མཚོ་སྔོན་པོ་བོད་ཡིག་ཟིན་བྲིས། བོད ཟིན མཚོ་སྔོན་པོ ཟིན་རྩོམ། | པར་རིས། | མཁན་པོ། | ཁྱུ་མཆོག | ཟིན་ཚོམས།
ཐོ་འགོད། | ནང་འཇུག ཉར་ཚགས་བྱེད་པ།
分享按钮
     
   
     
 
ཁྱེད་རང་གང་དུ་བོར་སོང་།
[ 2017-8-10 15:58:52 | By: cjlmbk ]
 

 

 ཁྱེད་གང་དུ་བོར་སོང་།

                   རྟོགས་སད་ལྷ་མོ།

ཤིན་ཏུ་རྣོ་བའི་ཚོར་བ་འདི་དུག་ཆུ་ཞིག་རེད

ང་ཡི་ལུས་པོའི་མགོ་མཇུག་ཡོངས་སུ་ཁྱབ་ཅིང

བ་སྤུ་དང་སེན་མོའི་བར་སྲུབ་ལའང་ཁྱབ་འདུག

 

བཟི་ནས་དྭངས་བར་མི་འདོད་པའི་ཚོར་བ་འདི

རང་སྲོག་གཅོད་བྱེད་ཀྱི་སྦྲིད་སྨན་དེ་ཡིན་ནམ

 

ཟླ་བ་མེད་པའི་མཚན་མོའི་ངོགས་ནས

ཁྱེད་རང་སུ་ལ་བདག་ནས་ཨེ་ཡོད

ང་ཡི་རྣམ་ཤེས་གང་དུ་བསྐྱུར་ནས་ཨེ་ཡོད

  ༢༠༡༦//

 
 
 
ཕལ་ཆེར་འདི་འདྲ་རེད།
[ 2016-8-21 22:32:09 | By: cjlmbk ]
 

           

          ཕལ་ཆེར་འདི་འདྲ་རེད།

                             རྟོགས་སད་ལྷ་མོ།

ང་རང་འདི་རུ་མི་དབང་སྟེ།

བདེ་སྡུག་གི་བཏང་སྙོམས་ལ་ང་མི་དབང་།

འཆི་གསོན་གྱི་དྲང་གཞག་ལ་ང་མི་དབང་།

འདུ་བྲལ་གྱི་ཨ་ལོང་ལ་ང་མི་དབང་།


འདི་ཡང་ཡིན་སྲིད་དེ།

ཚེ་སྲོག་གི་རིན་ཐང་དེ་ངས་མ་རྟོགས།

ཐོབ་ཤོར་གྱི་རྒྱལ་ཕམས་དེ་ངས་མ་རྟོགས།

ཡིན་མིན་གྱི་སྐད་ཆ་དག་ངས་མ་རྟོགས།


ཕལ་ཆེར       ཕལ་ཆེར།

འདི་འདྲ་ཞིག་ཡིན་སྲིད་དེ།

རྨི་ལམ་རབ་རིབ་ལས་སད་དུས།

ང་རང་སྔར་བཞིན་ང་རང་ཡིན་སྲིད།

 

 
 
 
ནུབ་རླུང་ལྡང་ཁར།
[ 2016-8-19 14:26:33 | By: cjlmbk ]
 
 
 
           ནུབ་རླུང་ལྡང་ཁར།
                                      རྟོགས་སད་ལྷ་མོ།
ནུབ་རླུང་ལྡང་ཁར
རང་ཉིད་ལ་དབང་བའི་བདེ་སྐྱིད་དེ་རྙེད་དགོས
རྒྱ་མཚོའི་ཕ་རོལམ་ཡང་ན་རི་བོའི་རྩེ་མོ
མིག་གིས་མི་ཆོད་པའི་རྒྱང་ཐག་གི་སྣེ་མོ་གང་དུ་ཡོད་ན
དེ་ནི་ཁྱོད་ལ་དབང་བའི་བདེ་སྐྱིད་ཡིན་ཏེ
ནུབ་རླུང་ལྡང་ཁར
བརྩེ་བའི་ཁོག་པ་དམར་ཧྲེང་དུ་ཕུད་རྗེས
ཇི་མི་སྙམ་པའི་ནམ་མཁའ་ལ་ཡིད་ཆེས་ཀྱི་གསོལ་རས་ཕྲན་བུ་ཞིག་ཞུ་དགོས
དེ་ནི་ཁྱོད་རང་མུ་མཐུད་མདུན་དུ་བསྐྱོད་པའི་བློ་སྤོབས་དེ་ལོས་ཡིན

