012-9-14 14:49:53
གཞན་རྩོམ་འོས་སྦྱོར། ཁ་ཚ་དགོས་གཏུག
རྩོམ་པ་པོ།:ganglin སྤེལ་དུས་:2012-9-5 10:30:25
རྩོམ་འདི་༼རྨ་ལྷོའི་ཚགས་པར༽སྟེང་བཀོད་ཡོད།
རྩོམ་པ་པོ།:ganglin སྤེལ་དུས་:2012-8-24 10:32:13
ཆིག་ལབ།
རྩོམ་པ་པོ།:ganglin སྤེལ་དུས་:2012-8-20 12:05:02
༢༠༡༢ལོའི་མི་རབས་གསུམ་པའི་འདུ་ཚོགས།
རྩོམ་པ་པོ།:ganglin སྤེལ་དུས་:2012-8-15 18:57:29
༼བོད་ཀྱི་སྙན་ངག་གསར་བའི་བྱུང་འཕེལ་ལོ་རྒྱུས༽ཞེས་པའི་དེབ་ཀྱི་རྒྱུ་ཆ་སྐོར།
རྩོམ་པ་པོ།:ganglin སྤེལ་དུས་:2012-8-12 2:47:19
གསར་འགྱུར་གལ་ཆེན།
རྩོམ་པ་པོ།:ganglin སྤེལ་དུས་:2012-8-1 14:55:05
གསར་འགྱུར་གལ་ཆེན་ཞིག
རྩོམ་པ་པོ།:ganglin སྤེལ་དུས་:2012-7-31 8:46:06
མཚོ་སྔོན་བོད་ཡིག་གསར་འགྱུར་སྟེང་སྤེལ་མྱོང་བའི་ལྷུག་རྩོམ་ཞིག
རྩོམ་པ་པོ།:ganglin སྤེལ་དུས་:2012-7-25 12:25:40
ས་མཐོའི་གསར་འགྱུར་གཙོ་གྲས་དག་ལས་ཁག་དང་པོ།
རྩོམ་པ་པོ།:ganglin སྤེལ་དུས་:2012-7-12 16:43:36
བརྙན་ཟློས་ལག་རྩལ།
རྩོམ་པ་པོ།:ganglin སྤེལ་དུས་:2012-6-29 15:22:42
རང་གྲོལ་སྤྱི་ཨང་གཉིས་པའི་དཔེ་འཕྲིན་གསལ་བཤད།
རྩོམ་པ་པོ།:ganglin སྤེལ་དུས་:2012-6-25 10:23:37
ཀླུ་མོ་དཀར་མོའི་སྒྲུང་། ཁག་བཞི་བ།
རྩོམ་པ་པོ།:ganglin སྤེལ་དུས་:2012-6-24 15:00:41
༢༠༠༡ལོར་བསྒྱུར། ༢༠༡༡ལོར་བསྐྱར་དུ་བཅོས།
རྩོམ་པ་པོ།:ganglin སྤེལ་དུས་:2012-6-10 12:06:01
ཨ་མདོ་བྱམས་པ།
རྩོམ་པ་པོ།:ganglin སྤེལ་དུས་:2012-5-27 8:53:01
2012ལོའི་སྙན་ངག
འབྲེལ་ཡོད་ནང་དོན་ 200 ཡོད།<<<1234>>>
Powered by Oblog.