མཚོ་སྔོན་པོ་བོད་ཡིག་ཟིན་བྲིས། བོད ཟིན མཚོ་སྔོན་པོ ཟིན་རྩོམ། | པར་རིས། | མཁན་པོ། | ཁྱུ་མཆོག | ཟིན་ཚོམས།
ཐོ་འགོད། | ནང་འཇུག ཉར་ཚགས་བྱེད་པ།
སྒྲོན་མེ། 分享按钮
འབའ་སྲས་མོའི་བྲོ་གར།
 
སེམས་ཁམས་ལོ་ཐོ།
ཟིན་བདག་བརྡ་ཁྱབ།

ངའི་མིག་ལམ་ན་ཕོ་མཆོག་མོ་དམན

ཞེས་པའི་འགྲེལ་བཤད་ཚ་ལྷེ་བོ་དེ་མེད་ལ།

མོ་མཆོག་ཕོ་དམན་ཞེས་པའི་འཇོག་སྟངས་

བདེ་བོ་དེ་ཡང་མེད་དོ།

 

 

ཆེད་དོན་རིགས་དབྱེ།
ཟིན་བྲིས་གསར་བ།
དཔྱད་བརྗོད་གསར་བ།
སྐད་གསར་བཞག
འཚོལ་བཤེར།
མཛའ་འབྲེལ།
ཆ་འཕྲིན།
 
 
ཉམ་ཆུང་བུ་མོ་ང་ཡི་སེམས་བརྙན།
[ 2012-4-28 20:10:20 | By: TONGDE ]
 

                    

 

ཉམ་ཆུང་བུ་མོ་ང་ཡི་སེམས་བརྙན།

བུད་མེད་ཀྱི་བདེ་ཐང་སྐོར་ནས་གླེང་ན་བདེ་ཐང་ནི་ཕྱི་ལུས་ཀྱི་བདེ་ཐང་ཙམ་མ་ཡིན་པར་ནང་སེམས་ཀྱི་བདེ་ཐང་ལ་རག་ལས་ཡོད། བུད་མེད་ཅིག་ལ་མཚོན་ནས་བཤད་ན་ནམ་རྒྱུན་ནན་ཏན་གྱིས་རང་ཉིད་ལ་བདེ་བསྲུང་བྱེད་རྒྱུ་དེ་ཧ་ཅང་གལ་ཆེ་ལ་བཟའ་མི་གང་བོའི་བདེ་བསྲུང་ལའང་འགན་ལེན་དགོས། ཁ་དཔེ་ཡང་སེམས་བདེ་ན་ལུས་བདེ་ཟེར་བ་ལྟར་ང་ཚོར་སྤྲོ་སྐྱིད་ཀྱི་སེམས་ཁམས་ཤིག་དང་བདེ་ཐང་གི་ལུས་པོ་ཞིག་ཡོད་ན་ད་གཟོད་འཚོ་བར་དོན་སྙིང་ལྡན་པ་དང་མགོ་མཇུག་ཡོད་པ་བྱས་ཆོག

དེའི་ཕྱིར་བདག་གིས་ཀྱང་ཁོམ་མེད་ཀྱི་དུས་ཚོད་ཁྲོད་ནས་རང་ཉིད་བུད་མེད་ཅིག་ཡིན་པ་དང་དེའི་ནང་ནས་ཀྱང་བོད་ཀྱི་གསོ་རིག་གི་ཕྱོགས་ལ་སྦྱང་བ་ཅུང་ཙམ་རེ་ཡོད་པའི་ཐོག་ནས་རང་ཉིད་ཀྱིས་འཁྱོངས་ཚོད་དང་ནུས་ཚོད་ཀྱི་སྒོ་ནས་རང་དང་ཁ་ཐག་ཉེ་བའི་གྲོང་སྡེ་སྐོར་ཞིག་གི་ཉམ་ཆུང་བུད་མེད་ཚོར་ལུས་པོ་བདེ་ཐང་དང་གཙང་སྦྲ་འཕྲོད་བསྟེན་གྱི་སྐོར་ནས་གསལ་བཤད་ཐུང་ཐུང་རེ་བརྒྱབས་པའམ་ཡང་ན་གོ་བརྡ་ཉུང་ཉུང་རེ་སྤྲད་པ་ཡིན།