ནུབ་རླུང་ལྡང་ཁར
རང་ཉིད་ལ་དབང་བའི་བདེ་སྐྱིད་དེ་རྙེད་དགོས
དུས་ཚོད་ཀྱི་བཞུར་རྒྱུནམ་ཡང་ན་ཚེ་སྲོག་གི་སྐྱེ་འཆི
སྐྱེ་བ་ནས་སྐྱེ་བ་ལའང་འགྲེལ་བཤད་མེད་པའི་མི་མངོན་པའི་དབྱིངས་དེ་ན
ཁྱོད་ལ་དབང་བའི་བདེ་སྐྱིད་ཡོད་དེ
ནུབ་རླུང་ལྡང་ཁར
བརྩེ་བའི་ཁོག་པ་དམར་ཧྲེང་དུ་ཕུད་རྗེས
ལས་དབང་ཁག་དཀྲི་ལ་དགའ་བའི་མི་ཡུལ་ནས་ཡིད་ཆེས་ཕྲ་བུ་ཞིག་སློང་དགོས
དེ་ནི་ཁྱོད་རང་གསོན་ཆོག་པའི་ལམ་བུ་ཁོ་ན་ཡིན།
 
 
 
 
མིང་མེད།
[ 2016-8-18 15:10:57 | By: cjlmbk ]
 

 

         མིང་མེད།

                    རྟོགས་སད་ལྷ་མོ།
ཐོབ་ཟིན་ཡང་ཆོག
ཤོར་ཟིན་ཡང་ཆོག
ཡིན་རྒྱུ་ནི་རྒྱུ་སྤུས་དག་པའི་མི་ཚེ་དེ་ཡིན་དགོས།

ནོར་ཡོད་ཀྱང་ཆོག
འགྲིག་ཡོད་ཀྱང་ཆོག
ཡིན་རྒྱུ་ནི་འགྱོད་པ་མེད་པའི་གདམ་ག་དེ་ཡིན་དགོས།

འཆི་ཟིན་ཡང་ཆོག
གསོན་ཡོད་ཀྱང་ཆོག
ཡིན་རྒྱུ་ནི་ལྷད་དང་བྲལ་བའི་དམ་བཅའ་དེ་ཡིན་དགོས།

༢༠༡༦/༠༢/༠༤ཐོ་རངས།
 
 
 
གཉིད་ལས་སད་དུས།
[ 2014-2-19 21:33:07 | By: cjlmbk ]
 
གཉིད་ལས་སད་དུས།
 
 
 
མཐོང་མི་ཐུབ་པའི་ངོ་རིས་དག
[ 2013-9-23 18:05:16 | By: cjlmbk ]
 
མཐོང་མི་ཐུབ་པའི་ངོ་རིས་དག
 
 
འབྲེལ་ཡོད་ནང་དོན་ 42 ཡོད།<<<1234567>>>

རྟོགས་སད་ལྷ་མོའི་གཞིས་ཁྱིམ།

 

སེམས་ཁམས་ལོ་ཐོ།
དཔྱད་བརྗོད་གསར་བ།
ཆེད་དོན་རིགས་དབྱེ།
ཟིན་ཐོ་གསར་བ།
སྐད་གསར་བཞག
འཚོལ་བཤེར།
ཟིན་བདག་ནང་འཇུག
མཛའ་འབྲེལ།
ཟིན་བྲིས་ཆ་འཕྲིན།
 
Powered by Oblog.