སྤྱིར་ཡིན་ན་རང་ཉིད་ཀྱིས་འཚོལ་བཞིན་པའི་ལམ་བུ་དང་སྙེག་བཞིན་པའི་མདུན་ལམ་ཁྲོད་ནས་རོང་འབྲོག་

ས་གནས་ཁ་ཤས་སུ་བུད་མེད་ཀྱི་འཕྲོད་བསྟེན་ཞན་པ་སོགས་ཀྱིས་བསྐྱེད་པའི་འགོས་ནད་མང་པོ་ཡོང་གིན་ཡོད་པ་དག་ལ་དམིགས་ནས་བུད་མེད་བདེ་ཐང་མཛུབ་སྟོན་སྐོར་ནས་ཚོགས་པ་ཆུང་ཆུང་ཞིག་བསྒྲུབ་པའི་འཆར་གཞི་སྔར་ནས་སེམས་སུ་ཉལ་ཡོད་ན་ཡང་།   ཁོར་ཡུག་གི་སྟོང་ཆ་དང་རྒྱབས་ཁེན་གྱི་རྨང་གཞི་ཞན་པའི་སྟོབས་ཀྱིས་བྱ་བ་ཞིག་བསྒྲུབ་བསམ་ཡང་རོགས་སྐྱོར་དང་རྒྱབས་དཔུང་ཞན་སྟབས་ས་གནས་མང་ཚོགས་དང་ཁ་ཐག་ཉེ་བའི་བྱ་བ་མང་པོ་ཞིག་བསྒྲུབ་ཐུབ་མ་སོང་།  ཡིན་ན་ཡང་རང་ཉིད་སྒྱིད་ལུག་དང་བག་འཁུམ་གྱི་གཡང་ལ་མ་སྐྲག་པར་རང་གི་ཉེ་འཁོར་གྱི་གྲོང་སྡེ་ཁ་ཤས་ཀྱི་བུད་མེད་སྐོར་ཞིག་ལ་འཕྲོད་བསྟེན་སྐོར་ནས་མཛུབ་སྟོན་རེ་གནང་བ་གཤམ་གསལ་ལྟར།

             

 

             ངའི་དམིགས་ཡུལ་ཉག་གཅིག

དེང་སང་ཐམས་ཅད་ཀྱིས་མི་རིགས་འདྲ་མཉམ་དང་། སྐད་རིགས་འདྲ་མཉམ། ཕོ་མོ་འདྲ་མཉམ་ཞེས་བཤད་ཀྱང་ཕྱོགས་གང་ཐད་ནས་བོད་རིགས་བུད་མེད་ཡིག་རྨོངས་བ་དེ་ཚོ་ནུས་མེད་ཤུགས་ཞན་ཡིན་པ་མིག་མཐོང་ལག་ཟིན་དང་བདེན་དོན་དངོས་མཇལ་ཡིན་པ་སུས་ཀྱང་ཤེས་ཚོད་རེད། དེ་ལ་དམིགས་ནས་ད་སྐབས་དམངས་ཁྲོད་ཀྱི་འཚོ་བའི་ཆ་རྐྱེན་ཁྲོད་དུ་ཆེས་ཉེན་ཁ་ཅན་གྱི་མོ་ནད་དང་འགོས་ནད་སྣ་མང་འོག་ནས་དོན་རྐྱེན་ཡ་ང་བ་འབྱུང་དང་འབྱུང་བཞིན་ཡོད།

མ་ཟད་དོན་རྐྱེན་དེའི་འགགས་སྒོ་ནས་ཐར་མ་ཐུབ་པར་རྣམ་ཤེས་བེམ་པོ་དང་བྲལ་ནས་འགལ་རྐྱེན་གནམ་ལྕགས་ལྟ་བུ།

ཡངས་བའི་རྩྭ་ཐང་དང་།  མཐོ་བའི་རི་རྒྱུད། འཁྱགས་པའི་གངས་འདབས་དང་། དམའ་བའི་མཚོ་ཁུག་བརྒྱུད་ནས་ཁྱིམ་དྲོན་མོ་ཞིག་གི་ཕང་བར་ལྷུང་སྟེ་འཇིག་རྟེན་བླ་འོག་བརྗེ་པའི་འཇིགས་སྣང་དང་སྐྱོ་སྣང་གིས་མནར་གཅོད་བྱས་པ་དེ་ནི་ང་ཚོ་བུད་མེད་ཚོའི་ལས་སྟེང་དུ་ཕོགས་པའི་ཐར་དཀའ་བའི་དུག་མདའ་དང་འདྲ་བའི་མོ་ནད་སྣ་ཚོགས་དེ་རེད།

ང་ཚོའི་རོང་འབྲོག་གི་ཡུལ་མི་རྣམས་ཀྱིས་འདི་ནི་ལས་དབང་གི་བགོས་སྐད་ཅིག་ཡིན་པར་སེམས་ནས་ངུ་ངག་གི་འོ་དོད་འདོན་པ་ཙམ་ལས་བྱ་ཐབས་ཅི་ཡང་མེད་པའི་ལྟ་ཚུལ་ལྕགས་སྒྲོག་ལྟ་བུ་དེ་རང་སར་གྲོལ་ཆེད།

གཡུ་ཐོག་ཡོན་ཏན་མགོན་པོའི་ཐུགས་རྒྱུད་ཀྱི་སྙིང་རྗེ་རང་རྒྱུད་དུ་ཅུང་ཙམ་འཕོས་པའི་སྨན་ཕྲུག་ཆུང་ཆུང་གངས་རྒྱན་ཟེའུ་འབྲུ་ཙམ་ང་ཡིས།   ལུས་ངག་ཡིད་གསུམ་བྱམས་བརྩེའི་གནས་སུ་ཉར་ཏེ་ང་ཚོ་བུད་མེད་ཀྱི་ལུས་པོ་བདེ་ཐང་གི་ཆེད་དུ་རི་ཆུ་ལུང་གསུམ་བརྒལ་ཏེ་ཁྱིམ་ཚང་རེ་རེར་མྱུལ་ནས་འཚོ་བའི་འཕྲོད་བསྟེན་དང་། འགོས་ནས་སྔོན་འགོགས།   མོ་ནད་སློང་རྐྱེན་ཕྱོགས་ལ་ཅི་ལྟར་གཟབ་གཟབ་བྱེད་དགོས་པའི་བསླབ་བྱ་བཏང་དེ། ཉམ་ཆུང་བུད་མེད་ཚོ་བདེ་སྐྱིད་ཀྱི་ལམ་དུ་འཁྲིད་འདོད་པའི་སེམས་ཀྱི་ས་བོན་རྡོག་པོ་དེ་རང་གི་རེ་བའི་ཞིང་ས་སྟེ་ཉམ་ཆུང་བུད་མེད་ཚོའི་ལུས་སྟེང་དུ་གཏོར་འདོད་ཀྱི་འདུན་པ་འགོག་ཐབས་མེད་པ་འདི་ལ་ཁྱེད་རྒྱ་ཆེ་བའི་མང་ཚོགས་རྣམས་པ་དང་ཡུལ་མི་རྣམས་ཀྱིས་རྒྱབས་སྐྱོར་དང་ཐུགས་ཁུར་རེ་གནང་རྒྱུ་ཉམ་ཆུང་བུ་མོ་ངའི་རེ་བ་ཉག་གཅིག་ཡིན།

                                           འཕགས་མོ་སྒྲོལ་མས།

                                               2009   3  17

                                          

 

 
རྩོམ་ཡོངས་ཀློག་པ།(2200) | ལན་སློག(19)
 
གནད་ཚིག:???????? ????????? ????????????????????????
འབྲེལ་ཡོད་ནང་དོན་ 19 ཡོད།<<<12>>>
RE:ཉམ་ཆུང་བུ་མོ་ང་ཡི་སེམས་བརྙན།
[ 2012-5-6 0:05:38 | By: gmpq ]
 
བཀླགས་ནས་བུད་སོང་།         རྗེས་ཕྱོགས་སུ་ཡོང་ངེས་ཡིན།  འཕགས་ཆེན་ནས།
 
 
RE:ཉམ་ཆུང་བུ་མོ་ང་ཡི་སེམས་བརྙན།
[ 2012-5-7 20:41:36 | By: sangjieka ]
 
བུ་མོ་འདི་ཚེ་རིང་བའི་ཁ་གཡང་འབོད།
 
 
RE:ཉམ་ཆུང་བུ་མོ་ང་ཡི་སེམས་བརྙན།
[ 2012-5-23 17:31:52 | By: arrow ]
 
གནས་ལུགས་དང་ཆེས་ཉེ་ཞིང་ཕུག་རྒྱང་རིང་བའི་ཁྱེད་ཀྱི་བསམ་བློར་གུས་འདུད་ཞུ། རྨ་དུག་ལྕེས།
 
 
RE:ཉམ་ཆུང་བུ་མོ་ང་ཡི་སེམས་བརྙན།
[ 2012-6-18 21:07:41 | By: duodan996 ]
 
མུ་མཐུད་དུ་འབྲི་རོགས
 
 
RE:ཉམ་ཆུང་བུ་མོ་ང་ཡི་སེམས་བརྙན།
[ 2012-8-5 16:00:01 | By: pengde ]
 
ངར་བ་རེད་ངོ་མ་བཟང་གི   མུ་ནས་མུ་རུ།   ཕུན་མིང་བས།
 
 
RE:ཉམ་ཆུང་བུ་མོ་ང་ཡི་སེམས་བརྙན།
[ 2012-8-17 10:02:00 | By: sangkaer ]
 
བཟང་གི    རླབས་ཆེ་བའི་མ་ཡུམ་དག་གི་བདེ་ཐང་ལ་སེམས་ཁྲེལ་གནང་བ་ནི་དངོས་ཡི་རངས་བྱེད་འོས་ཞིག་རེད།   བཀའ་དྲིན་ཆེ།                                                          བསེ་སངས་མཁར་ནས།
 
 
RE:ཉམ་ཆུང་བུ་མོ་ང་ཡི་སེམས་བརྙན།
[ 2012-10-22 17:57:35 | By: keep ]
 
ཕོ་མཆོག་མོ་དམན་གི་ལྟ་བ་ནམ་ཡང་དོར་དགོས་ཁྱེད་གི་བྱ་སྤྱོད་ལ་ནམ་ཡང་རྒྱབ་སྐྱོར་ཡོད།
 
 
RE:ཉམ་ཆུང་བུ་མོ་ང་ཡི་སེམས་བརྙན།
[ 2013-3-16 19:17:54 | By: girl ]
 
དངོས་ནས་བྱ་བ་ལེགས་པོ་རེད། འབའ་བུ་མོ་ངས་བཀའ་དྲིན་ཞུ་འདོད། རང་ཡུལ་ལ་དངོས་ནས་འདི་ལྟ་བའི་བྱ་བ་མཁོ།
 
 
RE:ཉམ་ཆུང་བུ་མོ་ང་ཡི་སེམས་བརྙན།
[ 2014-1-16 23:52:07 | By: gongqu ]
 
ཡག་པོ་རེད་བསམ་བྱུང་།
 
 
粗体 斜体 下划线 插入引用 插入表情
བཟོ་མཁན། ལྡོང་བླ།
Powered by Oblog.